You Cannot Download this book untill you login but you can read it .

---

Login Register

watsewa, tun da Mama ta ce babu wani shagali da za'ayi yanzu sai ta tashi tarewa.



@@@@@




Ko da Ubaidullah ya dawo gida babu wanda ya gaya masa cewa anyi aurensa, Hafiza ce dai ta kira su Zaidu ta fada musu amma ta ce kar su fada masa dan shi ma bai sani ba auren yazo a baibai ne, ai kuwa Zaidu ya din ga yiwa Ubaidullah tsiya shi da Hafiza da KB su na dariya.


@@@@@

Yau sati daya da auren Ubaidullah da Abi'atu, yau kuma ta kama jumma'a, an daura ranar jumma'a ne, sauri take yi zata fita aiki dan akwai labarin da take son yaɗawa sannan tasa a buga a jarida, labarin wani da yasa aka shiga aka yiwa matar makwabcisa fyaɗe.



Har ta gama shirinta ta fito ta samu Ummi na zaune a parlour tana cin abinci, durkusawa Abi'atu ta yi ta gaida mahaifiyarta, da kallo Ummi ta bita da shi ta ga tasa hijab dinta, murmushi Ummi ta yi ta ce.


"Yar gidan Abba sai ina kuma?"

"Wallahi Ummi sauri nake yi zan je aiki akwai labarin da nake son yaɗawa yanzu ne, shi yasa nake sauri na je."



"Ayya Abi'atu kiyi hakuri kar ki fita, ki kirawo Shafa'atu (cousin sistern Abi'atu ce wanda suka yi skull tare, kuma waje daya suke aiki, Shafa'atu bata cika zuwa gidan su Abi'atu bane yanzu, saboda kunyar Ummi da take ji, tun sadda Safwan ya ce yana sonta har aka musu baiko) sai ki bata ta je ta yaɗa."



Gaban Abi'atu ne ya fadi ta ce.
"Haba Ummi me ya sa, kwana biyun nan na lura kina son hanani fita meyasa to?"


"Akwai dalili ne Yar Abbanta,yanzu dai yi hakuri ki koma ki kirawo Shafa'atu" tashi Abi'atu ta yi kwalla taf a idonta.


"Ko dai su Ummi su na so na bar aiki ne?" take tambayar kanta bayan ta koma daki tayi wulli da takardun hannunta ta zube a gefen gado, sai da ta gama tunaninta kafin ta kira Shafa.


Su Ummi kuma so suke su bata mamaki dan sun dauka akwai soyayya mai karfi tsakanin Abi'atu da Ubaidullah ne, ba su san da cewa kullum idan suka hadu sai an kai ruwa rana ba.


@@@@@@



Yawancin kullum Hafiza idan Yayanta na gida to fa, sai ta ja shi izuwa gidan su Abi'atu, kuma idan sun je sai sun jima, duk da Ubaidullah yanzu baya zaman gida sosai, sabida binciken da yake zuwa yi yana sa ana kama miyagun mutane, dan ya ce ko ta haka Allah zai sa ya kama wa inda suka yiwa kanwarsa fyaɗe.


Ko da Ubaidullah ya je gidan su Abi'atu ba wani shiri suke yi ba, akwai ranar da Hafiza ta ja shi bayan sallar isha'i suka je gidan, tana ƙirawo masa Abi'atun ta saffe ta koma gida ta kwanta ta hau baccinta abunta.



Ranar har wajan karfe sha'biyu Ubaidullah su na zaune da Abi'atu ba tare da sun san dare ya yi haka ba duk da ba magana suke ba zaman kurame ne, su Abba da Ummi kuma basu damu ba tun da mata da miji ne, sai da Ubaidullah ya duba agogo ya ga sha biyu kuma ya ji shuru din Hafiza ya yi, yawa yau bata leƙo tace Yaya muje gida ba, sai da ya yatsine fuska kafin ya mike ya cewa Abi'atu ta je ta dubo masa Hafiza su tafi gida.



Ba tare da Abi'atu ta amsa va ta je ta gama dube dubenta bata ga Hafiza ba, dawowa tayi ta fada masa, hankalinsa ta shi ya yi, da zai kira Mama sai ya fasa ya kira mai gadi nan yake shaida masa Hafiza ta dawo tuntuni.



Tafiya Ubaidullah ya yi,ba tare da ya ce mata sai da safe ba, itama tabe baki tayi ta ce.
"Allah ya raka taki gona" tana shiga sukayi karo da Ummi gabanta ya fadi ta dauka Ummi zata mata faɗa ne harta fara tunanin kalar abun da za ta yiwa Ubaidullah idan Ummi ta yi mata faɗa sai ta ji ta ce.
"Ahh yar gidan Abba sai yanzu, ina Ubaidullah din sai yanzu ya tafi?"

Sosa keya Abi'atu tayi saboda kunya ta ce.
"Eh Ummi" daga haka ta shige dakinta da gudu Ummi tayi murmushi, itama ta fito daukowa Abba ruwa ne.



✨✨✨✨✨✨✨✨✨✨



Ko da Ubaidullah ya koma gida sai da ya fara shiga duba Mama dan hakan har ya zame masa jiki, Mama ta ce.
"Daga Ina kake ne Yaya Babba?"


Ba tare da tunanin komai ba ya ce.
"Daga gidansu Abi'ah nake" ya fada yana masa sai da safe,Allah ya kaimu Mama ta ce dashi.


Tana tunanin ai gwanda matarsa ta tare kawai, ya fi wannan sintirin da yake yi kullum kar su jawo kansu abun magana tun da dai har an daura aure ai babu abun da ya yi saura.



@@@@@



Da washe gari Mama ta kirawo Ubaidullah ta ce ta ba shi nan da sati ɗaya ya gyara part dinsa *Matar shi zata tare*, cike da rashin fahimta ya kalli Mama ya ce.



"Mama ni da banyi aure ba wace mata ce gareni da har zata tare?"


"Ka ji shashancin banza, in ji waye yace baka da mata, to auren yau kwana goma kenan, kuma har fada musu zata tare nan da sati daya yau din nan, idan ma akwai wani abun da zaku shirya kuyi gwanda kuyi sirkata ta dawo gareni gabaki'daya"


Ka sa fahimtar maganar da Mama take fadi Ubaidullah ya yi, ya ce.
"Mama kina ta maganar ina da aure wacece matar kam?"


" *ABI'ATU*"


dum!dum!dum gaban Ubaidullah ya fadi sai kace mace, zai kuma yin magana Hafiza wacce take maƙale tana jin maganar da Mama da Ubaidullah ke yi ita kuma su na waya da Zaidu tana fada masa abun dake faruwa saurin katse wayar ta yi ta ce.
"Yaya zo ka ji" ta ja hannunsa suka fita waje nan ta kwashe komai ta fada masa yanda auren nasa ya kasance, kwafa Ubaidullah ya yi, ya fice dan shi baya da ra'ayin aure yanzu amma yarinya ta mayince sai da ta aure shi, to zata gane kuranta ne.



Ta bangaren Abi'atu itama drama aka yi da ita sosai da aka fada mata cewa tana da aure zata tare nan da sati daya nan ta dinga musu bori ,abun har mamaki ya din ga bawa su Ummi, suka hau tantama ko da ma ba soyayya suke yi ba, sunyi kuskure ne da basu tambayeta ba, wai su a nufin su zasu bata Mamaki dan tayi farin ciki ashe comedy ne za a kwasa.





Ana saura kwana uku babu yanda su Afnan ƙannan Zaidu ba su yi ba, akan zasu yi party amma Ubaidullah da Abi'atu sun ƙi ƙememe, an dai samu anyi walima ƙayatacciya wannan ma Anty Ummu ce ta hada Inna kuwa sai cewa take yiwa Abi'atu.
" Yarinya kin shiga uku an haɗaki da mala'ikan duniya."



Mama da kanta ta kai Abi'atu ɗaki tayi mata nasiha sosai, tace kuma karta dauke ta a matsayin surka dan tana auren ɗanta har kwanan gobe ita tamkar mahaifiyarta ce wacce ta haifeta a cikinta.



Abi'atu tasha kuka Anty Ummu sai tsiya take mata tana cewa bayan ko ihu kikayi Ummi zata ji ki, ai ke kam auren dadi kikayi, dan ma za ki ji ki kamar ma ba aure bane duk da aure ya wuci wasa ayi hakuri da juna, sosai Anty Ummu ta yiwa Ƙaninta da Matarsa fadan su zauna lafiya, su Zaidu basu samu damar zuwa ba.




Hummm ango shi ka dansa ya zo ko kallon dakin amarya baiyi ba, itama amarya ana watsewa ta rangaɗa wankanta tabi lafiyar gado.



Tun da aka kawo Abi'atu a matsayin matar Ubaidullah rashin shirinsu ya sake bunƙasa, dan kuwa zaman doya da manja suke yi.



A badadi su na gara juna har aka ɗibi wata uku.


Mama kuwa da Hafiza da Anty Ummu sosai suke jin dadin zama da Abi'atu, duk lokacin da taso zuwa gida kuwa zata zari hijabinta suje ita da Hafiza, yanda Hafiza take mu'alama da yar uwarta Na'ilah haka Abi'atu ta zama dan ta farantawa Hafiza rai, hakan kuwa Abi'atu ta kara samun daraja a idonsu Mama.




✨✨✨✨✨✨✨✨✨✨




Tsaye suke sun ƙame waje guda, daga kansu kasan meeting ake yi, yayinda General Murtala ke jawabi.


Ban da kakin sojoji babu abun da yake kashe maka ido.


Cikin tashin hankali General Murtala ke magana akan yan matan nigeria kwantena uku da aka yi garkuwa dasu a kasar india a yankin bangalo, ana neman jami'ai wanda zasu je domin su dawo da wa in nan yan mata, nan aka shiga lissafo wa inda zasu je, amma abun takaici yawancinsu sun ce ba zasu iya zuwa ba, saboda mutanen da suka yi garkuwar su na da mugayen makamai.



Ran General Of The Army ya baci sosai, nan ya hau masifa, har yana cewa, tun da Ubaidullah yabar barracks komai ya daina tafiya yanda ake so.


Muryar Zeey aka ji tana cewa.
"Taya kuwa komai zai tafi yadda akeso tinda akwai munafukai da yan hassada da makirai, yau ranar tonan asiri ne, a barracks din nan domin ance karshen alewa kasa, rana dubu ta b'arawo rana daya tak ta me kaya" gaba daya aka zubawa Zeey ido ta tsuƙe cikin kakinta fuskarta babu walwala hannunta dauke da wasu takardu.


Ta ce.
"Hakika ita karya fure take bata ƴaƴa, kuma kowa yasan gaskiya, dan haka zan tona asiri koya ya kasa kunnuwansa da kyau, sannan dole wanda aka zalunta idan ya ce bazai yafe ba, masu laifi su shiga kotu."




✨✨✨✨✨✨✨✨✨✨



*TO HAR AN ZUBA IDO DA KUNNUWA DAN AJI TONAN ASIRIN DA ZEEY ZATAYI KO? L😉LZ TO BA ZA KU JIN BA SAI A NEXT PAGE*


A CI GABA DA KAFCE 🤾🏻‍♀️🤾🏻‍♀️🤾🏻‍♀️🤾🏻‍♀️DAN AKWAI ƘURA




MOMYN AHLAN TA KU CE👍🏻😉🤾🏻‍♀️👯🏻‍♀️🏃🏻‍♀️[8/19, 10:59 AM] Zarahh: *COLONEL UBAIDULLAH*
( _the story about a young gentle man_)

*ᏚᎢᎾᎡY ᏔᎡᏆᎢᎢᎬN ᏴY*✍🏻

*Z͢A͢H͢R͢A͢ A͢B͢D͢U͢L͢* (ᴹᴼᴹᵞᴺ ᴬᴴᴸᴬᴺ)

( *y̾a̾r̾ s̾a̾r̾a̾r̾i̾n̾ k̾a̾i̾n̾u̾w̾a̾*)
👸🏻 *SAHIBAR KAINUWA*👸🏻

_dedicated to my brother_

*~UBAIDULLAHI~*
~~•~~•~~•~•~•~

_my wattpab_@Fateemah0


*بسم الله الرحمن الرحيم*
*____________________________________*


*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_DAN ALLAH YAN UWA, A DIN GA SA HAKURI DA UZURI 👏🏻 WLH NI IDAN NAYI POSTING BANA SAKE BUDE GRP IN DAI BA GRP DINA BANE, AKWAI WASU GRPS DIN MA BANA BUDEWA IN DAI BA POSTING ZANYI BA, KO ZAN SHARE SAKONNIN, TUN BA YAU BA NAKE SON YIN MAGANA ALLAH BAI BANI IKO BA, IDAN NAYI POSTING KINA SO DAGA FARKO KI BINI PC NA TURA MAKI, KARKI JI HAUSHI KIN MIN MAGANA A GRP BAN GANI BA KI JI,HAUSHI HAR GA ALLAH BAN JI DADIN WANI MAGANA DA AKA GAYA MIN BA, IDAN KUMA BANI NAYI POSTING DIN BA, WANDA SUKA YI KI MUSU MAGANA TA PC SU BAKI, ALLAH KA KARA MANA HAKURI DA UZURI GAMI DA FAHIMTAR JUNA, AMEEEN_*


( _GASKIYA YANZU YAN WATTPAD BAKU COMMENTS NA KUSA NA DAINA MUKU POSTING TUN YANZU BAKU SON BUK DIN_🤒🤒)

✨✨✨✨✨✨✨✨✨✨


*_YAU FA PAGE DIN NA KU NE 💃🏻 MASU COMMENTS GASKIYA KUN SAKANI NISHADI A PAGE DIN DA YA GABATA DAN HAKA KU WATAYA DA WANNAN, GA KU NAN KAMAR HAKA_*👇🏻💃🏻


*princess*
*Surayya usman*
*Farhat mrs mj*
*Amina yayaji*
*Dr,herpsert*
*Ma'eeshatii twinkle*
*Fadheelatii*
*Asamau umar gajam*
*fareesatii*
*nafeesat*
*Mom ayman*
*Faeexetion*
*firdausi mrs mubarak*
*Maman zarah*
*Maman abdul*
*Bilkisu sulaiman*
*Maman yan 2*
*Kcubraah*
*Ummi suraj*
*Ummu imam*
*ummi*
*Mrs Faruq*
*Maryam abdullah*
*maman afreen*
_________________
*@⁨I LOVE MY FAMILY* 🥰⁩
*@⁨Hassana Suleiman⁩*
DUBAI FANS
_______________
😍 aha a fa duba da kyau, duk wacce bata ga sunanta ba, ban ga sharhinta bane, sai ta tareni a page na gama,a kara dagewa da sharhi, 😍 ni kuma zan din ga kyautar page gareku masoyana, a kafta. 🤾🏻‍♀️


✨✨✨✨✨✨✨✨✨✨



*page°°°°°71&75*




"What do u want to say Zeey?" cewar General Of The Army, rai bace Zeey ta fara magana.



"Abubuwa dayawa sun faru, but babu wanda ya bada mahimmanci ganin an yi bincike an gano sahihin gaskiyar abun da ya faru, kowa ya yi watsi da case din Captain Ubaidullah tun da yabar barracks din nan, duk da kuwa ya yi aikin tuƙuru"


Wajan shuru ya dauka sai ka ce ba mutane ana sauraron Zeey, ya yinda zuciyar Rumaisa ji take kamar ana daka, dan tana tsaye a wajan itama, kuma Zeey da ta shigo ta watse mata wani kallo wanda ta kasa fahimtar me kallon yake nufi, dan haka ta miƙe subul zata bar filin taron, Hanan da Raihana da Doratie suka tare ta, Zeey ta ce.


"Hamshaƙiyar munafuka! Ina za ki? Tun ba ki jira kin ji abun da zan zayyano ba, kina neman haryar guduwa?"



"Duk da bincikena ya daukeni tsawon lokaci, amma alhamdulillah sai hakan ya zama alkhairi, dan yau ba ƙaramin yagaki zan yi ba."



"Idan lissafina ya yi dai-dai yau tsawon kimanin 9 to 10 months, da barin Ubaidullah aiki, and Rumaisa kin ce ya miki ciki, 4now i think ya ci ace kin haihu, kin haife abun da yake cikinki hakane?" zazzare ido Rumaisa ke yi ta kasa bada amsa, Zeey ta ce.


"Hanan, ku hauro da ita gaban kowa ya ganta yadda suka wulakanta Captain a bainar jama'a, haka su ma yau karyarsu zata kare, dan kare fure take bata ƴaƴa" ai kuwa su Hanan suka cafko Rumaisa suka daura ta saman mumbari sai zufa ne ke keto mata ta ko ina, a sassar jikinta.


Zaidu duk abun da ake yi yana video recording, dan kuwa tare suka haɗa baki yau za ayi tonon asiri.



KB kuwa ya sakawa S Ema Ido dan shi ma duk ya daburce tun ba a je ko ina ba, dama hausawa su na cewa marar gaskiya ko a ruwa gumi yake.



Gaban Rumaisa Zeey ta tako ta zo, fuskarta tamau, ta ce.
"Ki bamu amsa Rumaisa, and ko da sau daya ne da Captain ya bar barracks din nan ban ga kinyi wani laulayi irin wanda masu ciki ke yi ba, idan ta samu ciki, akasari ma ban da iskancinki da kike sheƙawa a barracks din nan, wanda nan gaba zan ambato sunan abokin cin mushen naki! Rumaisa ko da sau ɗaya ne ban ga ciki ya girma a jikinki ba, shi kuwa ciki, ko da ka boyesa baka faɗeta ba, ita zata bayyana kanta dan ciki bata b'uya, ko wani anan ya ga Rumaisa da katon ciki tsawon wannan watannin?" nan jama'a aka hau girgiza kai masu cewa a'a su na fadi, sai yanzu suke bin abun daki-daki, da hankali da basira, ya yinda manya suka shiga ruɗu na ganin babbar kuskuren da suka tafka, in dai Ubaidullah na da laifi su sun fi sa laifi a matsayinsu na manya da basu bada mahimmancin bincike ba.



"Rumaisa!!" Zeey ta ambata da karfi, wanda sai da hanjin cikin Rumaisa ya kaɗa sabida tashin hankali, nan mahaifin Rumaisa ya fito yana yiwa Zeey katsa'landan, Zeey ta ɗaga masa hannu.
"Dakata! min tsohon najadu, kowa tarrr nake kallonsa a barracks din nan, ban zo kanka ba tukunna , karka katsemin hanzari, dan yau ko da General ne ba zai dakatar dani wajan fadin gaskiya ba balle kai stall sergeant" shuru Baban Rumaisa ya yi yana wulli-wulli da ido.




"Rumaisa da ke nake yi, ina labarin cikin da kika ce Captain ya miki?" cikin in'ina Rumaisa ta ce.
"Ai cikin ya zube ne"
"Au haba? Da gaske cikin ya zube? Tun da zubar ciki tamƙar fitowar fitsari ne da har zai zube baki kwanta a gadon asibiti ba? Amma fa ba wai ina nufin na karyata ki bane, yaushe cikin ya b'are?"


"Ammm uhumm hummm eh wata biyar da suka wuce"

"Au da gaske? Shi kuma cikin da yake jikinki kimani wata biyu yanzu na waye ne!?"

Dum!dum!dum!dum!
Gaban Rumaisa ke bugawa, zazzare ido take yi, ya yinda zufa bai fasa tsatstsafo mata ba, hannu Zeey tasa ta shafo zufar fuskar Rumaisa ta ce.
"Rumaisa, wannan zufar duk na menene uhum?, mai gaskiya fa hankalinsa baya tashi, kuma fa naga ba tsareki akayi da bindiga a kai ba, yo ni ko tsareki akayi da bindiga ai ba zakiyi wannan zufar ba in dai kina da gaskiya, da ga tambaya? Cikin da yake jikinki yanzu watan shi biyu shi kuma na wanene? Ko shi ma na Captain din ne?"



"Kee! Ya isheki haka Zeey! ba fa tsoronki nake ji ba!, da zaki wani sakani a gaba kina min tambaya sai kace wata Uwata! Uban waye ya ce ina da ciki, babu wani cik...." maganar da Rumaisa bata samu damar karasawa ba kenan, sakamakon wata gawurtacciyar marin da Zeey ta ɗauketa da shi sai da ta kifu ta buga baki sai ga jini.



"Ke har kin isa ki daga min murya Rumaisa? Da kika cewa ni ba uwarki bace bana fata Idan nayi aure Allah ya bani ƴa kamarki mashanranciya munafuka!, sannan a ta wani fanni ni nafi karfin uwarki! ko ubanki!, dan kinsan duk matan barracks din nan babu wacce ta kaini zafi, idan kuma akwaita ta ɗaga min hannu, tambayarki nake yi dan musan gaskiyar lamari, kuma ni ban daga miki murya ba, me yasa ni za ki daga min murya? Ko ni mate dinki ce?"



Filin taro kamar ba kowa, dan kuwa rashin gaskiya ya bayyana ƙuru-ƙuru a fuskar Rumaisa, dan haka su General Of The Army, General, Major General, General, Colonel, Brigadier lieutenant Colonel duk manyan wajan babu wanda ya dakatar da Zeey ko kuma ya katseta ko ya ce abun da take yi bai dace ba, sabida yanzu mafita suke nema, dan nadama ta fara kamasu, su na so su san gaskiyar lamari dan a samu a ba wa Captain hakuri ya dawo bakin aikinsa dan a samu a ceto rayuwar yan matan da aka yi garkuwa dasu, sabida rayuwarsu tana cikin hatsari.



Marin da Zeey ta kifawa Rumaisa sai da ta ga gittawar wasu taurari a idanuwanta da fuskarta, network din kanta sai da ya je hutun wucin gadi, kafin da kyar ta miƙe tsaye tana dafe mararta wanda ya murɗa mata lokaci guda.



Kuka Baban Rumaisa ya saka gami da cewa ana so a tozarta sa shi da ƴarsa, amma babu wanda ya sauraresa.


Ganin badaƙalar tana yin yawa ne, kuma ga shi asiri yana gaf da tonuwa ya sa, S Ema neman hanyar da zai fece daga filin taron, amma me tuni KB yasa masa kafa ya fadi gami da cewa.
"To Almirin'jaki, baƙin munafuki algungumi, ina zaka je?" nan aka juyo ana kallon S Ema, Zeey ta ce.
"Shi ma wai guduwa zai yi ko? Hahaha ina son irin haka, KB riƙesa da kyau ban zo kansa ba tukunna"


"Rumaisa ke muke saurara?"


Cikin rawar murya Rumaisa ta ce.
"Ni kam sharri! Kike so ki min, amma ni kam bani da wani ciki."


"Au haba? To shi kenan, Dr Mark!?" Zeey ta kwalawa Dr kira wanda dama yana kusa, babban likita ne a cikin asibitin dake barracks yawanci idan ciwo ya yi tsanani shi yake duba marasa lafiya masani ne sosai ta fannin aikinsa, kuma babban mutum ne dan a kalla shekarunsa zai iya kai wa 69 yawanci ana girmamasa a barracks din sosai.


Tun da Zeey ta ambaci sunan Dr Mark, hankalin Rumaisa ya sake tashi, fitowa Dr Mark ya yi, dan shi ma Ubaidullah mutuminsa ne sosai, kuma yana son Ubaidullah, sabida kamun kai din Ubaidullah yasa yake birgesa,duk da yana barracks din amma bai san abun da ya faru da Ubaidullah din ba, tun da baya shiga hidimar fannin aikinsu yafi zama wajan fannin aikinsa, hawa kan mumbari Dr Mark ya yi, sannan cikin girmamawa Zeey ta zo gabansa da takardun hannunta ta ce.
"Baba Mark, kai ne ka gwada Rumaisa shekaran jiya har result ya fito jiya,a in da ka gano tana da jaririn ciki na tsawon wata biyu haka ne?" cikin harafin turanci suke magana.


"Shakka babu, nine nan na au'na ta kuma ga result din a hannunki, tana da jaririn ciki na wata biyu"



"Good! Ko Rumaisa ta taba yin b'ari wata biyar da suka wuce? Tun da dai nasan babu wani asibitin da zata kwanta in dai bana cikin barracks ba?"


"No, bata kwanta ba, cox 2years kenan yanzu ban yi tafiya ba, ina nan, balle ace ko bani nan wani Dr ya dubata."


"Tnk u sir" cewar Zeey, kafin ta juyo ga Rumaisa, wacce hankalinta ya kai ƙoluluwa wajan tashi, dan tasan karyarta ya kare yau.



"Rumaisa lokaci ya yi, da za ki bude baki kiyi magana, shawara ce nake baki,tun kafin na bayyana wani video kuma idan har na bayyana videon nan ba kiyi magana ba hummm! Rumaisa ni a karan kaina bansan abun da zan iya aikata maki ba, gwanda ki bude baki kiyi magana, First Lieutenant KB ka hauro da S Ema."



Nan KB ya hauro da S Ema wanda shi ma yake zare ido, Zeey kallonsa take yi ranta bace ta ce.
"Zaku yi bayani ne ko kuma sai na saki videon? Kunsan halina wajan bincike bana sanya barin ma wanda na saka kaina, akan Captain zan iya muku komai, dan haka zaku faɗi gaskiya ne ko har yanzu zaku ci gaba da kauce-kauce da neman hanyar guduwa, ko kuma kokarin shirya drama, kai za kayi bayani ne, ko kuma karya za ka yi kamar yadda ita...b sai na karasa ba dan ka fi ni sani abun da nake nufi ko?"


Shuru S Ema ya yi gabansa na faduwa suka haɗa ido da Rumaisa, sai zufa suke yi, Zeey ce ta ce.
"Bana son aiki da bata lokacin dan hak..."

"No! Pls!" cewar Sergeant Ema.
"Zan fadi gaskiya duk abun da na sani."



"Yauwa dan gari, muna sauraron ka?"


"Lokacin da nazo barracks din nan Captain baya nan amma ina jin labarinsa, kasancewar ni mutum ne mai ƙyashi da hassada, da haka har alaƙa ta shiga tsakani na da Rumaisa, har take bani labarin Captain Ubaidullah da yanda take son sa take sha'awarsa, ko da Captain Ubaidullah ya dawo daga tafiyar da su kayi na ganin gida, na ga yanda ake ba da labarinsa yana da kyau da gwarniji kamala, haiba, nasaba, kamun kai, ji da kai, jarumta, gwarzon maza, ƙi gudu sa maza gudu, dana gansa sai na ga duk yafi yadda ake bada labarinsa, da haka ne Rumaisa ta zo ta sameni wata rana da wani video karami wanda ta rungume Ubaidullah har ya wanka mata mari, to wannan videon ne muka haɗa lokacin ne muka kwanta da Rumaisa a karo na farko sabida ta ce tayi alwashi sai ta muzguna masa, fuskata ne muka yi amfani da shi muka saka fuskar Captain, wanda da shi ne aka samu madafan dafawa domin a tozarta shi ya aureta, shi kuma ya ƙi, ko bayan faruwar hakan da ya bar aiki bamu daina mu'amala da Rumaisa ba, kuma babu wani ciki a tare da ita lokacin, munyi wannan videon ne dan mu kawar da tunanin manya dan kar ace aje a au'nata, kuma munyi nasara a wancan lokaci, kuma ko yanzu cikin da yake jikin Rumaisa nawa ne, wannan shi ne gaskiya abun da ya faru wanda na sani amma dan Allah ayi hakuri bazan sake b..."


"Shut up!!'' Cewar Zeey ta katse sergeant Ema idanunta sunyi ja, juyawa ta yi ta kalli manya ta ce.
"Kun gani ko? Kun gani ko? Abun da muka ta fama ku fahimta kenan tun kwanaki amma kun kasa fahimta, ba iyakar binciken da nayi akan Rumaisa ba kenan, domin tun lokacin da Captain ya bar barracks na fara bibiyar rayuwar Rumaisa da duk wani shige da ficenta, ko da muka je bauchi nice kawai bani nan amma duk abun da ke faruwa ina sane dashi, idan wannan hujjar bai isheku ba, sai na sake muku wasu wanda zaku gansu ƙuru-ƙuru, kuma Wallahi Rumaisa idan har ba ki buɗe baki kinyi magana ba ko, Rumaisa idan na rufeki da duka sai na kaiki lahira kuma na kashe banza! Idan kince wasa ne to mu zuba mu gani!"


Nan Rumaisa ta zube kasa tana kuka, tana cewa ta tuba a yafe mata, Major Usman ya ce.
"A tafi da Rumaisa da S Ema a saka su a guardroom, kafin a san abun yi" nan Rumaisa ta hau ihu tana kuka tana magiya, Babanta ma yanayi, amma ina babu wanda ya saurare su, nan fa aka ce an kira secret meeting a secret room wanda manya ne kawai zasu yi wannan meeting din, dasu Zaidu da KB, amma daga ciki har da Zeey.




Ko bayan da aka shiga secret meeting magana ce ake yi akan ya za ayi aje a bawa Ubaidullah hakuri ya dawo bakin aikinsa.



Zeey ta ce.
"Captain Zaidu ka kira mana Captain Ubaidullah"

Murmushi Zaidu ya yi, ya ce.
"Nasan halin Ubaidullah sarai, ba zai taba yarda ya dawo ta dadi ba, but let me try my best" Zaidu ya faɗa yana