You Cannot Download this book untill you login but you can read it .

---

Login Register

tayi mamakin Talatu yanda take wani Magana a hankali da lumana,tace Khairat ba wani Abu ne ya kawo Ni ba face Hanyar arziki da Zan Miki,me zai Hana kibi Hajiya Abu zuwa Abuja Zaki samu aikatau Yan share share da kula da Yara a gidan Attajirai Kuma suna biyan kudi me tsoka ko ya kika gani?
Baki Khairat ta tabe tace me yasa Baki tura Zainab ko Rahinatu ba ai kinfi sonsu a kaina sannan kinfi son ci gabansu Dani.

Baki bude Talatu tace ai gani nayi kinfi Zainab da Rahinatu nutsuwa da hankali,gaki da hakuri Zaki jure ko wanne aiki,Khairat tunaninta baza ta sake ganin Hunaif ba kawai mayaudari ne,sannan idan ta zauna dasu Talatu tabbas sai ta koma Tallan magani,gwara ma taje aikin share sharenta ya fiye Mata,gashi ko banza zata zauna a Abuja capital city,Murmushi Khairat tayi tace na Amince yaushe Abu zata koma Zan bita,Farin ciki ya Kama Talatu zatayi kudi taje Makkah itama a Fara kiranta da Hajiya Talatu.
Da sauri tace gobe goben Nan Zata tafi sai ku tafi kawai ki shirya kayanki.

tun dare Khairat ta Gama shirinta tsaf da Sanyin safiya Abu tazo tace Khairat ta fito Su tafi,Zainab,Rahinatu da Talatu dariyar mugunta kawai suke wa Khairat,Kawu ma tunda yaji kudi za a samu yace Allah bada sa'a.

Khairat ansa Doguwar Riga dark blue and white cikin kayan da Hunaif ya siya Mata masu kyau da tsada Allah sarki sai Murna Khairat takeyi Bata san Karuwanci za a kaita ba.
Tasha suka je Khairat da katuwar wayarta da Dan ragowar kudinta dubu biyar tasa a jaka,Abu ta kalleta kawai tana dariyar mugunta a ranta,Khairat anyi tsuru a mota Ana kallon Hanya a zuciyarta Kuma in Banda tunanin Hunaif ba abinda take yi, har sukayi nisa tafiya ake ba tsayawa Ana zarara gudu.

Wani nishadi Khairat takeyi Bata taba tafiya me nisa ba sai yau, har Waka Khairat take rerawa sabo da Jin dadin hanya tafiya mabudin Ilmi duk ta takurawa mutane a motar tana Danna waya tana wakarta Kuma ba a hankali ba,akwai wata Yar sanda a motar a dauketa zata koma wajen Aiki a Abuja take aiki Masifaffiya ce ta kalli Khairat da katuwar Muryarta tace Dan Allah yarinya ki Mana Shuru kin hana mu sakewa,sauri muke zamu koma aikinmu ke Kuma kin addabi mutane da wake wake a Haka kamar Yar birni,Khairat ta kalli Yar sanda tace yo Kya fada Mana aikin yi,tunda sauri kike wa yace ki fito yanzu ai da Asuba Zaki fito shine Zaki nuna kin San darajar aikinki, Dan kina Yar sanda sai kice baza muyi abinda muke so ba.

Yar sanda ta Fara masifa kaga yarinya marar mutunci,da Alama Yar kwaya ce ki kalli Uniform ne jikina zanyi maganinki,Khairat tayi banza da ita ta canja salon wakarta ma yi take ba ji ba gani,Haka Yar Sanda ta hakura ta kyaleta,Driver Kuma dama Dan Gulf ne kawai ya kunna wakar Yan Wiwi Khairat ta iya da yawa,Driver har dukan sitiyari yake sabo da dadin wakarsa da yake ji shi da Khairat sun takurawa kowa ita kanta Abu yau tasan Khairat data dakko za a Sha fama da ita.

Sun Shiga garin Abuja Wani katafaren gida taxi ta tsaya gidan ya Hadu katon gaske part-part ne fadin tsaruwar gidan Bata Baki ne,Khairat Yar kauye ta koma tana kalle kalle,sai da suka Shiga gidan Khairat tun daga bakin gate taga motoci wannan tana wane wannan da Alama tunanin Khairat gidan siyar da motocine Amma sai taga Yan Mata tsala tsala cikin Shiga kusan tsirara suna Fitowa ko wacce tana Hawa motarta suna fita,akwai Wanda Kuma Alhazawa ke saukesu.
Khairat tun tana yin Shuru ta gaji da gani tace Abu wannan Amma gidan yawa ne Naga mutane Kuma kamar Yan bariki, Abu ta kalleta kawai tayi Murmushi tace Family House ne.

Me gadi ne ya musu Iso har babban Palon Uwar Karuwai Hajiya Baturiya,Palon ma Yan Mata ne da Shiga tsaraici a waje,Shekeke suke kallon Khairat da Abu,wasu cikinsu har toshe hanci sukeyi,Hajiya Baturiya ta sakko daga sama cikin Shiga ta Alfarma,Dattijuwa ce ta Gama kwarzane fatarta da Mai farin har yayi yawa ba kyan gani,tattijuwa da ita Amma Tasha kitson attach ta Dame sosai tana faman tauna chewgum Fuskarta kwayar kwarjinin musulunci Babu ko digo.

Zama tayi saman kujera ta Kalli Hajiya Abu sannan tace da Yan Matan dake palonta suna ta faman dannan waya tace ku bani waje,ficewa sukayi Baki daya,Abu tace Hajiya ga wata maaikaciyar na kawo Miki,wannan da kike gani sai kin Sha fama Bata iya komai ba,Murmushi Baturiya tayi tace gaskiya tunda ake kawo min Maaikata ba a taba kawo me kyan wannan ba gata yarinya sannan duk gidan Nan Babu wacce ta Kama kafarta a kyau da cikar zati,Fara Kuma natural wow gaskiya Abu kin kawo min hanya Babba kudin Sallamarki dubu dari Zan Baki cash,Abu tayi guda ayyiriri nanaye tace na gode Hajiya ai yarinyar akwai Shiga Rai mata da maza kaunar ta zasuyi.
Khairat tana zaune ta kasa gane me suke nufi da maganganunsu,rafar Yan dubu ta mikawa Hajiya Abu,sannan ta kawo dubu Talatin tace ki kaiwa uwar yarinyar,Yarinyar Dole tayi tsada Mata da maza zasu so ta cewar Baturiya a zuciyarta.

Hajiya Abu da murna tayiwa Khairat sallama tace ta tafi gida sannan ta bawa Baturiya Accnt number din Zainab Wanda za a dinga turawa Talatu kasonta duk wata,tace dubu Talatin din Nan ma gashi Hajiya ki tura musu kawai ta accnt din Zainab yayar Khairat ce,Nan take Hajiya Baturiya tayi transfer Yana Shiga Hajiya Abu Nan take ta Kira Talatu da Zainab suna ta ihun murna kudi sun Shiga,sannan Abu ta tafi abinta ya rage daga Hajiya Baturiya sai Khairat wacce tayi mutuwar zaune ta kasa gane me suke nufi da ita,Fuska Khairat ta kwabe zata saka kuka,Hajiya Baturiya tace No..no..Kar kiji tsoro fa ba abinda za muyi Miki ba cutar dake zamuyi ba,ki saki jikinki,Khairat tace wlh indai kuka min abinda zai cutar Dani na gane sai na Kone gidan Nan Baki daya,Talatu ta zaro Ido waje tace Kone mu zakiyi? Khairat tace da gudu ma kuwa.

Sama taja Khairat suka tafi,nanfa Baturiya tasa aka kawowa Khairat lafiyayyun abinci taci ta koshi Tasha ruwa da lemo,bacci ya kwashe ta a nan,.
Washe gari da safe da wuri Khairat ta farka tayi Alwala da sallah cikin dakin da aka Bata a matsayin nata ne,Sabo da Hajiya tana son samun kudi da Khairat sai ta Bata daki kusa da nata Wanda ko part Bata hadawa da sauran Yaran nata sai Khairat.
Da Asuba Khairat ta Ware Murya tana rera Karatun Qurani ka rantse a radio aka kunna,Hajiya kasa bacci tayi Khairat ta dameta,har dakin Khairat tazo tace Dan Allah ki rage Murya Mana wanne iskanci ne wannan kin hanani bacci,a Nan gidan ba a wannan karatun,Hajiya ai sai kice ku arna ne ba Wai kizo kina min tsawa ba cewar Khairat,Baki bude Hajiya take kallon Khairat, Khairat tace kiyi hakuri Hajiya na manta Ashe Baku da addini gidan Maguzawa ne na kiraki da Christain, duk yaranta Babu wacce ke iya Kallon ta ma bare ya iya Mata musu sai Khairat ma bakaken magana take fada mata.
Hajiya tace ke karki yi tunanin Wai ke wata ce da har Zaki fada min bakar magana wlh zanyi maganinki Naga waye ubanki a kasar nan,bani da mutunci ki kiyayeni Ina da Marasa mutuncin da Zan turo su Gyara min ke.

Qur'ani Khairat ta rufe tare da ajiyewa gefe tace Hajiya kija mutuncinki Ina girmamaki ne a matsayin ke Babba ce,Marasa mutuncin naki ki turo su mana ai Ni irinsu nake nema, bana son zaman lfy Ni Nan da kika ganni,abin ya ba Hajiya mamaki Wai duk rashin kunyar da yarinyar tayi Mata Ashe Nan girmamata tayi,Ashe za ayita cewar Hajiya tace to mu zuba, ta fita sai kitchen tace Kar a sake a bawa sabuwar bakuwarta ko ruwa.
Khairat Misalin 11am yunwa ta Fara damunta ta fito tana neman Hajiya ta ganta a Palo,tace Hajiya Ina kwana ko kallonta Baturiya batayi ba,Khairat tace Hajiya a nuna min aikin da Zan Miki su goge goge da share share me zanyi a ciki? Dariya Hajiya tayi da wasu Yan Matan Dan sun San aikin Khairat,Hajiya tace jeki huta sai zuwa dare Zaki ga aikinki.
Khairat tace to yunwa fa nake ji ya kamata a bani naci na koshi Zan Fi Jin karfin aikin, Nayi me kyau,Hajiya Baturiya tayi Murmushin mugunta tace ai Nan gidan kowa ci da kansa yakeyi,idan kina da kudi ki kawo a siyar Miki da binci plate daya dubu biyu,Ido Khairat ta zaro Ni da Zan Miki aiki Kuma Ni Zan siyi Abinci?.
Hajiya tace ga Yan Mata Nan tambayesu kiji komai a gidan Nan na kudi ne,ai ko sai Khairat taga Yan Mata suna ta bada kudin Abinci idan kin biya kudi sai ki Fadi me kike so Sai Hajiya tasa Yan aikin Abinci su dafa Miki a Baki.

Khairat tace ban fa gane ba Hajiya ya kuke rayuwa kamar ba bil'adama ba? Baturiya ta kalli Khairat kawai ta dauke Kai,Wata budurwa Yar kwallisa tace in Zaki kawo kudin Abinci yarinya ki kawo ba a aikin banza a nan Yar kauye kawai,jahilar Ina ce ke baza ki gane ba,ko iyayen naki Basu sanar Miki me ya kawoki Nan ba? Khairat tace Ni Marainiya ce ku taimaka min,Yar budurwar tace wannan jaka ce gaba daya Bata ganewa, Khairat tace nice Jakar? Ae da mece ai ke kinfi jaka jakanci ma,Tasss kake ji Khairat ta kwashe Yar budurwa me ji da kanta da mari tare da cin kwalarta ta makata da bango ta shaketa Kam.

Hajiya Baturiya ta fara tafi raf raf...tace Wannan kin dace da gidan Nan wlh irin wacce nake nema ce.
Nan take Hajiya tace a bawa Khairat abinda takeso taci kyauta,me aiki ta tambayi Khairat me za a kawo Miki,Khairat tace soyayyen kwai,chips,bread,shayi hadin kauri.
5mnt aka kawowa Khairat taci ta koshi tace Kwan da aka soya yayi kadan ta shige kitchen da kanta ta soya kwai wani me Fadi fakaka ta karo bread taci abinta ta tafi dakinta tayi wanka,Hajiya ta fito tace Khairat tazo zasu je Shopping,Kamar me Hada Lefe haka Hajiya ta hadowa Khairat kaya na gani na fada readymade ba abinda Babu ga kayan kwalliya,wasu Kuma laces,atamfofi da shadda masu tsada suka tsaya aka bada dinki.

Tunda Khairat tazo gidan ba a Zama lfy da ita kullum sai anyi fada da ita,cikin kwana Uku kacal ta buwayi kowa sabo da Babu wacce ta Isa ko kallon banza tayi mata sai ta Rama Har Hajiya Baturiya tasan Khairat ta Gama sabawa da masifa da rashin son Zaman lfy ga karfi, Amma Kuma duk yawancin Karuwan gidan daga kauye suke Khairat kuwa daga birni take idonta a bude Kar yake,Dan ma yarinyace shi yasa wani abin Dole ake Mata wayo.
Bayan kwana Uku Hajiya Baturiya da kanta ta karbowa Khairat kayan sawarta wurin tela,Murna Khairat take kamar me,tunaninta a banza aka siya Mata Kaya kamar lefe komai akwai har akwati Uku,ga gyaran jiki kullum yanzu Sai Hajiya Baturiya ta kaita kamar Amarya,Gashinta yasha gyara,skin dinta kamar daga engine aka fito da ita,sai kamshi take ta ko Ina,Nan fa Yan Matan gidan suka Fara kishi da Khairat sun San zata kwace musu Customers.

Khairat Kuma ta Fara zargin ba sanaar arziki akeyi a gidan Hajiya Baturiya ba,da dare sai taga Yan Matan gaba daya suna ta fita a motoci wasu Kuma Ana zuwa daukansu manyan masu kudi,duk kusan basa kwana a gidan,wasu ma idan suka tafi basa dawowa sai Bayan 1wk,Sannan ko wacce ta dawo zata kawowa Hajiya Baturiya naka kason makudan kudaden,ga maza Alhazawa suna sintiri a gidan Nan ma suna bawa Hajiya kudi,sannan kullum ba a zaman lfy a gidan Yan Matan fada sukeyi harda wukake da kwalabe kamar zasu kashe kansu,ga shaye shaye na kayan maye.

Hajiya Baturiya tunaninta Khairat Bata da wayo Bata San Khairat tayi sanaar tallan maganin gargajiya ba har da maganin Mata,sai ta kawowa Khairat maganin tsumi na Mata Wanda zai sa Khairat Sha'awa da son maza tace ta shanye,tana fita sai Khairat ta juyeshi a toilet ta Kora ruwa ya tafi,sai ta koma tace gaskiya Hajiya maganin Nan da Zaki a Kara min, Hajiya Baturiya sai Dadi take ji tana bawa Khairat tana zubarwa ita Kuma.

Yau Kuma Saturday Hajiya Baturiya sun Gama Magana da wani Senator yau akwai budurwa sabuwa dal me tsada zata tayashi kwana su Sha weekend me Dadi da Khairat,Hajiya Baturiya tace yarinyar me tsada ce Haka Senator ya biya Hajiya makudan kudade yace yaronsa zaizo ya dakko Masa Khairat zuwa Katafaren Hotel din da zaiyi weekend.
Da dare misalin 9pm Hajiya tace Khairat taso maza ga me kwalliya tazo Zaki fita aikinki yau zai Fara,Khairat Ita dai wanka tayi kawai ta Gama gane nufin Hajiya Baturiya,me kwalliya tazo ta shirya Khairat kamar zataje gasar sarauniyar Kyau,wata Gown me Masifar kyau aka sa Khairat tasa,kowa ya ganta sai yaji kamar ya hadiyeta gashin Nan yasha gyara,ga takalmi me tsinin gaske da Yar pose hadaddiyar gaske,su kansu Yan Matan gidan sakin Baki suka yi suna kallon Khairat.

Yaron Senator Yana gidan Yana jiran Khairat,Har mota Hajiya ta raka Khairat ta Shiga arniyar motar yaron yaja Khairat sai Hotel,a hanya Khairat tace ya tsaya zata siyi paracetamol a chemist,Wani katafaren Chemist Khairat ta Shiga,duk Wanda yaga Khairat sai ya rantse ko jini Bata hada da musulmi ba,a sirri ta siyi Magunguna wurin me Chemist ko na mene oho Sannan ta fito ta Shiga motar suka tafi Hotel.








AsmaBaffa
[10/18, 2:50 PM] Sis Asma: 🦚🦚ME MAGANI🦚🦚








26-30






Official








By
AsmaBaffa









INNARO,INDON BIRNI,and MAMAN SAMHA. Ga page naku Ina ganin Sharhinku na gode.


Fans zaku ga kwana biyu bana muku reply ban samu time bane, ayi min Afwa fans







Katafaren Hotel din suka tsaya,yaron Senator sai wani yabon Khairat yake, Yana wlh kin Hadu Hajiya,irinki Ogana yake nema,komai yaji Har Room din Alhaji Senator ya raka Khairat yace Hajiya asha weekend Lfy a fito lfy,bana dake Alhaji zai tafi aikin Hajji.
Khairat ta Shiga daki sai taga shirgegen Alhaji yaci kudin talakawa ya koshi Yana kwance saman makeken bed Yana kallon News,Tsoro ya Gama Kama Khairat sai karkarwa takeyi,Alhaji ya saki Salati yace Baturiya Bata taba hadani da irin wacce nake mafarkin samu ba irinki,ki saki jikinki Maganar Kudine kin samu an Gama,ko me kike so Zan Miki a duniya ,Fadi me kike so Yan Mata,gida? Mota? Ko kudi Fadi million nawa? Dabara ta fadowa Khairat tace jikina yafi karfin a siya ko ba sisinka Zan baka.

Alhaji ya washe Baki yace Amma kina da aji Yan Mata sai kin Fi cin kudina wlh,Khairat ta zauna gefen bed ta tsiyayi lemon data ga Yana Sha ta kurba tace je kayi wanka so nake nayi bacci da wuri.

Alhaji ya Gama susucewa ya rude yace nasan Baki sunana ba,nine senator Mudassiru,Khairat tace Mashaallah Ka ganka kuwa kamar yaro Dan 35yrs,Dadi ya Kama Alhaji Mudassiru shi Bai yarda ba yaro ne gashi tsofai tsofai dashi.
Yana Shiga wanka Khairat ta zaro maganinta ta zuba a lemon Alhaji Mudassiru ya narke,Bayan ya fito daga Wanka ta Mika Masa yasha lemonsa suna Hira tana ta zugashi Tane kiransa da Baby,Sai bacci ya kama Alhaji ya kwanta sai munshari kwarrrrr kwarrrrr kamar Ana Jan rago za a kaishi kasuwa,Yar karamar wuka Khairat ta zaro ta samu kirjin Alhaji kamar ta samu Kwaryar Yan fulani Haka ta Zane kirjin Alhaji tatas jini na tsatstsafowa a wajen ba kyan gani, ta Haye Saman bed ta dauko Reza sabuwa ta samu gashin Alhaji da yasha gyara da aski me kyau ta zauna ta askeshi tas tayi masa kwal kwal sannan ta bar Masa wata Suma a tsakiyar kansa tayi wani toluwa kamar askin yaran Fulanin daji,kowa yaga Alhaji sai yasha dariya, kwashe kayan sawarsa tayi ta cire Masa ATM card da kudi etc ta ajiye a gefen bed ta zuba kayan sawar Alhaji a bakar Leda sannan ta rubutawa Alhaji short note a paper kamar Haka: Dattijon banza nafi karfinka,Ni ba Fasika bace,jikina yafi karfinka,in kana da duniya baza ka samu budurcina ba,Allah ya shiryeka da masu Hali irin naka, ta ajiye Masa gefensa tayi waje tare da barin Hotel din.

Taxi ta Shiga ta koma Gidan Hajiya Baturiya,Hajiya tayi mamakin ganin Khairat ta dawo,tace Lfy na ganki shi da yace weekend zakuyi tare,Khairat tace Kira ya samu na gaggawa zasu je Dubai meeting da shugaban kasa, Number dinsa Hajiya Baturiya ta Kira yafi sau goma Alhaji Yana can yana baccin maganin Khairat data Sa Masa da tsagaggen Kirjinsa.
Khairat ta Kalli Hajiya tace ai na fada Miki baza ki sameshi ba,Hajiya tace ya Alhaji zai min Haka,Amma Bari zai sameni gobe akwai wani Danmajalisa Already ya biya kudinsa ma wajensa Zaki tafi gobe, Khairat tace Allah ya kaimu,Kinga kayan Alhajin ma nace Dole sai ya bani sheda na kawo Miki kar kice ko karya nake Miki banje ba,Hajiya ta karba tace tabbas kayansa ne,na yarda dake Khairat,Amma Banda Shirmenki ya Zaki sa Alhaji Dole sai ya Baki kayansa,Khairat ta turo bakinta kadan tace ai sabo da Zaki Fi yarda Dani ba Wai naci amanarki bane ko?

Farin ciki ya Kama Hajiya tace Haka nake son mutum me gaskiya da Amana,jeki ki karbi Abinci abinda ranki yake so kici kyauta,Khairat ta tafi a ranta tana yawwa saura na gobe Kuma zanyi maganinki.
Khairat ta Gama shiryawa su Talatu Mugunta tunda ta gano cewar Karuwanci suka kawo ta,Sai cikin dare ta dauki waya ta Kira Number Zainab,Zainab tana dagawa Suka gaisa da Khairat tace Dan Allah bawa Ummanki waya,Talatu tana kusa Jin Khairat ce tace Alo...Alo Kharait tawa Talatu ce mene ne Khairat wani abin Alheri ne ya samu? Khairat tayi Murmushi tace Umma ki fadawa Kawu Allah ya kiraku bana,Talatu tace Allah ya Kira mu Ina Khairat? Umma Ashe Kiran da Allah ya muku da wuri zai tabbata, Nifa ban gane ba cewar Talatu, Khairat ta Furta Makkah fa nake nufi Umma Allah ya kiraku bana,wani mashahurin me kudi ne ya bani Kujerar Makkah guda uku shine nace na baki daya na bawa Kawu guda Daya kawai kuje kuyi International passport Zan zo mu tafi tare mu uku.

Haukacewa Talatu tayi da ihu da murna ta gigice,da gudu ta fada Dakin Kawu tana bashi labari,ya fara murna,su Zainab Nan suka Kara Kiran Khairat tana dagawa Zainab tace Hajiya Khairat Dan Allah Nan gaba ko Umrah ce muma ki samo Mana kujerar Makkah ko ni da Rahinatu ce muje Makkah muma, Khairat tace karki damu Ni nake sa Alhazawa masu kudi damun Kujerar Makkah wajena ba komai bace,Allahu Akbar mashaallahu cewar Zainab.
Suna Gama waya Khairat ta dinga sheka dariya a dakinta,Hajiya Baturiya ta samu a bedroom tace Hajiya Dan Allah ki ranta min dubu Hamsin kiyi min transfer ta accnt Dina kafin zuwa gobe Inshallah idan naje wajen Alhajin da Zaki hadani dashi Zan biyaki, Hajiya Baturiya Dadi ya kamata Khairat ta dauki Darasi zata Fara samun kudi da ita,sabo da Khairat taji dadin Yi Mata aiki sai tace tsakanina dake yanzu babu Rance Zan Baki kyauta ma,burina kawai ki taimaka ki Nemo mana kudi masu yawa yanda kike me kyau Haka Babu Wanda bazai so ki ba,kin ganki kuwa Khairat,ko Na hada ki da Mata ne masu bukatar irinki Nan ma mu samu kudi?

Khairat a ranta ta dinga tsinewa Hali irin na Hajiya Baturiya a fili Kuma tace Ina so Hajiyata ai Ni duk inda kika ce Haka za ayi,Hajiya tayi dariya tace an Gama yata,nan take Baturiya tayiwa Khairat Transfer,Khairat tana ganin Alert itama sai tayiwa Zainab transfer ta kirata a waya tace kudin International passport ne ki bawa Kawu da Talatu suje suyi Passport kwana Nan zasu tafi,Nan suka Kara tabbatarwa Khairat abin nata da gaske ne,murna ba a magana Kawu harda kukan murna.

Alhaji Mudassiru kuwa Yana farkawa daga baccin kwayar da Khairat ta Sa Masa a lemo ihu ya saki ganin Kirjinsa a tsatsage ko Ina jini ya dankare har ya fara bushewa,Bai Gama firgita ba sai da ya shafa kansa yaji wayam sai toliyar gashi a tsakiyar kansa,a fili ya Furta na tabbatar yau Aljanna Hajiya ta hadani da ita,Nan take ya nemi wayar Hajiya Baturiya tana dagawa ya ci Mata mutunci yace kinzo kin hadani da Aljanna zata dauki raina,Hajiya na bashi Hakuri yace wlh Dan kina min abin arziki ne kadai yasa na daga Miki kafa Amma da wlh sai naga gatanki a kasar Nan,kamar Ni Senator ki kawo min yarinya Yar iska duk ta keta min kirji ta Mai dashi kamar atamfa ko yadi,yanzu da wanne idon Zan kalli yarana, da Kyar ya karbi tuban Hajiya Baturiya sannan ya Kira babban yaronsa ya kawo Masa kayan sawa da Shaver gashin data bar Masa a tsakiyar Kai ya Karasa askeshi,sannan yayi wanka tare da gasa Kirjinsa da ruwan zafi Yana kwala ihun zafi Toilet.

Hajiya Baturiya ta samu Khairat tace ke Dan ubanki me kika yiwa Senator Mudassiru? Khairat gabanta ya Fadi ta daure tace Ni ban sani ba yace min kawai Yana da Meeting zai tafi Dubai,Ni ban San abinda akayi Masa ba,Baturiya tace wlh kika sake na bincika na gano gaskiya wlh sai na sa an kusa halaka ki a gidan Nan,Khairat tace yo Ni kawai kyaga laifina ni ba ruwana, kwafa Hajiya taja tare da ficewa a fusace,Khairat taja tsaki tayi kwanciyarta tana tunanin Hunaif dinta.
Da wuri Talatu da Kawu suka je Office din Immigration aka musu Passport na tafiya aikin Hajji,suna ta murna ba ruwansu da tunanin Khairat ko kudin Bata hanyar Halak bane kawai su dai suje Makkah.

Ummi da Hunaif suna zaune lfy sai dai rayuwar Hunaif yanda ta canja kawai abin baya yiwa Ummi Dadi,kullum cikin kunci yake,Masu aiki a karkashinsa ma yanzu basa Jin dadinsa gaba daya ya canja ba mutunci ba ko Murmushi,frnds Dinsa baya muamula dasu sai kawai dai Musaf sai Farouq dake kula dashi sosai.
Ummi na zaune da yamma ta gama shiryawa Danta Abinci lafiyayye sai ga Musaf ya zo daga Kano,Ummi tana ganin Musaf yazo ranta ya baci Amma Bata nuna Masa ba suka gaisa yace Ummi Ina Hunaif? Yana samansa,yanzu kazo? Ina su Mama fa?suna Nan lfy sunce a gaida ki,jeka wajensa sai kuzo kuci abinci.
Part din Hunaif ya nufa,Yana zuwa ya iske Hunaif a palonsa Yana kallon News ya Kara wani azababben kyau da Yar kiba sabo da hutu, Mus'af bakin ciki ya kamashi ganin kullum Hunaif ci gaba yake Kara yi,Harara ya watsawa Hunaif ba tare da ya gani ba,suka tafa yace mutumina kyau kake karawa,Allah ya baka lfy dai ka warke, Hunaif yace Ameen Ni mamaki nake Musaf Wanda ta ya bana tuna abinda ya faru na last year sannan ba abinda zai faru yau gobe idan na tashi komai bazan tuna ba Musaf,yanzu kaga dai muna tare to Wlh gobe Ina tashi a bacci Zan manta komai, Farin ciki ya Kama Mus'af a fili Kuma ya nuna kalar tausayawa harda hawayen Kuka yace kayi Hakuri in Allah ya yarda zaka dawo Normal,naso ace Naga uban waye ya kadeka a mota ya gudu wlh da sai na daureshi har abada,Ni ban yarda da mutumin ba turoshi