You Cannot Download this book untill you login but you can read it .

---

Login Register

ta tashi ta shiga wanka, bayan ta fito ta shirya tsab ta wuce gidan Feedo


Feedo a bedroom dinta tare da wani saurayinta kwance ta jiyo maganar Haseena, tashi ta yi daga kan gadon ta daura towel ta fito falo ta sami Haseena

"Kawa har kin zo kenan"

"To ina zan tsaya kaina ya kulle"

"Yanzu ya za'a yi kenan, gashi ina da bako a ciki"

Haseena tai murmushi "ai na ga alama"

Suka fashe da dariya gami da tafawa, suka zauna suna shawarar abinda zasu yi

Saurayin Feedo sanye da kaya ya fito

"Ni zan wuce na tura miki kudin"

Feedo ta dauki wayarta ta duba sannan ta yi murmushi

"ya shiga"

Wucewa ya yi Feedo ta kalli Haseena

"Kinsan Cytotec?"

"A'a ban sanshi ba"

"To idan mace tasha shi ko cikinta ya kai wata shida ne sai ya fito, yanzu shi zamu je mu sayo, na yi miki alkawarin Aisha ba za ta taba haihuwar cikinta ba, ke bama hakaba, sai mun lallata mahaifarta ta yadda ba zai kara amfani ba"

Wani farin ciki ya baiyana a fuskar Haseena, rungume Feedo ta yi cikin farin ciki

"Ina yinki Kawata"

"Karki damu, ai dani dake mun zama daya, yanzu dai tashi muje mu nemi maganin

Feedo ta shiga bedroom ta saka kaya sannan ts dawo falo

"To muje ko"

Fita suka yi, wani pharmacy suka je, Feedo ta ja daya daga cikin ma'aikatan wurin gefe, ta bashi kudi masu yawa sannan ta fada mishi maganin da tazo saya, cikin rawar jiki ya dakko ya bata

Suka fito daga pharmacyn suka dawo mota suka zauna, Feedo ta kalli Haseena

"Guda biyu zaki bata ta sha, idan so samu ne ki cusa mata guda biyu a gabanta, amma idan haka ba zai yu ba, kawai ki bata duka ta sha"

Haseena ta amsa gami da murmushi tana kallan maganin "burina ya kusa cika"


Aisha ta shugo falo ta samu Ammi da Abba a tsaye, Ammi sai shagwaba take yiwa Abba wai daga dawowanshi jiya jiya har zai yi wani tafiyar

"Haba madam, kasuwancin kenan"

Aisha ta karasa wurinsu ta durkusa

"Abba ina kwana"

"Lafiya lau Aisha"

"An dawo lafiya"

"Lafiya lau, gashi wani tafiyar ya tashi Amminku tasa rigima wai babu inda zan je"

Murmushi Aisha ta yi ta tashi ta je ta zauna kan kujera tana tunanin mijinta gami da shafa cikin ta

Don ne ya shugo cikin sallama, kallansu ya koma kanshi

Cikin farin ciki Don ya karaso wurin su Ammi cikin fara'a

"Ina kwananku"

Ammi ta amsa fuskarta dauke da annuri, Abba kuwa kasa kasa ya amsa, alamun har yanzu yana fushi dashi

Don ya ce Abba na yi missing dinka, amma yau ka dawo ko?

Abba bai ce masa komai ba ya kalli Ammi

"Ni zan tafi sai na dawo"

Abba ya yi tafiyarsa Ammi ta bishi da kallo kamar zata yi kuka

"Yanzu tafiyar zaka yi"

Bai saurare ta ba Don ya kalleta

"Amma Ammi Abba yana fushi dani ko?"

"Idan har ka gane hakan, idan ya dawo saika zo ka nemi gafararsa"

Ammi ta zauna, Don ya yi wani ajiyar zuciya ya kalli Aisha

"Nifa ina jin yunwa banyi breakfast ba"

Ammi ta ce akwai breakfast a dining yanzu zamu je mu yi

Ya marairaice "ni ina son na Aisha ne"

Yar dariya ya subucewa Ammi tana fadin yaron nan karka kashe ni mana

Ya zauna gefen Aisha yana fadin haba Ammi taya zan kashe ki

Kallan Aisha ya yi sai tai murmushi ta kawar da kanta

"Yen mata babu gaisuwa yau"

"Ina kwana"

"Sai dana roka"

Ammi ta mike "muje mu yi breakfast ko"

Duk suka tashi suka wuce Dining suka zauna, Ammi ta shiga serving Aisha bayan ta gama, ta shiga kokarin serving din Don, Don ya dakatar da ita

"Ammi ki huta abinki, ki bar Aisha ta yi serving dina"

Ta harareshi cikin wasa "wai kai meyasa ka cika son bata wahala ne, baka tunanin ba ita kadai bane"

Ammi ta cigaba da serving dinshi bayan ta gama ta yi serving din kanta


Ta bangaran su Haseena kuwa sun dawo gida, Feedo ta hada musu shisha suka zauna falo suna sha suna hira

Haseena ta ce Feedo akwai wani cin amana da yaudarar da aka yi min, ba zan taba yafewa ba

"Fada min su waye suka miki?"

"Wata Kawata ce sunanta Balkisu, ta ci amanata, ta damfare ni kudi har naira million uku"

"Garin yaya?"

Nan take Haseena ta bata labarin abin daya faru, Feedo dariya ta yi ta ce amma ke shashasha ce, wallahi da nine ke batar da ita zan yi

Haseena ta ce to yanzu miye abin yi?

"Kawai zan sa yarana ne suje su kama min ita su kawo ta har gabanki ta nemi gafarar ki, ko hakan bai yi miki ba"

"Eh hakanma ya yi, to yaushe za'a dakko min ita?"

"Ko yau idan kina bukata za'a dakko ta, kawai bani hotonta da address dinta"

Haseena ta dauki wayarta ta nemo hoton Bilkisu ta mikawa Feedo wayar

"Ga hotonta"

Feedo ta amsa wayar tana kallo

"Wannan ai nasanta, ba a Gwarimpa take ba"

"tabbas anan take, to ai shikenan wannan mai sauki ne, bari na tura musu hotonta da address dinta"

"Dakyau my Feedo Allah yabar zumuncin mugunta"

"Amin"

Haseena ta mike "to ni bari naje can gidan naji da Aisha"

"To sai kin dawo"

Haseena ta fita Feedo ta cigaba da zukar shishan ta



Bayan su Ammi sun kammala yin breakfast suka dawo falo Ammi da Aisha suka zauna, Don ya ce bari ya je ya dawo

Ammi ta kira Sunanshi ya juyo yana kallanta "ma'am Ammi"

"Yaushe zaka yiwa kanka fada ka fara neman na kanka"

Don ya yi murmushi ya kalli Aisha "sai ranar da dana yazo duniya, kinga lokacin ai girma ya zo ko Ammi"

"Umar Allah ya shirye ka"

"Amin mamana na kaina"

Ya fita Ammi ta bishi da kallo, Aisha ta shafa cikinta

"Baby babanka na birge ni, ka fito kamarshi"

Ammi ta juyo ta kalli Aisha

"Me kika fada?"

Aisha ta dukar da kanta cike da kunya ashe maganarta ya fito har Ammi ta ji

"Nafi so Baby ya fito kamarki, da tarbiyar ki da kyawawan dabi'unki, idan ya fito kamar babanshi zaki sha wahala"

Aisha murmushi kawai ta yi


Feedo ta gama shan shisha, ta tashi ta shiga bayi tai wanka ta sauya kaya, da alamu fita zata yi, tana shigowa falo ta ci karo da Don, tsorata ta yi sosai zata yi magana ya dakatar da ita

"Wato Feedo ni zaki ciwa mutunci, ki je har gidanmu gaban mahaifiyata, gaban mata ta, shegiya yaushe mahaifarki keda guarantyn daukar ciki, Feedo sai na gwada miki ni nafi ki bariki"

"Ni dai ka yi hakuri, na yi kuskure"

"Na yi hakuri fa kika ce, ashe ma bansan me nake yi ba"

"Don karka yi min wani abu, ko kashe ni ka yi aikin banza ka yi tunda kudi aka biya akan naje gidanku na yi karyar ka yi min ciki"

A rikice ya kalleta "waya saki?"

Shuru Feedo ta yi tana tunani, tambayarta ya yi a karo na biyu "na ce miki waye ne?"

"Wasu ne, ban san su ba, ban san ya suke da kai ba, amma kamar akwai wani abu tsakaninka dasu"

Don ya ce karki raina min hankali mana, karki mayar dani karamin yaro

"Wallahi dagaske nake fada maka, sanyani aka yi, kuma bansan su ba"

"Ok, na ji, yanzu taya zanyi na gansu"

"Nima ban sani ba amma ka bani lokaci zan yi bincike na gano su"

"Baki da numbansu"

"A'a banda shi, basu bani numbansu ba, amma akwai ta hanyar da zan gano su"

Don ya ce to na baki lokacin kadan ki gano su idan ba haka ba sai na kashe ki

Yana gama fada ya juya ya fice, tai yar dariya "shashasha kawai, kafin ka kashe ni, ni zan kashe ka"

Ta ja karamin tsaki ta dau wayarta da makullin motanta ta fita



Ammi da Aisha zaune a falo suna hira sama sama, sallama suka ji hade da bude kofar falon, suka mai da kallansu kofar falo

Haseena ce ta shugo fuskarta dauke da annuri

Ammi ta ce "yau Haseena ce a gidan"

Haseena tai murmushi "Ammi ni ce, ina wuni"

"Lafiya laiu, ya kwana biyu"

"Ammi ai kwana biyun nan bana jin dadi"

"Ayya kuma Umar bai fada min ba"

Haseena ta zauna kusa da Aisha

Aisha ta ce ina wuni Aunty

Haseena ba yabo babu fallasa ta ce lafiya lau yar uwata ina ta missing dinki, na kosa ki haihu ki dawo gida, gidan babu dadi da babu ke

Aisha ta danyi murmushin karfin hali ta kawar da kanta daga kallan Haseena

"Abba fa"

"Ai Abbanku kwana biyu ayyuka sunyi masa yawa, babu shi a wannan kasar baya wachcan kasar"

"To Allah dai ya bashi nasara"

"Amin"

Haka Haseena ta wuni a gidan har wurin karfe biyu na rana tana neman hanyar da zata bawa Aisha magani

Abincin rana ya kammala Ammi ta ce su tashi suje Dining, Haseena ta dauki Jakarta ta cusa hannu, kwayar maganin ta ciro daga cikin gidanshi guda biyu, ta makale a hannunta

Duk suka tashi suka wuce Dining suka zauna, Haseena ta shiga serving Ammi

Ammi ta ce ai dakin huta ranki Haseena

"A'a Ammi karki damu"

Aisha ta fara serving kanta, sai Haseena ta dawo kanta

"Har kin yi serving kanki ashe baki jira ni ba"

Aisha tai murmushi "nagode tunda kin yi niyya"

Itama Haseena murmushi tai "to bari na zuba miki juice, kinsan a halin da kike ciki yanzu kina bukatar fruit"

Haseena ta dauki glass cup sannan ta jawo jug din juice, ta tsiyaya juice a cikin glass cup sannan ta jefa kwayoyin Cytotec, kawo glass cup din ta yi gaban Aisha ta aje

"Yauwa yar uwa gashi"

Aisha tai murmushi "nagode"

Haseena ta je ta zauna ta shiga serving kanta amma hankalinta na kan Aisha

Don tafiya yake yi a mota yana tunani

"Anya Feedo ba karya take min ba, to su waye zasu biyata akan tazo gidanmu ta ce tana da ciki, miye hadina dasu, koma miye ne nan da kwana biyu zan koma saita fada min ko na yi mata duk abinda yazo min zuciya"

Ya cigaba da tafiya

Wani farin ciki ya ziyarci zuciyar Haseena a lokacin da ta ga Aisha ta kafa glass cup na juice a

Murmushi ta yi tana kallan Aisha cikin wani yanayi fadi take a zuciyarta "burina ya cika, dama nayiwa kaina alkawarin ba zaki taba haihuwar cikin nan ba, yanzu dole zai zube, dole nema ya zube"

Aisha duka ta shanye juice din, ta ji dadi sosai saita kara zuba wani tasha

Ammi ta ce da alamu kinji dadin juice din nan

Aisha ta ce eh Ammi, na ji dadinshi sosai da sosai

"Zan sa a rika miki kullum"

Haseena ta mike "bari baje ta falo"

Ammi ta kalleta "baki cinye abincin ba"

"Ammi na koshi, ban cika cin abinci ba sosai"

Haseena ta koma falo ta zauna tana jin wani farin ciki a ranta

Bayan Ammi da Aisha sun kammala cin abinci suka dawo falo suka sami Haseena

"Har kun gama kenan"

"Eh mun gama"

Prof Attahir da Mum da Lastborn suka shigo cikin sallama, Cikin Murna Aisha ta mike taje da sauri ta rungume Prof

Mum ta ce Aisha haka zamu yi dake, murmushi Aisha ta yi ta rungume Mum

"Kema ai zan rungumeki"

Prof ya ce mamana kinyi kyau sosai

Lastborn ya marairaice "Aunty baki ganni ba"

Aisha ta ja kumatunsa tana fadin "I miss u Lastborn, ya kiriniya?"

"Ni bana kiriniya"

Suka zauna suka shiga gaisawa da Ammi

Mum ta ce Hajiya ya kokarin kulawa da Aisha?

Ammi ta cw Habadai wani kokari, ai hakkina ne na kula da ita

Prof ya ce Yayana ya wuce ko?

"Eh ya wuce, wallahi tafiyar yana yawa, na gaji'

Mum ta ce ayi ta hakuri dai, dan kasuwan kenan

Haseena sauka ta yi daga kujera ta duka ta shiga gaida su, suka amsa cikin farin ciki suna yaba hankali da natsuwarta, Allah ya hada yarsu da abokiyar zama ta gari

Suna ta hira a tsakaninsu sai ga Don ya shigo, Prof na ganinshi yai murmushi yana fadin Babana kwana biyu ko zuwa gaishe ni baka yi

Don ya sosa keya "Uncle ayyuka ne suka min yawa"

"Fada min wani ayyuka, Babana wani aiki ka samu kana yi ni ban sani ba"

Shuru Don ya yi Ammi ta ce ka yi masa magana ko kai zai ji maganarka, bai aikin komai

Prof ya ce haba Babana, meyasa kake haka, kanafa shirin zama uba ne, Idan ka gyara rayuwarka yayenka zasu yi alfahari da kai, hakadai Prof ya cigaba da yiwa Don nasiha

Zufa ne ya shiga ketowa Aisha, wani azababben ciwon mara ne ke addabanta, tun tana jurewa harta fara kuka, hankalin kowa ya dawo kanta

Don ne ya fara karasawa wurinta ya rungume ta "Aisha meke faruwa?"

Cikin muryar kuka ta ce marana yana ciwo

Ammi ta karaso ta rike ta, abu sai kara tsananta yake yi, ta fara ihu, kowa ya tsaya a kanta ana mata sannu

Murmushi Haseena ta yi yauwa, wasa ya fara, fashewa ta yi da Kuka tana fadin a kira likita a taimaki yar uwata

Da sauri Ammi ta je ta dauki waya ta kira likita tai masa bayani, cewa ya yi a kawo ta asibity da sauri, nan take aka fara cuku cukun kai Aisha Asibity, Haseena sai kuka take yi, Don ya rikice tunda yake hankalinsa bai taba tashi irin na yau ba

Cikin kankanin lokaci aka kawota Asibity, a ka shigar da ita wani daki likita ya shiga bincike

Ammi, Don, Haseena, Mum da Prof duk hankalinsu a tashe, Ammi bata san lokacin data fashe da kuka ba, tunaninta kar ta yi asarar jikanta Mum ta rungumeta tana rarrashinta

"Ba kuka zaki yi ba, addu'ar zaki yi"

Prof ya kasa cewa komai, Idan an barshi shima kukan zai yi amma ya jure yana tunanin halin da mamanshi take ciki, tsananin tausayinta yake ji

Don ya jingine kansa da bango, ya rasa meke yi masa dadi, wani zafi da radadi yake ta ji a zuciyarsa, Haseena ce ta karaso ta tsaya gefenshi idanunta sunyi jawur tsabar kuka

"Mijina ka kwantar da hankalinka, Aisha zata samu lafiya"

Juyowa ya yi ya kalleta "ina tsoron ta fada wani hali, ina tsoron ta rasa Babyn mu"

Haseena ta zaro ido Cikin mamaki "baka ce baka son Baby yanzu ba"

"Haseena yanzu ina son Baby, Aisha ta kwadaita min son Baby, ina son abin dake cikin Aisha kamar rayuwata"

Gaban Haseena ya yi wani mummunar bugawa fadi ta yi a zuciyarta "ashe gwara dana lallata cikin, Allah nagode maka, yanzu tunda yana son Baby dole zan yi kokari na yi"

Ta ce karka damu ba zamu rasa Babyn mu ba, za'a haifa mana Baby lafiya

Feedo ta tsai da motanta a kofar gidansu Bilkisu, bada dadewa ba sai ga Bilkisu ta fito, bude motar ta yi ta shiga

"Kawata ya dai"

Feedo tai murmushi "nazo miki da wata magana ne"

"Ina jinki"

"Kin san Haseena matar Don"

Bilkisu ta ce niko na san Haseena karamar yar bariki amma ke a ina kika santa

"Mijinta saurayina ne, a baya ma munyi dadiro dashi, to tazo ta hada kai dani ne akan mu cutar da kishiyarta sannan ta kawo min kararki akan kin damfareta kudi har naira million uku, tana son a hukuntaki ni Banma san ke ba ce sai data nuna min hotonki, kuma kinga dai ni da ke ai amana ne, babu yadda za'ai na cutar dake"

Bilkisu ta dafe kirji "ni Haseena take so a hukunta, ai kuwa saina tona mata asiri"

Feedo ta ce haba ta wurina ai wannan kauyancine, nidai yanzu abinda nake so dake, so nake mu hada kai dake, ina son Don sosai ba zan iya rabuwa dashi ba, amfani zanyi da Haseena na rabata dashi sannan na rabashi da dayar matarshi Aisha, ni kuma saina aure shi

Bilkisu ta ce to ke Idan kin aureshi ai kinci riba, to ni mecece ribata

Feedo ta danyi murmushi "kwantar da hankalinki mana yan mata, na yi miki alkawari zan baki million goma indai har na auri Don

Murmushi Bilkisu ta yi ta ce na yarda kuma a shirye nake na yi duk wani abinda kika sani

Feedo ta ce dakyau ta wurina, ta ciro wasu kudi ta mika mata

"Ga wannan ni zan tafi, zan fara tsare tsare na, Idan amfaninki yazo zan neme ki"

Bilkisu ta amsa tana godiya sannan ta fita, Feedo ta ja motarta ta wuce

Bilkisu ta bi ta da kallo "ji shashasha, waya fada miki akwai amana a bariki, kawai mu hada kai muyi aiki ke ki auri Don ni kuma ki hada ni da million goma, gani jaka"

Taja tsaki ta shiga gida

Likita ya fito da sauri suka karaso wurinshi, kowa ya tasa kunne yana son jin me zai fada

Likita ya kalli Ammi muje Office dina mu yi magana

Ammi ta ce zaka iya yin magana kowa daka gani anan dan gidane, duk daya muke, Likita ya ce akwai abinda nake so mu tattauna ne

Don ya ce Likita ya mata ta take?

Likita bai bashi amsa ba ya kara gaba Ammi tabi bayanshi

Mum ta ce oh ni Allah yasa lafiya

Prof ya kasa cewa komai

Don kasa tsayuwa ya yi, ya durkusa ya rike kai kamar ya ji sakon mutuwa

Likita da Ammi suka shugo Office suka zauna

"Ya ake ciki?"

"lallai sirikarki ta kasance me sa'a, ban taba ganin macen da Cytotec ya shiga cikinta ba, bai lallata abin dake cikinta ba, amma wallahi Aisha da abin dake cikinta suna cikin koshin lafiya"

Cikin rashin fahimta Ammi ta ce menene Cytotec?

"Wani kwaya ne na abortion, mafi yawa karuwai da yan bariki ne suke amfani dashi wajen zubar da ciki"

Ammi ta ce amma Aisha ba za tasha wani abu da zai cutar da abin cikinta ba

Likita ya ce zai iya kasancewa ba ita tasha kwayar ba, kila wani yasa mata a ruwa ko a abin sha

Shuru Ammi ta yi tana nazari sai ta mike da sauri

"Umar, Umar yana kan bakanshi sai ya rabani da jikana"

A fusace ta fita

Haseena ta karaso wurin Don

"Ni bana son ganinka cikin damuwa, please"

Mikewa Don ya yi ya kalli Haseena "kina damuna don Allah ki barni"

Babu dadi ta ji a zuciyarta sai ta jure ta ce

"Nima fa ina cikin damuwar nan amma ya zanyi"

Ammi ce ta karaso a fusace cikin tsananin fushi, duk kallansu ya koma kanta, kodawa Don mari ta shiga yi tana fadin Umar ba za ka kashe ni ba, ni zan kashe ka kafin ka kashe ni, da sauri Prof da Mum suka karaso, Mum ta rike Ammi

"Haba Hajiya kiyi hakuri koma menene ki bari mu koma gida"

Ammi ta fashe da kuka "Umar zai kashe ni"

Don bai san hawa ba bai san sauka ba, ransa ya baci sosai, idanunsa sunyi jawur, bai ce komai ba shuru ya yi

Mum ta ja Ammi tana rarrashinta gami da kwantar mata da hankali

Haseena kuwa farin ciki ya cika fam a zuciyarta, a tunaninta cikin Aisha ya zube, kuma an gano magani tasha, kenan Ammi na zargin Don, murmushi ta yi gami da ajiyar zuciya "burina ya cika"

Ammi ta shiga dakin da Aisha take, ta sameta kwance a gadon jinya, da sauri ta karasa ta zauna gefenta

"Aisha kina nan lafiya kuma Babinki na cikin koshin lafiya"

Aisha murmushi tai "Ammi na ji a Jikina zan haifi Baby na lafiya, in Allah ya yarda babu wanda zai cutar min dashi"

Ammi ta ce ina son zan fada miki wani magana kuma ina so ki yi min alkawari

"Ina jinki Ammi"

"Daga ni sai ke kawai muka san cikinki yana nan, karki taba bari wani yasan cikinki yana nan, sai dai kowa ya ji kin haihu"

"Wannan mai sauki ne Ammi yadda kika ce haka za'a yi"

"Dakyau sweetie na"

Prof da Mum suka shigo Aisha ta kallesu tana murmushi

Mum ta ce dafatan cikinta yana nan

Aisha girgiza kai ta yi alamun a'a

"Inna lillahi wa Inna ilaihir raji un"

Prof ya ce to tunda Mamana tana cikin koshin lafiya Alhamdulillah, sai dai muyi addu'ar Allah ya kawo wani mai albarka, Allah yasa haka shi yafi zama alkairi

"Amin"

Don yana tsaye kofar dakin jinyar shida Haseena, yana tunanin shiga yana tsoron Ammi, daga karshe ya yi ta maza ya shiga, yazo kusa da Aisha Ammi ta watsa masa wani kallo

"Ka bace min, bana son nakara saka a idanuna"

Don ya kalleta a tsorace "Ammi wai mena aikata, wani laifi na yi ki fada min"

Ammi ta galla masa harara "au bama kasan me ka yi ba, kai kafi kowa sanin abin daka aikata, wallahi Umar kana sani bakin ciki"

Mum ta ce wai meya aikata haka Hajiya, wa'innan maganganun da kika yi sam bai dace ba, aiko akwai matsala saiki bari idan an koma gida sai a zauna a tattauna, a warware matsalan

Ammi shuru kawai ta yi amma tunani fal a zuciyarta

Haseena kuwa tuni ta je ta hau motarta ta wuce, tunda bukatarta ya biya mai kuma zata tsaya bata lokacinta

Likita ya sallami Aisha, da aka zo tafiya gida Ammi tai mamaki da bata ga Haseena ba, da suka je wurin parking ma bata ga motar ta ba hakan ya tabbatar mata da wucewa ta yi

Suka shiga motocin da suka zo suka tafi

Feedo kwance a kan kafet din falonta Haseena ta shigo cikin tsananin farin ciki

"Feedo ina sonki, Allah ya barni tare dake"

Feedo tai murmushi "ki ce bukata ta biya"

"Ai bukata ta biya, yanzu ma daga asibitin da aka kaita nake, ciki ya zube, babu shi"

"Gaskiya na tayaki farin ciki Kawata"

"To yanzu damuwata daya, ya za'ayi na yi ciki?"

"Ciki kike so ki yi?"

"Shi nake bukata"

"To ki mannewa mijinki sosai bayan kin gama al'adarki ba safe ba rana ba dare"

Haseena ta ce duk na yi wallahi, duk jarabarsa har nazo na fara isansa, cewa yake yi ma na fishi jaraba, ammafa shuru babu ciki

Feedo ta ce a zuciyarta "taya zan yarda ki haihu da Don, ai daga ke har Aishan fita zaku yi batare da kun haihu ba"

A zahiri ta ce akwai wani Likita dana sani yana taimakon masu bukatar haihuwa kuma ana dacewa sosai, idan kin shirya sai muje wurinshi

Haseena a zabire ta mike "na shirya, kawai tashi muje"

"Da wurwuri haka"

"Karfe tun yana zafi zafinsa ake lankwasa shi"

Feedo ta ce hakane

Feedo ta mike tsaye, janyo after dress ta yi ta daura sannan ta yafa gyale

"To muje"

"Da kyau Tawan, ina yinki over"

Fita suka yi

Da su Ammi suka karaso gida, duk zama suka yi a falo, Don ya kasa zama, hankalinsa na kan duk wani motsi na Aisha,

Prof ya kalli Ammi "bansan wani laifi Babana ya aikata ba amma ina rokwanki daki yi hakuri ki yafe masa"

Ammi ta ce da kasan me yaron nan ya aikata hankalinka sai ya tashi

"Hakuri ake yi, kuma yana bukatar addu'arki ne, kuma a ganina yaron nan ya sauya ba kamar da ba, kenan Allah yana amsa addu'ar mu"

Ammi ta ce Prof yaron nan fa ka kalli rashin imani, ya nuna baya son abin dake cikin Aisha, hakan yasa na nisanta shi daga ita saboda kada ya cutar da ita, amma ya lallabo yazo kamar abin arziki ya bata maganin da ya yi sanadiyar barewar cikinta

Da sauri Don ya mike "what?" Ya nuna kanshi "ni Umar na bawa Aisha magani cikinta ya bare, da yaushe aka yi haka"

Ammi cikin fushi ta ce karka kawo min rainin hankali, karka mayar dani bansan me nake yi ba

Hankalin Don ya yi matukar tashi "wallahi banda sa hannu, ina son cikin Aisha, ina son Babyna"

Prof ya kalli Don sannan ya kalli Ammi "ina hujjarki akan Babana ne ya aikata hakan"

"Hujjata shine baya son cikin"

Don cikin sanyin murya ya ce wallahi ina so

Tunani da nazari Aisha ta shiga yi fadi take a zuciyarta "kenan wani ne ya bani magani nasha domin cikin Jikina ya bare, to waye wannan, ba mijina bane, mijina ba zai min haka ba" ta cigaba da tunani daga sama ta tuno da Haseena, ta shiga tuno dazu a dining data zuba mata juice "tabbas Haseena ita ce ta aikata min wannan aikin"

Dube dube ta shiga yi ta ga babu Haseena, hakan ya kara tabbatar mata da ita ce ta aikata wanna aikin

Mum ta ce Hajiya kiyi hakuri tunda kaddara ya riga daya faru, kawai Allah ya kiyaye na gaba

Shuru kawai Ammi ta yi

Don ya kalli Aisha "Aisha kin yarda zan iya halaka Bebinmu"

Aisha kallan Ammi ta yi sai ta kawar da kanta, bata bashi amsa ba don bata son karyata Ammi

Wani bakin ciki ne ya cika shi, kawai ya fice yabar falon Ammi ta bishi da harara, Aisha ta dukar da kanta, tsananin tausayin mijinta ya dabaibaye mata zuciya, sai hawaye ya fara fita daga idanunta

Hakadai Prof da Mum suka cigaba da bawa Ammi hakuri har suka samu ta dan sakko, sun kai har yamma a gidan kafin suka wuce gida

Don wurin Wizzy ya wuce, Wizzy na ganinshi ya ce wata sabon gani, Don amsar wiwin hannun Wizzy ya yi ya fara sha yana samun sauki

Wizzy ya ce Don kwana biyu, ka share ni gabadaya

Don ya ce to ka yi hakuri

Wizzy yai mamaki "Don yau kai kake bada hakuri"

Don ya kalli Wizzy "to miye a rayuwar, nifa nafara tsanar duniyarnan babu komai a ciki sai bakin ciki da tashin hankali, abinda ka yi da wanda baka yi ba sai ace kayi, rayuwa ba yarda"

Wizzy ya girgiza