You Cannot Download this book untill you login but you can read it .

---

Login Register

da adu.a a bakinta sannan tayi salama kasa kasa


Inna ce zaune a balbalin cikin gidan tana zaune saman darduma, kwai ne a gefenta dan ya kara haska mata tsakar gidan domin da abin hadari hadari garin sai yayi duhu

Zuru tayi cike da tsoro tana kallon yannayin tafiyar y.ar tata, yar da tafi kusanci da ita har cikin zuciyarta dalilin kamar da duka yayanta basu yi da ita ba sai ita, ta dauko komai na mahaifinta harda tsagar idannuwansa, yar da kulun ta Allah take jaza mata bacin rai tunani fitina kala daban daban

Tsoro ne ya darsu a zuciyarta harma ta baiwa kanta amsar shikenan da Alama Wujdane ta zubar da mutuncinta domin wani tafiya ne take tana harharde kafafuwa

Cike da sanyin jiki Wujdane ta karaso kusan mahaifiyarta ta tsuguna, murya na rawa ta ce" inna, ina yini? Ya gida?

Kallonta innar take, sam Wujdane bata tsoron zuciyarta haka take ayannawa a ranta, ace y'a mace ta fice a gidansu tun safe sai yanzu zata dawo abinda ko wani namijin baya kai magariba a waje?

Cike da muryar karaya da takaici inna ta ce" Allah ya shirye ki WUJDANE,


bata ce komai ba kanta a kasa , ta jima a tsugunan nan kafin ta mike ta shige dakinsu

A cikin fashin sallah take hakan ya saka ta lalubo maganinta na ciwon mara ta hadiya, sai a lokacin cikinta ya bada wani kuuuuuu na yunwa alamar ba.a saka masa komai ba a wunnin ranar kwata kwata

Konciya tayi ta takure jikinta tana sauraron muryar Aisha na karanta AL.IMRAN.

Aisha karatu ne take tana tilawa bayan ta gama sallar isha.i, a hankali ta kai dubanta wajen yayarta, a rayuwa tana tausayawa rayuwar yayarta, wannan wace irin rayuwa ce ta daukarwa kanta ne? Yaushe zata farka ta daidaita nutsuwarta? Ita ba wuni a gida ba, ita ba cin abinci ba sai wani lokaci lokaci, haka take galari tamkar tinkiya, bata saka komai a ranta, yayansu ya jibge ta,

Dan hawayen da ya zubo mata ne ta share tana mikewa ta fita

Jim kadan ta dawo dauke da roba ruwan blue yar madaidaiciya

Gefen katifar ta zauna ta ce" tashi Aunty ki ci abinci dan Allah

Shiru tayi mata tamkar ba da ita take ba sai da ta kuma maimaitawa

A hankali Wujdane ta dago da kanta, tana sha.awar rayuwar Aisha aman ita ba zata iya yinta ba, domin kuwa ko cikin gidansu takan jita tamkar ba a inda ya dace ba, kalar idannuwanta idan yayanta na dukanta yakan kirayeta da banza wawa wace bata kama da mutane mai siffar mutan boye,
Hakan na sakawa tayi nesa da kowa

Ki yi hakuri ki mike kinji? Ki yi hakuri dan Allah,


A hankali ta mike ta karbi robar, macaroni ne ce ta sha man ja da yaji,

Zama ta gyara tayi bismillah ta fara ci cikin nutsuwA

Bayan ta gama ta dauki ruwan da Aisha ta zubo mata a kora ta sha , nan ta fara samun nutsuwa na shigarta

Inna ce ta yi salama ta shigo dakin nasu, waje ta samu ta zauna tana kallon su gaba daya

A hankali ta shiga jawabi kamar haka" Wujdane, ki sani a duniya mace yar gida ce, yar a kilace ce, mace yar mutunci ce, kin ga, du isar mace du takamarta idan har ta zubar da mutuncinta na ya mace ta gama, wujdane baki da wani abin tunkaho da ya fi wannan, ki sani saurayi du abinda zai rudeki da shi idan ya gama da samun abinda yake nema ya gama da rayuwarki, ki rufawa kanki asiri wujdane, ki rike tarbiyar mu

Kanta a kasa take gyadawa irin tana daukan abinda ake fadi din nan,

Ajiyar zuciya ta saki ta miko mata rubutun da Malan ya wanke wanda du kwanan duniya ake yi mata dan ta nutsu ,

Hannu ta saka ta yi bismillah ta shanye ta mikowa innar kwannon

Haka inna ta mike ta fice gwuiwarta a sace


Washe gari a daki Wujdane take, du tana ji lokacin da mazan gidan suka fice kowa ya yiwa inna salama ,

Kafafuwanta ne suka dauki ruwa, sun yi luhu luhu da su basa takuwa,

Inna mamaki take har karfe goma sha daya Wujdane bata fito ba? Sai ta shiga adu.ar Allah ya sa ta ji jawabi ne wannan karin


Aisha ce ta dawo daga makaranta karfe daya tana shigowa dakinsu cike da mamaki take kallon Wujdane,
Zama tayi gefenta tana tambayar lafiya kuwa yau take gida???

Haka kawai ta ji ina ai itama makarantar zata shiga , makaranta ce mai hade da islamiya, sosai ake karatun islamiyar komai da larabci, a can ake kusan wuni su duka aka saka aman ita ta ki

A hankali take bin Aishar da kalo har ta gama cire uniform dinta ta kara zama kusanta ta nace kan sannin mai ke damunta


Hijabinta da ta rufe kafarta ta budewa Aishar cikin yannayin gajiya da konciyar ta bata labarin doguwar tafiyar da tayi


Cike da mamaki Aisha ta shiga dakin Malan ta dauko man zafi ta zo ta shashafa mata har bayanta sannan ta fice ta barta ta huta



Kai.kawo kofar gidan su Wujdane ya fi a kirga da tayi tana son shiga tana tsoron yayansu, domin wani lokaci da ta shiga Abdul fata da ya kama kwalo da ita tamkar ya samu jaki, ita tsoronta daya jiya yaya wujdane din ta yi ne?

Mairo mairo.
..
[3/27, 9:57 AM] ‪+234 803 957 7698‬: 🦄🦄 *BANI DA ZABI*🦄🦄





*03*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....






Tana saka kafarta cikin gidan ji kake wur kwatsam karar cilo langa fada ne ake na kirki ana dambe tsakanin lami da Hajara

Sosai ta shake wuyanta inda yaransu ke tsatsaye suna ta ihu suna ke daki hancin ke dakii bakin ke daki tatasai da kubewa wanda ya fasa ba shi bane

Dan tsayawa tayi ta kare masu kallo ta kada kai tayi wajen zanar su kawar tata

Tana shiga da salama a bakinta

Mairo ( Mariam ce aka mayar da sunnan Mairo )
Dake zaune da daurin kirji tana ta kokarin yin kwaliya ta juyo ta saki baki tanaiwa Wujdane wani kalo

Wujdane ta murguda baki ta ce" kallon fa??

Mairo ta ce" yanzu tsakaninki da Allah danine ( Wujdane) kin san dalilinki aka gayace mu wajen sunnan nan, tunda aka yi haihuwar nan nake tara kudi dan mu samu na mota aman shine har yanzu baki shirya ba???


Wujdane ta yatsina fuska da kalar an dameta ta ce" ke ni nama manta da wani wajen suna, ke yanzu dan su Abu sun ce ana dafa shinkafar gwomnati shine kike wannan rawar kafar? Kinga karfa mu tafi mu jazawa kanmu raini, ni bana son irin shiga cikin yan gayun nan yanzu za.a fara yi maka kallon saman hanci ni kuwa ba dauka ba zanyi

Mairo ta juyo tana kallonta ta cacaba hodar ruwa mai sunna iman a fuskarta irin ta cub din nan mai danko sai wani firirita take da idannuwa tana kokarin jan gira ta ce" kai Danine, kar ki ce dan hinkafar gwomnati ne ni daman can Aradu ina da sha.awar shiga cikin yan gayun ne a dama da ni dan Allah ki je ki shiryo mu daga kar rana tayi sosai a shishige cikin gidan


Kai ta girgiza , tana matukar mamakin irin yanda Mairo bata gani ta kyale ko ta kawar da kai, kwadayi kuwa ba.a magana, waje ta samu ta zauna tana cewa" idan xaki je da ni a haka ki je idan kuwa ba zaki ba ba damuwa sai nayi zamana aman bikin gayar sodi Abua itama mai aikin gidan ta gayace ta muma aka gayace mu bazan tsaya kyalkyale kyalkyale ba irin wa.innan fa daman sai dai kai kayi musu wahalar aman su basu iya yiwa mutun ba, dan haka ke da kika ga zaki iya ki ci gaba


Bata kai ga rufe bakinta ba aka jefo wata rigar mama da har ta sandadare dan dati, wani irin tsami take fitarwa jikinta harda kamar wata kwalkwata ,
Da sauri Wujdane ta mike tana sakin rigar mamar kasa tana kakabe hijabinta

Kanta ta dago cike da bacin rai ta ce" Kan Uba, wannan wace yar kwal uba ce ta jefeni da wannan abin???

Tana fadi tana nuna rigar mamar

Mairo ta mike ta dauki rigar mamar ta leka ta jikin zanar ta jefa masu tana fadin" banzaye fitinanu, wai fa Adamu ne zai kara aure kuma na budurwa shine ya basu naira dubu dadaya harda dari bibiyu abinda bai taba yi masu a matsayin kishin laifi dan ya kawo amaryarsa, toh shine Hajara ta ajiye nata kudin ta tafi dauko markade kafin ta dawo ta tarar ba dari biyun shine wannan fadan tace ai Lami ce tunda su kasai suka san da kudin sannan da ta fita ba kowa a gidan sai su din, tun safe suke wannan ragabzar mijin ya fice abinsa yayi tafiyarsa, umanmu kuwa ta hane mu da shiga domin tunda adamu ya taba nuna yana son nan nawa suka sha masifa da umanmu sai bama shiga sabgarsu


Wujdane ta tabe baki cike da kyankyannin Adamun kansa, bata cewa Mairon komai ba

Mairo ta saba da halayar kawarta hakan ya saka itama taci gaba da shiryawa tana tayi mata labarai dan karta daina tafiyar



Tunda bus ta ajiye su suke tafe har anguwar sunnan,

Anguwa ce irin ta daidaikun masu hannu da shuni, irin anguwar nan ce dake cakude da masu abin da talakawan


Ja tayi ta tsaya sanadiyar hango gugun samari a kofar gidan

Mairo da ta shan jan baki ta juyo tana kallonta daman ta san a rina wai an saci zanin mahaukaciya domin du dabararka da Wujdane bata bi ta tsakiyar maza koda a idi ne zata rakube ne, aman da mata ne koda sun cika anguwar nan sai ta bi kuma ka tsakwaleta ku daku


Waje ta samu ta zauna gindin wata bishiya tana fadin" sai kin fito



Mairo bata tsaya magiya ba domin ta san kare kukanka ne ba zata bita ba hakan ya saka ta juya kawai ta tafi cikin sake salon tafiya wai ita yan mata🤔




Zaune take tana kallob kasa,tunani take tana fatan su koma kafin yama Yaya Abdul fatah bai dawo ba dan yana da haushinta ( ita bata ma damu da daga fita gaisawa da saurayi ta fice mai gaba daya ba)



Yan mata ne su biyu, sanye da ankin gidan sunnan da wani saurayi a gefensu suna tafe suna labari suna dara na darawa na jin haushi su ji


Wace ke gefe ta juyo da biyar dinta a hannu ta ce" bara na bayar da sadakar biyar nin nan zaifi gyara ni da na je na jefar idan ya so khalifan ya zo nema sai na amsan masa a wajen mama


Saurayin ne yayi dariya ya ce" ke da aka baki ajiya zaki yi kyauta da shi? Bakya gudun rigima ko???


Gaba tayi ta Nufo wajen wujdane itama tana dariyar ta miko tana fadin malama karbi sadaka



Ta maimaita ya kai sau biyar Wujdane na kallon kasa bata dago da kanta ba sannan gaba daya ta nanade kafafuwanta da hannunta a cikin hijabinta baki,

Jin mai maganar taki ta bar wajen ne ya sakata dago da kanta cike da bacin rai ta sauke idannuwanta a fuskar yarinyar



Ihu ta saki ta saki naira biyar din tana fadin" Aljanna wayo aljanna wayo na shiga uku Aljanna


Mutannen dake gefe da wannan saurayin suka yo wajenta suna tambayar a ina aljannar ne,?????

Wujdane da 5ake nunawa suke kallo, wani irin fari tamkar bata da jini a cikin jikinta, sai idannuwanta kalar maciji, wannan saurayin dake tare da su ya shiga janyeta yana fadi tun karfinsa" Inahu sulaimana wa.inahu bismilahi rahamani rahim
Shi kansa ya tsorata da yannayin halitarta, abinka da farin mutun ya saka bakin hijabi,

Du kama guduwa suka yi suka bar wani saurayi shi daya dake kallon Wujdane wada ta cika da takaici


A hankali ya duko ya ce""""""""":""""""""":::"""""""
[3/27, 9:58 AM] ‪+234 803 957 7698‬: 🦄🦄 *BANI DA ZABI*🦄🦄





*05*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....







A wunin ranar nan Wujdane ko kofar gida bata leka ba, tana ta bacin gajiya daman tana fashin sallah

Can da malan ya zo ya tarar da fara.a a fuskar Inna da ya tambayi dalili ya gano ta fara samun kan yar tata ne, cikin murna ya dube ta ya ce" innar Wujdane, koda kinyi kokarin boye soyayarta a zuciyarki a idannuwana bata boyuwa, Allah ya inganta

Kanta ta sada tana murmushi bata ce komai ba, haka ya mike ya leka dakinsu ya tarar har sun yi baci su dukansu kan Aisha na saman cikin Wujdane ya yi masu adu.a ya rufo dakin




Yau ta kama talata, tun karfe bakwai Wujdane ke zaune kofar dakin mahaifinta, kanta a kasa tana dan kallon yanda tsuntsaye ke saukowa su ci geron da innarsu ke zubawa du asuba ta Allah a tsakar gidan hakan ke janyo tsuntsaye kala kala su yi ta ci suna dan waken su

Yau ba bakin hijabin bane a jikinta, kayan makaranta ne irin na Aisha, blue din dogon wando sakake da hijab fari har kasa da riga blue a ciki, gefenta nikaf dinta ne da ya sha wanki kaf jikinta kalkal bata da dati ko kadan,

Malan Laminu ne ya fito da shigarsa na jalabiya fara da rawaninsa dan madaidaici kamar yanda ya saba

Da mamaki yake kallon Wujdane, idan dai ba idannuwansa sun samu matsala bane kayan makaranta ne ta saka, toh aman mai ya canza mata ra.ayinta ne? Ita dake maganar makaranta sai dai a aljannah idan tana cikin bayin da zasu shiga, dalili kuwa shine, a makarantar ya kasance wasu malaman na wawar neman soyayarta, wasun lalata da ita, wasun su tsangwami rayuwarta , haka dalibai idan dai ta fice sai an tsokane ta da zagin mai idannun kurukuru ya na mage, mai farin zabaya da sauransu


Amsa gaisuwarta yake yanda ta kara dukawa har kanta, Wujdane ba dai ba ladabi da biyaya bata da raina mutun koda a waje ne sai idan ka tabota nan fa zaka gane bata da wayo


Tsaye suke da innarsu malan na kallon yanda take zaune bata furta masa muradinta ba, aman shi ba sai ta fada ba tsakanin da da mahaifi fuskarta kadai zai kalla ya gane yarenta


Malan, ni kam ba katsalandan nake son yi ba, aman ka fi kowa sannin halayar Wujdane, nafi kowa murnar ta je makaranta ko dan yawon nan da ta saka a gaba, aman Malan kar ka manta zuwanta na karshe fa, ta yiwa yaya da kanwarta dukan tsiya ta tare hanya sai da aka kirawo ka, malan yara ba zasu daina tsokanarta ba, haka nima nayi rayuwa kai shaida ne, a kauye ma an hana ni zama bale ita a birni? Malan kana gani yaran anguwar nan dan dole suke ce mata MaMa, idan rigimar Wujdane ta fita nesa ba lale ne a yi hakuri da ita ba, ita kuwa ba zata iya mayar da komai ba komai ba ta kawar da kanta har yanzu tamkar wata yarinya karama
Inna ke mitar nan ta dage kan kawai kar ma a soma kai Wujdane Makaranta


Malan ya dago da kansa yana sauraronta, shi kam yana mamakin halayar mata har yanzu, innar yara dai ba wata yarinya karama ba aman cikin ikon Allah du girman mace ana yi ana tarota ne, cikin tausasashiyar murya ya ce" haba innar yara, idan fa hakan na cikin adu.armu na ta nutsu? Ke ganau ce ba jiyau ba Wujdane rabonta da wuni a gida har an manta cikin ikon Allah yau ta farka da muradin komawa makaranta sai a jaraba a gani, ina mai yi miki nuni da a kulun kwanan duniya adu.arki wa Wujdane ita ce abar so ba magana ba, sai mun dawo


Haka ya saka kai Wujdane na biye da shi da Aisha Bayan ta saka nikaf dinta, inna ta yi masu Allah kiyaye ta shiga dan aikacen aikacen cikin gidan cike da zulumin yanda za.a kaya da yarta


A makaranta Malan ya yankawa Malan lamunu kudade wa.inda dole a bayar idan dai ana bukatar Wujdane ta ci gaba da daukan karatu a aji

Bayan dogon nazari ya basu lokaci wanda da yardar Allah zai dawo da wa.innan kudade sannan ya nemi alfarmar ta fara daukan karatu kafin ya cika alkawari da yardar mai duka


Malamin mai mutunci ne, sannan ya san irin kwazon Wujdane, duda yana tsoron dayan halin aman ya yarjewa Malan Aminu ya yiwa Wujdane rakiya har kofar aji sannan ya koma kasuwa dan bubuga abinda ya samu


Du cikin ajin ba mai nikaf, sannan kowa dake zaune sai surutu suke,
Can gefe Wujdane ta samu ta rakube ta sada kanta tana dan juya bironta


Shiru kake ji ajin ya dauka hakan ya saka ta dan dago da kanta,

Malam yusuf ne ya shigo mai koyar masu maths

Rubuce rubuce ya fara a allon makarantar cike da kwarewa yana yi yana kwatanta masu sosai da sosai yanda zasu fahimta


Juyowa yayi yana tambayar ko da wanda bai fahimta ba? Nan ya hango wujdane zaune da nikaf


Cikin yaren turanci ya ce" wannan mai nikaf din fa? Shin bata san dokar makarantar ba cewar ba.a shiga aji da nikaf???


Shiru Wujdane tayi tamkar bata wajen, ko bata san abinda yake nufi ba


Wata yar matashiya mai suna Salima take fada masa cewar bakuwa ce mai yiwuwa bata san abinda yake fadi ba, domin Malan Yusuf akoy rigima sosai bashi da sauki


Cikin bacin rai ya fara fadi yana nufota da hausa cewar" idan har bata iya turanci ba uban me take nema a school din nan kuma ajin nan? Malama ki cire nikaf din idannuwanki mu nan bamu taru a nan dan fuskarki ko wani abin ba,

Cike da kunan rai ta kai hannunta da sauri dan kar ya cire mata ta cire nikaf din kanta a kasa

Tsaki ya ja yana fadin" useless kawai


A hankali Wujdane ta dago da kanta, wani banzan harara ta bala masa wanda ya saka idannuwanta suka yi wuluk da su , ciki ciki take gunaguni wanda Allah kadai ya san mai take fada, ta kada kai ta buda litafinta da niyar rubutu


Sam malan Yusuf bai gani ba, aman daliban da suka juyo kowace kallon mamaki take yi mata, kasa kasa Aisata ta cewa makociyarta" ke kinga wata tamkar ba mutun ba? Ji fa farin fuskarta ko dai wata hoda ce haka ta shafa bayan an hana mak up a makaranta????
[3/27, 9:58 AM] ‪+234 803 957 7698‬: 🦄🦄 *BANI DA ZABI*🦄🦄





*07*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....






Haka kuwa suka yi suka fitar da sauran jama.ar nan suka bar daga Wujdane sai Balki


Mairo na fita ta shiga surfa sauki ta dauki adaidaita ta yi masa kwatance har kofar masalaci baba wanda Malan kan je ya bayar da karatu manya manyan mutane da du talata da yama yakan yi hakan


Tana sauka ta nemi gu ta rabe, ita bata ma san ya zata yi ta samu malan din ba, sannan jama.ar dake kai kawo ba wasu kananan mutane bane bale ta nemi alfarmar a yi mata magana da Malan


Can dai tana zaunen nan wani dan saurayi fari dogo ya zo shigewa ,

Da sauri ta mike ta ce" bawan Allah dan Allah ka ce da malan yarsa na kofa na yi masa magana


Dan dakatawa yayi yana kallonta, a firgice take da alama ba lafiya hakan ya saka ya shiga cikin masalacin cikin nutsuwa ya yiwa Malan dij magana



Cike da mamaki Malan ya fito yana ayana yayansa basu taba zuwa nemansa ba du rintsi, wannan ya tabata ba lafiya ba

Yana fitowa Mairo ta zube jikinta na bari ta kwashe masa komai yanda aka yi ta fada masa ta dodoka rantsuwar cewa ba Wujdane ce ta fara tsokanar ba


Malan baima san mai zai ce da ita ba, cikin sasarfa ya yi mata hani da fadawa Inna, sannan ya juya cikin masalacin dan yi masu salama



Wannan dan saurayin ke kallon yannayin malan, daman akoy shakuwa sosai tsakaninsa da malan, sarai yana mutunta shi domin shi dai bai taba gannin ko jin wani abu marar dadi a tare da malan


Mikewa yayi da sauri ya biyo bayansa gannin yanda yake tafka sauri


Cikin daga murya ya ce" MALAN, MALAN , domin shi har ya fara shesheka bazai iya irin tafiyar nan ta malan ba


Dakatawa Malan ya yi ya juyo, cike da mamaki ya amsa da " na.am *JAMAIL*?


Karasowa Jamail ya yi ya ce" malan sai na ga kamar ba lafiya ba, ka yi hakuri haka kawai ina sonka a raina malan, Allah dai ya sa lafiya?


Murmushin yake malan din ya saki, shi kansa bai san lokacin da ya furta " police station na hanyar yan Babura zan je


Kara matsowa Jamail ya yi cike da mamakin mai zai kai malan can, wajen aikin yayansa ne, baban office ne yayansa Anwar ke jan wajen , aman ba zai yi masa tambayar mai zai je ya yi ba sai dai ya ce" Lah ai wajen aikin yaya ne, yaya Anwar din nan? Shima yana zuwa nan din ranar lahadi yana daukan karatu


Murmushi malan yayi ya ce " masha Allah Jamail, masha Allah


Dan dakatawa ya yi, shi bai ce wani abin ba , shi kuwa jamail haka kawai ya ga ba zai iya barin malan ya tafi haka ba

Jamail ya ce" Malan mu tafi na kaika mana, da nisa sosai kuma ka ga kafin ka samu abin hawa a anguwar nan an hana motocin haya shigowa sai ka fita sosai wanda a kala zaka yi tafiyar awa ko fi wai danma kana saukin nan, dan haka mu je na kaika dan Allah
Ya karashe yana mai hada hannayensa waje guda


Ajiyar zuciya malan ya saki ya ce" mu je Jamail


Juyawa Jamail din ya yi malan na biye da shi dan zuwa gidansu ya dauko mota

Malan dan dardar yake a bayan Jamail, bama zai iya daga kansa ya karewa ginin katangar kalo ba bale har ya ga tsayinta, da alama daga ciki hawa hawa ne, wani irin zane ne aka yiwa ginnin daga kofa wata fulawa manya manya, kofar shigar kuwa glass ce, irin glass din nan da bata fashewa ko da bindiga sai bomb, sannan kalar blu mai duhu ce ba.a gannin mai ficewa,
Wata yar camera ce a jikin kofar daga sama wada ke haska mai shigowa da mai fita komai da ya shafi kofar gidan,
Ham Malan ke kallon wannan gini kaf anguwar bai ga ginnin da ya kai nan tsaruwa girma shiga ido ba, wai baima shiga ciki ba , kennan nan ne gidan yayan nasu da Jamail ke yawan zuwa yana wuni domin yayan nasu na yawan yin rashin lafiya,

Yatsarsa ya dora kan wani abu, babar yatsarsa , sai da abin yayi zuzu scan sannan ya bada wani pippp sai kofar ta budu


A hankali malan ya daga kafarsa ya saka ya bi bayan Jamail bakinsa cike da adu.o.i yana mai fatan Allah ubangiji ya datar da mu a janatul firdaus, wai wannan gidan duniya ne?

A gaskiya fadin tsaruwar cikin gidan nan bazai yiwu ba, just ka kiyasta iya hangen ka ka saka a ranka ya fi gaban hakan, gaba daya ginnin tsarin fallon ba a kasa yake ba a tsakiya yake, Malan tsoro ne ya rufe shi ya ja ya tsaya yana tunanin wai mai yake haka ne? Ya biyo yaro haka kawai bayan ga Wujdane dinsa can a rufe????


Lalalal broth, yanzu ka dawo mu kuwa yanzu zamu je ai wajen aikin naka, ka ga Malan ne wanda ke bada karatu a masalacin yaya, shine zai je na shigo na dauki mota na kaishi domin da nisa



Matsowa Anwar yayi yana dan dukawa yana mikawa Malan hannun irin girmamawar nan yana gaishe shi cike da mutuntawa

Malan yayi mamakin tarbiyar yaren nan, mafi yawancin yayan masu fada a jin nan sukan dauki