You Cannot Download this book untill you login but you can read it .

---

Login Register

dakin duk sunyi shiru 😱kowa jiki yayi sanyi, musanman Abba, Wanda mutanan Nigeria suke jiran kiran wayarsa🤔

Cikin nutsuwa yake warware mata bandejin harya cireshi gaba daya,idanunta alumshe, yace "Open your Eyes"

Ahankali tafara bude idonta harta bude shi gaba daya, cikin sauri ta maida idonta tarufe ganin wani irin haske daya ziyarci idonta

Gaba dayansu hankalinsu yana kanta, kowa jira yake yaji abinda zatace

Likitan yace, "bude mana "

Sake budewa tayi ta kalleshi, sannan ta kalli Abba, tasake kallan likitan dasukazo tare amatsayin Wanda yayi musu jagora 🤣

Abba de atsorace yake, 🤣

Likitan yace "kina ganina?"

Ahankali ta daga masa kanta, sai hawayen farinciki tace "ina gani, amma dishi-dishi nake gani"

Gaba dayansu likitocin suka fara murna ganin anyi nasarar aikin, yadubi su Abba yace, "aiki yayi kyau, dama dole ranar da'akai mata aikin bazata gani karkar ba, dole sai Ahankali idonta zai washe taci gaba da gani sosai, zuwa gobe za'a iya sallamarku"

Abba yadaga hannu sama yace "Alhamdulillah, Alhamdulillah, Allah nagode ma"

Fita likitocin sukai daaga dakin kowa na farinciki


Suna fita likitan dasukazo tare yadubeta "to yanzu de kuka yaqare ko? Tunda kinga abbanki, shikkenan kuma idanu sun bude"

Hawayen idonta tashare tace "Abba ashe Zan sake ganinka? Abba Dan Allah kiramin umma tah"

Shima kansa dadin yakeji yace "to bari akira su, yana kira baiyi magaanaba yabata wayar, cikin sanyin jiki umma tadaga tace" Alhaji yaya ake ciki? Idanun nata sun bude?

Hawayen farin ciki suka sake zubo mata tace "umma nice, Umma idona yabude, ina ganin komai, Ga Abba ma ina ganinsa da idona"

Ai cikin murna umma tafuto daga falonta tanufi dakin mama mariya tace "maman mus'ab idon Baby yabude" sai hawaye, nan danan umma tafara shashshekar kuka, duk abinda sukeyi Nawal tana jiyosu, itama anata bangaren hawaye take, Abba kuwa yazuba mata ido yana Kallanta wani irin farinciki yaana ratsashi
Shi kansa likitan dasukazo tare jiyake Kamar yayi kuka saboda tsabar farin ciki

Mama mariya tace "Aiyiriri 🤣jama'ar Gida Baby de tawarke"

Aifa lokaci daya suka kaure da ihun murna, har hakan ya janyo hankalin maqota, aka fara tambayar ba'asi

Najma Data futo daga wanka daga ita sai daurin Zani 🤣takarbe wayar tace "shegiya Baby ido kuma yabude, fadamin ya kikaga jirgi?"

Dukda tana kuka hakan bai hanata darawa ba tace "Najma taya zanga jirgi nida nataho a makance?"

Tace "ke wallahi namanta,😃 idan zaku dawo ki karbi wayar Abba kidauko mana photon cikin jirgin mugani"

"to Najma Zan dauko, ina wayata?"

Najma tace "tana nan naboye miki ita adaki,"

"to kisa min ita achrge, kuma kikira Nas kifada mata Dan Allah"

"to Zan fada mata, Ga yaya Sultan ma da yaya Salisu sun shigo"

Suma karbar wayar sukai kowa yana taya ta murna, daga nan sukai sallama da yaya Sultan akan idan sun dawo zaisa lokaci yadawo yaganta 🤔


Saida aka bawa kowa wayar yayi magana da ita sannan takashe wayar tana share hawaye, nanfa yan'uwanta kowa ita yake tayawa murna, gaskiya tayi sa'ar yan'uwa, kowa soyaiya yake nuna mata
Ta bawa Abba wayar shikuma yakira Malam yanayi masa bayanin komai, aka ba tashi suka gaisa yanata tsokanarta

Saida tagama waya da Malam tashare guntun hawayen idonta, cikin ranta tace "ita kuwa dame zata sakawa wannan mutumin? Bai santaba, babu wata alaqa tsakanin su amma har ya iya bata wannan gudunmawar, "MK" sunan yafado mata cikin qwaqwalwar ta, waye mk? Yaya zatai tasake ganinsa Taji muryar sa?wacce irin godia zata masa? Dame zata saka masa? Tunani tasake yi sannan taci gaba da zance cikin zuciyarta tabbas babu abinda zatayi masa ta nuna godiyarta agareshi face tayi masa tayin auren ta 😳🙆🏻

(aradu kin taro december Nawal 😱to inba mk sai baqa ba😂)

Ganin tana ta tunani tayi shiru yasa Abba yafara janta da fira harta sake tanada daria, daga qarshe ma ta tashi tana ganin tsarin dakin nasu, sannan tawuce toilet domin yin alwala


*** ***** ***


Kamar yanda doctor's suka fada hakace ta kasance, washe gari aka sallamesu dasafe
Saida suka gama had'a komai nasu sannan suka nemi ticket sukayo gida, Nawal kam tasha kallo, domin kuwa abinda bata ganiba atahowarsu yanzu ta ganshi

Sai bayan azahar suka sauka akano, gida kowa yanata murna, Salisu yaje yasiyo kaji guda uku akayi musu hadaddan abinci
Taxi suka tara ta kawosu Gida, yayinda shima Doc. Yawuce Gida, Tun kafin su futo daga cikin motar yan gidan suka mamaye jikin motar, tana futowa dukansu suka fara rungumeta saida suka kaita qasa🤣

Daga nan suka shiga Gida aka fara baje kolin fira, maqota sunata shigowa suna taya umma murna, Najma kuwa taqi tafiya nan da can hannunta yana cikin na Nawal, saida sukaci abinci sannan tafara bawa su nura da saif da Najma labarin abubuwan Data gani

Har dare suka kai sunata fira abin sha'awa

Da daddare suna kwance da umma adaki, Umma ta dubeta"Nikam baby abbanku yayi miki magana ne akan abinda yafaru? "

" A a ummah, baimin magana ba, tunde fad'an da Malam yamin a asbiti, amma shide baicemin komaiba "

Umma tasaki ajiyar zuciya" to Allah yarufa Asiri "

Fira sukaci gaba dayi sama samah daga nan bacci ya daukesu Ga kanta Gana mahaifiyarta

Washe gari Abba ya shirya tsaf, kasancewar ba ummah ce adakinsa ba mama mariya ce, Dan haka yaleqo dakin nata, anan yagansu suna bacci Kamar zata maida Nawal cikinta🤣
Murmushi yayi yafara kiran sunanta harta farka "cikin yanayin bacci tace Alhaji zaka fita ne?"

Yace "eh zanje asbiti likitan da mukai tafiyar nan dashi yace yanaso naje, sannan kuma nima dama inaso naje wajansa na tambayeshi number wannan bawan Allah daya temaka mana, inaso na kirashi nasake yimasa godia, inso samu nema saimu shirya nida Malam Muje har Gida muyiwa iyayen sa godia, saboda naduba jikin katin daya bamu babu number wayarsa ajiki
"
Tun lokacin dayayi maganar zuwa asbiti tafarka daga baccin datake, amma sai tayi shiru tana saurarensu 🤣tanajin maganar number waya tayi hamdala ciki ranta

Umma tace" to Alhaji saika dawo "

Abba yana fita kofar Gida yahadu da Nasrin tazo gidan itama, kasancewar yasan ta kuma yasan tsakanin ta da yaransa yasa ya tsaya suka gaisa sosai, harda tambayarta mutanan gida, sannan ta shige gidan, shikuma yayi asbiti

Yana zuwa asbiti likitan yace "Alhaji dama akan maganar sauran kudin ku ne, inaso kubani account number natura muku abinku"

Abba yace "to likita mungode, amma karaba mana, kaima ka dauki sauran"

"A a Alhaji, idan ban temaka mukuba ai bazan karbe muku ba, dama million goma yaturo, munyi amfani da million biyar da rabi, saura hudu da rabi "

"to likita Dan Allah ka dauki wani abu aciki, nima idan ka dauka din zanji dadi ai"

Yace "to shknn Alhaji, zan dauki Rabin, saina turo muku million hudun , nagode sosai, Allah yabar zumunci"

"amin likita, amma Dan Allah ina zamu samu number wannan yaron ? Inaso na kirashi naqara gode masa,"

"gaskiya Alhaji nide banida number sa, asali ma ni bansan shiba ranar nafara ganinsa, kasan number manyan mutane Kamarsu, wahalar samu take, mutum saiya rasa wajan wama zaije yanema, amma kajirani, zanje wajan director nasan bazai rasaba"

Abba yace "to alhmdlh, nagode sosai saika dawo"

Likita nafita bai dadeba yadawo da number arubuce a takarda, yabawa Abba tareda karbar account number din nasa, daga nan sukai sallama Abba yayo gida


Abba yana zuwa gida mama mariya takawo masa abin kari, yace taje takira masa Nawal
Mama mariya na futowa ta duba daki bata ganta ba, tajuya zata koma dakin abban taganta tashigo da hijabi a jikinta, tace "kekuma daga ina kike?"😏

"mama Nasrin naraka soro, babu Inda naje"

"to kije abbanku yana nemanki"

Dakin abban tanufa, a lokacin takardar tana hannunsa yana kokarin saka number aciki
Tashigo ta zauna agefensa, idonta kar akan takardar hannunsa😉

Tace "Abba gani"

Takardar ya ajiye agabansa sannan ya fuskanceta yace "babu Inda yake miki ciwo deko?"

Kanta aqasa tace "babu ko'ina Abba, lafiya kalau nake," magana take masa, amma gaba daya hankalin ta yana kan takardar dataga anrubuta number ajiki
Kasancewar layin nasu na manya ne number special ce nan da nan ta haddaceta akanta💃🏻

Abba yace "shikkenan zaki iya tafiya"

Kallansa tayi tace"abba harka karbo number mutumin ne? Naji umma tace zaka je kasamo number sa😱🤣

Yace "eh nasamo, gatama har nasaka acikin wayata, yaqarasa zancen yanayi mata nuni da takardar dake gabansa

Nan da nan fuskar ta tanuna farin cikin datake ciki, tace to Abba atashi lafiya, tamiqe tafice daga dakin

Bayanta yabi da kallo cikeda mamaki, cikin ransa yace ita kuma menene take tawani Fara'ah? 🤔🤔

Tana zuwa daki ta dauki wayarta tayi saving number aciki da sunan 'my Choice' (tab😳)
Dole ma tasa kati awayarta ta kirashi da daddare, sai Murmushi take ita kadai Kamar sabon kamu 😒

Najma ce tashigo dakin ta zauna agefenta tace"ke Baby kin dawoma amma kin wani liqe adaki Kamar Anwar din zai shigo Gida yakamaki? Haba yakamata ki futo tsakar Gida asha fira "

Ajiyar zuciya tayi ta dubi Najma, tace" ina nan ina tunanin za'bina "

Najma ta juya idanunta tace" zabinki? Waye kuma zabinki? Kode kin fara son Nuhu bansaniba? "

Lokaci daya tabata ranta tace" waye kuma Nuhu? Kinga ni MK nake nufi "

Kallanta tayi dakyau tace" Baby kinada hankali kuwa?kyautar million goma fa ba dubu goma bace, cikin yan siyasa ma bakowa ne zai dauki zunzurutun kudi har million goma yabaka ba, to banqiba gwamnoni haka, kinsan kuwa tunda yayi wannan kyautar ba qaramin mutum bane, shine zakice kina tunanin sa, nasan qarshan maganar dai shine kice kina sonsa, kinsan matansa nawa? Kinsan halinsa? Mutumin kirki ne kona tsiya? Sufa irin wannan manyan mutanan ba kasafai suke zama da mace guda d'ayaba "

Itama Kallanta tayi tace" Najma, kinata maganar wani kudi million million, ni waye yace miki Dan kudinsa nake sansa? Kawai nima haka naji ina sansa, sannan ni koda yanada wata matar hakan ba zai dameni ba tunda shi nakeso dole naso abinda yakeso, koda matansa uku ni Zan roqeshi ya aureni amatsayin ta hudu 😳🙆🏻

Najma tace "to wallahi bari kiji, Dan baki ganshi bane ranar daya biya miki kudin aikin idonki a asbiti, mutane ne suke take masa baya Kamar wani Dan siyasa, yasin wannan mutumin duk da banganshi ba ko a 'yar aikinsa ba zai daukeki ba Baby 🤣🤣






















Naci karo da Comment din wani bawan Allah dayake tambayata wai Wacece Baby din da MK yakesan yasake gani? 🤔

Idan kana bibiyata daaga farko naayi bayani cewa yarinyar sunanta Nawal, kasancewar adakinsu babu mace sai maza shiyasa yayunta suke kiranta da Baby, Beauty kuma qawarta ce take fada mata hakan,shikam mk ai bai santa da Nawal ba, da Baby yaji ankirata, kaga kuwa aishi Baby zaice, Allah yasa Wanda basu ganeba sun fahimta yanzu
















Banajin dadin yanda wasu basasan yin Comments bayan kuma sun krnta, inasan sharhi sosai

(yaya makomar alwashin da Nawal ta dauka akan mk?)

(shin waye mk?)





Mutara zuwa gobe insha Allah




















Amnah El Yaqoub ✍🏻
🌺NI DAKE...🌺

(Hot luv story)

Writing by Amnah El Yaqoub



*Gaskiya Babu abinda zance tsakanina da 'yan group din Khaleesat Haidar sai godia akan yanda suke zuba sharhi, ban taba tunanin book din zai samu karbuwa hakaba shiyasa na sadaukar da wannan shafi agareku* 💃🏻💃🏻💃🏻




13&14








To yanzu waya fadamiki su masu aikin basuda qima? Ai idan nasamu ya dauke ni aiki shikkenan zance yaqare yagama sona, Kamar baki karanta labarin shalelan baba ba? "

Najma tace" kada kiyi kuskuren hada Rayuwar novel da Rayuwar ki Baby, marubuta suna saka abubuwan da bazai taba faruwaba agaske acikin novel,misali :ya rungumota, yakama hannun ta, yayi kissing dinta wannan duk tatsuniyace, kawai maggi ne suke qarawa miyar littafin su Dan yayi dadi, amma agaske cikin al'ummar hausawa yarinya Mai tarbiya ai bazata taba yarda hakan tafaru a gareta ba

Sannan itama shalelan da tayi aikin aka sota aiba haka kawai yaso taba, da temakon yar'uwarsa, ke kuwafa? Wakika sani nasa dazai soki harya temaka miki kisamu shi mk yasoki? Kamar fa kiwayi gari ne kice ke Mai kamfanin mtn kikeso, Dan Allah Baby awacce duniyar zaki sameshi? 😂🤔Saiki hadu dashi ahanya ma yawuce kiwuce bakisan shine ba, nide shawara ta agareki kicire wannan al'amarin daga cikin zuciyarki, wahala kawai zakisha "

Budar bakin Nawal sai tace" ai dama ita soyaiyar gaskiya sai ansha wahala ake samunta, 🤔kawai Najma kifadi alkhaairi ko ki shiru "

Miqewa tayi tace" nayi shiru, kisha tunani lafiya Baby "daga haka tafice daga d'akin


*** ***** ***

Har zuwa yamma tana d'aki tana tunanin mafita, ta saqa wannan ta kunce wancen nazari tayi akan kalaman Najma, kuma fa aduk cikin maganganunta babu na yarwa🤔gaskiya ce abaiyane, yanzu idan nemansa zata fara ta wacce hanya zata bi? Hanyar farko de itace number sa kuma tasamu, hanya ta biyu kuwa itace nemansa, ta ganshi yaganta, Dan haka dole zata nemi shawarar Nas, tasan cewa bazata bata shawarar banza ba

Umma ce ta leqo cikin dakin tace "kije Nuhu yazo inji Saif,"tareda juyawa

Wani haushi ne yakamata, ace za'azo wajan ka amma akasa sanar dakai? Ai aqalla ko awaya ne akiraka aji kana Gida ko bakanan, kanada lokaci ko bakada shi? Amma kawai shi kullum babu tunani babu komai saide ya wanke qafa yazo 🤦🏻‍♀yanzu Inda girki take haka zata katse kenan taje wajansa

Tsaki tasaki tadauki dogon hijabinta tasaka tafice daga dakin
Umma tana zaune afalo ta kalleta "ahaka zaki fita idanunki fari qal ko kwalli babu?"

Murya ciki-ciki tace "umma bansan zaizo ba, bai fadamin ba shiyasa ban shirya ba, kuma likita ma ya hanani saka kwalli (🙆🏻🙊😳kai)

" ke kika sani, idan bakya sansa meyahana kifada masa gaskiya Tun tuni, Tun magana bataje ko'inaba "

Itade batace komaiba tafice, ta iskeshi a kofar gidansu azaune akan wani banci, tasan aikinsu Saif ne wannan, a tsaye ta tsaya masa aka tareda sallama 🤣

Ya amsa mata cikin sakin fuska," My heart Rabin raina ya hanya? "

Tace" lafiya "😖

" to Alhmdlh ido kuma sun bude Allah yaqara kiyayewa gaba, "

" amin ya Allah, wai Dan Allah Nuhu na tambayeka "

" inajin ki malama Nawal "

Tace" meyasa kake sona ne? "

Murmushi yayi ya gyara zama" abu na farko shine kinada kyau, zaki dinga haifamin yara masu kyau kamarki, amma nafiso suyi kamarki kawai, jikin kuma saisu iyo nawa, kinga Ga kyau Ga tsawo kuma Ga qiba 😳😱, kuma masha Allah kinga nidin dama gentleman ne, saikiga ana layi a kofar gidana"🤣

Cikin takaici tace" Nuhu saikace samudawa? 😂😃Kasan tsawonka kuwa? Tsawo ne dakai Kamar daran mutuwa, ahakan za'ayi layi a kofar gidanka?

Dariyar yaqe yayi, shi yana ganinsa da tsawo gad'an haskensa amma shine take masa haka
Yace "to ai inde sunyi kyanki to banida damuwa, sai abu na biyu shine tarbiya, kinada tarbiya, Ga kuma uwa uba hakuri, Allah ya hore miki hakuri

kasancewar yana mura sai Jan hanci yake🤦🏻‍♀gashi babu tissue ahannunsa, kasan kana mura kuma zaka je wajan budurwa zance saikazo da tissue kodan handkerchief, 🤣🤣

yaci gaba da cewa saikuma Breast, Allah ya hore miki su nidama kuma inason na auri mace Kamar hak... Bai qarasaba majina tataho ta hancinsa🙆🏻🤦🏻‍♀🙈😩🤣

Tana gani tafara yamutsa fuska😣, zuciyarta tafara tashi, Nuhu wanne irin qazami ne, amai taji yataho mata, cikin sauri ta daakatar dashi tace "Nuhu Zan shiga Gida, aiki nake ka katseni," daga nan tayi wuf ta shige cikin Gida😂

Tana shiga Gida mus'ab Dan autan Mama Mariya yashigo yaje wajan ta yace "yaya Baby"

Tayi zatan abin arziqi zai fada mata tace "na'am mus'ab"

Yace "naga hancin Nuhu da majina 🤣"

Haushi yasa ta dafe kanta da hannunta🤦🏻‍♀tace "Mus'ab wuce kaban waje"

Sum Sum yaron yafice daga falon🤣
Tayaya ma zata auri Nuhu bayan qannanka ma sunsan halin qazantarsa

Da daddare taje wajan umma tace "umma kinada dari biyu kibani nasai kati Zan kira yan school dinmu 😱?

"kiduba gefen waccan kujerar kidauka"

Tace "to" sannan tadauka tafice daga gidan, kasancewar akwai shago akusa da gidansu nan danan tasiyo tadawo, yau umma a dakin Abba take, shiyasa ta bari saida tazo bacci sannan ta kirashi, amma abu daya ake fada mata shine layin bayakan waya🤦🏻‍♀

Tashin hankali ne ya bayyana afuskarta qarara, duk wannan murnar datake zata kirashi hakan yatashi abanza kenan? 🤔

Number Nasrin takira, bugu uku tadauka tace "Beauty ya kike yagida?"

"lafiya lau Nas zaki shiga school ne gobe?"

"eh Zan shiga insha Allah, meyafaru?"

"inaso ne zamuyi magana Mai muhinmanci, saimun hadu goben kawai"

"toba damuwa Beauty saimun hadu"

Kashewa tayi taci gaba da kiran number, saide takira yakai sau talatin, amma amsar de guda dayace, haka ta hakura tayi addu'ah ta kwanta bacci cikeda damuwa😖

Washe gari karfe tara ta shirya tsaf cikin hijabi dogo har qasa, fuskarta fayau babu kwalliya, sai powder kawai Data shafa, ta lakuci Vaseline tashafa a lebenta, sai pink lips dinta yayi mutuqar kyau sai sheqi yake
Wajan umma taje tace "umma natafi school"

Kallanta tayi, Kamar de tahanata amma sai tayi shiru ganin ta qwallafa ranta akan karatun "to saikin dawo"

Tana fita ta tsaya a kofar Gida har saida Allah yakawo Mai adedeta sannan tahau, sunzo dede Inda tahadu dasu Anwar tacewa Mai adedetan "bawan Allah yisauri Dan Allah," saboda jitake Gabanta yana faduwa sosai, Kamar zasu sake tareta


(in banda abinki suda basusan ki bama kullum fuska cikin niqab tayaya zasu ganeki🤔)

Cikin qaramin lokaci ta isa makaranta, Nasrin na jiran ta agaban hall din tana zuwa tace" Beauty yazuwa haka babu niqab?

"Hmm wallahi Malam ya hanani sakawa, Tun lokacin da abinnan yafaru"

"gaskiya ne Allah de yaqara kiyaayewa,"

Basufi minti ashirin da shiga hall dinba malami yashigo, aikuwa kowa sai Kallanta yake saboda basusan fuskar ba
Ita kuwa da tasan kowa ko a jikinta, har malamin yagama karatu yafara tambayoyi amma cikin maza ne kawai suke amsawa, mata sunyi shiru🙆🏻😳

Malami ya kalli wajan mata yayi musu wata tambayar nanma shiru 😳, aifa karkaso kaga ido wajan maza,Nasrin tayi qasa da murya tace "nikam babu abinda nafahimta wallahi, bazan daga hannu nabada amsa ba daidai ba, ke Beauty inkin sani kifada masa

" nasani Nas, amma wallahi tsoro nakeji, gabana faduwa yake, banaso ayita kallo nah

"lalle Beauty aikuwa yin shirunki shine zaisa adauka mata jakai ne wallahi"

Malami yaji shiru yasake cewa babu amsa?

Cikin faduwar gaba tadaga hannu, aikuwa sai ido yadawo kanta

Malamin yace "inajin ki"

Maimakon ta bashi amsa saita tata shi taje wajan sa ta karbi makar hannunsa tariqe shide yanata ganin ikon Allah, bayani tafara yi da baki, amma kokadan taqi kallan bangaren maza🤣

Hall yayi tsit, kowa ita yakeji, sosai tayi bayani sannan tafara rubuta example, tana sake yin bayani, dukda muryar ta tana danyin rawa haka de tadaure tayi
Tabawa malamin makarsa, aikuwa me za'ayi inba ihu da tafi ba, sosai ta birge kowa, saboda ba kasafai ake samun mata masu irin wannan jajircewar ba

Tana zama wata dake bancin bayaansu tatabota tace "Nawal ga wani abokina yaturomin text yanzu wai yana sonki 😳"

Kai ana budiri a jami'ah🤣🤣Ga malami a aji amma wasu saqon soyaiya suke turawa


Murmushi kawai tayi mata batare datace komai ba, suna fita daga lacture Nasrin tace" Beauty yau kinyi kokari, kin bawa kowa mamaki, inajin ki wacce magana kikeso muyi? "

Cikin nutsuwa tace" Nas nakasa cireshi araina "

Zaro ido Nasrin tayi cikin murna tace" wow, yau Beauty anfada soyaiya, fadamin waye shi? "

"MK"

Mamaki yakama Nasrin, "wai kina nufin mutumin daya biya kudin aikin ki?"

Daga mata kai tayi, idonta na kawo ruwa 🥺

"to dama kin hadu dashi ne Acan qasar da aka miki aikin idon?"

" ban hadu dashi ba, Tun lokacin danaji yana magana da baba nake tunanin sa, naji kawai yana birgeni duk da banganshi ba, nafada wa Najma tacemin wai qilama yanada aure, yafi karfina, narabu dashi, wai ko a 'yar aiki bazai daukeniba 😭, nasamu number sa awajan baba danaji yace zai kirashi yayi masa godia, shine nasaka number a wayata nadinga kira jiya taqi shiga, karshema layin bayakan waya haka aka nunamin, Nas ina sonsa wallahi, koda ace yanada mata wallahi Zan iya zama dashi, koda shi bayasona ni ina sonsa, ki temaka kiban shawara, Yaya zanyi? "

Ajiyar zuciya tasauke, ta saka hannu ta goge mata hawayen idonta" kiyi hakuri Beauty insha Allah, Allah zai kawo mana mafita, kinsan garin dayake ne?

"A a Nas bansaniba"

"Ok kinde san likitan dakuka je Albania tare dashi ko?"

"eh nasan shi Nas"

"yaya sunansa?"

Nawal tace "doctor babangida"

"shikkenan kiyi hakuri, yanzu tunda bamuda wata lacture tashi Muje"

Kallanta tayi "ina zamuje Nas?"

Kai tsaye tace mata "Asbitin Malam Aminu"


*** ***** ***

Kasancewar Abba yana gidan Malam shiyasa kwata kwata bai nemi Nawal ba, kuma yasan cewa safiyya bazata barta taje ko'inaba harsai yayanke hukunci akanta.

Malam ya kalleshi yace "muhammadu ya ake ciki dangane da karatun su Nura? Yaya kukai da mutumin?"

Abba yace "Malam nakira wani abokina dayake koyarwa a A.B.U zaria, nayi masa magana akan yarana maza guda biyu dasukai candy bana, inaso ya temaka ya nema musu admission, yakumace insha Allah zaiyi kokari yaga sun samu gurbin karatun, sannan yafadamin kudin registration dinsu,saboda haka naqara dubu talatin akan nakowaccee shekara incase ko zasu iya qarawa, na turawa Sultan kudin registration din Nura da Saif gaba daya na shekara hudu, nikuma zanci gaba da daukan nauyin kudin Mota dana abinci da sauran abubuwan buqata, amma maganar kudin registration de idan lokaci yayi sai suje wajan Sultan, saikuma Najma idan anfara yin jamb saita sake rubutawa itama idan Allah yasa taci jamb din saita shiga B.U.K
Ita kuma zan turawa Salisu nata kudin registration din, itama idan lokaci yayi sai taje wajan sa ta karba

Malam ya jinjina kai yace "muhammadu kayi tunani Mai kyau, amma ita kuma Nawal dinfa? Banji kayi maganar nata karatun ba"

"Malam ina sane da ita, akwai abinda nake tunani akanta tukunna"

Malam yace "to alhmdlh,wasu mutanan suna dauka haihuwar 'ya mace wahala ce, amma basusan ta Sanadin ta zaka iya samun alkhaairi ba, kagade abinda yafaru Ga Nawal, gashi Sanadin ta yanuwanta ma zasu tafi makaranta, yanzu de abinda Zan fadama shine, kaje kasa afara gyarama gidanka, sannan filinka daka siyar kanemi wani kasiya kamaida abinka, sauran kudin kuma saikaci gaba da amfanin yauda gobe dashi"

"to Malam insha Allah, daga nanma Zan wuce wajan masu saida kayan gyaran asiya akai gidan inyaso sai afara gyaran dawuri, sannan kaima Zan turo maka wani kudin, Zan qara dubu Hamsin akai asayi abin sadaka ayiwa wannan bawan Allah, Dan yaron nan daga ganinsa yana buqatar addu'ah "🤔🤣

Murmushi Malam yayi,cikin ransa yace" kome yagani a tattare da yaron yake cewa yana buqatar addu'ah?

Afili sai yace "to muhammadu, Allah ya shige mana gaba, nagode"

Daganan sukai sallama Abba yatafi


*** ***** ***


Cikin Murmushi yace "A a Nawal yanmata yau kece a office din namu"

"eh wallahi doctor nice ya ayyuka"

"aiki da godia, ya wajan Abbanki? “

" yana nan kalau, "daga nan tayi shiru
Nasrin sai zungurinta take amma takasa magana sai shine yace" meke tafe daku ne, ko zuwa kukai mugaisa "

Tace" am likita dama... Dama.. Munaso kafada mana garin... Ganin taana neman yimusu 'baran' 'barama ta zubda ajin mata 🤣🤣yasa Nasrin tace "doctor jiya wai Abbanta yazo yakarbi number wannan mutumin awajan ka, to shine suka dinga kira taqi shiga, shine tacewa abban nata zatazo da kanta wajan ka idan kanada wata number kabamu". (kai kai zuri😱🙈)

Murmushi yayi yakalli Nawal "kinaso ku gaisa ne kema?"

Murmushi tayi batace masa komai ba, yasake cewa "ai hakan yanada kyau kinsan manyan mutane may be baya qasar ne shiyasa baku sameshi ba (fada matade🤔)
Yaci gaba da fadin" Amma gaskiya banida number sa, wannan dinma awajan shugaban asbitin nan nasamu, "

Nas tace" ikon Allah, toshknn doctor mungode, amma shikam awanne garin yakene? "

Yace" wallahi bansaniba, amma akwai abokin aikina dasuka fita germany gyaran kafar wani yaro Wanda shi wannan yaron qanin abokin shi mk dinne saide na tuntubeshi naji ko yasan Dan inane"

Cikin murna tace "to Doc. Mungode"

Wayarsa ya janyo yakira dayan likitan yasaka ta a handsfree yanda zasuji komai, ana dagawa yace "abokina ya ayyuka?"

"aiki alhmdlh wallahi gashi muna ta fama"

"masha Allah, dama akwai wasu bayin Allah ne sun kira number mk basu sameshiba shine suke tambaya wai shi din Dan wanne gari ne? Shine nace saide na tambayeka tunda kunyi tafiya zuwa germany kaida abokinsa, ko zakasan wani abu daya danganceshi?"

"eto gaskiya abinda nasani shine naji abokin nasa yana fadawa qaninsa cewa shi mk din Dan Adamawa state ne, cikin garin yola, amma yana zaune a Abuja, saide mafi yawan harkokinsa yana gudanar dasu ne a qasar Dubai, amma baya cikakken sati biyu baizo Nigeria ba, maganar waya kuwa naaji yana cewa sai ranakun aiki