You Cannot Download this book untill you login but you can read it .

---

Login Register

fuskanci juna, Sai haki suke Yi kamar waɗanda suka Sha Gudu, Baccin wahala ne Ya ɗauke su mai nauyi, duk sun ɗaɗɗaura kawu nan su saman kafaɗun Junansu, Baka Jin sautin komai saina minsharin su.

Daga cikin ɗakin su muryar Jamimah ce ke ta ƙwala masu kira, babu mai jinta, farkawarta kenan daga bacci, Hankalinta atashe ya ke ganin babu su asaman gadajen su, saukowa ta yi daga saman gadonta, tare da nufar Sashen toilet ɗin su, shigar ta keda wuya ta yi arba dasu zazzaune suna bacci, Mamaki ne ya kama Jamimah, ganin su anan maimakon saman gadajen su, ƙarasa shiga ciki ta yi a yayin da ta ke leƙa fuskokin su don taga Idan baccin gaske su ke yi ko kuwa tsokanar ta su ke Yi, Kallon ƙurulla jamimah take binsu dashi, adai dai saitin fuskar Angel ta tsayar da eye balls dinta, muryar ta ƙasa ƙasa ta furta"My Genie" shiru bata amsa mata ba, da ta fahimce cewa dagaske baccin su ke yi, Sai ta zauna tare da kwantar da kanta saman laps ɗin Angel ta lumshe idanuwanta kamar maiyin bacci, Tsawon Lokaci babu wanda ya farka, Sun saki baki suna bacci.

A firgice Parveen Ta farka tana ambaton"Nagansu wlh nagansu" Sautin muryarta ne Ya farkar dasu Angel a fujajen su ka wawware Idanuwansu masu ɗauke da bacci suna kallon Parveen, Har suna haɗa baki wurin tambayar Ta"Makullan kika gani? a ina su ke"? Yawu ta haɗiya tana faman Zare ido, tare da ƙare masu kallo, Sam babu natsuwa atattare da Ita, Muryarta Ashaƙe tace"Kamar mafarki na yi nagan su a cikin ƙasar tukunyar fulawar nan, Makullan........"

Tun kan ta ƙarasa maganar Zumbur suka mimmiƙe har suna bangaje juna wurin shiga toilet ɗin Saboda tsabar sauri, Jamimah batasan Kan me suke magana ba, binsu kawai ta ke Yi kamar bindi.

A Gaban tukunyar fulawar Su ka zuzzuƙunna, Deeja da batul na ƙoƙarin tsoma hannu cikin ƙasar Angel ta dakatar dasu ta hanyar yi masu magana"Bana so acire furennin nan saboda raine dasu, Ina gudun kada silar cire su su mutu......" Bata kai ƙarshen maganar ba, Deeja ta tari numfashinta"A halin da muke cikin yanzu bamu buƙatar furanni, ganinsu ma ƙara tayar mana da hankali ya ke yi, don haka cire su zamuyi" ba tare da 6ata lokaci ba, Mutun Biyar ne su ka tsoma hannayensu Ciki, duk suka tsige furennin tare da jefar dasu ƙasa.

Hankalin Angel sam ba akwance ya ke ba, Saboda ta yi believing da furannin rai Ne dasu, Ko da su Deeja su ka jefar dasu Ƙasa da sauri ta zuƙunna ta sanya hannu ta ɗauki furen daddynta dana Aunty aneelerh hada ƙaramin furennin nan, Har zata miƙe idonta Ya sauka Akan Dogon furen nan da ganyen shi ya koma baƙi, yanzu ya koma asalin colour din shi, Punch pink Ya ciza sosai, hakanan ta dinga jin gabanta Na faɗuwa, Ayayin da ta ke kallon shi, Kasa miƙewa ta yi har saida ta ɗauke shi ta hada da sauran furennin da ke a hannunta, tukunna taji Hankalinta Ya kwanta.

Fasa ƙara Azeeza Tayi tare da faɗin

"Mun samo shi! Gashi nan Makulli ne" jin muryarta Yasa Angel matsowa kusa dasu, Hankalin kowa Akan hannun Azeeza Ta damƙe wani abu dake a nannaɗe Cikin ƙasa, Wani irin farin Cikine Ya bayyana akan fuskokin su, Tun kafin Ta buɗe masu tafin hannun nata su ga menene.

A hankali Azeeza Ta ware tafin hannunta, Ta soma kakka6e ƙasar da ke nannaɗe da abunda ta damƙo, ko da ta kammala Kakka6e ƙasar jikin shi, Murnar da su ke yi ta koma Ciki, Ashe jijiyar fure ce, tsabar takaici Yasa kowaccen su ta dafe goshin ta da hannu, Ƙululun bakin Ciki Ya tokare masu maƙoshin su, Ji su ke kamar su rufe Azeeza da bugu, don ba ƙaramin sanya rai su ka yi ba, Kamar masu zaman makoki Haka suka zazzauna Cikin toilet ɗin Abun duniya ya ishe su, Jamimah ce kaɗai a tsaye ta ruƙe qugu Tana bin su da kallo.

"Wai ni kun barni aduhu me ake nema ne? Duk kun cire mana furennin mu, Genie Ki fada mini," hada ƴar shagwa6arta

Ɗago da ido Angel ta yi tare da kallonta kafin ta miƙa mata hannu"Zo nan" matsawa ta yi kusa da ita, Ta sanya hannu biyu ta janyota zuwa jikinta

"Yaushe kika farka daga bacci bamu sani ba"? Yatsina fuska ta yi"tun ɗazu na farka ina ta kiran sunayen ku babu wanda ya amsa mini, Sai da nazo sashen toilet tukunna nagan ku kuna bacci, ni kun barni a ɗaki"

Harara Azeeza ta watsa ma Jamimah kafin ta soma kwaikwayon maganarta, salon jan faɗa, Hakan ba ƙaramin dariya ya basu ba.

"Yanzu fa ba lokacin Yin nishaɗi bane, Yakamata Mu nemi mafita, Ni dama tun farko raina bai bani cewar Akwai wasu makullai ba, Mu ɗin dai mune makullan, Ƙofa ce kaɗai zamu gano, Saboda a jawabin da tsohuwa Tamira ta yi mata cewa ta yi Mu ɗauka cewa mu ɗin makullan Wata ƙopa ce guda ɗaya wadda zata sama mana farin ciki, To kunga anan tana nufin we're the keys da zamu buɗe ƙofar" Angel ce ta yi jawabin

"Ni kuma aganina akwai makullan, Ma'anar abunda ta ke nufi, Mu zamu haɗa hannu don mu gano su, Sa'annan waɗannan munafukan tagogin da suka zuba mana ido suna kallon mu, Ina zargin ƙofar tana A cikin su," Deeja ce ta yi maganar, Kowa sai tofa albarkacin bakinsa ya ke yi kamar masu gabatar da shirin wasa ƙwaƙwalwa.

"Ni ma nafi hasashen acikin su ne za'a samu ƙofa, saboda su kaɗai ne hanyoyin da zasu Iya 6ullewa wajen ɗakin nan" Acewar Hibba.

"Ku dakata, Kada Mu ɗaura buri akan waɗannan Tagogin, Har yanzu fa akwai wuraren da bamu Bincika ba, Na farko akwai ƙarƙashin gadajen mu, Da kuma ɗakin tsohuwa Tamira" Yasmin ce ta yi maganar, Rubina tace"Ai babu ta yadda za'ai mu iya buɗe ɗakin Tsohuwa Tamira, tun da mu ke bamu ta6a shiga ɗakin ba, saboda kullum agarƙame ya ke kuma babu makulli ta waje balle muyi tunanin balle shi mu shiga"

Gaddama ce ta 6alle atsakanin su kamar za su yi faɗa kowa Ya kafe akan tashi shawarar, Sai tada jijiyoyin wuya suke Yi, Ko yunwar cikin su basa Ji ga Jikinsu da ke ta tsami saboda rashin wanka, Hayaniyarsu ta cika ko'ina, ganin zasu hargitsa mata lissafine yasa ta dakatar dasu ta hanyar daka masu tsawa, Nan fa kowa yaja bakin shi yai shiru, Hankalinsu ya koma kanta, Miƙewa tayi tsaye kamar malami agaban ɗaliban sa, A tsanake ta soma magana.

"Idan har mu ka rasa natsuwar mu to kuwa ba zamu ta6a Iya gano ƙofar nan ba! Mu kan mu hankalin mu ba a kwance ya ke ba, ta ya ya ku ke tunanin zamu Iya gano ƙofar bayan mun ƙi haɗa kan mu, mu sanya natsuwa wurin bincikota"? Ta jefa masu tambayar tana ƙare masu kallo, duk sunyi ƙuri da idanuwansu,

"Maganarki gaskiya ce Angel, komai yana buƙatar kwanciyar hankali da natsuwa, Yanzu ki faɗa mana me ya kamata mu yi? Tun da kinfi mu kaifin basira"

Murmushi ne ya bayyana akan fuskarta, Jin an wasa ta, Miƙa ma Jamimah furennin dake a hannunta tayi tare da cewa"Ruƙe mini su My little sis" Kar6ar furannin Jamimah ta yi a hannunta.

"Abu na farko da yakamata Mu fara yi shine mu tsaftace jikin mu, ta hakanne zamu Ji daɗin Jikin mu brain ɗinmu ta yi fresh, mu samu natsuwar fara yin bincike na hankali, nasan kafin mu kammala Yin wanka Giants sun kawo mana Ganye, Idan mu ka Ci mu ka ƙoshi Sai mu fara wasan Ƴar 6urun 6urun kamar yarda na tsara mana, don kada ayi zargin wani abu tunda suna kallon duk wani moving ɗin mu"

Tun kan ta ƙarasa yin maganar, murmushi ya bayyana akan fuskokin su, gaba ɗaya sun yi amanna da maganarta, without wasting time kowan nan su ya miƙe tsaye, ɗaya bayan ɗaya suka fuce daga cikin toilet ɗin, Ya rage saura Angel da Jamimah, Kallon Juna su ka yi atare suka sakar ma Juna murmushi"My Genie, Ƙofar da zamu gudu ku ke nema mana?

Ɗaga mata kai Angel ta yi alamar eh, Dariyar Farin Ciki Jamimah ta saki har fararen haƙoranta sai da su ka bayyana, Bin ta da kallo Angel tayi dariyarta ba ƙaramin burgeta ta yi ba, sai da ta tsagaita da yin dariyar ta kuma cewa"Genie Zamu Koma Gidan ku da zama ko? Kuma can babu giants sannan ba zamu ƙara cin ganye ba ko"? Maganar da jamimah ta yi ba ƙaramin ta6a mata zuciya tayi ba, yadda suka ƙwallafa rai akan son zuwa gidan daddynta ba ƙaramin karya mata zuciya ya ke yi ba, duk idan ta tuna cewa ba lallai bane su samu damar tsira dukkan su ba koda ace sun samu ƙopar, wata'ƙil ma babu wata ƙofa tunda hasashene kawai suke yi basu da tabbaci akanta.

"My genie kin yi shiru, pls ki amsa mini, inaso inji a ƙagare na ke," yadda ta ke yin maganar farin cikine tsantsa akan fuskarta, tuni idanuwan Angel sun cicciko tab da ƙwalla, sam ta kasa buɗe baki ta amsa mata.

"Genie Am talking to u pls ki amsa mini, idan ba haka ba zan cinye furannin da ke a hannuna" Ta yi maganar tare da yin kamar zata cinye su, Nauyayyiyar ajiyar zuciya Angel ta sauke tare da cewa"Kada mu 6ata lokaci My little sis, Zan yi maki wanka amma kafin nan ki taya ni mu mayar da ƙasar tukunyar nan sai mu mayar da furennin" Amsa mata tayi da toh.

Ba tare da ta ƙara tambayar Angel ba, Atare su ka zuƙunna jamimah ta kwantar da furennin a ƙasa, kafin su ka sanya hannu Suna ɗibar ƙasar da ke a ƙasa suna zubawa cikin tukunyar fulawar bayan sun kammala Angel ta ɗauki furennin ta tsirasu Cikin ƙasar, har ta yunƙura zata miƙa Karaf idanuwanta su ka sauka akan wasu furenni guda biyu da ke yashe ƙasa, ƙura masu ido ta yi tana kallonsu Jamimah sai magana take yi mata amma sam bata Jinta,

Wani irin faɗuwar gaba taji tamkar zuciyarta zata faso ƙirjinta, a matuƙar ruɗe ta ke kallon Furennin, Ganyen jikinshi ya bushe ƙasa ya mutu, bakomai ya faɗo mata araiba face Majnoon da Unaiza da suka rasu, Zazzare idanuwanta tayi Hannunta ɗaya dafe da ƙirjinta, Nan take ta fahimci cewa furennin su ne suka mutu, Tun da basa araye that mean sauran furennin dukkan su rayukan ƴan uwansu ne akai, A hanzarce ta ɗaura eye balls ɗinta kan Dogon furen nan Muryarta Na rawa ta furta"DA...NISH!"

Zungurar hannunta jamimah tayi hakan yasa tayi firgit ta dube ta

Fuskarta a ɗaure tace"Kin shanyani Genie, ko ba za ki mini wankan bane? Inje inyi da kaina" Yawu ta haɗiya zuciyarta duk ba dadi, Furen Danish ya tsaya mata aranta, musamman da ta tuna da Lokacin nan da ta tarass Ganyayyakin jikinshi Sunyi baƙi sosai, tana ji aranta cewa wani mummunan abune ya faru dashi wanda silar hakan yasa furen shi canza launi,

"Genie!!" jamimah ce ta ambaci sunanta da karfi ganin ta ƙara shiga zurfin tunani, Numfasawa tayi tare da ruƙo hannun Jamimah, Cikin sanyin murya tace"Am sorry Muje inyi maki wankan" Tayi maganar tare da janta zuwa gaban fanfo, Ta cika bokiti da ruwa ta ɗauko kwandon soso da sabulu, Bayan ta cire mata kayan Jikinta ta ɗaura su saman igiya, wanka ta ke yi mata amma hankalinta gaba ɗaya yana akan dogon Furen nan, A shiririce ta gama Yi mata wankan hada sumar kanta ta wanke mata, bayan ta kammala bata mayar mata da uniform ɗin jikinta ba, saboda sun yi datti, sai tace mata ta koma ɗaki ta Ta lullu6e da bargo kafin kayan da zata wanke mata su bushe saita maida su a jikinta, bayan fitar Jamimah daga Cikin toilet ɗin, komawa Angel tayi gaban tukunyar fulawar ta zuƙunna tana ƙarewa Dogon furen kallo, Yayin da zuciyarta ke harbawa da sauri da sauri, Yatsun hannayenta na kerma ta ɗaurasu kan furen tana shafa leaves ɗinsa, Har cikin zuciyarta ta ke jin kamar sumar kan Danish ta ke shafawa, A hankali ta rufe idanuwanta a yayin da ƙwaƘwalwarta ke tariyo mata Rayuwar su ta baya dashi, baza ta ta6a manta Rana ta farko da ta fara Yin tozali da kyakkyawar fuskar shi duk da bata a cikin kwanciyar hankalinta sai da gabanta ya faɗi ganin irin baiwar kyan da Allah ya yi mashi, Tana matuƙar ƙaunar danish, Jin shi ta ke yi tamkar oxygen ɗin da ta ke shaƙa don ta rayu, taya hankalinta zai kwanta? Bayan ta riga da ta gane furen Masoyinta ne, idanuwanta sun yi maraicin shi, zuciyarta sai azalzalarta ta ke akan ta nemo shi aduk inda ya ke, don taga awani hali ya ke ciki, ya idon shi ya ke? Meya faru dashi da har furen shi Ya canza Launi............"

💔PRISONERS💔

Hankalin su Yaƙi kwanciya Jin shiru Angel bata fito daga Cikin toilet ɗin da ta shiga ba, Tun suna saran fitowarta har sun fara tunanin Anya kuwa lafiya? Ita kaɗai ya rage ta fito su fara wasan Ƴar 6urun 6urun, don su gano inda ƙofar nan ta ke, tun ɗazu Giats sun kawo masu Ganye kamar kullum tare da ruwan zafi, babu wanda yasan da cewa An kawo masu abinci.

Jamimah kaɗai ta rage a cikin ɗakin nasu, kwance saman gado ta lullu6e jikinta da bargonta, Jin motsin shigowar Giants, ta yi hanzarin yaye bargon data lullu6a dashi ta yi ɗaurin gaba har yana jan ƙasa saboda rashin tsawonta, Ahaka ta nufi ƙarƙashin gadon batul ta ɗauko kwandon abincinsu taje ta zuƙunna agaban dining Carpet ɗinsu, ta kwashe ganyan Ta zuba masu Acikin kwandon, bayan ta kammala kwashewa, Giants suka Ɗauki farantan tare da fucewa daga Cikin ɗakin, Zama Jamimah tayi saman carpet ɗin, ta soma ɗibar ganyen tana Ci yadda kasan ƴar akuya, Kunnuwanta har motsawa su ke yi saboda daɗin da ya yi mata.


"Angel ke fa mu ke jira! Tun ɗazu kowa ya fito daga wanka, Saura ke kaɗai kin shige toilet kin garƙame ƙofa kin barmu a tsaye" Deeja ce ta yi magnar

Batul tace"Ko dai ta fito daga wankan ne bamu sani ba? ta yi tambayar tare da yin saurin juyawa ta shiga ɗakinsu, Jamimah ta hango zauna tana cusa ganye abakinta, babu alamun Angel acikin ɗakin, dawowa ta yi sashen toilet ɗin tun kafin su tambayeta ko ta ganta, ta riga su cewa Na duba bata a ciki,

Nan fa hankalinsu Ya ɗungunzuma


Sunanta suka dinga kira shiru bata amsa masu ba, Atare suka haɗa ƙarfi wurin bugun ƙofar sai dai ga dukkan alamu An garƙame ta da Jamlock, Tamkar zasu fashe da kuka suka dingayi mata magiya akan tayi masu koda tari ne don su san cewa tana acikin toilet ɗin, saboda su samu hankalinsu ya kwanta amma shiru Angel bata tanka masu ba, kamar zasu 6alle ƙofar saboda Yadda su ke kai mata zazzafan naushi da hannayensu, a ƙarshe da suka Gaji agalabaice suka zuzzuƙunna Haɗi da jingina bayansu Jikin bango, jin motsin shigowar mutun cikin sashen Yasa suka kai idonsu ga mai shigowa,

Jamimah ce ta shigo hannunta ruƙe da kwando ta ajiye masu shi a tsakiyarsu, Bakinta a cunkushe ya ke da kingin ganyen da bata ƙarasa taunewa ba ahaka ta ke yi masu magana,

"Ku ci naku ne na kawo maku" kallonta kawai su ke yi, Ta zumbula bargo ajikinta sai ja da ƙasa Yake yi, jin sunyi shiru basu tanka mata ba, yasa ta haɗe girar ta"Ni ba ruwana Idan ba ku ci ba, Ku yunwa zata kama, Sannan Ina GENIE ɗina ta ke? Ko haryanzu bata fito daga wankan bane?


.................... WHERE'S ANGEL❗❓



💋PRISONERS💋


"Ita mu ke jira ta fito daga wanka, Ki koma ɗaki ki kwanta, Yanzu zamu shigo Ciki" Hibba ce ta bata amsar tambayar ta, juyawa jamimah ta yi zuwa cikin ɗakin su ta koma saman gado ta haye tare da kwantawa.

"yanzu haka zamu zauna muna ta jiranta? Shiru duk irin bugun ƙofar da mu ka yi babu alamun zata buɗe mana, Anya kuwa lafiya? Ni tsoro na kada ace wani abun ne ya same ta," a cewar Deeja, hankalin su duk ba a kwance ya ke ba.

"In sha Allah ma ba abun da ya same ta, Zai iya yiwuwa bacci ne ya ɗauke ta a cikin toilet ɗin ko kuma zurfin tunani ta shiga....." tunkan Batul ta rufe baki Sarah tace "wani irin bacci ne wannan mai nauyin gaske da har za'a dinga bugun ƙofa mutun bai farka ba? In kuma zurfin tunani ta shiga ai yaci ace bugun da muke ya dawo da ita hayyacin ta, Gaskiya bana tunanin haka sai dai wani abun ne na daban," kowa na tofa albarkacin bakinsa,

"Yunwa nake ji, ƙwara ku zo mu haɗu Mu ci ganyen nan idan mu ka kammala sai mu ƙara jaraba Bugun ƙofar" A cewar Parveen, Atare su ka matso kusa da kwandon, Kamar akuyoyi haka suka dinga kwaso Ganyen Suna Cunkusa shi Cikin bakunan su, a tsiyace su ke taunar shi, Zuciyoyin su duk ba daɗi, damuwar rashin Angel ta hana su sakat.

Suna tsaka da Cin Ganyen kunnuwan su suka soma Jiyo masu motsin buɗe ƙofar ɗakin su, A firgice su ka ɗago Suna kallon Junan su! Zuciyar su cike da fargabar Motsin buɗe ƙofan da su ke Ji, Tun da sun riga sun san An kawo masu Abinci, shiru su ka yi an rasa mai ƙwaƙƙwaran motsi A cikin su, hatta ganyen da suka cusa a Cikin bakunan su sun dakata da taunar su, babban abunda suke jima fargaba kada ace Tsohuwa Zafreen ce ta kawo masu ziyara, Tuni kowannan su Yasha Jinin Jikin shi.

Garam! Su ka ji an datse ƙofar alamar wanda Ya shigo Ya fita, nauyayyiyar Ajiyar zuciya kowaccen su ta sauke, Kafin wani yai yunƙurin motsa La66ansa Muryar Jamimah ta karaɗe kunnuwan su.

Wata irin razananniyar ƙara ta fasa Mai kuwar gaske, Hankulan su A tashe su ka mimmiƙe da gudun gaske suka faɗo Cikin ɗakin a sukwane Suka ci uban burki Suna faman Haki, A tsakiyar ɗakin su ka ganta Ɗaure da bargo a jikinta Sai tsalle ta ke yi, babu wanda Ya lura da me ta ke Yima Murna, Rai a6ace Parveen tace"Wannan wani irin rashin Hankali ne jamimah? Salon kawai ki kara tada mana hankulan mu shine kika fasa Ihu kamar mai ta6in Hankali"? Jin muryar Parveen Yasa ta juyo tana kallon su fuskarta ɗauke da murmushin Farin Ciki,.

"An dawo mana dasu Ƴan uwan mu dole in yi farin Ciki....." Tun kan ta ƙarasa maganar Kusan atare Suka kai idanuwan su akan benan Ɗakin su! Wani irin bugu zuciyoyin su suka yi atare, Abu ne da basu Yi tsammanin shi ba, Tamkar A mafarki Haka suke ganin su, sun kasa Yarda da abunda idanuwan su suke nuna masu!

A tsaye su ke cirko cirko saman Matakalar benan, su biyar babu Danish Daga ganin su babu ƙoshin Lafiya atattare dasu, Fatar Jikin su Ta yi haske Hatta Haris da ya ke da duhu fatar shi ta canza, Sun rame sun bushe kamar babu Jini a jikin su, ƙafafuwan su kansu ba adai dai su ke ba, musamman ƙafar Mubeen da ta javed rawa su ke Yi kamar zasu kasa, Sumar kansu Kuwa Duk a hargitse Dama Allah yayi su da tarin sumar kai, Ba kamar Javed Da Gabriel sai Naufal, yanayin yadda suka yi tsayuwar Ya nuna sam babu kuzari a jikin su Kamar waɗanda Aka ɗebi Naman Jikin su, Sun faɗa sun zabge........"


Muryar Deeja Na rawa ta furta sunan HARIS! Mamaki ne ƙarara akan Fuskokin su, Lamarin Ya yi matuƙar ɗaure Masu Kai, Cikin karyayyiyar Murya Parveen Ta furta Sunan NAUFAL! Hannun Batul dafe da saitin Zuciyar ta ta furta Sunan JAVED!! Muryar Hannah A disashe ta ambaci Sunan MUBEEN! Cikin shessheƙar Kuka Azeeza Ta ambaci Sunan GABRIEL! kamar a mafarki haka suke ganin su, Jikin su ba ƙaramin sanyi yayi ba, zuciyoyin su sun karaya sosai, Ganin yadda ƴan uwan nasu Suka Ƙi motsawa, Bakomai ya ɗaga masu hankali ba face Ganin Yadda Haris daya fi su ƙiba Ya koma Ramamme uwa su Javed, Sun fita hayyacinsu, Daga ganin idanuwan su ba ƙaramar izaya suka sha ba, Allah kaɗai yasan Azabtarwar da su ka yi masu na tsawon watannin da su ka yi a hannun su.

Tuni idanuwansu Deeja sun Cicciko tab da ƙwalla, Parveen tana kuka tace"Wlh kamar basu ba! Kamar an canza mana ƴan uwanmu! Ku kalli yadda suka rame ko magana ma basu Iya yi, Ni ina tsoron kada ace irin na unaiza su ka yi masu........" daƙyar ta ƙarasa maganar saboda kukan daya ciyota, Cikin rauni na murya Deeja Tace"Haris kaine ka koma haka? Ina Jikin ka ya ke? Javed Mubeen Naufal baku Iya magana? Meyasa ku ke kallon mu kamar Ba ku gane mu ba"?

"Ba kallon su Ya kamata mu tsaya muna yi ba, Yakamata muje gare su, wata'ƙil Sun kasa yin tafiyar ne" A hankali su ke tafiya suna tunkarar su kamar sunga abun tsoro, Koda su ka ƙaraso gaban benen Atare suka dakata da yin tafiyar suna kallon su, Gwanin ban tausayi farar fatar wuyan su harda jajayen ta66una na yakushi, Wurin yayi jawur La66an su duk sun faffashe sun bushe, Gabriel hada busasshen jini saman Ƙaramin lower lip ɗinsa daya ciza launin shi pink, Fatar idanuwan su sun yi ja alamar sun yi kukan mutuwa Sakamakon wata azabtarwar da aka yi masu.

Fashewa su ka yi da kuka tamkar ransu zai fita Yayin da su ke cigaba da bin ƴan uwan nasu da kallo mai nuni da tsantsar Tausayin su da su ke ji.

Azeeza Ce tai Ƙoƙarin matsawa ta haura saman matakalar farko har takai ga inda Gabriel Ya ke atsaye, Faɗawa ta yi saman jikin shi tana cigaba da yin kuka, Ganin ta ta6a shi bai nuna yaji zafi ba yasa Deeja matsawa Ta rungume Haris a jikinta, Da sauri batul ta hau benan ta Ruƙo Javed ta kwantar da kanshi saman kafaɗarta, Parveen ta nufi Naufal ta janyoshi ta rungume shi sosai tana cigaba da yin kuka, Hanna ce ta ruƙo Mubeen ta haɗa shi da jikin ta, Yadda suka ƙanƙame su A jikin su suna yin kuka tamkar ran su zai fita, Sun yi kewar ƴan uwan su sosai.

Matsawa saman benen Yasmin da su rubina su ka yi, A bayan su Batul dake rungume da ƴan uwansu maza suka ɗaura kawunan su, Gaba ɗaya sautin shessheƙar kukan su ce ta karaɗe Ɗakin nasu, Jamimah da sarah ne kaɗai su ka rage a tsaye bakin benan suna kallon su Idanuwan su cike tab da ƙwalla.

Batul da ke ruƙe da javed taji Jikin shi ya saki gaba ɗaya ya tafi zai sulale ƙasa da sauri ta daddafe shi a haka suka Zauna saman Matakalar benen, ta tallabo fuskar shi da Hannayenta biyu "Javed! Pls ka yi mini magana Inaso insan a wani hali ku ke ciki" Daƙyar ya ke iya kallon fuskar ta, saboda raunin da idanuwan shi su ka yi mashi kamar zasu lumshe, hatta numfashin su da hucin zafi Ya ke fita.

"Haris Ɗina ne ya koma haka? Inna lillahi Wa'inna ilaihirraji'un! Wlh ba zamu ta6a yafe masu ba, Allah ya isa tsakanin mu dasu Mugaye Azzalumai, Duk sun canza masu Halittarsu, ko magana ma ba su iya yi" cikin jin Ƙunar rai Deeja ta yi maganar, har lokacin bata janye haris daga jikinta ba, Kamar zata maida shi Cikinta,

"Dan Allah Naufal ka buɗe baki Ka yi magana, Hankalin mu ba a kwance ya ke ba, Muna so Muji koda muryoyin ku don mu tabbatar da cewa kuna da Lafiya" parveen ce ta yi maganar, fuskar ta sharkaf da hawaye yayin da ta ɗago da kan Naufal daga saman kafaɗar ta, Bawan Allah sai bin su da ido Ya ke yi, fuskar shi Ta yi jawur saboda hasken da ke gare shi, Dama duk Cikin mazan In ka cire Danish a wurin haske sai Naufal mutun na gaba Javed ne Duk da shi ba fari bane sosai amma Baya a cikin jerin baƙaƙe Launin fatar shi Chocolate ce, Yana da tarin sumar kai, iya kafaɗar shi ta tsaya, Bayan shi sai Gabriel Kalar fatar su Kusan ɗaya Da Javed babu bambanci,