You Cannot Download this book untill you login but you can read it .

---

Login Register

stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*




*page°°°°°61&65*




Da misalin karfe tara da rabi na safe.

Da sallama ya shiga
dakin, Mama tana zaune akan sallaya da carbi a hannunta tana lazimi da alama ta idar da sallarh walha ne.

Amsa sallamar tasa tayi, ta shafa adduar kafin ta fuskancesa dan kuwa kallo ɗaya ta masa ta ga akwai magana shinfiɗe a fuskarsa.


"Lafiya kuwa Yaya Babba? Daga ganin fuskarka akwai damuwa haka ne?"

Gyaɗa kai Ubadullah ya yi, ya matso kusa da Mama ya kama hannunta sosai gabansa sai faduwa yake yi cikin sanyin murya ya ce.

"My Momma, akwai abubuwan da suka faru a wajan aikina, wanda shi ya yi sanadiyyar dawowata gida, ina dawowa dan naji da ciwo ɗaya , sai kuma na iso na tarar da babban miƙin da har na mutu ba zata taba warkewa ba, Mama bansan ya zaki dauki labarin da zan ba ki ba, amma ni dai nasan mahaifiyata ta yarda dani, kuma tasan bazan taba aikata abun da ba shi da kyau ba, Mama ke da bakinki kin sha faɗamin cewa samu da rashi duk na Allah ne, idan Allah yaso zai baka abu sannan ya kwace a duk lokacin da yake so, inajin tsoron faɗa miki amma kuma duk daren ɗaɗewa dole ki sani, ban son ki sake shiga damuwa a ta sanadin hakan mahaifiyata" ya karasa maganar hawaye na zuba a idonsa.


Sosai jikin Mama ya yi sanyi, hakika Ubaidullah wani abun na damunsa amma daurewa yake yi kawai, kallonsa tayi ta ce.
"Yaya Babba, karka ji shakku akan abun da zaka fadamin, a yanzu yadda nake jin kaina, babu abun da za a fadamin wanda zai tayar min da hankali, domin kuwa idan tashin hankaline na gansu sau biyu a gabana, na gansu kwance su biyu a gabana, ba komai bane fa ce gawar mahaifin ku da kuma gawar yar uwar ku, dan haka naga gawar mijina naga na ƴata wanda ko wata ba tayi ba kwance a cikin kasa, ka faɗamin abun da kake son faɗa min."


Ajiyar zuciya Ubaidullah ya sauke kafin ya sun kuyar da kansa kasa ya ce.
"Mama na ajiye aikina na soja, yanzu ni ba ma'aikaci bane" nan Ubaidullah ya shiga bawa Mama labari tun abun da ya fara shiga tsakaninsa da Rumaisa bai boye mata komai ba harda yan matan da suke bibiyarsa a barracks din ,duk ya faɗa mata, daga karshe ya kara da cewa.
"Mama iyakar gaskiya ta na fada miki, na ajiye aikin ne saboda gudun a min wulakanci a ci zarafina, ni kuma ba zan dauka ba, kar nazo nayi abun da zai jawo a kasheni saboda zuciyar da nake dashi, shi yasa na ajiye aikina.




Sosai Mama ta fahimci maganar Ubaidullah, duk da zuciyarta sai ƙuna take yi, a hankali cikin dauriya Mama ta kalli Ubaidullah wanda kallo ɗaya tayi masa ta hango tsananin damuwa da tashin hankali a tattare da shi.


Kasa magana Mama tayi sai da Ubaidullah ya sake cewa.
"Mommana ke ma baki yarda dani bane? Naji baki ce komai ba, wallahi Momma da gaske nake fada miki idan ma baki yarda ba ki kira abokaina Zaidu da KB su zasu faɗa maki gaskiya , da wannan yarinyar da suka zo ta'aziyyar Kanwata.


Share hawaye Mama tayi dan kuwa ba karamin sake shiga damuwa tayi ba , da Ubaidulllah ya fada mata da cewa yabar aiki, a hankali Mama ta ce.

"Allah yana tare da mai gaskiya ni nasan hali ɗana a matsayina ta mahaifiyarsa, kuma na yarda da ɗana, karka damu Ubaidullah dukkan mumini sai Allah ya jarrabesa dan a gwada imaninsa, Allah yabamu ikon tawakkali da rungumar kaddarar'mu hannu biyu" shi ma Ubaidullah hawaye yake yi ya kifa kansa akan cinyar Mama yana kuka tamƙar karamin yaro, zai yi magana suka ji Hafiza na shashsheƙar kuka a bakin kofar Mama.


Ubaidullah ya ce.
"Kanwata!?" da gudu ta bude kofar daki ta shigo da alama taji duk abun da Ubaidullah da Mama suke magana a kai ne, rarrashinta Ubaidullah da Mama suka shiga yi
Amma taƙi tayi shuru, sosai hankalin'su ya tashi, da kyar Hafiza ta taƙaita kukanta , tana jan zuciya ta ce.


"Yaya shi kenan kai ba Soja bane yanzu? Wa in da suka kashe min yar uwata suka barni ina rayuwata ni kadai sun kasheta a banza kenan? Yanzu Yaya ba zaka daukarwa Yar Uwata FANSA ba, yanzu Yaya kai ba soja bane ba zaka nemo wa inda suka kashemin Sismieta suka rabani da ita ka kashe su ba yanzu Yaya b...." bai bari Hafiza ta karasa ba ya rufe mata baki da hannunsa gami da cewa.


"Kul! Wa ya gaya maki cewa bazan nemo su na hukunta su ba?ai kullum cikin neman su nake, Dole na, na nemo wa innan azzaluman bayin na kashe su da hannuna nayi alkawari sai na ɗanɗana musu azabata, duk abun da na koya na training soja sai na sauke musu shi, ki daina wannan maganar kinji ko?" ya karasa yana rungumeta, tashi Mama tayi ta fice tana share hawaye, ta bar Ubaidullah da kanwarsa a daki su na kuka ita ta koma parlour tana nata kukan.



✨✨✨✨✨✨✨✨✨✨


Da yamma Ubaidullah ya shirya zai fita, har ya shiga mota dan kuwa ya sanar da Mama cewa zai fita, da gudu Hafiza ta fito ta tsaya tana kallonsa.


Fitowa ya yi a motar yana tambayarta akan menene ko tana son wani abu ne,amma ta tsaya sai tura baki take yi kamar zata yi kuka.



Da sauri ya karaso gabanta ya kama hannunta ya ce.

"Wa ya taba min ke?" dan kuwa Mama da Ubaidullah da Anty Ummu basu son su ga Hafiza a damuwa dan tafi basu tausayi.


"Yaya, ya muka yi da kai?"

Daga kai Ubaidullah ya yi, alamun tunani amma ya kasa tunawa, dan shi gaskiya har ga Allah ya manta da wani magana.

"Am sorry Lil'Sis wace magana ce? Namanta tuna min pls."


"Na hakurin da zamu je mu bawa Anty Abi'atu mana, tun abun nan da ya hadaku bata sake shigowa ba fa, amma kullum tare muke wuni kuma tana ɗebemin kewar sismieta duk da ba zata taba zama kamar ita ba, amma Yaya ina son Anty Abi'atu sosai, Mama tana sonta idan taji abun da ka mata kasan Mama ba zata ji dadi ba, kuma idan aka yi kwana biyu bata zo ba Mama zata fara zargin kayi mata wani abu ne tun da agabanta ka fara yiwa Anty Abi'atu magana da ihu tun a gidansu Yaya Zaidu" ta karasa maganar tana dukar da kanta kasa.


Ubaidullah yasan duk abun da Hafiza ta faɗa gaskiya ne dan haka ya ce.
"To shi kenan, shiga mota muje" girgiza kai tayi ta ce.

"Yaya, nan da nan shine sai mun je a mota? ni kam kawai ka zo mu taka mu shiga."


"Ohh Allah na, Hafiza kin koya rigima wallahi, anya ba wannan yarinyar mai iyayin ba ce ta koya maki rigima?" duk a cikin zuciyarsa yake faɗin wannan maganar, a fili kuma ya ce.


"Haba Hafiza baki ga zan fita bane?"

" ni dai Yaya muje da kafa" ba tare da ya sake magana ba ya kulle mota suka fita a tare.


Tun da Hafiza suka fito daga gate dinsu ita da Yayanta ake bin su da kallo, ga kamannin da suke yi wasu yan matan unguwa ma ba su san Ubaidullah ba tun da ba zaman garin yake yi ba idan yazo ya jima da yawa shine ya yi sati ɗaya ya koma, kuma idan ya zo fitar su kullum a mota ne shi da Amininsa Zaidu.

Wasu ma idan suka ga Hafiza sai su dauka Na'ilah ce dan ita ce mai jama'a, sai ka matso kusa tukunna zaka gane ba Na'ilah bace dan kuwa Na'ilah tafi Hafiza fadin Fuska, sai sake yi musu ta'aziyya ake yi su na amsawa, wasu ma yan mata da gayya suka zo yiwa Ubaidullah ta'aziyya dan kawai ya yi musu magana saboda yau ne karo na farko da suka fara ganinsa, basu taba ganinsa ba sai dai su ji labarinsa, ba yabo ba fallasa yake amsa gaisuwar ta su, da haka ya ja hannun kanwarsa suka wuce dan sauri yake akwai inda za shi.



A gate din gidansu Abi'atu Hafiza ta kwankwasa karamin kofa, rabonta da fita tun rasuwar yar uwarta, sai kuma fitan da suka yi a mota da Yayanta, shi yasa take ganin komai daban yake mata.

Mai gadi yana ganinta ya saki murmushi, nan suka gaisa shima ya sake yi musu ta'aziyya.


Sai da Hafiza ta shiga tayi sallama Ummi ta fito daga bedroom dinta zata shiga kitchen ta ga Hafiza na Sallama, tsantsan farin ciki Ummi kasa amsa sallamar tayi da saurin tazo ta rungumi Hafiza tana cewa.

"Hafiza ke ce?" gyaɗa kai Hafiza tayi ta duka ta gaisheta, Ummi ta amsa cike da farin ciki da jin dadi.


"Ummi ni da Yayana ne mu ka zo, yace na rakosa wajan Anty Abi'atu zasu yi magana."


Da mamaki Ummi take kallon Hafiza ta ce.
"Tooo! Ina Yayan naki yake ,shine bai shigo ba? Sai kace wani bako ai da nan da gidanku duk ɗaya ne"


Murmushi gefen baki Hafiza tayi tana kashe ido ɗaya ita kadai tasan plan din da tayi, yar uwarta ce ta fado mata a rai ana gobe zata rasu da suke hira akan cewa idan Yayansu yazo sai sun san yanda suka yi suka haɗa shi aure da Anty Abi'atu dan kuwa sun dace.

"Allah sarki! Rayuwa baki da tabbas, Sismieta nayi alƙawari ko babu ke ni saina cika wannan burin In'sha Allahu" duk wannan maganar a zuciyarta take fadi a fili kuma ta ce.


"Am uhum Ummi wai kunyarki yake ji" rike baki Ummi tayi gami da cewa.

"Lallai kam ai sai ki ce masa ya shiga ƙaramin parlour, sannan ki zo ki kira Abi'atu tana daki, dan tun jiya na kasa gane mata bansan meke damunta ba" Hafiza ta amsa da to, sannan ta fita ta kai Yayanta karamin parlour, ta dawo da sallama ta shiga bedroom din Abi'atu.

Abi'atu kwance ta lumshe ido kamar wata mai bacci, kamar a mafarki ta ji muryar Hafiza da sauri ta bude ido ta ga Hafiza a gabanta tana tsaye tana dan murmushi kaɗan-kaɗan, sake mutsintsike idonta Abi'atu tayi ta ce.

"Ko dai gizo take min ne?"

Hafiza ta ce.
"A'a My Anty In-law ba gizo bane ni ce Hafiza ce" wani ihu Abi'atu ta saka wanda harta Ummi dake kitchen sai da ta tsorata, dirowa a gadon Abi'atu tayi ta zo ta rungume Hafiza har da kwallanta na farin ciki, Ummi ta shigo da sauri tana cewa.

"Abi'atu lafiya kuwa? wannan wani irin ihu ne haka? Duk kin cika gida?"

"Ummi wallahi ita ce ta fara magana."


"Mtsww! Amma dai ke kam Allah ya shiryeki maimakon kiyi hamdala sai ki saki wannan kara haka, ai mun fara gaisawa da ita kafin ta shigo wajanki, hamdala za ki yi ba ihu ba"

"Wallahi Ummi bansan nayi ihun ba, murna ce ta saka ni yi" Ummi tayi murmushi ta fice tana cewa idan kun gama dai karku manta kun bar mutum a parlour.


Zama suka yi Hafiza ta ce.
"Shine kika gudu ko?"

Shuru Abi'atu tayi ta ce.
"Aa ba guduwa nayi ba , akwai aikin da nake yi ne shiyasa baki ganni nazo ba"

"To tashi muje Yayana ne yace na rakosa wajanki."




Zare ido Abi'atu tayi da mugun Mamaki take kallon Hafiza, ganin haka yasa Hafiza ta miƙe ta ce.

"Ki kawo masa abun sha ki same mu a ƙaramin parlour" tana gama fadi ta fice, Abi'atu jiki ba kwari ta tashi ita ma tayi hanyar kitchen.




Da sauri Hafiza tayi wajan Yayanta, dan karya kwafsa mata dan tasan zai aika, a yau kuma bata son tayi missing din plan dinta.


"Am Yaya ga Anty Abi'atun zuwa, Yaya karka bani kunya, karka bawa Mama kunya ka ji?" guntun tsaki Ubaidullah ya ja ba tare da Hafiza ta ji ba ya ce.

"To na ji" ya fada a takaice dan yan halin sun fara tashi.

"Am Yaya idan tazo zan tashi na baku waje sai ka bata hakurin a sirrince" da mamaki yake kallon Hafiza, shi kenan ta koyawa Hafiza kisisina.

"Um" shine abun da ya iya fadi, Hafiza zata sake magana Abi'atu tayi sallama cikin zazzaƙar muryarta wanda sai da ya daki dodon kunnen Ubaidullah, wani kamshi yaji na tashi wanda sai da ya sanya idanunsa kaɗawa suka koma ja, da sauri ya tamƙe idonsa, yana so su washe dan yanda ya ji sunyi masa ya tabbata yanzu kam sun yi ja.


Abi'atu tana shigowa Hafiza ta mike da sauri ta fice dan kar ma Abi'atu ta tsaidata.


✨✨✨✨✨✨✨✨✨✨



*kun matsa ne amma banyi niyyar sakin page din ba, saboda page din baya na samu korafi ta pc akan cewa yy kadan na kara, kuma na fada muku cewa bani da tym din typing buk biyu lokaci daya*



Momyn Ahlan Taku Ce👍🏻
[8/19, 10:59 AM] Zarahh: *COLONEL UBAIDULLAH*
( _the story about a young gentle man_)

*ᏚᎢᎾᎡY ᏔᎡᏆᎢᎢᎬN ᏴY*✍🏻

*Z͢A͢H͢R͢A͢ A͢B͢D͢U͢L͢* (ᴹᴼᴹᵞᴺ ᴬᴴᴸᴬᴺ)

( *y̾a̾r̾ s̾a̾r̾a̾r̾i̾n̾ k̾a̾i̾n̾u̾w̾a̾*)
👸🏻 *SAHIBAR KAINUWA*👸🏻

_dedicated to my brother_

*U̶B̶A̶I̶D̶U̶L̶L̶A̶H̶I̶*
~~•~~•~~•~•~•~

_my wattpab_@Fateemah0


*بسم الله الرحمن الرحيم*
*____________________________________*


*🌈KAINUWA WRITERS✍🏼 ASSOCIATION*🤝🏻
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*domin shiga shafin mu na Bakandamiya danna nan*👇🏻

https://bakandamiya.com/group/71/kainuwa-writers-association

*____________________________________*

*_CIKIYA CIKIYA CIKIYA, DAN ALLAH WANDA YAKE DA BUK DINA (HALITTA DAGA ALLAH NE) PLS A TAIMAKA MIN A TURO TA MY NUMBER WLH NA RASA SHI NE SABIDA WAYATA DA TA SAMU MATSALA KWANAKI, 08165550116 PLS._*



*Kacokar wannan page din na mallaka muku shi halak malak, yan COLONEL UBAIDULLAH FANS, idan kun so ku hana wasu grps din karantawa 🤪🤪 ni dai ba ruwana har da yan Wattpad ma*

✨✨✨✨✨✨✨✨✨✨


*page°°°°°66&70*



Fitan Hafiza da yan mintuna su na zaune babu wanda ya cewa kowa komai, Abi'atu ganin darajan Mama tayi a idonta sannan ta ga girman Anty Ummu, sai kuma Ubaidullah din da ta gansa kamar Yayanta Safwan dan haka ta daure a takaice tana kau da kanta gefe tana tabe baki ta ce.
"Ina wuni?"

Yadda tayi masa gaisuwan ne ya tsaya kallonta yana jinjina iyayinta, sai da ya ɗibi kusan minti sha'biyar,har ta fidda ran zai amsa, kafin ya amsa a takaice shi ma.
"Lafiya"


Daga haka ko wanne yaja baki ya yi shuru, Ubaidullah wayarsa ya ci gaba da dannawa Abi'atu tana zaune tana jira ta ji meya kawosa, har tsawon minti talatin su na zaune ba tare da sunyi wata magana ba tun bayan gaisawar da suka yi.



@@@@@


Hafiza kuwa parlour ta koma ta zauna tana addua Allah yasa haƙanta ya cimma ruwa, tun da burin Mama, fatan Anty Ummu ne.


Ko da Ummi ta fito daga kitchen ta ga Hafiza zaune ta ce.

"Ah Hafiza ya na ganki anan kuma? Ina Abi'atu da Ubaidullah din?"

"Su na karamin parlour Ummi, cewa ya yi na tashi na fita magana mai mahimmanci zasu yi shiyasa na dawo nan na zauna"

Jinjina kai Ummi tayi tana tunanin dama akwai abu tsakanin Abi'atu da Ubaidullah ne.


Hafiza tana nan zaune har Safwan ya shigo ya ganta ya yi mata magana, ga mamakinsa sai ya ji ta amsa ta gaishesa, shi ma farin ciki ya yi, daga haka ya zauna yana dan janta da hira tana amsa shi sama-sama har Abba ya dawo ya gan su a haka, har kasa Hafiza ta sauko ta gaishesa dan kuwa Abba maƙoci ne na gari dan ya musu halacci da rasuwar Na'ilah.



Cike da fara'a Abba ya amsa gaisuwar yana tambayarta ya jikinta ta amsa da sauki ya ce.
"ina Abi'atun taki?"


"Su na tare da Yayana a ƙaramin parlour shi ya ce na rakosa wajanta" Safwan yasa dariya cikin wasa ya ce.

"Ah Alhamdulillah! Ashe dai maganata zata zama gaskiya kenan, ga Journalist ga Army" itama Hafiza murmushi tayi Abba ya ce.


"To Allah ya sanya alkairi mu bamu da ta cewa" Ummi ta ce.

"Wallahi kam, ameen" daga haka Ummi suka wuce ita da Abba, shi ma Safwan mikewa ya yi ya ce.

"Hafiza nima zan shiga ciki na watsa ruwa."

"To Yaya Safwan a fito lafiya" daga haka Safwan ya shige part dinsa.

Hafiza ta juya tana kalle-kalle a ranta ta ce.


"To yana ji su shuru haka? Ba dai Yaya tafiya ya yi ba? Dan zai aika, to ko naje na duba ne? Kai A'a bari na kara musu lokaci kadan mu gani tun da, da ya tafi dole Anty Abi'atu ta dawo" da wannan tunanin Hafiza ta koma ta zauna.




@@@@


Kusan awa ɗaya, Abi'atu tana zaune Ubaidullah bai ce da ita ƙala ba, tun gaisawar da suka yi.


Guntun tsaki taja ba tare da ya ji ba, a ranta ta ce.
"Ni Abi'atu yau na ga salon wulakanci har gidan Ubana, mutum ka zo, ka sa a kirani amma ka mai da ni tamkar wata poster? To wallahi baka isa ba, idan baka da abun yi ni ina dashi" tana gama faɗin haka a zuciyarta ta miƙe zata fita har ta kai kofar fita ya ɗago shi bai ma san ta tashi ba, da sauri ya ce.

"Amm keee! ABI'AH."

Cak Abi'atu ta tsaya saboda yanda ya kira sunan nata wai Abi'ah take tsiƙar jikinta ya tashi ga wani kasala da ya sauke mata.


"Subhanallahi! Wannan bawan Allah akwaisa da fi'ili" duk maganar zuci take yi.


Tasowa Ubaidullah ya yi ganin yanda ta tsaya bata da alaman juyowa balle ta sa niyyar dawowa,gabanta ya zo yana dan kallonta sama-sama dan bai son ya cika kallon mace saboda kar zuciyarsa ta ƙitsa masa abun da ba shi kenan ba.



"Uhum amm dama na zo ne na baki hakuri akan maganar da kika fadi akan cewa ba zaki sake zuwa gidanmu ba, ko ba komai saboda ke Hafiza ta fara magana, na yi farin cikin haka sosai, ga shi Mama tana yabonki sosai ko ma ba danni ba ya kamata ki janye maganar ba zaki sake zuwa ba, tun da naga alama duk kin sace zukatan yan gidanmu, fatan kin fahimci abun da nake nufi?"


Tun da Ubaidullah ya fara magana dodon kunnen Abi'atu yake mata guɗa, yanda yake furta magana ɗaya bayan ɗaya abun ba karamin burgeta yayi ba, barin ma sexy voice dinsa wanda taji yana shirin sakata bacci, a fili kuma, motsa dan ƙaramin bakinta tayi ta fara magana, zubawa bakinta idon Ubaidullah ya yi, a cikin ransa ya furta. "ya salam! Yarinya yar ƙanƙanuwa amma sai kisisinar tsiya"


"Dama ai ba dan kai din bane zan koma, fatan kai ma ka fahimceni?" ta fada gami da juyawa zata fita a ranta ta ce.
"Ka ji fa, wai ya zo bani hakuri amma bai furta min yi hakurin ba" juyawar da ta yi suka yi karo da Hafiza zata shigo ita kuma, tsayawa Hafiza tayi tana musu kallon tuhuma, daga masa gira Hafiza tayi ya kau da kansa gefe ya ce.

"Hafiza muje ko?"

Caraf ta ce.
"Yaya, muje ka gaishe da Ummin, Abba ma ya dawo, Anty Abi'atu dan Allah karasa sai na biku a baya" da mamaki suka kalli Hafiza ta tura baki, dukkan'su basu ce komai ba, Abi'atu tayi gaba Ubaidullah ya bi ta a baya, har cikin parlourn su.


Abba da Ummi su na zaune, su Abi'atu su na shigowa Safwan yana fitowa, nan suka yi musabaha da Ubaidullah ya yinda Ubaidullah ya dukar da kansa kasa sosai ya russuna ya gaishe da Abba da Ummi tamkar ya je gaisuwan surkai.

Amsawa Abba da Ummi suka yi cike da fara'a, sannan Ubaidullah ya mike da sauri ya fice Hafiza tayi musu sallama tabi bayansa, Abi'atu ta zauna Ummi ta ce.



"Ke Abi'atu wannan wani irin shirme ne? Mutane su zo wajanki zasu tafi ba zaki taka musu ba?"


Ba dan Abi'atu ta so ba, ta miƙe ta fito wajan gate ta ga har sun dan yi nisa, tsayawa tayi na wasu lokaci kafin ta koma cikin gida.



Ubaidullah su na zuwa sai da ya ga Hafiza
Ta shige kofar parlour kafin ya shiga motarsa yabar gida, dan kuwa sauri yake yi akwai aikin da zai je mai muhimmanci.



Ubaidullah bai dawo ba sai tsakar dare wajan sha biyu da rabi, amma duk da haka sai da ya fara shiga ciki dan ya ga lafiyar Mahaifiyarsa da Kanwarsa, Hafiza a dakin Mama ta yi bacci, Mama kuwa idonta biyu,har sai da ta ga Ubaidullah kafin ta ji karfin guiwar samun damar kwanciya.




@@@@@




Da washe gari bayan Ubaidullah ya shigo sun gaisa da Mama yake faɗa mata in da ya je jiya, akan cewa ya samu wasu manyan shaguna ne a kasuwar wunti guda hudu ya siya, har ya bada other za a kawo kayayyaki yau za a zuba, sabida ya san yana da wani sana'ar da zata din ga kawo masa kudi, dan kar kudin hannunsa ya kare su rasa yadda zasu yi.


Adduar Allah ya sanya alkhairi da Allah ya rufa asiri ya kara buɗi Mama ta yi masa, ya amsa da ameen, har ya tashi zai fita Mama ta ce.


"Ubaidullah, shin Alhaji Adamu yasan da cewa kabar aiki?"


"A'a Mama, bai sani ba, yanzu kusan shekaransa ɗaya da rabi kenan baya ƙasar, shi da iyalansa,su na Cairo"


"Ayya, sai yau she kuma zasu dawo?"


"Wallahi, Mama ban sani ba, duk da muna waya dashi lokaci zuwa lokaci muna gaisawa, amma ban faɗa masa abun da ya faru ba."


"To shi kenan, Allah ya zaba abun da yafi alkhairi a rayuwa"


"Ameeen Mama, ina Hafiza ne?"


"Ba su jima da tashi anan ba ita da Abi'atu" jinjina kai ya yi, ya fice.




@@@@@



Masha Allah kwana hudu aka dauka ana gyaran shagunan Ubaidullah ya yinda aka zuba kaya masu kyau da tsada da arahar kudi, wanda ana ta neman sunan da za a sa wa shagon amma an rasa, Hafiza ta tambayi Abi'atu sunan da ya dace a sawa Shagunan.


Nan Abi'atu ta ce, a sawa Shagunan suna, ABDULLAHI'S FAMILY, sosai kuma sunan ya burge Ubaidullah dan ya ji dadin sunan sosai.



Cikin ɗan ƙankanin lokaci Allah ya sakawa shagunan albarka, nan da nan Abdullahi's Family Shop jama'a aka san da zamansa a garin bauchi, barin ma yan mata, dan kuwa an zuba su kyale-kyale, jakukkuna ne takalma atampopi shaddadu materials su cosmetics, babu abun da babu a shaguna guda hudun ne.




Haka rayuwa ke tafiya da sauri-sauri duniya tana gudu, yau shagunar Ubaidullah watansa ɗaya da budewa kuma Alhamdulillah yana samun kudi sosai kudi su na shigo masa masha Allah, dan har mota ya siyawa MAMA da Hafiza, duk da shi ba zaman shagon yake yi ba ya samu masu zama masa dan shi har kwanar gobe baya da sha'awar wani aiki ko kasuwanci wanda ya wuce aikin soja, duk abun da ke faruwa Ubaidullah su na magana da amininsa Zaidu, ba laifi Zaidu ya fara warewa amma ba sosai, ta bangare daya su na kan bincike akan wa inda suka yiwa Na'ila fyaɗe, yanzu tsawon wata hudu kenan, da rasuwar Na'ila amma babu wani haske, Ubaidullah ya yi kukan baƙin ciki dan kuwa ya fara cire rai, a wannan wata hudun ne kuma Mama ta je ta samu ƙanin mahaifin su Ubaidullah akan ya je ya nemawa Ubaidullah auren Abi'atu, hakan kuwa aka yi, inda Ƙanin Baba ya je nemawa Ubaidullah auren Abi'atu ba tare da sanin Abi'atu ko Ubaidullah ba, amma kowa ya sani daga ciki kuwa har da Hafiza duk da Mama tace babu wani gayyar da za'ayi daura aure ne kawai, Hafiza kuwa ita ce ma a kan gaba wajan ganin auren ya tabbata.


Abba cewa ya yi, ai Ubaidullah tamƙar Safwan yake dan haka ba komai ai, ya basa Abi'atu, har aka tsaida ranar biki ba mai tsayi ba, wata daya kacal.


Mama tasa Ubaidullah ya haɗa akwati a shagonsa kayan lefe masu rai da lafiya, amma ba tare da ya tambayeta nawaye bane, dan ko da kayan shagon duka Mama tace tana so, zai kwaso ya kawo mata balle ta ce ya hado lefe ya kawo, har biki ya rage sati daya Ubaidullah bai sani ba tun da bai cika zaman gida , Abi'atu ma bata sani ba, tun da ba shale aka yi ba, yan uwa ma da suka ji suka ce tun da ba taro za'ayi ba, wasu ba sai sun zo ba.



Ko da aka tashi ranar daurin Aure Ubaidullah baya nan tun da ba wani jama'a aka tara ba, sai su Umma dasu Inna da sauran yan uwa da abokan arziki haka ma gidan su Abi'atu.



Ranar da aka daura aure Ubaidullah ba a gida ya kwana ba, sai da ya yi kwana biyu baya gida har yan uwa wa in da suka ɗan leko suka fara