You Cannot Download this book untill you login but you can read it .

---

Login Register

SOJA*

*NEMAN NA KAINA*

................... *BANI DA ZABI* INSHA ALLAH....





Jamail ya juyo wajen inna da mamaki fal a shinfide a fuskarsa ya ce" inna, daman kanwata tana shiri da yara?


Inna ta yi dariya ta ce" kanwar taka a abin mamakinta baya karewa


Suna tsaka da maganar inna ta zuba masa dambun a plat dan madaidaici ta fito da Boy ta gyara masa wandonsa ta dawo ta zauna tana kallon kofa wani abu na fizgarta kan ta ficewarta


Wani yaro ne ya yi salama da naira goma a hannunsa, yana dan rakubewa ya ce" inna wai ana salama da MaMa,


Inna ta dago da kanta tana kallon yaron ta ce" wa ke salama da ita? Yama fa ya yi bana son fitar nan


Yaron yana dan bari da hannayensa ya ce" wai ya ce ace lukman ne


Firgigit ta dago da kanta daga kallon kasan da take a tare da Jamail, shima bai shirya ba ya dago cike da mamaki da karyata kunnayensa, Lukman? Waye lukman? Daman Wujdane na zance da saurayi???

Tunaninsa ne ya katse daidai lokacin da Inna ke fadin" to ai tana jin ka


Harara ta watsa masa ta ce" ka je ka ce ta yi baci


Tun kafin ta rufe bakinta yaron ya juya a guje yana maimaita maganar da zai fadi din dan kar ya manta


Tsam Jamail ya tsame hannunsa daga cikin abincin ya mike ya darwaye ya yi hanyar kofa

Da harara Wujdane ta bi shi ta ja tsaki ita kadai tana fadin natace


Yana fita ya tarar da Lukman na faman buga babur dinsa

Salama ya yi masa ya mika masa hannu suka yi musabaha

Lukman kallon Jamail yake, a yannayin girman jikinsa ba zaja bashi shekara 20 ba sai dai sama, ga cika ido

Murmushi Lukman ya saki ya juya a hankali a can kasan ransa yana ayana du da soyaya ba ruwanta da kyau mulki ko arziki ba, zab gwada nawa sa.ar ( toh fa )



Zaune yake cikin falonsa ya dafe kumatunsa da hannu bibiyu yana sauraron mahaifiyarsa hajiya Marwa, cike da hikima ta ci gaba" Haba Alaidine, ka ringa sasautawa zuciyarka, yanzu tsakani da Allah mahaifiyar boy na zaune ita ta ki ta sake suren wani, kai kuwa ka yi rantsuwar ka gama zaman aure da ita, du bama wannan yanzu dan tana gidan shikennan ba za kana leko mu ba? Ni yaya kake so nayi ne?


Cike da kaunar mahaifiyarsa wace bata taba nuna kyamarsa ba ya ce" Mom, idan ta yi aure ta bar gidan zan koma zuwa, mom


To kai ya maganar auren naka ne? Ta katse masa hanzari, ta ci gaba da fadin" ko na zaba maka ne???


Dago da kansa ya yi wannan karin, yana kallonta ya ce" Mom aa, bana so ki zaba min na dawo na kuma saka ki kunya, zan yi auren kwananan insha Allah


Kallonsa take tana jin ciwon irin rayuwar nan nasa, arziki dai na gidan duniya Allah ya malaka masa, wanda yana cikin mutanen da ake maganarsu a kasar, aman ka kasa zama cikeken mutun ta fannin ajiye iyali????

Ajiyar zuciya ta sauke ta shiga kiran layin mijinta dan jin a goben zai taso kuwa daga abujar wajen meeting?




Malan na shigowa d fara.a fiye da da cikin gidan,

Bayan sun gagaishe shi inna ta dauko kudin nan da ko kirgawa bata yi ba ta ajiye da niyar malan ya zo ta danka masa,

Kafin ta yi masa bayani ya karkace ya ciro kudi a aljihunsa yana ta aikin murmushi ya miko mata

Ido ta fitar waje bata karba ba ta ce" Malan wannan fa??

Fuskarsa wadace da murmushi ya ce" Masalacin da nake bayar da karatu, wato wanda yayan Jamail ya gina, a yau aka shigo aka nemi malaman dake bayar da karatu da masu kula aka bamu dubu ashirin ashirin, sannan a lokacin elhazen kamar hadin baki suka shiga bamu kyaututuka, kinga dai cikin ikon Allah yau a masalaci kinga abinda Allah ya bamu baki daya malaman na bada shawarar a hade kawai a raba domin akoy wa.inda yau basu samu halarta ba, su din ma ba masu karfin bane, sai aka bi shawarar nawa aka hade aka kasa kinga na tashi da wajen dubu arba.in da shida


Kallonsa kawai take a can kadan zuciyarta cike da tausayin mijin nasu da kuma godiya ga Allah, ta san dai ko ba komai a yau ya kara samu domin ma.aiki,

Murmushi ta yi ta mika masa na hannunta ta yi masa bayanin yanda suka yi da Jamail


Adu.a kawai yake yiwa bayin Allahn nan yana ta godewa Qllah kafin ya sake kallonta cike da fara.a ya ce" kin ga sai na kai kudin makarantar Wujdane, dubu bakwai ne da dari hudu da Malan din ya lisafa abinda ya dace sai na cike, sannan ku samu ku yi sabin dinki ku sayi su mai su dan turare sannan a sayo abinci ko???



Cike da murmushi take kallonsa tana amsa masa, da insha Allah, sannan ta gyara zamanta a dukan abinda ya zana bai sako kansa ba, domin cikin ikon Allah samarin gidan suna iya kokarinsu wajen yi masa sutura da su kansu, danma karatu na dauke hankin Abdul Fatah,

Mika masa gaba daya kudin ta yi, ta ce" malan du abinda Aka zana Allah ya idasa nufi,

Tana gama fada ta mike fan gabatar masa da shinfidarsa

Da ido ya bita, yana kara godewa Allah, matarsa, uwar yayansa, abin alfaharinsa, mai gane matsalarsa mai kula da fara.arsa, ita irin zumudin nan na ta ga kudi ma bata da shi, yana kara godewa Allah da du irin murdaden halayen Wujdane kudi baya gabanta, haka ya mike ya kara daura Alwallah ya shige dakinsa dan gabatar da salolinsa ya kuma kara godewa Allah da wannan budi da ya yi masa

Da sasafe kamar kulun, Wujdane ta fito daga wanka ta yi turus dalilin inna da ta ganni a dakin nasu zaune, dukawa ta yi har kasa ta kuma gaishe ta da kwana, innar na amsawa


Mikewa ta yi tana son saka kaya inna na binta da ido,

Dan murmushi inna ta yi a can kasan ranta take fadin kunyar karya irin ta wujdane, ita ba za.a ga tsiraicinta ba, gannin ta kasa saka wandon ya saka innar juyar da kanta tana kallon kofa

Aishama dariya take kasa kasa tana kokarin murza man kuli dake cikin wata yar farar roba a jikinta domin shine mansu idan man ya kare

Yan dari biyar biyar biyu ne a hannun innar, ta juyo ta mikawa Aisha sannan ta mikawa wujdane

Tsai suka yi suna kallonta, da alamun neman karin bayani

Zama ta yi ta ce" a jiya cikin ikon Allah sosai Allah ya yi budi a gidan nan, shine yau mahaifinku du irin kiye masa da nayi kan ba za.a baku hakan ba ya tirje min kan ai samu aka yi, shi ya sa ya bada wannan kudin ya ce na baku ku adanna idan bukatar sayen wani abin ya taso maku sai ku saya, ko dan saboda makaranta ma

Murmushi Aisha take ta saki, tana godewa Allah a fili ta ce" masha Allah, masha Allah, Allah mun gode maka, Allah ya kara budi , ya kara arziki mai anfanni


Amsawa inna take ta juyo wajen Wujdane, ta ga ta ajiye dari biyar din a nan kusan innar sannan tana kokarin saka hijabinta, inna ta ga yanda kitsonta ya tsufa sosai haka, to aman dan me bata dauki kudin ba ko ta raina ne? Inna ta ce" toh ke sarauniya, ya zaki jefar min da kudin a nan ne? Ko kin raina ne?

Juyowa Wujdane ta yi da sauri tana kallon inna wai ta raina, ta dan girgiza kanta bata ce komai ba

Takaici ya cika inna , yau miskilancin na banza harda ita za.a yiwa, ai kuwa ta shiga fada inda take shiga ba ta nan take fita ba, Aisha du ranta ya bace gannin inna na yiwa yar uwarta fada da safiyar nan, ita kuwa ta sada kanta ta yi zuru tana sauraron fadan innar na rashin dalili a wajenta, bayan inna ta gama tana harararta ta dan dago, ta sanyaya muryarta ta dauko kudin ta mikawa innar ta ce" innata, ba wai rainawa na yi na, koda baba ya dage kan sai an bamu sai ki rike a wajen ki, cikin ikon Allah koda wata rana abinci ya dauke da ajiya ai za.a yi anfani da shi, mu ba kudin mota muke biya ba dan zuwa makaranta, ko a makaranta Aisha ke sayo min abincina, kenan inna na wajen Aishar ya ishe mu har ya yi yawa, insha Allah idan ta sayo manta na shafawa vaseline dari da hamsin sauran sai ta ajiye mana a wajenta tana sayo abincin a makaranta kinga sai ki huta da bamu kwana biyu ko??


Tana gama fadar haka ta sakawa inna kudin ta mike ta fice da ledarta ta mauludu da aka yi a anguwar aka raraba ita ce jakarsu ta makarantar ta saka litafinta da biro


Da ido inna ta bisu bayan fitar su, shar ta ji dumin hawaye a gefen idannuwanta, a hankali ta goge ta daga hannayenta sama ta shiga karanto adu.o.i wa yayanta baki daya



Malan kam yau fara.arsa ta ki ta yanke, bayan ya biya kudin makarantar Wujdane ya zarce masalaci dan akoy karatun safe da zai bayar,

Bayan ya gama ya yiwa mutane salama ya fito , ya shiga doka sauri dan zuwa kasuwa domin a lokacin har karfe biyu na rana ya yi,

Oda ya ji ana yi kamar da shi ake hakan ya saka ya dan waiga

Anwar ne da wani saurayi a cewar malan shima mai cikar kamala a gefen Anwar din sai dai wannan tamkar ya fi shi girma da isa, bakin gilas a fuskarsa da waya yana dan dadanawa


Malan barka da warhaka, za.a je gida ko na ga sai sauri ake, cewar Anwar yana gaisar da malan din cikin mutuntawa

Malan ya amsa yana mai dan sakin fara.a ,

Alaidine ya dago da kansa, sai ya samu kansa da cire glass din idannuwansa, a hankali shima ya furta" barka da rana Malan, ka shigo mu saukeka man na ga ana rana


Murmushi Malan ya saki ya ce" aa ba komai yaro, ai kasuwa ma zan je ba gida na yi ba

Anwar ya matsawa malan kan ya shiga ko kasuwar ce su sauke shi domin suma can suka nufa, hakan ya saka malan shiga motar tasu da ya karewa kallo sannan ya bada nutsuwarsa wa bakin titi yana kallon yanda motar ke gudu aman tamkar bata motsawa dan irin motocin nan ne da idan ba wani baban gargada aka shiga ba ba zaka san an shiga ba


Anwar ke dan jan Malan da zance inda Alaidine ya yi shiru yana mamakin surutun Anwar

Ni Malan ina Yar rikici ne take??? Cewar Anwar

Malan ya dago da kansa ya saki murmushi jin an ambaci Wujdane ya ce" ai fa ana nan, sun tafi makaranta da yar uwarta, Wujdane rigima ba, aman an dan kwana biyu ba.a yi ba mai yiyuwa adu.a ta ci karfinta


Anwar ya yi ta dariya abinsa,
Haka suka karaso suna dan labari da Anwar aman Alaidine yayi kif, tun gaisar da Malan din da ya yi bai kara komai ba

Daidai babar kofar suka sauke Malan inda suka juya dan karasawa shagonsa na atamfofi


Malan ya yi masu sayaya daidai gwargwado harda su macaroni ta zamani, da fulawa da shinkafa da su magi mai gishiri , sosai ya yi masu tsince tsince sannan ya karasa shagon masu sayar da kaya
Nan ya sayawa inna atamfa da hijabi biyu, ya sayawa su Wujdane hijabai suma da atamfar kala biyu ,shine harda abaya yar dubu da dari biyun nan da yan takalma plate masu kyau da turare da mai na shafawa, rigi rigi almajiri ke binsa da kaya har ya zo fita ya ga yan abubuwan hannu, ya dakata ya sayowa Wujdane da Aisha sannan ya sayi sabulu sinki guda,
Malan dai ya yi sayaya ya kashe kudi bai fi dubu shida a aljihunsa ba ya nemi adaidaita ya yi shata har gidansa



Zaune suke Inna na tsefe mata dokar kanta da ta tsufa sosai har sai ta laluba take jin tufkar kitson tana yi tana mitar gaskiya Wujdane sai kin canza hali, ke daki yi tsaftar ko ina aman bakya so a taba maki kai??



Idannuwanta a rintse, jin taba kan nan nata take tamkar inna na yankan naman jikinta

Malan ne ya shigo da ledoji Aisha ta tashi ta tarbo shi, ya koma dan dauko sauran kayan

Yana daukowa Motar Jamail na tsayawa daga dan nesa da gidan kadan








(Talauci ba zai hana yin walwala a cikin gida ba idan har an gina rayuwar gidan a kan tubali mai kyau)
[3/27, 9:59 AM] ‪+234 803 957 7698‬: 🦄🦄 *BANI DA ZABI*🦄🦄





*13*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....





Mom dake sama ta lumshe idannuwanta ta shiga yiwa yaronta adu.ar shiriya bayan komai da ya faru a idannuwanta duda bata ji takamaiman mai ya bata amsa ba ta san dai ba maganar dadi bace, tana adu.ar Allah ya sa wannan auren ya kasance ya shiga ransa, ya sota tamkar ransa, sannan ya shinfida shakuwa a tsakaninsu, tana adu.ar ta samu sarakuwar da zata zamo tamkar yarta, matar Anwar akoy mutunci da mutunta su, damuwar nesa ga yara sai ya kasance weekend kawai suke samun yi
Gaisuwarsa ta katse mata tunanin da take ta bada hankalinta kacokam kansa




Wujdane, Wujdane, ki saurareni mana, haba Wujdane ya dace a ce na samu karbuwa a wajenki daidai wannan lokacin, ki tuna fa a kala na kwashe wata biyu na bin bayanki, haba Wujdane dan adam daraja gare shi, ki saurare ni


Juyowa Wujdane ta yi, tana dan dubansa ta cikin nikab dinta, a can kasar zuciyarta tana aiyana" ya salam, yanzu Baba da ya fitar da maganar wani ta tsayar da miji wai ya yake so ta yi ne? Ko dai Lukman din nan kawai zata fadawa idan har yana son nata kawai ta aureshi ta huta da wannan rayuwar,


Ki ban amsa mana Wujdane, cewar Lukman yana kalar tausayi

Kanta ta dan dafe hango su Jamail sai a lokacin suka shigo kwanar shi da Aisha, ta juyo wajensa ta ce" ka ga dai azumi ne, ba.a sha ruwa ba ya zaka tare ni da azumina kanai min wasu maganganun soyaya? Na fada maka ni ban santa ba, ni ban iya ba, sannan ai ba ni na takuraka kan sai ka bi ni dole ba ko???


Tausasa muryarsa ya yi , ya ce" kwarai na san da azumi a bakin mu , aman maganar da nake miki na neman aure ne, kinga dai da dare ba samun ganninki zan yi ba, ki taimaka ki lamunce min na turo iyayena bayan sallah insha Allah da sannu zaki so ni Wujdane


Ido ta dan zaro gabanta na faduwa, daidai su Aisha sun karaso inda Aisharma ke gaishe shi cikin mutuntawa, Inna ta aikesu Jamail ya dage sai ya yi rakiya,

Dan jerawa ta yi da Aisha inda Lukman ya biyota da kalo da kalar tausayi,

Ko mai ya tausasa mata zuciya, ta juyo a hankali daidai da Lukman, murya a can ciki ta ce" Allah, ya dayaba, ya sa nufin da ka bayana alkhairi ne, ya nuna lokaci


Tana gama fadar haka ta daga kafarta sosai inda ta wuce su ta fada gida,


Da ido suka bita gaba dayansu, inda Lukman ya saki wani lalausan murmushi da ya bayanar da hakoransa waje, a fili ya furta Alhamdulilah, yanzu adu.arsa daya Allah ya sa mahaifin baban nasa ya yarda da wannan magana domin ya nace kan sai ya aura masa yar uwarsa Zuhra wace sam baya jinta a layin matan da yake sha.awar rayuwar aure da su

Haka suka karaso suka tarar da inna na ta tatar koko Wujdane na gefe tana gyara dambun shinkafar da zasu yi, ta zagine ta ce ita zata yi komai bayan Jamail ya nemi alfarmar a yi masa ya kaiwa yayansa dan yana da son dambu

Jefi jefi takan saci kallonsu da Aisha dake famar gyaran lemo na shan ruwa, a daidai wannan lokacin Abdul Fatah ya karaso cike da gajiya shi kan idan yana azumi akoy son jiki

Shima nan ya tile wajen su Aishar ana ta labari da Jamail wanda sosai a gidan ba wanda bai yi sabo da shi ba, tsananin yana son wannan zuri.a


Inna ce ta dan dago da kanta, ta yi ta yi ta hani kanta yi masa magana aman ta kasa, dan zama ta yi kafin ruwa ya tafasa tana kallonsa, a hankali ta ce" Jamail, ka yi hakuri, aman na kasa jurewa, shin Jamail wannan kayan abinci da ka kawo mai kennan?

Dago da kansa ya yi da sauri, daman ya san a rina shi ya sa yaki yarda ya zauna daga shi sai ita a gidan, wannan kayan kuwa yayansa ne ya bude yana talafawa talakawa shima yaje masa da bukatar a deba masa ya kawo gidan malan dake bada karatu a masalacinsa, hakan ya saka aka cika mota da su shinkafar gwomnati, hatsi, gero, macaroni, cuscus, kai harda su man kuli a babar jarka da su magi, kafin ya karaso sai da ya biya wajen malan ya fada masa da kuma fadin sakon yayan nasu na kar kowa ya tafi gida da wuri dan yana can baban shagonsa na abinci ana ta fitar da sadakar kafin ya karaso anguwar nasa, duda ba shine ke rabawar ba, domin a cikin masalacin mutane dadaya ne suka san shine mai taimakon nan, da yawa ba zasu shaida shi ba a boye yake


Kafin ya yi magana inna ta ci gaba da fadin" ina jin tsoron hakan Jamail, tunda aka haifeni har zuwa yau da furfurana a kai ban taba tara kayan abinci irin haka ba, Jamail ba wai ban yarda da kai bane ko wani abin, iyayenka basa tuhumarka da dawainiya da kake da gidan nan yau da kulun? Shin baka gannin ya yi yawa ne duda ka fadan cewa kai kana yi ne idan ka ga yin hakan ya dace, ka daukeni tamkar mahaifiyarka ne, malan mahaifinka, kana son talafawa mu, aman Jamail ya dace ka sasauta, ka ga da ba dan Wujdane na gidan nan yau ba da tuni layin nan sun cikani da kai kawo dan tsegumin mai ke faruwa a gidan nan, Jamail bana son abinda zai zo ya jagula kyakyawan zumuncin nan dan Allah


Jamail ya yi murmushi, a hankali ya juya wajen Abdul fatah ya ce" ni yaya a kasuwar sabon gari ma kana dan taba kasuwanci a can ko???


Abdul Fatah ya ce" sosai ma, ai nan din yafi kwari kasuwancin domin a da soso nake kaiwa yanzu tsaron shago nake na siyar da irin turarukan nan na mata na shafawa


Jamail ya gyada kai ya ce" Masha Allah , Allah ya taimaka, aman yaya ka san wani da ake cewa Elhaj ALAIDINE MAI KAYA?


Abdul fatah ya ce" tap, ai wanda bai sanshi ba toh ka tabatar bako ne, domin tun daga kan hausawa da inyamurai dadaya ne basa bin reshen kasuwancinsa, suma dan basu samu ba, aman du yawancin haraka sai ka bi ta gefensa idan kana son ka ga komai ya je maka da sauki ga biyan bukata


Jamail ya ce" madallah, kuma ba tonan asiri ba, dan Allah yaya Abdul fatah, yana da tausayin na kasa da shi?

Abdul fatah ya ce" a kishin kishin din da ake yadawa wai ba wanda Allah ya cida haduwa da shi ba, aa, koda sako yake na bayar da zaka ko sadaka Allah ya sa ya biyo layin ka warke, yauma fa ana can store dinsa karka so ka ga layin jama.ar, ai sabko zan yi dan na samu gaba gaba, ba wani bambanci ko almajiri ko baba ko yaro ana sadaka ne da zuciya daya, aman ba wanda ya gansa ance yana ciki, mutane da yawa layin da suka yi dan su gansa ne da idannuwansu domin alkhairinsa ya jima da tardo su aman ka ga bawan Allahn nan ko mai yasa baya son a gansa

Sosai Abdul fatah ya dage yana bada labarin Alaidine, sai da ya koro da surutu ya dakata ya ce" aman kai ya aka yi ka tambayeni sunnansa? Ko ka sanshi ne??


Jamail ya saki murmushi, ya juyo wajen inna da Aisha da suke kallonsu sun rataba masu hankalinsu dan gane inda wannan labari ya nufa, Wujdane kuwa na daka tsidahu a zuciyarta tana aiyana mai kuwa zai hana shi banda girman kai irin na masu kudi,

Jamail ya ce" inna, kinga masalacin da malan ke bayar da karatun nan toh nasa ne, a wajensa na karbo kayayakin nan, ina fada masa a kawo na gidan Malan yace na je gidansa na fitar wai danma matarsa mugun hali ne da ita bata son kyauta wa wasu da ba yan gidansu ba, domin yan gidansu sun cika gidan tana ta fitarwa aman idan wani ya zo sai ka ga ranta ya baci, bata son ana rabar mata miji, ni na san da shine ya fitar ko yana tsaye aka fitar da bansan bama ya zamu kare da ku inna,

Inna ta dafe kuncinta ta ce" toh ikon Allah, shi kuwa wannan bawan Allah haka yake da sannin romon sadaka? Allah ubangiji ya jibanci lamuransa, ya bashi ladan sadakar da yake ta kasance masa haske a gobe kiyama, aman a anguwarku yake ko???


Jamail ya ce" shine mahaifin boy

Su duka sun cika da mamaki har wujdane dake daka sai da ta dan dago ta dan kale su, ta mayar da kanta sai ta tsinci kanta da cewa ai gwara da bai zama aku ba irinka(🤦🏻‍♀🤣)


Haka sukai ta labari tsakaninsu, wanda Inna ta yi gum da mitar kayan nan sun yi yawa ta bi su da adu.a,
Abdul fatah da ya ji dambun nan shi za.a kaiwa sai ya lalubo dubunsa guda ya fice, bai dawo ba sai da sayaya niki niki ta su kifi da albasa yanda za.a yi yar jijibar miyar ci da dambun Aisha kuwa cike da murna ta karba ta shiga gyarawa


Konci tashi ba wuya, azumi har ya zo karshe wanda ake saka ran wayewar gari da sallah za.a tashi,

Idan ka shigo layin su Wujdane abin sai ya baka mamaki, duda karamar sallah ce aman cikin ikon Allah ko.ina ka wulga yara ne da yan mata da samari kowane na faman gyara kansa kunshi wa.inda basu samu yi a shekaran jiya da jiya ba


Aisha ce zaune ta gama hada sibkarta, tana bin Wujdane da kalo, ta san ita zata yi mata kunshin aman sai dan kai kawo take tana kara share gidan da baida dati ko kadan, su Mairo ma sun yi aiken dan girman Allah ta taimaka wannan salar ta dan yi masu komai kadan dinsa , fakat ta furta ba zata yi ba

Aisha ta kali ledar ta kuma dagowa ta shagwabe fuska ta ce" yanzu aunty ba za.a yi min ba kunshin nima Aishar ki?

Dan harare ta jefeta da shi, inna dake dakin malan tana ta faman gyara masa domin ana saka ran a ranar zai dawo daga masalaci da yayi kwana goma sha biyar , ta ce" ai fa sai ki zauna jiran ta yi maki, ba sai da na fada maki ba ki nemi mai kunshi mai neman na kanta wace ba zata wulakantaki ba tayi maki abinki tunda ke kin amince mace ce ke kina son gyara ki barta da shirmenta aman ke kin nace sai nata dan ta iya take yiwa mutane yanga, ita ta zauna a yi mata kitson ma ya gagara ta kunce dokar kuma ta daure gashin duda ba inda zaku ai ana samun baki, sai ka kimtsa kaima ka ji dadi irin na kowa, aman kiri kiri ta hade fuska ba damar yin wani abin na jin dadi


Kai wujdane ta dafe, ita dai ta rasa mai ya sa innarta komai ta yi sai ta ga rashin dacewar hakan
Bata shirya yiwa Aisha kunshi a lokacin ba aman dan ta rufe bakin innar ta zauna ta shiga zana mata

Aisha murna fal cikin ranta, a zahirin kuwa sai doka murmushi take, domin kunshin ya zanu, nima masha Allah na furta domin idan ba miskilancin Wujdane ba ta iya kunshi ashe har haka, tamkar wata amarya Aishar ta koma anyi mata kananuwan kitsonta