You Cannot Download this book untill you login but you can read it .

---

Login Register

Malam Aminu, kai tsaye yace"ma Nasir din su wuce Malam Aminu


Bai ce masa komai ba ya cigaba da dreving din shi



Maryam ta dago kai cikin rashin sa'a suka hada ido dashi ,yai mata wani banzan kallo ,tayi saurin yin kasa da idonta, a zuciyarta tace"ban taba ganin mugun mutum kamarka ba,mai zuciyar fir'auna"


Anwar ya na kwance a gadon asibiti,bayan likita ya duba shi, sosai shima ,sai da a kayi masa dinki a fatar lebanshi inda Nasir ya fasa sai gwiwarshi da kafadarshi, Gaskiya Nasir yayi masa lahani sosai,sai nuffashi yake fitarwa na wahala,yana tunanin irin Wulakacin da rashin mutumchin da zai yiwa Nasir ,in ya far fado.
Dady yayi Sallama dakin da Anwar din yake kwance, likita a kansa,nan suka gaisa da dady cikin mutumchi da girmamawa. Likitan ya juyo yana kallon Nasir ,shima Nasir din ya kalleshi , Dr Dini ,ya ce" kai Nasir Alhussen ,dama kana duniyar nan"?


Nasir ya saki fuska kamar bashi bane mai nukufurci nan yace"ya akayi ne dini, inanan wallahi, kace har ka fara aiki kai"


"Dr dini ya saka dariya gami da rungume Nasir din yace"gaskiya naji dadin ganinka Nass ,sosai kasan bayan shekaru biyar da suka wuce da rabuwarmu a america,na dawo nan na karasa karatuna a jami'ar bayaro wallahi to ban dade da kammalawa mahaifina ya samamin aiki a wannan asibitin, dama kai ai ka dauko karatu mai zafi sosai ,ina fatan duk ka kammala"?


Cikin sakin fuska Nasir din yace" sosai kuwa,kasan duk abinda nasa agaba Allah yana taimakona, yanzu zancan da nake maka ma ranar Monday zan fara aiki a sabon asibitina,an kammala komai, da komai,


"Alhmdullhi na taya ka murna mutumina bukatar ka ta biya, Allah yasa a fara a sa'a

Nasir ya bashi hannu suka tafa ,suna dariya, Dr dini, ya kalli Maryam dake rabe a bayan Nasir tana zare ido,yace"kai! Mutumina kace kananan kana shagalinka"


Nasir ya dinke fuska ,yana nuna masa dady, nan da nan Dr dini, ya shiga hankalinshi domin kwata kwata ya manta da dady, dady kuwa duk yana kallon su, bai ce komai ya wuce gurin Anwar dake kwance ,yana kallonsu wato Nasir bashi da mutumchi , wallahi sai ya tona masa asiri gurin mahaifinshi.
[05/06, 19:00] +234 808 996 5176: *YARO DA KUDI*


*68*
Dady ya
karasa kusa da Anwar din gami da dafa kafadunsa,yace"sannu Anwar,wato kun girma,ba kusan kun girma,har yanzu Baku dai na shirme,ba ko"?



Anwar ya ya mutse fuska yana kokarin mikewa zaune, yace"dady , a rayuwata babu wanda ya tabayi min wulakanci irin wanda Nasir yayi min dazu,amma ko dame yake taqama dashi wallahi sai na rama"


Dady yace"wannan kuma abinda ya shafeku ne, babu ruwana kuje Ku kashe kanku ,sai dai duk Wanda yayi kisa a tsakaninku ,to kar ya saka sunana, yanzu abinda nakeso dake ,kagayamin mai nene ya haddasa wannan rigimar"


Anwar ya ya mutse fuska yana jin radadi a jikinshi yace"dady ka tambayi Maryam duk zata fada maka dalili,yarinyar nan tun safe kuke nai manta ,ko"?


Dady yayi saurin daga kai gami dacewa kwarai kuwa,mai yafaru"?



Ya zakuda kafada,gami da nuna Nasir da hannunshi yace"to ga Wanda ya sace ta nan ya kaita can guest house din shi da gina can bayan gari,inda yake kai"yan matanshi, can ya kaita zai lalata, dama ya Dade yana hakonta,shine na gan ta tafito daga gurin tana kuka, nayi sauri na sata a mota na, shine fa ya biyo mu wai sai ya kashe ni"
Dady ,bai yi mamaki ba sabida dama ya zargi haka , ya daka wa Anwar din tsawa gami da cewa ,"ka fadamin cewar Ya keta mata haddi kokuwa,mutukar kayi min karya domin kare shi ,kai dashi sai nayi shari'a daku"



Anwar ya tsorata da ganin yadda dady yake huci yace"Dady waqa abakin mai ita tafi dadi ga Maryam din nan ka tambaye ta,zata fada maka komai"


Ya juyo yana fuskantar Maryam din yace"hakane maganar Anwar ko kuwa"?

Maryam ta diririce batasan sanda ta daga kai ba


Dady yayi salati ya sanar da ubangiji yana bin Nasir da kallo wanda yayi tsaye ,yana kallonshi ko gezau bai yi ba,sai dai abinda ya bashi mamaki bai wuce ,Maryam ba wato ita sharri zatayi mishi,Sam! Hakan bai dameshi ba

Dady ya ce"Nasir kaci amanata kaci amanar malam Ya'u ,to bari kaji wallahi summa tallahi,baka da mata sai Maryam,ka rubuta ka ajiye,


Anwar sai da ya kusa wuntsilowa daga kan bed sabida bai yi tunanin irin wannan hukuncin dady zai yanke ba,

Shiko Nasir ko a jikinshi ,Lallai da akwai rigima mutukar dady yace ,zai aura masa yarinyar ,dan shi yanzu wata irin tsana yake mata , amma can kasan zuciyarshi kishi,yana tsunkulinshi in ya tuno lokacin da Anwar ya danneta a mota,yana wasa da Brest din ta.
Sai yaji kamar ya kashe kansa ya huta.
[05/06, 19:01] +234 808 996 5176: *YARO DA KUDI*

*69*


Babu fargabar komai yace"dady ka kwance wannan rantsuwar taka, kasan halina in nace banason abu ba na so sabida in ka ce lallai sai na zauna da yarinyar nan ,zakaji kunya sabida yadda na tsaneta haka na tsani mutuwa ta bana kaunar in bude ido in ganta,



A fusace dady ya tsinka masa mari,ya ce wato ina fada kana fada ko Nasir,turawa sun bataka da rashin kunya,ko su ai da suka Baku "yancin kai,ba sai wa iyayensu rashin mutumcin da kake yi min Nasir,nafada na kara fada mutukar ni na haifeka ,to baka da matar Aure sai Maryam,in yaso in an kai maka ita ka kashe ta,dan naga alama zaka'iya


Dr dini dake tsaye yana sauraronsu ,sai yanzu yafara gane inda maganar take ,sai ya ruqa bawa dady hakuri yana tausar zuciyarsa ganin yadda ya hasala,sai fada yakeyi.


Nasir na tsaye kanshi ,a kasa yayin da ya zube hannunwanshi cikin aljihun wandan dake jikinshi 3 qutar ,ranshi yana masa zafi mutuka ,tunda yake da dadynshi bai taba fudda hannu ya mareshi ba tun korociyarshi,kawo wa girmanshi, amma yau in baiyi qarya ba, yau ya mareshi sau uku a kan yarinyar da bai San asalinta ba,


Fuskarshi a murtuke ya ke kallon dady dake ta balbala masa fada,yace"dady ,kasan bana karya ,bana boye abinda yake zuciyata, nace kar ka kulla wannan lamari ,ok kai ne a ciki ,duk abinda ya biyo baya kar ka tambaye ni yana gama fada yayi nufin barin dakin ranshi a mugun bace.



Dady ya bishi yana zagi,yace "duk abinda zakayi kaje kayi,aure kai da Maryam babu fashi,na fada maka,idan andaura auran ka kasheta ,kagani in ban sa an kasheka ba kai ma, zanga abinda kake taqama dashi,ka lalata yarinya ,daga baya ka kawowa mutane maganar banz.....kuka Maryam ne ya katsewa dady Fadanshi,ya waigo a fusace,gami da cewa"Maryam in dai ina raye bazaki wulakanta, zan cika Alkawarin da na daukarwa mahaifinki tun bakizo duniya ba



Da rarrafe ta karasa kusa da dady din ta ruqumqume kakafunshi tana gursheken kuka, tace"dady please ka janye wannan maganar da kafada a kai na da Uncle, dady ka dai na zaginshi kana ai batashi, dady uncle yafi mu gaskiya, fa tun da yace bayaso kar kayi masa dole"
Ya buga mata tsawa gami da cewa"rufe min baki shashashar yarinya ,kawai ,kema tsoro yake baki,ya cuceki ,kina rufa masa asiri,baxan janye ba,duk abinda zakuyi kuyi,kinji na fada miki"

Maryam na kuka tana rokan dady a kan irin zagin Nasir din da yakeyi ,tace"dady Uncle bai yi min komai ba asali ma yaje taimakona ne, lokacin da wannan can yayi nufin cutar dani a motarshi,tafadi maganar tana nuna Anwar da hannunta .


Dady ya buga mata tsawa a karo na biyu yace" ki kiyaye ni nafada miki ,ni zaki fadama halinshi, Anwar bazai yi masa sharri ba, sabida yasan halinshi,idan kema zaki bijeremin kamar yadda yayi min shikkenan,nasan dai tarbiyarki ba irin tashi bace,


Tausayi dady ya lullube ta sosai tace"dady kayi hakuri bazan bijirewa umarninka ba,Amma ina rokan alfarma ka janye maganar hadamu da Ancle nayi maka,alkwarin yi maka biyyaya ga duk namijin da kazaba min ,amma ba Nasir ba.


Dady yaji babu dadi da jin furucin Maryam zuciyarshi tace"wata kila itama yarinyar tana gudun mugun halin danka ne,shiyasa take kuka,kar ka shiga hakkinta,


Jiki a sanyaye ya kalleta yace"ok naji maganarki Maryam, kiyi shiru kin jiko bazan cutar da ke ba domin jin ki nake tamkar yar da na haifa a jikina, kiyi min alfarmar auran Nasir kinji ko, zuciyata tana bani a kwai alkairi a auranku sosai,kece zaki zama silar kintsuwarshi"
[05/06, 19:01] +234 808 996 5176: *YARO DA KUDI*


*70*


Maryam ta mike tsaye tana share hawaye ,tace"dady kai ne zaka dinga yi masa addu'a dady ka dai na yi masa mugun baki,domin bakinka yana da dafi a gareshi , kasan shiriya ta Allah ce"


'To
Maryama na dai na, kinji dama duk a kanki ne,abinda nakeso dake shine kifadamin gaskiyar abinda ya afku a tsakaninku dashi,shin maganar da Abokinshi yafada haka take a kanki"?


Maryam bata iya karya ba,nan ta zayyanewa dady komai tun lokacin da tafito daga gida ,da yunkurin cutar da ita da Nasir din yayi Allah ya taimaketa ta gudo,ta kare maganar da cewa,amma Sam baiyi min fyade ba kamar yadda kake nufi dady"



Dady yace"na yadda da duk abinda kikace Maryam domin ba kya karya ke sabida haka na janye maganar da nafada a kanki,ke da Nasir din ,bazan miki dole ba,kwanaki Abdul latif yaron kanina yazo min damaganar yana son ya aure ki ,nace ya bari in sanarwa da mahaifinki tukkuna ,Na lura dama ke dashi kuna shiri ko?



Maryam ta sunkuyar da kanta cikim jin kunya. Ta daga kai alamun haka ne dady yayi murmushi yace"To masha Allah ,Allah ya nuna mana,ke kuma Allah yayi miki albarka"



Anwar ji yake tamkar ya kashe dady sabida tsabar bakinci ki yana iko da abinda banasa ba, ai yarinyar ba"yarsa bace ,ba "yar waninsa ba ,da zai riqa yanke hukumci a kanta,Abdul din banza da hofi,ko Nasir ne ya aureta ba yajin zai iya hakura batare da ya kashe ,shiryawar dake damunsa ba




Ya zakuda ,yanawa dady wani irin kallo na raini,yace "haba! Dady wannan ba girmanka bane,eh!! Yawa!! Fa kakeyi kakyale yarinya ta mori kuruciyarta,kai tsaye zakace zakayi mata aure, gaskiya in hakane nine yafi dacewa in aureta ,sabida Nina fi Kowa sanin ta sabida haka ka cire hannunka daga kanta ,tunda dai ba "yarka bace!

Cikin rashin kunya da rashin mutumchin da suka saba Anwar yakewa dady magana


Dady mamaki ya kasheshi yakasa furta komai ,Lallai dama hausawa sunce naka shike ba da kai,yanzu inda Nasir na ganin girmanshi ,ai Anwar bazai sami kafar zaginshi ba, ranshi yayi mugun baci,bai ce komai ba ya nufi hanyar fita daga dakin
Babu zato Anwar yaji saukar mari! A kuncinshi, Maryam ce
Sai huci! Take dama a kufule take dashi.

Ya dago kanshi ,cikin sauri yana mamakin ta ,idonta masu kama dana mage ta zuba masa tana watsa masa wani mutsiyacin kallo.
Tace "ko da maza sun kare a duniya bazan taba auranka ba ,Dan iska macuci azzalimi ,ba gwaramin Uncle din sau dubu ba a kanka, to bari kaji ,abinda bakasani ba dady yana da iko dani ,ba kamar yadda kake zato ba, duk abinda ya zartar a kaina da ni da iyayena,daidai ne sabida haka ,duk abinda ya umarce ni dashi ,shi zanyi,tana gama fadin haka,ta sakai ta bi bayan dady din.



Anwar ko ya jima hannunshi dafe da kuncinshi ,yagaza tabuka komai ,tunani yakeyi ya'akayi har ya tsaya yarinyar nan ta mareshi,lallai ta tarowa kanta bala'insa da sharrinsa sai ya kulla mata!! Sai ta gwamace ba'a haife ta ba.



Babu motar Nasir a gurin tuntuni yayi tafiyarshi, sabida haka Nura drevar yana ganin fitowar dady ,yayi sauri yaje ya bude masa mota ya shiga ,yana jin wani Bacin rai a jikinshi,yayi sanyi da'alama hawan jininshi ne yakeso ya tashi Maryam ta shiga bayan motar itama dady yabawa Nura umarnin tafiya,Nura yace",rankaya dade zan kai office ne"?


"Aa Nura muje gida kawai nafasa zuwa ,bana jin dadin jikina,baya gahaka ma lokaci ya kure,mubarwa gobe, kawai"



Nura ya ja motar suka bar gurin yana mamakin abinda ya canja dady ,yanzu yanzu sabida ya lura dashi ranshi a bace yake,


Maryam ma haka, sai ta rika bashi hakuri, tamkar ta fashe da kuka.


Yace"nayi hakuri Maryama karkiyi kuka kinji ko,muje gida ,ki huta ,Allah zai sakamiki duk Wanda ya cuceiki



Maryam tafashe da kukan da take boyewa tace"Dady nifa nayafewa Uncle sabida dama babu abinda yayi min Uncle ba ya taba laifi a gurina, don Allah ka daina fadar haka,komai ya wuce ka kwantar da hankalinka"
[05/06, 19:01] +234 808 996 5176: *YARO DA KUDI*


*71*


Haka suka sauka gida Maryam na tausar zuciyar dadi,da kalamai masu sanyi,ya riqa shi mata albarka, Nura nayin parking ya fito da sauri yazo ya bude masa kofa ,dady ya yunkura ya fito yanajin wata hajijiya a kanshi,kan kace kwabo ya yanke jiki yafadi a gurin ,yana fidda numfashi sama sama,Malam Ya'u dake kokarin mayar da get ya rufe ya tawo da sauri,yana fadin subahannallahi Alh" ya karaso gurin suka kama dady shida Nura ,suka shiga dashi gida,bai San inda kansa yake ba,Maryam ko sai kuka takeyi sosai


*innalillahi wa'inna ilayi rajiun*
Shine abinda Malam Ya'u yake ta nanatawa ,sai gumi ne yake karyo masa
Momy na zaune cikin kujera tana duba wani littafi ,taga an shigo mata da dady ranga ranga, hankalinta ya tashi ,ta mike da sauri,har littafin yana faduwa,kan fisu karaso ta karasa ,tace"Nura lafiya mai yasameshi,lafiya lau ya fita fa"


Nura yace"wallahi Hajiya kalau muka fita dashi kamar yadda kika fada sai yanzu kuma naga ya fito daga asibitin da muka akai Anwar abokin Nasir hankalinshi a tashe"

Cikin gigita Momy tace"mai yasami Anwar din ,ina My Son ,ta na nufin Nasir,

Nan Nura ya warware mata komai da abinda yafaru,Momy ta fashe da kuka ,tana kallon Maryam tace "yanzu da abinda zaku saka mana dashi kenan Malam Ya'u, yarinyar ka ta zame mana annoba, yanzu a kwai abinda dady zai nema a gurinki ki kasa yi masa"


Malam Ya'u ya diri-ririce sabida bai fuskanci inda maganar tata ta dosa ba,yace Hajiya ban fahimci maganarki ba"


Momy na kokarin hawa sama cikin tashin hankali tace"ai baza ka fahimci komai ba Malam Ya'u mungode da wannan Abu"


Dady yana ta kokarin magana ya kasa sabida yadda bakinsa ya harde maganar bata fita sosai , Maryam takarasa kusa dashi tana kuka wai ko zataji mai yake cewa,duk da haka bata fahimchi komai daga abinda yake fada ba.


Tana kuka ta rirruqe masa kafafu tace"dady ka yafemin in nice na bata maka rai ,wallahi zanyi maka biyayya dai dai gwargwado,

Nan Malam Ya'u ya fahimchi Wato Maryam din ce dalilin bacin ran sa, bai yi wata-wata ba ya gaura mata mari! Yace "wato kece kika haddasa masa tashin ciwonsa ko, abinda tun kafin kizo duniya bai tashi ba,sai yanzu ta dalilinki ,mai kikayi masa wanda yasa ranshi ya baci wane umarni ya baki ,da kika kasa bi,kin cika butulo Maryam ,mutumin da ya hana kowa fita nemanki yace,shi zai je ,shine zaki saka masa da haka!


Maryam kuka take kamar ranta zai fita tanabawa Mahaifinta hakuri,shiko sai faman fada yake Mata,tun da take dashi ,bai taba dukanta ba,ballantana ya yi mata fada,sai yau"

Cikin tsawa yace"kifadamin mai nene dalilin da ya haddasa masa wannan tashin hankalin"?
[05/06, 19:01] +234 808 996 5176: *YARO DA KUDI*

*72*


Kafin Maryam tace komai Momy ta sauko daga sama hannunta ruqe da kwalayen magungunan dady,ta mikawa Nura, tace bude ka bashi ko kallon inda Malam Ya'u yake ba tayi ba,taje ta dauki wayarta ,tana neman number Nasir,hankalinta a tashe,


Fitowarshi kenan daga toilet ,ya ga kiran Mom din kin daga wayar yayi har ta katse wani kiran ya kara shigowa nan ma yaqi dagawa sabida yasan dady ya fada mata duk abinda ya faru,a tunaninshi ,za tayi masa fada ne,


A takaice dai sai da momy ta kira sau kusan biyar sannan ya daga wayar kafin yace komai tace"ka kyaura Son" kaji ko wato ni zaka ki dagawa waya ,ko babu laifi, ina so duk inda kake kazo yanzu,dadynka babu lafiya ciwonshi ya tashi,gashi nan bai San wanda yake kanshi ba"
Dama abinda nake ta gudu kenan"


Gabanshi ya fadi,! Amma sai ya share yace"mom kin manta ya kore ni a gidanshi ne,banaso inzo wani Abu ya faru ni dashi,sabida dama dazu ba rabuwar kirki mukayi ni dashi ba"



Momy ta sanya kuka tace"wato har yanzu kanaan kan vakanka ko My Son,sai kace bakasan halinshi ba,da fifita bare a kan nashi kayi hakuri kazo kaji ko"
"Owk Momy ki dai na kuka dan Allah ganinan zuwa kinji kar inzo kina kuka,yaya jikin nashi"?



"Yananan bai San wanda yake kansa ba kasan dama in ciwon nashi ya tashi haka yake masa"


Nasir ya kashe waya cikin sauri ya saka ,kayanshi ya fito ya shiga motarshi,bai nemi rakiyar su Joy ba shi kadai ya tafi ,yana bala'in kaunar mahaifinshi sosai kawai halinshi ne ba ya so ,dady n nashi fadanshi yayi yawa gami da shiga abinda babu ruwanshi shiyasa ,suke yawaita fada dashi,


Masu tsaron gurin ne suka bude mass get din ya shiga yayi parking gurin a je motoci, ya fito ,yana amsa gaisuwarsu ,sama-sama ya shige ciki.



Dady ya gani kwance kashir6an kamar baya numfashi, duk sunyi tsaye a kanshi,yay in da Maryam take gurfane kusa da kafa fun shi,ta rirruqe masa kafafau tana kuka,


Hankalinshi ya tashi ,da sauri ya karasa gurin,ya fincike Maryam din ya wurgar da ita gefe guda. Yana zaginta da turanci yace"idan so kike ki kashe shi ai ba ta wannan hanyar ba ,sabida kowa zai gane ki, Ke mayya ce,ubanki ne shi da zakizo ki rirriqe shi,ko kina da alaqa dashi,wallahi duk maytarku kurwar dady daci gareta"!!


Maryam na kuka ta kara komawa kusa da dady domin Sam bata fahimci abinda Nasir din yake nufi ba burinta kawai taga dady ya mike ,yana magana tafada masa cewar ta 'amince da auran Nasir din,domin duk a ganinta ,ita ce dalilin da ta haddasawa dady tashin ciwonsa



Dady yana kallon Nasir yana motsa baki ,sabida tun lokacin da yaji muryarshi ya bude ido, yanaso ya fada mashi ya dai na zaginta



Malam Ya'u kam hankalinshi ya tashi jin furucin Nasir din a kan Maryam shifa duk sunbi sun rikitashi ya kasa fahimtar komai


Nasir ya kamo kafadun dadyn nashi idonshi jazir sai sauke ajiyar zuciya yakeyi ,ya sanya gefan rigarshi yana goge masa gumi, ya kalli Nura wanda ke tsaye riqe da kwalayen magani,yace "dauko min fresh milk a frij"

Da sauri Nura ya tafi,yaje ya dauko. Nasir ya balle Murfin ,ya fara kokarin sawa dady Abaki,
*innalilahi wa'ina laiyi raji'un*

Yadda yake saka masa fresh milk din haka yake dawo wa sam bayq zama a bakinshi ,ballanta a saran zai zauna a cikinshi, Momy tuni ta karaya da dady sai kuka takeyi ,shima Nasir din daurewa kawai yakeyi,


Dady ya kama hannun Nasir ya riqe tamau!! Yana kallonshi, shima nashi hannun ya riqe ,yace"dady please ka tashi muna bukatar ka,ga Momy na tana kuka,dady in nine na bata maka rai kayi hakuri ,bazan kara kaji,yadda ya fadi maganar sai ka tausaya masa



Alamun tsayuwar motoci suka riqa ji ,dama Momy tuni tayiwa"yan uwanshi waya aiko sai ga su sun shigo farlo din hankali a tashe, Mahaifin Hanifa ,ya bugawa Nasir tsawa yace"burinka ya cika ,Nasir babu tamtama kai ne ka yi silar tashin ciwonshi ,kasan sarai ba ya San damuwa,in ka kashe shi sai nayi shari'a da kai"!


Nasir da ba'a fada masa ya kyale ,ya kalli Uncle din nashi sheqeqe ,yace"in har dady ya mutu ,to kwananshi ne ya kare bawa bai isa ya kashe wani ba, in lokacin mutym yayi dole ya mutu,sabida haka kar ka kuma dora min,ai ba Ku fini jin ciwonsa ba"



Dukkaninsu mamakinsa suka yi to amma dake sun San halinsa ,babu Wanda yakara cewa ufan a cikinsu,suka kama Dan uwansu , da nufi tafiya asibiti
[06/06, 00:44] +234 808 996 5176: [15/05/2019 1:57 PM] Binta U Abble: *YARO DA KUDI*


*73*


Hankali a tashe Malam Ya'u ya karaso gurin da nufi kama Alh Huseen ,Nasir ya daka masa wata muguwar tsawa tamkar bai san daga inda yake ba tace"karka kuskura ka ta bashi Malam ,duk wani surkule irin naku na fulani kaje ka kwance ,shi sabida dama na lura tun tuni kuka asirce dady ,shiyasa kwata-kwata bayason Bacin ranku kai da iyalinka, sabida haka ka rubuta ka aje ,zamanka a gidanan ya kare"


Mahaifin Hanifa yace"kayi min dai-dai Nasir dama nima tuntuni nake zargin haka, dole subar gidan nan,ni ina zarginsa gurin rashin lafiyar dan uwanmu,dole ya bar gidan domin ba mu hada zuri'a dashi ba ,


Malam Ya'u yayi tsamo-tsamo tamkar Wanda a ka watsawa ruwa a jiki ,sai gumi ne yake zuba a jikinshi, lokaci guda ya muzanta,bakinshi yana rawa yace"ku fahimce Alh babu wannan abu mai muni a tsakanina da Alhji Huseen sai alkairi,uba na dauke shi ,babu cutarwa tsakanina dashi sabida yayi min abinda bazan taba mantawa ba a rayuwata"



"Rufe mana baki dattijon banza da Wofi"!! Nasir ya katseshi cikin tsageranci ,yana masa wani banzan kallo"


Maryam ranta yayi mugun baci! A gabanta Nasir yake kiran Ubanta da dattijon banza Lallai bazata lamunta ,dole a kwai ranar da zata amayarwa da uncle duk cin mutumchin da yake mata



Duk wannan abinda yake faruwa Dady ya naji ,ranshi yana mugun zafi,da irin rashin kunyar da Nasir yakeyi,anrasa mai tsawatar masa ,a cikin "yan uwanshi,sabida sunajin tsoransa,wanan yana nuna cewar ko mutuwa yayi haka zasu wofintar da jininsa,tabbas zumunci bai ce haka ba tunda shi ba haka ya musu ba
[15/05/2019 2:18 PM] Binta U Abble: Tari! ne ya sarqe shi ya riqayi babu kakkautawa ,nan da nan suka mayar dashi suka kwantar,Nasir ya nufi frji da sauri ya ciro ruwa mara sanyi sosai yazo ya na sama a baki,


Dady ya ki karba ,idanunshi tsaye kan Malam Ya'u, yana kallonshi ,da kyar ya daga hannunshi da yayi masa bala'in nauyi yayi masa alama yazo gareshi ,Malam Ya'u ya karasa kusa dashi jikinshi a sanyaye,yace "sannu Alh Allah ya baka lafiya"


Dady ya bude baki da kyar yace"Malam Ya'u ko bayan babu raina ban amunce ka bar gidanan ba ,shashen da kake ciki na mallaka maka shi ,halak malak, sannan , inaso kayi min wannan alfarma ga amanar Nasir nan na damka maka ita a hannunka kar ka wofintar da shi,ka cigaba da yi mishi addu'a Nasir naka ne dama can "

Malam Ya'u yace"na karbi Amana Alh ko da ranka ko babu jinnika ba abin gudu bane a gareni,in sha Allahu zaka tashi ka cigaba da rayuwa, nagode da karamchin ka a gareni ubangiji Allah ya biyaka da aljanar fiddausi"


Cikin zuciyarsa yace ameen,sannan ya kamo hannun mahaifin Abdul latif ya ruke gam! Yace"ni Hussen in dai na isa da kai da abinda ka haifa ,ina so ko bayan babu raina ,ka daura auran Abdul da Maryam,domin ina sha'awar hada zuri'a da ta Ya'u, da naso Nasir ne ya samu wannan garabasa domin auran kamilar mace irin Yarinyar dace,dukkaninku baza Ku fahimchi haka ba sai nan gaba, Nasir ya fadamin qeqe da qeqe ban isa dashi ba ,kuma bazai bi umarnina ba, sabida haka da wannan bakin cikin zanmu a rayuwata ,Nasir nagode nagode, nagode, tari ya rurnikeshi,!!


Hankalin Nasir yayi mugun tashi, kaddai ,dady ya sauki maganar su ta dazu da zafi haka,har ta janyo masa tashin ciwonsa,shifa yafadi hakane kawai dan ya bata masa rai, amma kwata-kwata-ba gaskiyar abinda yake zuciyarshi ba kenan,

Kafin ya dawo daga tunanin nashi,yaji Momy ta rusa ihu,yayi da Mahaifin Mubina,yake Fadin *innalillahi wa'inna ilayi raji'un*
Dady ya amsa kiran Ubangiji
[06/06, 00:45] +234 808 996 5176: [16/05/2019 9:26 AM] Binta U Abble: *YARO DA KUDI*


*74*


Nasir ya fasa wani ihu yayi kan dadynsa ya ruqunqume shi,kuka ya kece masa ,cikin dimuwa da fitar hayyaci ,yake fadin *innalillahi wa'ina ilayi raji'un*
Dady kar ka mutu, bakace ka yafe min ba, dady ka tashi in fada maka abinda yake zuciyata duk kanin abinda nafada maka abaya ,karya nakeyi wallahi,dady ina mutukar kaunarta ,har a cikin zuciyata,dady in kayi min haka ina zan sanya rayuwata pls dady karka yimin haka rayuwata nima tazo karshe ban da amfani a duniyar nan,kafadamin mai kake bukata nayi maka shi yanzu!!! Nasir kuka yake sosai da sosai ,duk ya gigice yafita hayyacinsa, in banda gumi babu abinda yake zuba a jikinsa,yabi ya rungume gawar dady ya hana kowa ya kusance shi,da kyar! Malam Ya'u ya karaso gurin gami da dafa kafadar Nasir din cikin dauriya da jajircewa ya ce"kayi hakuri Nasiru Allah Ubangiji ya amshi Alh cikin aminci da yaddarsa, ya mutu yana kalamar shahada,yanzu babu abinda yafi bukata da kai sai addu'a kaji"



Nasir ihu! Yakeyi yana sambatu da'alama kwakwalwarsa a lokacin ta daina aiki,domin kwata kwata bai ji abinda Ya'u yake fada ba.



Maryam ko yanke jiki tayi