You Cannot Download this book untill you login but you can read it .

---

Login Register

jawo Fatima a jiki, su fahimci juna ta yadda za ta kamu da son shi, sai gashi rana tsaka ana neman shi a gurin aikin shi ba tare da ya samu ya fahimci juna da Fatima ba.

Babbar matsalar shi shine na yadda zai tafi ba tare da ya tsaya yaji amsar shi a gurin Fatima ba, bai san wani lokaci aikin zai d’auke shi ba da zai sa ran dawowa don yaji amsar shi a gurin ta.

Wata zuciyar ce ke ce mai "kar ka damu tun da har ka fallasa mata Sirrin zuciyar ka, ko wani lokaci zaka d’auka tasan da zancen ka".

Da wannan k’arfin gwiwar ya samu ya tashi da niyyar zuwa gurin Momi dan ya fad’a mata maganar tafiyar shi.

San da ya shiga d’akin, samun ta yayi zaune akan gado tana pressing d’in waya.

Sallama yayi ya zauna awata round chair dake d’akin ya zauna.

Amsa masa tayi tana nazarin shi ganin bas u dad’e da rabuwa ba a falo.
‘ya akayi ne Faruk’ Momi ta tambaye shi.
Amsa mata yayi da cewa "Momi daman nazo in fad’a miki ne, gobe zan koma Abuja, yanzu aka kira ni akan wani aiki da za muje wani gari muyi, kuma ina daga cikin wanda za su jagoranci tafiyar".

Kallon shi tayi saboda lura da tayi kamar bai shirya tafiya a goben ba, kamar kuma akwai abin da ke damun shi.

"Allah ya taimaka ya ba ku sa’a akan aikin ku".

Cikin jin dad’in addu’ar Momi ya amsa da "amin Momi".

Shiru ne ya ratsa d’akin kamar ba wanda zai yi Magana a cikin su.

Momi ce ta katse shirun da cewa

"yanzu Faruk ya muke ciki game da maganar da nayi maka, kana nufin haka zaka tattara ka koma ba tare da ka tsayar min da kyakkyawan Magana ba"

"Momi insha Allah in na dawo za ki ji duk yanda ake ciki, yanzu komai zai zo da sauk’i dan na riga na fad’a ma ita yarinyar ina son ta, na so ta ba ni amsa, sai ga tafiya ta taso ba shiri, abin ma duk na gida ne ai Momi".

Cikin tuhuma Momi tace "wacece yarinyar?

Murmushi yayi kana yace "in na dawo daga tafiya zan fad’a miki wace yarinya ce".

Momi dad’i ne ya kama ta jin cewa ma yarinyar da yake so ‘yar gida ce duk da bai fad’a mata wace yarinya ba ce amma duk da haka taji dad’i.

Addu’a ta shiga jera mishi tare da mishi fatan nasara akan aikin shi.

Sallama ya mata ya koma side d’in shi yana ci gaba da tunanin masoyiyar shi.

Washe gari ko da yaya Faruk yayi sallama da su Momi, gidan su Fatima ya wuce dan ya musu sallama.

Ko da ya shiga main falo, bai samu kowa a ciki ba, wuce wa d’akin Ummu yayi, nan ma bai same ta ba.

Jin motsin ta yayi a kitchen yasa ya nufi kitchen d’in.

Fitowa tayi daga kitchen a lokacin shi kuma ya k’araso.

Yalwataccen murmushi ta sakar mai tana cewa

"Faruk ne! sannu da zuwa".

Shima cikin murmushi ya gaishe ta tare da tambayar Abbu ko yana nan.

Amsa mishi tayi da ya tafi gurin aiki.

"Ummu da ma nazo in muku sallama ne zan koma gurin aiki, jiya Oga na ya kira ni, akwai wani aiki da ya taso kuma har dani ake buk’ata".

"ikon Allah, tafiya ba shiri, to ubangiji Allah ya taimaka ya ba da sa’a".

Amsa mata yayi da

"Amin Ummu".

"Ummu Khalil na nan ne" ya tambaye ta.

"Ya tafi makaranta"

Ummu ta ba shi amsa.

Jim yayi kana yace "Fatima na nan ne?

"Ba ta nan, Khalil ya d’auke ta zai kai su inda suke yin computer training, ina jin ma ai sun biya ta gidan ku sun d’auki Anisa, daga nan zai wuce makaranta".

Har a ran shi bai ji dad’i ba da bai same ta ba, saboda yaso ya gan ta kafin ya tafi.

Ummu ce tace "ban san da tafiyar ka ba, da na maka dambun naman nan da kake so, ko yanzu ma ba za a rasa ba, bari in d’ebo maka ka tafi dashi".

"To Ummu, nagode, Allah ya saka da alkhairi".

"Miye abin godiya Faruk, kaima ai kana kyautata mana, ka ga dan mun maka ai ba laifi, Allah dai ya k’ara bud’a muku".

Amsa mata yayi da

"Amin Ummu".

Juyawa tayi ta koma kitchen dan ta d’ebo mishi danbun nama.

Yana jin dad'in yadda Ummu ke bashi kulawa kamar d’an ta.

Dawowa tayi d’auke da wani food flask a hannun ta wanda yake d’auke da dambun nama a ciki.

Mik’a mishi tayi tace ‘in kaje ka samu guri ka juye saboda kar ya lalace.

yayin da yayi ta jero mata godiya.
Sallama yayi mata ya kama hanyar zuwa Abuja.

Bayan na dawo ne, Ummuk ke fad’a min yaya Faruk yazo yin sallama saboda ana neman shi gurin aiki.

Dad’i ne ya kama ni ganin ba mu had’u dashi ba, dan har yanzu ban samo amsar da zan ba shi ba.

*MAKAUNIYAR SOYAYYA*💝💖💞

🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀


*STORY AND WRITTEN*


*BY*


*MARYAM AHMAD PAKI*




*🌈KAINUWA WRITERS ASSOCIATION*🤝🏽





*BAN MANTA DAKE BA*❤❤

*SHAK’UWA CE tasa ki ke raina my surukas (Sameena Aliyu) marubuciyar shak’uwa ce*

*Ina miki fatan alkhairi a duk inda kike*

*Dafatan za a ci gaba da amso mana primary & secondary data*.😝



_KINA RAINA_💝💝

_Mufida Mu’azu_ _(Marubuciyar Auren Dole)_
_Dearest friend, kamar yadda ba za ki manta ni ba, nima bazan manta dake ba_
_Har kullum muna tare ko ba novel_.
_Ina taya ki murnar kammala littafin ki mai suna Auren Dole_
_Allah yasa an amfana da darasin dake ciki, an yi watsi da akasin haka_
_Sai mun ji ki a sabon novel d’in ki_.



*My regard to you*🤝🏽

*Al-Mirah*

*Screen play of hausa film*.

*You are one of my fans, I appreciate it*.
*I dedicated this page to you*



*Sak’on fatan alkhairi gare ku*
💞💞

*Softie Deeja*

*Hajara Tijjani*

*Shatu Naseer*

*Ruky wada ce*

*Barrister Amal*

*Maryam Muhd*

*Classic lady*

*Zaihash*

*Fatima*

*Zeisha*

*Ummu Naeem*

*Ummu sulaiman*

*Ummie*

*Humairah*

*Hussainty*

*Da duk wanda ke cikin group d’in Mufy & Maryam A Paki fans*




*Question of the Day*

Yaushe ne k’uraishawa suka jaddada sabunta gina ka’aba? Sannan akan me suka samu sa’bani?





39&40

Mun ci gaba da zuwa islamiyyar mu da computer training d’in mu cikin jin dad’i saboda ba mu da wani lokaci na zama a gida.

Haka lokaci yaci gaba da tafiya inda kamar yau ne muka zana jarabawar SSCE, sai gashi Addmission a nan Kad Poly, sai dai ba course d’in computer science da na za’ba suka ba ni ba, sai suka canza suka bani Statistics, yayin da ita kuma Anisa suka ba ta course d’in da ta za’ba SLT (science & Laboratory technology).

Mun yi waya da k’awar mu Aisha, take ce min sun ba ta computer science.

Nan da nan muka je muka biya muka amshi acceptance letter, muka ci gaba da procedure na registration.

Bayan gama registration d’in mu ne muka fara attending d’in lectures.

Na yarda da aka ce rayuwar high institution rayuwa ce da za koyi darussa da dama, zaka had’u da na kirki da na banza, kowa da kalar rayuwar da yake gudanarwa ba tare da duka ko zagi ba, hakan yasa na kama kaina don guje wa irin bad groups d’in school.

Ganin duk wani lecturer in ya shigo class d’in mu yake tsoratar damu akan mu dage kasantuwar yadda course d’in mu yake da wuya, shi yasa na ba da k’aimi wajen karatu dan ban son samun matsala a karatuna.



_ABUJA_

Tun tawowar yaya Faruk bai zauna ba kasantuwar shirye shiryen tafiyar da za suyi zuwa garin Adamawa.

Zaune yake akan three sitter, yana sanya da singlet d’in sojoji da short nicker na sojoji a jikin shi.
Kayan sun matuk’ar yi masa kyau.

Wayar shi ce ke ringing, wayar ce ta katse, wani kiran ya sake shigowa a karo na biyu.

Ganin bak’uwar numba ce yasa ya ajiye wayar kasantuwar bai gane number ba, a ka’idar shi bai cika d’aukar number da bai sani ba.

Jin wani kiran ya sake shigowa yasa ya ja tsaki ya d’auka saboda yadda mai kiran ya nace wa kiran "Assalamu alaikum" ya fad’a da cool voice d’in shi.

"wa alaikas salam Bregadier Umar Faruk".

Jin muryar mace ce yasa yayi shiru yana tunanin wacece saboda bai gane muryar ba.

"plss da wa nake magana" ya tambaya.

Cikin muryar shagwa’ba ta ce "nayi fushi Bregadier, tun da ba kayi saving number d’i na ba".

Mtsww ya ja wa wani gajeran tsaki

"hey! In za ki fad’a min wacece ke am waiting, in kuma ba ki shirya ba zan kashe waya ta" yayi maganar cikin fad’a.

Ganin yadda yayi mata maganar yasa taji ba dad’i a ranta, don haka tace ‘Sorry Bregadier, if what i have said hurt you, Fatima Binafa ce da muka had’u a haleems".

Shiru yayi kamar bai gane mai maganar ba kana yace "oh na gane, ya kike?".

"Lfy lau" ta amsa a gajarce.

Yadda yake mata Magana yasa jikin ta yayi sanyi don haka tace "da ma na kira ne mu gaisa"

"to na gode, bye" abin da yace kenan ya katse wayar.

Ya na ajiye wayar ya k’ara jan wani tsakin ganin yadda yarinyar take son matsa mishi, tun a haleems d’in ya gane take- taken ta.

Shi yanzu tunanin Fatima yake yi saboda yadda ya d’aukantu da ta bashi amsar shi, amma ba hali tun da yanzu tafiya za suyi garin Adamawa kwantar da tarzomar da ake yi a garin, bai san ranar da za su dawo ba.

Mus’ab ne yayi sallama ya shigo, ya nemi guri ya zauna.

Amsa masa sallamar yayi yana murmushi.

Mus’ab ne ya fara Magana da cewa "dole kayi murmushi, kasan abin da kayi baka kyauta ba, tuntuni nasa madam ta dafa abincin da kai, kace mana ga ka nan zuwa shine baka zo ba, yanzu sai ka tashi mu tafi".

"Sorry Mus’ab, da na dawo sai naji ina buk’atar hutawa, shi yasa na zauna na huta".

"Bregadier ba ka da hujjar k’ara kan ka a guri na, ka tashi mu tafi kawai".

Mik’ewa yayi ya shiga d’aki ya canza shigar shi zuwa wani lallausan yadi sky blue ya fito.

A K’afa suka k’arasa Block d’in su Mus’ab kasantuwar ba wani nisa a tsakanin su.

Ko da suka shiga cikin falo d’in, samun su suka yi a zaune a falo.

Bayan sun gaisa ne, matar Mus’ab mai suna Maryam ta ke mishi k’orafin ya guje su ba ya lek’o su.

Murmushi yayi yace "ayi hak’uri Madam, kin san yanayin aikin mu ne sai a hankali".

"an maka uzuri bregadier" Maryam ta fad’a tana dariya.

Dining area su ka zarce inda aka jajjera abinci kala kala da drinks.

Mus’ab ne da yaya Faruk suke cin abinci akan dinining table d’in, yayin da Maryam ke zaune a falo tana a falo rik’e da remote a hannun ta.

"Nana! Nana" ta kira sunan ta.

Wata ‘yar madaidaiciyar budurwar yarinya ce ta fito daga wani d’aki, kalar skin d’in ta irin chocolate colour d’in nan ne, sanye take da wata brown d’in atamfa a jikin ta, an mata six pieces gown, ta yane kanta da wani d’an karamin gyale a kanta, yarinyar ba za ta wuce shekara 20 zuwa 21 ba.

Cikin natsuwa ta k’araso cikin falo d’in, yayin da ta amsa kiran da Maryam take mata.

cikin siririyar muryar ta amsa "gani Anty Maryam"

Kallon ta tayi tana cewa "na ji ki shiru ne ba ki fito ba, ki je kitchen na d’aura farfesun kayan ciki ki duba in yayi, sai ki zuba ma su yayan ki".

Cikin siririyar muryar ta amsa "ina wani assignment ne kan mu koma school, lecturer bai da kirki, bari in je in duba".

Gurin wucewa kitchen d’in ne ta lura da Mus’ab da yaya Faruk da suke zaune a dining area.

Cikin ladabi ta gaishe da yaya Faruk kana ta wuce kitchen.

Bayan shigar ta kitchen d’in ne ta sami wani food flask ta zubo farfesun a ciki, yayin da ta d’akko wasu glass plate biyu a hannun ta da serving spoon.

In da suke zaune ta nufa cikin sanyin ta, serving d’in su tayi ta ajiye masu a gaban su.

D’ago wa yaya Faruk yayi ya kalle ta yakau da fuska sannan ya juyar da kallon shi ga Mus’ab daka faman shan farfesun da Nana ta zuba musu.

Mus’ab wannan kamar autar Hajiya ko? ya tambaya.

Ta’be baki yayi kamar ba zai ce komai ba, can yace "yanzu Faruk kana nufin ba ka gane Nana ba?"

Murmushi yayi yace "Am sorry Mus’ab, ba wai na manta ta bane, naga ta k’ara girma ne, kuma kasan na kwana biyu ban gan ta ba".

"Ba wani nan, Nana in kin koma gida, ki fad’a ma Hajiya Faruk ya manta da autar ta".

Murmushi tayi ba tace komai ba, ta koma falo in da Maryam ke zaune ta nemi guri ta zauna.

Mus’ab ne ke fa’da ma yaya Faruk, Nana ta samu break ne a school, shine tazo taya Maryam zama kasancewar tana d’auke da juna biyu.

"gaskiya ta kyauta, Allah ya sauki Madam lafiya".

Mus’ab ya amsa da "amin".

Bayan kammala cin abincin sune, suka dawo falo a ka fara hira.

Jefi-Jefi yake sa bakin shi a cikin hirar kasancewar Magana bai dame shi ba.

lura yayi da yadda ta maida hankali akan allon Tv kamar ba ta cikin d’akin.

"Khadijah" yaya Faruk ya kira sunan ta.

Amsa masa tayi cikin sweet voice d’in ta.

"Me yasa ana hira ba ki ce komai ba"

Murmushi Nana kawai tayi tace "ba komai"

Maryam ce cikin wasa tace "ai halin ku d’aya, itama Magana ba ta dame ta ba".

Ji yayi yarinyar ta burge shi kasantuwar sanyin ta da rashin maganar ta.

"Ki ce ba tayo halin Mijin ki kamar parrot ba" cewar Yaya Faruk.

Dariya Maryam tayi tace "nafi son haka, muyi ta hirar mu, amma kai Faruk zan so in ga matar da za ka aura, dan in ka auri mai Magana dole ka koya"

Mik’ewa yayi yana duba wrist watch d’in shi yace "za ki gan ta ne Madam, duk wacce ta aure ni, dole ta rage Magana, ni zan tafi".

Mus’ab ne yace "yanzu har za ka tafi ana hira mai dad’i, kai da kake gauro ba wanda za ka tarar a ciki".

Murmushi yayi yace "akwai abin da zan je in k’arasa ne"

Kallon Nana yayi yace "Khadija in koma gida kya gai da Hajiya ki ce sai nazo gaishe ta"

"za taji" ta fad’a a gajarce.

Juya kallon shi ga Maryam yayi yace "Madam sai anjima"

"To sai anjima Faruk" ta amsa mishi.

Tare su ka fito suna zantawa, Mus’ab ne ya kalli Faruk cikin zolaya yace "An bani sak’o in ba ka?"

Kallon tuhuma ya mishi yace "wa ye ya baka sak’o? ya tambaye shi ganin yadda yayi maganar da tsokana.

"Hafsa ce ta bani sak’o in ba ka"?

"Wace Hafsa" ya tambaye shi.

"Kai fa shegan sama ne, amma in ba haka ba Hafsa ce ba ka gane ba, yarinyar sir Bregadier General Ahmad ce, tace in ce maka wai mai ta maka ne ba ka kula ta a chat, idan ta kira ka ba ka d’auka, sannan in kuka had’u sai kayi kamar ba ka gan ta ba".

"Baka ga yadda take maganar ba, ta bani tausayi".

Ta’be baki yayi yace "ai sai tayi ta ba ka tausayi, tun farko ai sai da na ba ta hak’uri ta kama masu son ta, ko ta nemi wani, me zanyi da yarinyar da ba ta da kamun kai, ba ma haka ba ni ba ta min ba" ya fad’a yana yatsina fuska kamar itace a gaban shi.

Cikin wasa Mus’ab yace "Kai mutumi na, tuntuni fa Hafsa take son ka, sai yanzu za kace ba ka son ta, bayan kasan tuntuni kai take jira, ka amsa query a gurin Bregadier General".

Cikin hasala yace "in amsa query akan me? Tuntuni ai na fad’a mata tayi hak’uri ta kama dahir, as to me duk macen da ta bud’i baki tace tana so na, ina mata kallon wacce ba ta san darajar kanta ba, zan dinga mata kallon za ta iya fad’a ma ko wani namiji tana son shi, in tak’aice maka zancen, bana son in yi deceiving d’in yarinyar".

Kallon shi kawai Mus’ab yake yi, sanin Faruk na fad’ar abin da ke ranshi ne kuma mai tsayawa akan Magana d’aya, don haka yace "na fahimce ka Faruk, amma shawarar da zan baka shine ka same ta ka ba ta hak’uri ta yadda za ta fahimta, kuma duk mutumin da yace yana son ka ai ya gama maka komai".

"Zanyi k’ok’arin fahimtar da ita" ya fad’a cikin ko in kula da zancen.

Mus’ab ne ya canza zancen da cewa "ya shirye shiryen tafiya Adamawa"

Wani takaici ne ya kama shi ganin a sosa mishi inda ke mishi k’aik’ayi.

"Kai dai bari Mus’ab, ai wannan tafiyar ji nake yi kamar in ce a min hak’uri ba za ni ba?"

Da mamaki Mus’ab ya tambaye shi
"saboda me?"

"Mus’ab saboda ba ta bani amsar tana so na ko ba ta so na, yanzu duk wani abu da nake gudanarwa ina yi ne da rashin sanin madafar a wani matsayi nake, ina son ta, yanzu abin da yafi damuna shine ban san yaushe za mu dawo ba?"

Mus’ab in ban da bin shi da kallo ba abin da yake yi, ya yarda so mai canza mutum, wai Faruk ne ya zauna yana doguwar Magana akan mace, lallai kam shi shaida ne akan mata ba su dame shi ba, amma yanzu gashi yana fad’an irin son da yake ma ‘yar uwar shi Fatima, ya yarda SO BABBAR CUTA ne".

"Faruk ka ci gaba da addu’a akan Allah ya za’ba maka abin da yafi alkhairi, ba na so ya zamana son da kake yi ma Fatima ya koma *MAKAUNIYAR SOYAYYA*"

"Ina yin addu’ar Mus’ab, kaima ina so ka taya ni".

"Kar ka damu Faruk, Allah ya za’ba mana mafi alkhairi".

"Amin" ya amsa yana duba agogo.

Mus’ab bari in tafi, lokaci ya ja, sai mun had’u a Officer.

Nan suka yi sallama, yayin da Mus’ab ya koma gida, shi kuma Faruk ya tafi Block d’in shi.



*_KADUNA_*

Yau ta kasance ranar Litinin, muna cikin class, mai mana Descriptve statistics 1 ne ya fita, bayan ya kwashe tsawon awa biyu yana mana lectures, sak’o ne ya iso gare mu cewa mai mana practical statistics ba zai samu shigo wa ba.

Ganin muna da tsawon awa biyu free yasa k’awa ta Halima tace in zo muje mu bud’e folder a cikin asibitin poly mai suna "Shehu Muhammad Kangiwa Medical center" (SMKMC) dake cikin makarantar mu za ta ga likita.

Ko da muka isa asibitin, record room muka je aka bud’e mana folder aka bamu "Tertiary Institution social health insurance programme" (Ti-ship) card da suka bamu da zamu dinga ganin likita wanda ke nuna mu ‘yan makaranta ne, ba za anshi kud’in mu a wajen amsar magani ba (pharmacy) da wajen d’iban jini (lab), za a dinga cirewa a cikin school fees d'in mu.

Tambayar mu suka yi ko za mu ga likita ne a yanzu?
Halima ce ta amsa musu da "eh"

Ganin ta riga ta amsa musu yasa nayi tunanin in naje gurin likitan mai zan ce yana damuna tun da ni lafiya ta k’alau.

Zuciya ta ce ta bani shawarar in naje in ce menstural pain nake fama dashi, in yaso in aka bani maganin sai in ajiye tun da ina fama da ciwon maran in period d’ina ya zo.

D’aya daga cikin ma’aikatan ne ya katse min tunanin da nake yi da kiran suna na da yayi

"Fatima Ibrahim"

Amsawa nayi nace "gani"

"Ki je room 2 ki jira"

"Ok" na amsa a gajarce.

Halima M Kabir suka tura ta room 3.

Guri naje na samu a ‘bangaren room 2 d’in.

Wanda ya fito shi zai kira sunan wanda zai shiga, haka aka yi har layi yazo kaina a ka kira ni.

Knocking nayi a lokaci d’aya nayi sallama na shiga.
Amsa min sallamar yayi ba tare da ya d’ago ya kalle ni ba.

Rubutu na ga yayi a wata takarda mai kalar kwai, a jiki naga an sa Ti-ship

Me yake damun ki? ya tambaye ni.

"menstrual pain nake fama dashi" na bashi amsa.

Ci gaba da tambaya ta yayi yadda menstrual pain d’in yake min.

Rubutu ya fara yi akan wannan takarda.

A lokaci d’aya na nazarci office d’in wanda ban da k’anshi baa bin da yake yi, wani hoton Doctor d’in na gani a cikin wani d’an k’aramin frame an jingine shi akan table d’in.

"DR ABUBAKAR SADIQ MUHAMMAD" na ga an rubuta a jikin photo d’in.

A nazarin da nayi matashi ne wanda ba zai wuce shekara 30 ba, fari ne amma bai kai farin yaya Faruk ba, matsakaici ne a jiki da kyau. A yadda nayi estimating ba zai kai tsawon yaya Faruk ba, sanye yake da lab coat na likitoci da medicated glass a fuskar shi.

"hey! Student ko ba kya jina ne?

"Sorry Dr, ban ji bane".

Miye registration number d’in ki? Ya tambaye ni.

"KPT/CST/18/5880" na bashi amsa

Wani Department kike?
"Department of Maths & statistics"

D’ago kai yayi ya kalle ni kana yace "good course, ki ci gaba da k’ok’ari".

Dad’i ne ya kama ni jin an yabi course din mu.

"I will try my best"

Wata ‘yar madaidaiciyar takarda ya mik’o min yace "gashi ki je pharmacy ki amshi magani, Allah ya k’ara sauki".

Amsa masa nayi "amin Dr, na gode".

Fad’a min yayi wacce zan kira next sannan na fita daga office d’in.

Pharmacy na wuce na amshi magani, a can na had’u da Halima ita ma ta amshi na ta muka koma class.

[4/15, 10:57] Mrs Mansoor: *MAKAUNIYAR SOYAYYA*💝💖💞


🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀


*STORY & WRITTEN*


*BY*


*MARYAM AHMAD PAKI*



*🌈KAINUWA WRITERS ASSOCIATION*🤝🏽



_Wannan shafin naku ne_

_Zainab Abdullahi_ (Abuja)

_Kamar yadda kika ce ina burge ki, ke ma kina burge ni_.

Fatima Bintu Kano (‘yar garin mu)

_Hadiza Murtala_ (Maiduguri)

_Yusra_

_Na gode da kulawar ku da kuma fatan alkhairi, na kuma ji dad’in yadda kuke son wannan novel d’in_.

_Ni ma ina muku fatan alkhairi a duk inda kuke._



*NUMBAR YABO*

_Kamar yadda nake gabatar da shirin question of the day ne a cikin wannan novel d’in nawa, hakan yasa na fitar da wasu daga cikin shirin dan karrama su da ba su number yabo a cikin shirin_.

_Sunayen wanda suka samu wannan karramawar sun had’a da_:

*Aisha matar Abdul* (Auta mama)
(Queen)

*Xarah Auwal*
(Ass Queen)

*Meeynah*
(Princess)

*Insha Allah, akwai kyauta ta musamman ga wanda ta kasance ita ce ta farko zuwa na uku*

*Wannan karan, Meeynah ita ce ta amsa duka tambayar, yayin da Aisha (Auta mama ta amsa d’aya daga cikin tambayar)*

*Allah ya k’ara muku ilimi mai amfani da sauran d’aukacin musulmi baki d'aya*.

*Amsar tambayar ita ce ‘A cikin shekara ta 35 ne, k’urayshawa suka jaddada sabunta gina ka’aba*.

*K’urayshawa sun samu sa’bani ne akan d’aura dutsen hajarul aswad* .




*TUNATARWA*

_Ka/ki zamo mai neman ilimi, amma kar ka/ki yadda ya kai ka/ki ga girman kai_

_Ka/ki zamo mai Magana, amman kar ka/ki yadda ya kai ka/ki ga zalunci_

_Ka/ki zamo mai Magana, amma idan z aka/ki fad’i alkhairi_

_Ka/ki zamo mai k’arfi, amma kar ka/ki yadda ya kai ka/ki ga k’eta_





41&42

Ko da muka koma class, mun tarar da citizenship har ya fara lectures, sai da ya barmu na tsawon minti 15 a waje, sannan ya fito ya tambaye mu ina muka je? Mun fad’a mishi daga asibiti muke sannan ya bar mu muka shiga kasancewar yana da sauk’in kai.

Bayan mun yi closing ne, Halima ke tambaya ta, wai da naje ganin likita mai nace mai yake damu na?

Dariya nayi nace "Tun da kin sa aka kai folder mu, na shirya k’aryar da zanyi in naje gurin likitan, ce mai nayi ciwon mara nake fama dashi, ya rubuta min magani, har yana ba ni shawara wai in dage, course d’in mu na da wahala".

"Allah sarki, wasu likitocin ai na da kirki" cewar Halima.

Amsar zancen nayi da cewa "gaskiya yadda na lura kamar bai da matsala, wasu likitocin ma in kaje gurin su, suyi ta maka fad’a har ka kasa fad’an me yake damun ka".

Dariya Halima tayi tace "wlh kuwa, haka wasu likitocin suke".

Ci gaba da hirar mu muka yi, muna cikin sakkowa daga upstairs ne, na hango motar yaya Khalil.

Yau ina jin yaya Khalil bai da wani lectures ne da yawa, tun da ya samu zuwa d’aukan mu" na ce ma Halima.

Halima da murmushi a fuskar ta tace "Ai ku ‘yan gatan yaya Khalil ne, ni kin ga yaya Jamal, idan ya dawo aiki, Maman mu tace yazo ya d’auke ni, sai yace wai an ci ka shagwa’ba ni, in dinga dawo wa da kaina.

Dariya nayi nace "ki ce shima kamar yaya Faruk yake, shima fad’a kamar ya ari bakin wani, ga sa mutum purnishment".

Haka muka ci gaba da conversation har muka k’araso in da motar yaya Khalil take, yaya Khalil ne da Anisa a cikin mota, gaisawa suka yi sannan ta tafi.

Mun fara tafiya ne na ga yaya Khalil da Anisa suna hira k’asa- k’asa wanda ban san mai suke ce wa ba.

Katse musu zancen da suke yi