You Cannot Download this book untill you login but you can read it .

---

Login Register

zubewa a nan ta saki kukan nadama( magana zanar bunu ce)


Yana saukowa ya tarar da Mom ita kadai zaune,

Karasowa ya yi a hankali ya zauna bayan ya yi mata sannu da gida

Amsawa ta yi cike da kulawa, tana murmushi ta ce" idan baka zo ba nakan shiga wani yannayi na rashin ganninka a kusa da mu, idan ka zo kana zo mana da tsare tsare masu wuyar gani, yanzu son dan Allah kawai sai ka kora yara daki suna shagalinsu? Ai sallah ce sai ka barsu su dan huta kadan ko?


Kallonta ya yi, bai ce komai ba ya dan kawar da kansa a kasan zuciyarsa yana ayana ai bazai yiwu dan sallahce su kunna kida a cikin gida haka ba dan basu da tarbiya

Ta san ba zai tanka ba, domin ya ki jinnin sha.annin kida da abubuwan da suka shafi jakan, kawar da kanta ta yi itama ta ci gaba da kallon tvn


Mom ina Jamail ne?

Dago da kanta ta yi tana kallonsa, ita bata ga abin takurawa kai a lamarin Jamail, ita kwarai yaran sun shiga ranta ba yanda bata yi ba dan su karbi abin barka da sallah fir suka ki har rigai rigai suke wajen fita, sun nuna idan suka je gida da shi innarsu ba zata saurara masu ba, yaran sun shiga ranta daman fil azal take sha.awar tara yara tumba mace ba, aman cikin ikon Allah ukun ne su ne rayuwarta

Murmushi ta yi ta ce" ai ya tafi ya mayar da su Wujdane

Dago da kansa ya yi da alamar bacin rai bayane karara a fiskarsa ya ce" yanzu fisabililahi Mom sai kace wasu jininsa na jiki? Ya zai fito yawo da yara haka cikin gari, nawa yake Jamail din da zai fitino da wannan rayuwar, meye abin sha.awa a bibiyar yara haka? Mom kuma har ki yarda da hakan dan Allah? Ai wannan da gani basu da tarbiya idan ba haka ba ta ya zasu shiga motar namiji haka ba wani yayansu ba ba wani muharaminsu ba su bi shi zikau zikau su shiga gari da shi? Yanzu fisabililahi haka ake rayuwa? Kuma sai ya dauki boy yana cakula shi a shirmensa ko?


Sannu mai da, maganar Mom ra katseshi wace ta zubawa sarautar Allah ido yana bambamin balaki dan kawai Jamail ya kawo yaran da a kulun ta Allah idan dai zaka zauna da shi maganar gidansu ce tarbiyar gidansu, mahaifinsu mahaifiyarsu, komai, yarinyar da yake muradin aure a rayuwa, yarinyar da a yanzu ita kanta zata yiwa iyalanta sha.awar ajiyeta a matsayin mata, bai ko zauna da mutun ba bai san halinsu ba aman ya dage yana zuba masifa a kan hakan


Hade fuska ya yi tam, ransa ya gama baci, gannin zaman nasu da mahaifiyarsa ba zai ci gaba da yin dadi ba tunda sun yi baran baran ya saka shi mikewa ya fice a gidan gaba daya


Ni fa na fada maka ba zan je wani park ba, ka mayar da mu gida na gaji da yawon haka,
Wujdane ke fadawa Jamail cike da masifa a muryarta

Ajiyar zuciya ya sauke, shi fa har wani shayinta yake idan tana fada bai san dalili ba,

Karkata motar ya yi ya dauki hanyar gidan nasu wada ta fitar da kanta gefe sai cika take tana batsewa, fitar ce ma bata saba ba an takurata ne


Suna karasowa ya ja ya tsaya aman maimakun ya bude masu sai ya rufe gaba daya motar

Kowanensu ya ja ya ja ya kasa budewa hakan ya saka su waigowa wajensa


Kansa a kasa yana kokowa da zuciyarsa kan abinda zai furta a daidai wannan lokacin

Yaya Jamail ka bude mana taki buduwa, muryar Aisha ce ta doki kunnansa cikin sanyinta yanda ta saba


Ta madubin motar ya dan kaleta ya marairaice murya ya ce" dan Allah sisterna ki dan dakata ki tayani yaki da auntynki kin ji?


A tare suke yi masa kallon rashin fahimta, yaki, na me fa? Kiwace tambaya take yiwa kanta a kasan zuciyarta aman ba amsa hakan ya saka Wujdane dago da kanta a karo na barkatai wannan karin da yannayin rashin son raini ta ce"""
[3/27, 9:59 AM] ‪+234 803 957 7698‬: 🦄🦄 *BANI DA ZABI*🦄🦄





*18*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....





Yau kwana uku kennan shiru ba Jamail ba labarinsa a gidan malan, inda inna ke ta jajen rashin zuwan sa sai dai aisha ta sauke ajiyar zuciya bata ce da inna komai ba,


Bangaren Wujdane ta bi ta takura rayuwarta a tunani, ita bata son auren yaro karami ba dan komai ba sai dan kar a zo a rasa waye baba a cikin gidan domin tana ra.ayin auren mai shekaru dan ana fada cewar sun fi hakuri, kawar da kai, ga mace, ita kam ta tsayar da shawarar zata baiwa Lukman damar ya fito


Konce take a dakinsu ta mayar da dakin nan wajen rayuwarta,

Yaro ne ya yi salama yana fadin ana salama da Wujdane

Yama ce, magariba ta kusa shigowa, duda hakanan ta dauki hijabinta ta zura ta fito waje dan amsa kiran da ake yi mata


Tana fita ta tarar da Lukman, kamar kulun yauma ya sha shirinsa masha Allah, daga nesa ta kare masa kallo kafin ta karaso kusan shi

Dan dukar da kanta ta yi tana fadin" barka da yama, da fatan ka yini lafiya


Kallonta yake cike da mamaki, bata taba yi masa irin gaisuwar nan ba tunda ya santa, hakan ya saka shi amsa mata cike da fara.a da sakin fuska


Hi

Zance yake zuba mata, wanda a wannan rana Wujdane ta bashi gaba daya nutsuwarta, ta tatara dukan hankalinta a kansa harma tana bashi amsa cike da kulawa, wanda har cikin zuciyarta rake ji ta yi amana da shi ko ba komai shi din zai bata wata shekara goma ya dara Jamail


A hankali Jamail ya ja motarsa ya tsaya da malan a cikin motar, wanda ya zubawa Wujdane ido yana nazartarta, wannan yaro ya ganta da shi bila adadin

A hankali ya dan juyo da kansa yana kallon Jamail wanda har ya dan wani fada dan ya sakawa kansa damuwa


Malan ya ce" Jamail, na gode, ka fadawa Aban naka cewar ka sanar min, aman idan da hali ina bukatar ganninka nan da kwana biyar insha Allah, kafin mu yi magana da abanka, aman ka fada masa ai ba sai ya nemi alfarmar gannina ba ko yaushe ya tashi kawai zai ganni da yardar Allah


Haka Malan ya fito daga motar daidai lokacin da Wujdane ta shige gida sai Lukman ne ya tsugunna har kasa yana gaishe da malan cike da mutuntawa


Malan ya amsa masa , har ya daga kafa da niyar tafiya sai kuma ya dawo ya dan dakata ya nisa, can ya tambayi Lukman shi din dan inane, da kuma sunnan mahaifinsa da komai sannan ya shaida masa ya soke zancen nan da Wujdane idan har ba hanyar kirki suka bi ba


Cike da murnar jin haka Lukman ya bar gidan malan inda ya nufi gidansu da wannan albishir wanda a wajensa kadai yake albishir mai dadi



Jamail da kyar ya kai kansa gida, yana parking din motar ya fito a hankali ya samu jikin motar yayansa da yake da duhu duhu ya silale a nan ya hade kansa da gwuiwarsa


Alaidine dake zaune yana amsa kira ya dakata ya kurawa Jamail ido, ya shiga tunanin bashi da lafiya ne? Yana yunkurin sako kafarsa dan ya fito ya tsinci muryar Jamail na fadin" shin da me Lukman ya fi ni Wujdane? Da me ya fini? Danme zaki ce na yi maki kankanta ne? Aisha bata dai fahimce ki ba idan har shekarun ne ai Lukman bai wani girme min da yawa ba a ganninsa, kawai dai da inda maganarki ta dosa Wujdane, aman danme zaki yanken hukunci baki yi hakuri kin ga yanda ni nake ba?


Da sauri Alaidine ya dafe kansa a can kadan zuciyarsa yana furta: innalilahi wa.ina ilaihi raj.une, dama yar iska ce har haka? Dama rashin tarbiyar nata har ya kai ta furtawa namiji cewa wai ya yi mata kadan?


Muryar Jamail ce ta katse shi cikin kasalaliyar murya yake furta" ni kam zanci gaba da adu.a, domin so kwaya daya tal ke na baiwa, idan har da rabon ki dubeni Allah ya nuna min


Haka ya yi ta sambatunsa har ya gaji ya mike ya share hawayensa ya shige ciki


Wata irin guguwar tsanar Wujdane ce ta darsu a ran Alaidine, a fili cike da bacin rai ya furta" da ubanwa take takama ne wannan yar iskar? Ai daga jin yannayinta sannan ka ganta ka gama gannin rikakiyar yar iska, ohke da iskanci take takama da alama? Ba laifi ni zan nuna maku gaba dayanku ruwa ba sa.an kondo bane, dan kin samu yana bibiyarki toh wly ni zan hana ya aure ki idan har na isa da shi, soyaya ta fi ta ma.AIKI ta Allah, ta iyayena banga wata soyaya ba, karya kake kaima
.....fuuuuuu ya fice a motar wsnda ya bankota ya nufi samansa


Yau kwana biyu da wannan diramar, inda Malan ya gama fahimtar Wujdane ta fitar da Lukman ne a matsayin zabinta, a kulun idan Malan ya yi sallah adu.arsa daya ce Allah ya sa wannan zabi shine alkhairi a rayuwar yarsa, sannan ya hane shi jin kunyar Jamail da iyayensa, haka kuma Lukman ya ci gaba da zuwa zancensa tunda an tsayar da magana har aure ya kusa , aman har wa yau ba.a kawo lefe ba, ance sai ranar daurin aure sannan bata ga keyar mutun daya nasa ba, ko abokannansa wanda ita hakan ya yi mata domin ba zata hadu da wulakancinsu ba



Baifi kwana hudu auren Wujdane ba, wanda du a wani wai take daukansa, inda malan ke ta faman kokari dan gannin ya intata a rayuwa


Zaune yake a masalaci, yauma ya yi samako, du ba.a fara fitowa ba, ya mayar da gabansa yama ya yi zuru, a can kasan zuciyarsa yana tunanin dangin mijin Lukman sam basu da kulawa shi jadai ke murnarsa

Salama ce ta katse masa tunanninsa, ya dago da kansa inda idannuwansa suka sauka a fuskar wannan mutun mai kamala,da girma a idannuwansa sai Alaidine dake rike da jakar laptop karami


Musabaha suka yi kafin suke zama su yi gaisuwar mutunci


Malan da wata kunya ta lulube shi kansa a kasa , ya shiga shaida masu yanda lamarin ya kasance, wato Wujdane dama ta fotar da miji ne sai ga zancen Jamail


Alaidine dai kallonsa yake a mutumin da du irin kamalarsa ya yarda yarinyarsa take juya shi haka?

Aba ne ya yi gyaran murya yana murmushi ya ce" ai Malan duka an sanar min , yanzu haka da wata magana ne muka zo wace insha allahu da alama za.a dace domin dai kafin na yarjewa shawarar yayan nasa sai da nayi ta istihara, nan dai suka shiga tataunawa wace ni kaina ban ji mai suka tsayar shawarar ba sai dai gannin sun fito gaba dayansu Malan ya yi masu rakiya har wajen motarsu sannan ya dawo masalaci ya zauna yana mai adu.ar Allah ya sa hakan shi ya fi zama alkhairi


Shirye shirye ake a gidan Malan, inda inna ce da Aisha ne kawai suka yi lakwas, ba dan komai ba sai dan inna ta san abinda ke faruwa ita kuwa aisha Abin ne ya zame mata goma da gomiyatara, domin Wujdane dai kamar ba amarya ba, idanma inna ta bata wani abin dan ta sha sai dai ta nace kan sai sun raba hakan yake saka Aishar sha dan kawai dai ta yarda ta sha ita dinma, sai abinda ke bata mamaki, yan gidan su mijin Wujdane har wa yau ba wanda ya leko su, sai Lukman ne ke kai kawo shima yanzun ya rage dan sai an kwana biyu yake zuwa aman ita Wujdane ko a tsuman ranta
Wujdane dai ba kawaye ba, Aisha ce ta gayaci gawayenta na makaranta da na anguwa ta fitar da anko zawarawa na wunnin bikin wanda malan ya basu suma suka sayo, sai abu na gaba, lefe ne aka kawo wanda inna ta aike su aiken da ta san zasu jima, suna dawowa suka tarar da wasu rantsatsun lefe na mamaki, wa.inda suka firgitasu, lefe ne na alfarma sannan inna taki shaida masu kan lefen saima takursu da ta yi kan a yi masu kitson amare da kunshi

Wujdane fir ta sakawa idannuwanta toka kan bata yarda da wannan tatsuniyar ba, ba za.a yi mata kitso ba, da kyar ta amince aka yi mata kunshin shima inna ta nuna mata jan ido sai Aisha ce aka yarfawa kitso da kunshi abinta

Zaune suke bayan salar magariba, du sun yi shiru suna tunani ba mai cewa dan uwansa ufan, inna ba komai ke yi mata yawo a can kasan zuciyarta ba sai shin inna dangin mahaifinta ne? Ance yana da dangi guduwa ya yo daga garinsu kan wani dalili daban, yai gashi zata aurar da yaya anman daga ita sai makota sai yayan a cikin gida? Sosai ta rufe kanta a daki ta ci kuka na ban mamaki ta gode Allah kan wannan rayuwa tata

Wujdane ta yi shiru, tunani take inna lukman ya shige kwana biyu ne? Mai ke damunsa ba zuwa ba labari? Inna ya shige ne? Wannan shi ya tsaye mata a rai domin itafa a gaskiya tana jin soyayarsa a can kasan zuciyarta ,

Aisha kuwa tunani take na faduwar gaban da ta tsinci kanta a ciki, ta yi imanin dan zata rabu da yayarta ne hakan ke faruwa da ita shi ya sa ta matso sosai jikin wujdane ta dora kanta saman cinyarta tana sauke ajiyar zuciya








Ranar Daurin Aure.................





To jama.a Shin ina Lukman ne? Zai fito ne ko yaya?

Yaya makomar daurin Auren Wujdane ne?


Alaidine bai yiwa kansa shigo shigo ba zurfi ba kuwa? Domin Alaidine ya tarwatsa auren Wujdane da Kanninsa Jamail du da irin yanda ya dauki soyaya ba a bakin komai ba, bayan ya kula kyakyawar alaka tsakanin mahaifinsa da Malan sannan ya manta haihuwarsa aka yi wato an isa da shi?

Ina Jamail ne? Ina ya shige ne? Jamail kuwa fa haka za.a barshi?



Comment dinku ninkin typing😲🤪🤣🤣🤣🤣🤣🤣🤣🌚🚶🏻‍♀🏃🏻‍♀🏃🏻‍♀🏃🏻‍♀
[3/27, 10:00 AM] ‪+234 803 957 7698‬: 🦄🦄 *BANI DA ZABI*🦄🦄





*19*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....






Ranar daurin aure



A kofar gidan Malan, shinfidar tabarmi ne na leda , kofar ta sha shara kalkal da ita

Daga cikin gida kuwa jama.ar ba wani yawa ne da ita ba, yan anguwa ne sun shishigo, sai kawayen su Aisha da ta gayata

Ausha ta sha kwaliya, ma.abociyar kwaliya ba, ta hade cikin atamparsu ita da wujdane wada Malan ya saya masu domin kayan cikin lefen nan ba.a ma taba su ba

Zaune Wujdane take, ita kanta ba zata fasara irin halin da take ciki ba, aman aure komai taurin zuciyarka sai ka ji ka yi lakwas, zuwa wannan lokacin ne tunani kala kala ya fara darsun mata harma ta yiwa kanta tambayar shin mai ke faruwa da ita ne?

A cikin dakinsu suke, sun dage labule da window, yan mata sai gwali ake inda Aisha ke tsakiyarsu suna shan shapter Wujdane kuwa na gefe tana dan murmushin da iyakarsa lebenta

Ta rasa mai bata amsoshin tambayoyin dake daskare a can kasan zuciyarta

Dirar motoci kake ji da karan babura da mai lasifika a hannunsa yana isar da karasowar jama.ar ango dan daura aure

Tsuru suka yi da Aisha da Wujdane, domin da mamaki, motocin nan fa? Duda malan mutumin mutane ne, aman hakan bazai fasara musu tarin motocin da ake ta rangadadin karasowarsu wai harma da masu daukan vidio dan sakawa a tv

A bada guri ga baban yayan ango, Elhaj kowa, Elhaj ganninka an huce, Elhaj kaji da nasu ka ji da naka, farin zaki mai hakoran dinary, gaba dai gaba dai dawisu mai kyan kwaliya, na je haji iyalina sun je muna godiya,
Wannan mai lasifika ne ke tarban Alaidine wanda Aba ya rigaye shi karasowa, shi zai zo da sadaki da komai na daurin auren kannin nasa


Zazaune ake, malan idannuwansa kyam a kan hanya, ba komai yake hange ba sai ta ina Lukman zai bilo ne shi da jama.arsa? Bayan ya kwana da sannin yau ne, sannan an sanar masa sai an daura nasu kafin ake daura dayan

Abinka da birni, jama.a har sun fara dan kosawa domin kowa da shagalin gabansa tumba yan anguwar da suka zauna wajen malan ba sai tambaya ake ina dayan angon da yan uwansa gashi har an dora awa a saman lokacin da za.a daura auren

Uzuri malan ya nema , na hanyar fadin mai yiwuwa go slow ne ya hade a hanyar zuwan su aman a bashi dan lokaci zai nemi yaron


Mikewa yayi cikin shigarsa ta alfarma, wada Aba ya yi masa dinki na mutunci ya bashi a matsayin dinkin fitar biki ya shiga cikin gidansa inda direct ya shige dakin yaransa yan mata


Yana shiga yan matan suka fara ficewa a dakin suna bashi waje

Idannuwansa ya sauke kan Wujdane cike da tarin tausayinta, sai a yau yake tuhumar kansa shin gazawa ne yayi da halayar wujdane har ya yanke hukuncin yi mata aure da gagawa haka har gashi ana nema a wulakanta ta ko me? Shin bai dauki rayuwar wujdane a matsayin kadarar da Allah ya dora masu ba be ya lamunce yanda take ne har yaa saka gagawa a lamarinta bayan ya kwana da sannin gagawa aikin shedan ce? Ina tunaninsa ya je har ya bari fushinsa yayi rinjaye a yarsa mafi soyuwa a cikin zuciyarsa?

A hankali ya karaso daidai lokacin da inna ta shigo, itama ta sha shigarta ta alfarma ta zauna tana kallon yannayin mijin nata murya a raunane ta ce" Malan, ni lafiya kuwa ake kananun magangannun ne?


Dago da kansa daga kallon yayansa da suka zubo masa idannuwa ya yi, ya hadiye wani yawu mai wuyar fita , a hankali ya ce" innar yara, yaron nan ne shiru na wajen Wujdane, ko lafiya?


Gabansu ne ya fadi gaba dayansu, Wujdane ta jimke hannun Aisha wace jikinta ya dauki dumi ta kontar da kanta saman bayan Aishar tana wani nishi ciki ciki na bacin rai


Malan ya ce" abinda nake so da ku shi ne ku gaba dayanku shine kar ku yarda ku tayar da hankalinku kam komai, ku yi tawakali da dukan abinda zai samu bawa mai kyau ko mara kyau kadararsa ce daga ubangiji, ki zauna da su bara na je kawai


Mikewa Malan ya yi ya fice, zuciyarsa a matukar karye ya fita wajen jama.ar dake zaune abin har ya zama na magana sai dauka ake danma wa.inda suka zo da Alaidine basu tarki yin wani cece ku ce bisan lamarin ba suna dai mamakin danme idan dayan bai zo ba ba za.a daura da daya ba?


Zama Malan ya yi, inda a hankali ya dan duko da kansa wajen Aba, da kuma Malan ishak ya ce" ina gannin Elhaj kawai a daura Na Jamail din, domin wa.innan basu da niyar zuwa, da alama ko sun fasa ne


Kafin Aba ya yi magana sai ga karan wani tsohon babur furrrrrrrrrrrr ya tunkaro anguwar, direct wajen jama.ar ya karaso, sai dai abin mamaki Lukman ne a saman Babur din nan

Suturar jikinsa yau kam ba tsari, Lukman mai son wanka yau kam ba wannan daukan wanka

Bai damu da irin yanda aka zuba masa ido ba, haka ya sauko ya ratso har gaban malan kafin yake zubewa nan kasa

Du girma irin na Lukman ya saki kuka mai cin zuciya yana bin jama.ar dake wajen da ido


Kallonsa Malan yake bai iya hana shi kuka ba, saima dan langwabar da kai da yayi

Abdul Fatah ji yake kamar ya kama da wuta a zaunen nan da yake, yana son yin magana aman Hamza ya tsare shi da ido

Hamza ne ya mike ya karaso wajen da Lukman yake ya kama shi ya mikar da shi, suna kallon juna ya ce" Lukman, lafiya? Mai yake faruwa haka ne?

Lukman ya sada kansa, yafi son su kasance daga shi sai Malan sai wujdane dan sirinta abinda ke faruwa, hakan ya bukata sai dai ina , malan ji yake daga inda yake ba zai iya motsawa ba

Aba ya dago da kansa ya mike a hankali ya ja hannun lukman, domin a duniya komai yana bukatar sirri, koma menene, sannan a yau rana ce ta zulumi.cike da zuciyar Malan, gannin Hamza ba zai dauki wannan ragamar ba, Malan kuwa zuciyarsa bukunta ya matar masa da jiki ya saka Aba mikewa inda ruuu aka bi su da ido harda Alaidine da ya cika da mamakin shi kuwa Aba ina ruwansa, daman ya za.a yi ya gama mora a waje sannan ya aura? Yayi yaya da ita? Shi ai ba mahaukaci bane, da gani a yanda ya gama shagalinsa da ita yanzu zai zo masu da wani bayani, shi dai komai za.ayi ba zai yarda Aba ya canza abinda yayi niya ba, wato ya aurawa Jamail Wujdane haka kawai a bata masu zuri.a? Haka kawai? Ai yau za.a yita ne a wajen nan


Lukman na kebancewa da Aba ya shiga koro masa bayani kamar haka" yau kwana biyu da mahaifina ya dauran aure da yar uwata, bisa sharadin sai an auran ita za.a barni na auri Wujddane, du ban fadawa su Malan ba domin ona son Wujdane bana son abinda zai rabani da ita, tun jiya nake gannin abubuwan da basu dace ba, inda mahaifiyata ta bukaci na jawo kudin sadakin Wujdane din su adana,
Kawai ina zaune nake jiyo magangannunsu suna labarin ai lefe ma da na tara na wujdane aka ce min an kawo ashe ba ita aka kawowa ba gidan su yarinyar da aka aura min suka kai, karshe ma kudin sadakin na Wujdane da na bayar ajiya mahaifiyata ta sayo keken dinki da kayan dinki wai zata shiga koyon dinki da na auro mata yar iska
Hakan ya bakantan rai na ritsasu cike da bacin rai na saki yarinyar saki daya,
Wannan ya tunzura zuciyar mahaifana suka yi rantsuwa da idan dai na zabi auren Wujdane ba ni ba su duniya da kiyama

Hakan ya tayar min da hankali, ya fitini tunanina, ya fitar da ni a nutsuwata, ba inda ban je ba dan a zo a baiwa su mahaifana hakuri aman abin ya ci tura shine tun jiya zuwa yau na zama tamkar mahaukaci yawo kawai nake, ni yanzu ga sadakina na samo a aura min ita kawai mu yi tafiyarmu shikenan

Sauraronsa Aba yake cike da tausayi, sai kawai yake gannin kamar rayuwarsa ke maimaituwa a nan,

Kamo kafadunsa ya yi ya ce" karka yarda, koda wasa karka kuskura ka ki bin abinda suka fada, tunda har kai kadarar taka ta fito a haka, ka rungumeta kawai Lukman, ka sani a duniya babu kuskuren da zaka tafka sama da take maganarsu, Wujdane dai mace ce wada take gaban iyayenta, ysu ba zata kaunaci namiji ya tsameta ya kaita a rayuwar wahala ta gaban abada, shin baka tunanin abinda zaka cewa Allah? Da ace mahaifinka ya aminta ni zan dauki nauyin aura maka Wujdane, aman ina hakinsu dake kanka? Aljanarka tana karkafin digadigensu, basu kore ka ba, zabinka ne bai yi masu ba, ka nutsu ka farka giyar soyaya ke dibanka, babu innuwar da ta kai ta iyayenka lumshi da dadi ko a nan duniya bale a kiyama, lale auren wace ake so yana da dadi aman kuma zaman lafiya da iyayen mu ya fi dadi dadi, Lukman idan ka samu nutsuwa ga numberna ka nemi gidanna mu tatauna, ni ina baka shawara ne wai ba a matsayin dan na girme maka ba aa, sai a matsayin wanda ya san me hakan ke nufi, dan haka idan muka zauna zan baka tarihin rayuwana

Wani irin sanyi jikin lukman ya yi, ya dubi Aba kimar Aba kadai zata haneka karyata lafuzansa hakan ya saka shi fadin" Malan fa? Kenan na bashi kunya? Wujdane fa? A me zata dauke ni na cuce ta ? Elhaj ka san hausa yanzu abinnan sai