You Cannot Download this book untill you login but you can read it .

---

Login Register

Mom dinsa ya je direct wajen doguwar kujera ya fada ya rike kansa dake yi masa wani irin nauyi a hankali hawaye ya shiga ziraro masa mai zafin gaske, a fili ya shiga fadin" danme, danme zaki shiga zuciyata? Baki san cewa na hana kaina soyaya bane? Baki da labarin ina tsoron yin soyaya dan gudun wulakanci bane? WUJDANE *ina sonki* kamar na mutu sannan ina tsoronki kamar na mutu, just kalonki ina neman fita a hayacina taba jikinki na kawar da ni daga tunanina, Wujdane ki rage kaimin rikita min zuciya, idan kika bi ni a hankali ma nayi imanin watarana zan gaza balatana a yanda kike gudu wajen kanainaye dukan zuciyata, Wujdane nakan ji tsanarki da tsanar du wani namiji da kika taba burgewa ciki harda kanina, ina jin baushinki a du lokacin da na tuna ke baki ma san ina yi ba, sai dai tausayinki na rufe min zuciya idan na tuna idan dai ina raye ina shakar iskar duniya kin gama da wani namijin sannan ni ba zan iya biya maki bukatarki ba, My Wujdane nufina *u,r Mine*, zan kin zama yar kasona, domin irin yanda ke kike bi da zuciyata na san zan mutu ne nan ba da jimawa ba

Haka yayi ta sambatu tun yana gane abinda yake har wani baci baci suma suma suka dauke shi irin bacin nan mai cike da zazafan zazabi da ciwon kai da cushewar zuciya wanda kana yinsa baka san a sama kake ko a kasa ba


*MARWA, MARWA, MARWA* ki saurare ni mana, tun rasuwar abanna na rasa gane kanki Marwa, danme kike guduna idan inai maki magana sai ki yi kamar kin ga dodo ki kama waiwayan baya da gaba?

Dakatawa Marwa ta yi, da ledarta da ta sayo manta a kanti, gabanta na faduwa ta zubawa *Abdul kadre* ido tana kalonsa, ta sani Allah ya jarabeta da son sa aman idan ta tuna hudubar mamanta sai ta ji du ya fice mata a rai, sannan kakarta tana yanwan yi mata fada da harkar samari, uwa uba wani lokaci kakansa *Elhaj Abdallah* ya taba yin wata magana a gabanta wanda ya tsoratata inda yake fadinai idan dai mai sunnanta zata biyo anyi halin banza, shima sai yayi kokari ya maimaita tarihi idan yayi halin mai sunnansa dan haka shi ba zai shiga ba a dawo ace laifinsa ne shi ya hana aman ya sani koda ya nace mata toh ya jawa kansa abin kunya ne

Kanta ta sada murya kasa kasa ta ce" Abanmu ya aiko ni wajen kaka wato *Ehaj Muhammad*, yana kofan gida yana jirana ka yi hakuri


Aman ai kin san Aban ya san muna tare da ke ko? ABDUL KADRE ya fada yana faman tsayar da ita

Ju
Uyowa ta yi ta hade rai ta ce" ka ga malan ka yi hakuri kawai, ai a gabanka aka kwatanta tafiyarmu ba mai yiwuwa bace, koda ban san takamaiman gaskiyar abinda ya faru da yayar Mamana ba hakan bai zama dole na yarda da fadar mutane ba, a kulun kamar yanda mamana ke adu.ar Allah ya bayana mata da yayarta nima haka nake yi ko na samu nima Mama ta biyu mai sunana, dan haka ka yi hakuri

Saima ta daina yunkurin karasawa gidan kakanin nata ta juya kawai ta tsayar da dan adaidaita ta yi masa kwatancen gidansu unguwar Hotoro

A bakin layi ya ajiyeta ta sauka ta bashi kudinsa ta shiga takawa cikin nutsuwa dan karasawa gida

Ja tayi ta tsaya tana kallon kofar gidan amaryar unguwarsu wace ake ta fadin kirkinta, yama ce dai dare bai yi ba sosai aman ba mutane sosai dan wasun basu sauko daga kasuwa ba yawanci kuma yara du ana makarantar islamiya sai daidaiku

A hankali ta shiga konkwasa kofar

Mai gadi ya leko, gannin yar budurwa ya bude yana tambayarta ko wa take nema?
Marwa ta ce" wajen Hajiya aka aiko ni

Mai gadi na jin haka ya bata waje yayi mata nuni da inda zata nufa dan gannin hajiyar

*Aisha* na kokarin jera kayan abinci a saman table , gefenta *JAMAIL* ne yana amsa waya sannan yana binta da kalo du inda ta yi, suka ji ana konkwasa dakin

A tare suka kali juna dan ana iya hangen mai konkwasawar ita dai ce bata iya gannin mutanen cikin

Kai Jamail ya dafe ya ce" ni kam na rasa cikin ji da ke wa yafi wani farin jinnin jajibar mutane, tunda safe aikin da ake kennan a gidan nan , sai shigowa yan anguwa suke, gaskiya zan dauke ki mu yi tafiyarmu mu huta ko na canza anguwa

Murmushi ta saki tana gyara hijabinta ta nufi kofar dan budewa domin haka suke idan namiji ne shi ke tafiya ya bude idan kuwa macece komai kankartarta ita ke budewa , ta ce" kai Hubby ka sanfa yanda amarya keda farin jinni, ai da an kwana biyu zaka ga an rage daga baya ma a daina shigowar sai kuma idan ni ina da zumunci sai na kara tarawa kaina mutanen,

Binta yayi da kalo har ta bude tana amsa gaisuwar Marwa

Jamail dake zaune yayi gagawar dago da kansa dan haka kawai ya tsinci wata faduwar gaba daidai lokacin Aisha ta baiwa Marwa waje tana fadin" *aa ki shigo mana ai ba komai*............



Shin masu karatu suna biye da ni kuwa? Wa ya gane wacece maman Marwa?
[2/1, 2:30 PM] Ummi Tandama.: 🦄🦄 *BANI DA ZABI*🦄🦄





*33*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....



Ya ce" mai kike son ji? Kina son sannin idan har na damu da wulakanta aurenki da kike yi ne ko kina son sannin idan saurayinki da kuka gama watsewa ya cika namiji? Kina so a yaba salon tsagerancin iskancinku ne na tsalake titi da yawon banza a dawo cikin gida, gidana na aure da igiyar aurena a kanki ya biyo ki a gaban idannuwan masu aiki da direbobi ya kuma kama jikinki a yannayin talar masa da kika yi? Ko kina so ki tabatar min da tsohon dan iskanki cikeken fitsararen namiji ne? Yakan mantar da ke duniyar sa kike idan ya.....

Ya tsayar da maganar ya bi jikinta da kalo, ya sasauta rikon wuyan nata karshema ya cika mata wuyan wanda yayi jajajir har fuskarta suka hade suka dan haye , aman bai matsa daga kurace mata wajen da yayi ba, idannuwanta a lumshe tana yannayin tashin hankali aman wani irin kyau da haske da take yi masa a idannuwansa sannan numfashinta idan ta fitar shi yake shaka itama tana shakan nasa mai cike da kanshin cingam da ya dan tauna a office
Yatsarsa mai bima baba ya dora a gefen kuncinta na dama, a hankali ya shafo har wajen habarta, lebenta ya tsurawa ido bugun zuciyarsa na tsannanta haushinta da soyayarta suna daukaka a zuciyarsa, a fili sannan kasa kasa ya furta" *Koda zamana da ke bai yi nisa ba, na yi maki alkawarin zuciyarki bata da masaukin kowa sai nawa, sannan daga wannan rana koda zaki mutu da bukatar wani namijin koda ni ne, domin baki kai girman ko darajar da zan yi taraya da kazamin jikinkin nan ba, kuma kinyi bankwana da wani sai dai idan bana numfashi a doron kasa jikinki wani dan iskan ya gama taba shi, ke duniyata ce wace nake da iko da ita sannan zan horata na kin yin shuka sma cikinta, ni masaukinki ne wanda du bukatarki ta duniya zaki iya zube min aman banda ta dalilin da ya saka ba zan rabe ki ba, da a ce zan iya kalon jikinki da zamu gwada ni da mazan da kuka gama watsewarku wa ya fi iya buga kwallon, ki tafi ki yi kukan rabuwa da duniyar...........wife!*!

Yana gama fada ya saketa ya juya cike da mugun sauri tamkar ya tashi sama ya fice ya tarar da Anwar dake tsaye gefensa Lukman ne yayi tsuru du ya gama sarewa



Yana karasowa ido ya zubawa Lukman, tunani ne birjik a cikin ransa fadi yake yanzu wannan ya gama sannin matata, yanzu wannan ya je wajen da ban je ba? Yanzu wannan ya kara gudun zuciyar matata?

Anwar ya dan matso ya ce" yaya, ka yi hakuri ka sanyaya zuciyarka a yanda yake fada baima tabata tana da aure ba sai yanzu kuma wajen Aba ya zo wanda suka yi maganar zai zo su yi wata magana mai mahinmanci , yana neman afuwa ba zai kuma gigin aikata hakan ba

Alaidine ya dago ya watsawa Anwar kalon bayan ya gama cutata? Kai ya kada ya ce" ban gamsu ba, ka je da shi zan shigo a kowani lokaci

Yana gama fada ya juya dan ya koma gidan


Cikin gidan Jamail da Aisha

Zaune suke cike da soyayar juna da dumbin kulawa da juna duda a daren farko bai taba ta ba aman a darenta na biyu a gidansa a ranar Allah yayi abinsa, wanda hakan ya kara wani dankon kauna da shakuwa tsakaninsu duda irin wahalar da ta sha a hannunsa, domin ta jigata iya jigata sannan ta ji tsoronsa fiye da tunaninta, tana gannin girmansa fiye da dala da gauron dutse🤣,

A unguwar hotoro gidansu yake, tankamemen gidan da Alaidine ya gina masu, gida mai amsa sunnan gida domin ya hadu ya gama hadewa

A makotansu gidan wata datijuwa ce, wace zata kai shekaru arba.in da dan dori a duniya, yarenta biyu kawai a duniya da *MARWA* da Aliyu

Sosai Marwar ta zama budurwa matashiya, ta dauko kyan gidan mahaifiyarta , yarinyar dai masha Allah ga kirki , sam bata da girman kai ga son amare a wajen Marwa
Hakan ya saka tunda aka kawo Aisha anguwar take zumudi tana faman neman mamanta ta barta ta je ta gaida sabuwar amarya aman fir ta hana tana fadan ita ta rasa gane kan shirme irin na Marwar haka kawai daga an kawo amarya sai ta nace ita sai ta je? Duda al.adar hausawa yin hakan ba wani abin bane domin idan an kawo amarya akan shiga wasu dan zumuncin ne qasun kuwa dan tsegumi ne, aman maman Marwa ta nace kan ba inda zata je
(Wacece maman marwa?)


Alaidine, tunda ya shigo falo ya zaune Mom na zaune da Boy a gefenta yana ta fama da ice cream yana kallon tom and jerry a tv

Mom cike take da shi, domin du rabin abinda ya faru tana sane a kan idannuwanta da ta ji wasu magangannun ne ta bar wajen, gashi yanzu ya kai minti ashirin zaune bai ce da ita komai ba bai shiga sabgar kowa ba

Wasa wasa yama ta yi, magariba ta shigo, yannayin zamansa tun na farko shi ne, hannayensa bibiyu a dafe da kansa, Mom ta fito a kicin idannuwanta suka sauka a samansa nan take gabanta ya fadi, kar dai yaron nan bashi da lafiya ne?

A hankali ta karaso wajensa ta dora hannunta ta ce" Alaidine, lafiyarka kuwa?

Jikinsa zafi sosai haka dukan yannayin jikinsa ya saki a hankali ya dago idannuwansa da suka yi jajir ya sauke a fuskar mamansa,

Abinka da Da da uwa, zuciyarta ta ji ta kara karyewa, tana hango fasarar da dan nata ya kasa amincewa, haka wani murna ya darsun mata a ranta na idanfa ya yarda da haka may be hanyar saukowarsa kasa kennan

Sosai yake jin nauyin zuciyarsa, a hankali ya dora kansa a hannun mahaifiyarsa murya kasa kasa ya ce" Momna

Mom ta ce" mai ke damunka son?

Ajiyar zuciya ya sauke ya ce" ba komai Mom,

Murmushi ta yi , shi kam zurfin cikinsa ba zai barshi ba, Mom ta ce" da kamar zazabi a jikinka, ka tashi ka tafi gidanka matarka ta kula da kai son,

Ajiyar zuciya ya saki ya ce" Mom, zan tura direba idan bata da damuwa ya daukota, ina son na dan huta a nan ina son zama kusa da ke Mom

Murmushi ta saki ta ce" son, yarinyar nan ina son taci gaba da karatunta kar a tauye ta, kafin Abanku ya yanke ranar tarewar tata itama ko?

Shiru yayi wannan karon bai ce komai ba, bashi da niyar tankawa dan bazai yiwu Wujdane ta koma makaranta a haka ba, ba zai yiwu ya bari ta koma makaranta ba sai dai ya dauki malamai su rinka koya mata daga inda ta tsaya,

Jin yayi shiru ta ce" ka mike ka haura sama ka yi alwallah ka yi sallah kafin lokacin cin abinci yayi, sai docter ya zo ya baka magani

Kai kawai ya iya gyada mata dan gannin yanda ta damu, sannan da tace sama dakin wa? Su dai ba shiga bayinta suke ba, a saman kuwa daki biyar ne daya na Aba, daya na Mom, sauran nasu shi da kanninsa, bayan sun bar gidan kuwa sai Wujdane ta maye nasa, Aisha na Jamail, dayan kuwa Mom ta mayar da shi kicin dinta na biyu idan bata ra.ayin sauka kasa takan dora girki a saman,

A yanzu dai ba zai shiga dakin da matar kanninsa ta shiga ba, a takaice dai Mom na nufin dakin da Wujdane take ciki? Toh idan zai kwana a gidan fa? A kasa dai dakin Khadija yake wanda koda wasa ba zai so ya tare a dakunnan falon kasan ba dan kar su hadu ko su hada makotaka da ita, aman ina zai je ya kwana? Ko dai gidansa yake tafiya abinsa?

Yana nan zaune aka fara kiraye kirayen salar isha.i, ya mike da hankari ya fice ya nufi wajen bayin mai gadi ya shi ya fito yayi alwallah ya nufi masalaci

Bayan ya gama dukan salolinsa da adu.o.insa ya fito yana tafe da carbinsa yana ja har ya karaso gida

Yana shigowa ya tarar suna table suna cin abinci, aman bai hangi Wujdane ba, bai kawo komai a ransa ba ya zauna yana dana wayarsa

Alawiya ce ta yi masa missed calls da yawa da test message tana fada masa ba zata iya zuwa ba dan bata jin dadi sannan ba zata bar gidan ba kowa ba

Bakinsa ya yatsina ya ajiye wayar yana kalon Lami na jera masa abinci a gabansa tana faman fadin Uban gidanna ya jikin? Momy na fadin baka da lafiya

Bai amsata ba sai bin kulolin abincin yake da ido, a ransa yana tambayar kansa wa ya dafa abincin?

Bai taba ba, baiyi niyar ci ba don mugun kyankyamin dake damunsa

Jifa jifa yakan daga idannuwansa ya kalo wajen dakinta sannan ya maido dubansa wajen Tv har su Mom suka gama suka dawo Falo

Mom ta ce" Lami ki kuma duba min idan har ta farkan kin ji? Auntynsu a gaba a yi murzar ta dare ko?

Aunty Agaishat ta ce " Momyn yara yau yar taki da alama rigima take so mu yi shi yasa ta konta da wurin nan tana fadin cikinta ciwo, aman yanzu zan hau na murjeta idan yaso ta yi ta fushin

Mom ta yi murmushi ta ce" aa kinga a bi min yarinya a hankali yau yan mulkin ne ai kinga abincin ma ance ba
a ci dan haka kar ku rikita min ita

Du abinda suke tataunawa a kan kunayensa, har agaishat ta mike ta haye sama

Tambayar kansa yake kenene murza kuwa?

Yana nan zaune Mom na dan zantawa da mutanenta har aunty ta fito daga wajen Wujdane ita kanta sai kanshi take zubawa na kayan turaren da ta yi mata ta zauna itama aka shiga labarin da ita

A hankali ya mike, ya jaye jikinsa ya haye sama

Dakin Wujdane ya tura a hankali ya shiga daidai ta fito a wanka daga bayi daga ita sai tawul dan madaidaici wanda ya rufe mata mazaunanta kawai, wankan ruwan turare ne ta yi bisa umarnin Aunty Agaishat

Kanta sai tsago yake na ruwa sannan ya dan kare mata ijiya bata ga Alaidine da yayi mutuwar tsaye yana kallonta ko dakin ya kasa rufewa bale yayi kokarin yin abinda ya kawo shi dakin

Wayarsa ce ta......
[2/1, 2:31 PM] Ummi Tandama.: 🦄🦄 *BANI DA ZABI*🦄🦄





*35*


WRINTING BY *SAJIDA*



Da sunnan Allah mai rahama mai jin kai,

*SAJIDARKU CE*


MARUBUCIYAR:

*YAR MAHAUKACIYA*

*DUK KARYAR KADA*

*DAGA TAFIYA DAUKAR SOJA*

*NEMAN NA KAINA*

................... *BANI DA ZABI* INSHA ALLAH....


Shigowa Marwa ta yi tana dan rarabewa abinka da rashin sabo da mutane, sannan muryar namiji da ta ji ya tabatar mata da namiji a gidan

Aisha ta bata damar zama ita kuwa ta nufi frij dan dauko mata jus

Rabewa ta yi ta sada kanta, murya can ciki ta ce" ina yini

Jamail kalo daya yayi mata ya amsa yana mai mikewa dan shigewa dakinsu, sai yake gannin kamar ya san yarinyar nan toh aman a ina ya santa?

Tana miko mata jus din Marwa ta mike da sauri ta ce" aa aunty amarya zan koma gida sai Mamana ta barni zan dawo

Kafin Aisha ta bata amsa har ta fice da sauri sauri dan yanda take jin faduwar gaba da tsoro

Tana fitowa suka yi ido hudu da yayanta Aliyu, ya zabga mata harara ya juya da sauri ya rigayeta fadawa gidansu

Mama mama, ai kuwa Marwa daga gidan amaryan can take, kin ganta nan

Ta dago daga dana wayarta da take ta sauke kwayar idannuwanta a kan Marwa, yanda Marwar ke bari ta gane eh gaskiya ya fada , da hannu ta yafito ta dan Abanta yana gidan idan ya ji zai hana ta dukanta

Marwa a hankali ta karaso tana son gane idan abanta na gidan ta wangale baki ko zai ceceta aman ina kafin ta fahimci hakan umanta ta damke hannunta ta ja kuncinta irin yanda ake yiwa yara ta kala mata yatsu a bakinta ta zazaro mata idannuwa ta ce" Marwa kennan bakya jin magana ko? Na hane ki da shiga gidan amryar nan shine kika shiga?

Mama dan Allah ki yi hakuri, ba ita kadai na tarar ba mama
Marwa ta fada jikinta na bari har kwalah ta fara ziraro mata

Ta girgiza kai ta ce" da wa kika tarar da ita?

Bata yi tunanin za.a tambayeta da wa ta tarar da ita ba, hakan ya kara tsoratar da ita ta ce" mamamamama da da mijinta yana gidan

Hajiya ta kama kanta ta ce " Ya Allah, yanzu Marwa da mijinta a gidan har kika shiga? Ai yau sai na yi maki duka tunda bakya ji, dan kinga ina tsoron zuciyarki ko? Sai na lalasaki a gidan nan sannan mu tafi na basu hakuri tunda baki da hankali ke

Mahaifinta ne ya fito daga falo da jarida a hannunsa ya ce" aa aa, banda lalasawa maman Marwa a yi mata hakuri, ina nema mata yafiya

Ta dago ta kale shi, yayi alwallah da alama masalaci zai je ta saki hannun marwa ta mike ta nufe shi dan taya shi saka takalminsa bata ce komai ba aman Marwa ta bata haushi , danme zata shiga gidan amare a wannan lokacin, ita da ta tafi gidan kakaninta mai ma ya dawo da ita? Aman aban Marwa baya so a taba masa lafiyar jikinta hakan yake sakawa wani lokacin take tabararta sai idan daga ita sai ita a gidan ne sai ta nutsu ta san idan ta yi zata daku ne (Marwansi🤣)



Baci barawo ne yayi nasaran dauke Alaidine a cikin irin halin da ya saka kansa, asubar fari kiraye kiraye ya farkar da shi inda yayi adu.ar tashi daga baci yayi salati ya sanar da ubangiji

Kokarin mikewa yake idannuwansa suka sauka a kan mahaifiyarsa dake zaune tana jan carbi sai a lokacin ya tuna a dakinta ya kwana,

Fitowa yayi ya dauki jakarsa da anwar ya kawo masa ya shige dakin wajen jamail,
Tastas ya tarar da dakin babu wani abu da ta bari ko wata kazanta haka ma bayin kyalkyal da shi, dan haka ya saki jikinsa ya yi wanka ya dauro alwallah ya dawo wajen salaya

Ya jima kafin ayi kiran sallah ya mike ya fice inda ya hangi hasken fitila dakin Wujdane hakan ya tabatar masa ta farka itama

Karfe bakwai da doriya ya dawo gidansu, direct dakin ya koma dan ya sake hantsewa kafin ya fito falo

Mom ce zaune a dakin, hakan ya nuna masa shi take jira dan haka ya zauna a hankali ya shiga gaisheta

Mom ta amsa masa hankalinta a kansa har ya samu waje ya zauna ya dan tankwashe kafafuwansa

Ajiyar zuciya ta sauke a hankali ta ce" Allah bai haliceka a yanda ya haliceka dan ka yi masa laifi ba, bai halice ka dan ka gama rayuwarka a kuntace ba, ka sakawa zuciyarka sasauci, ka sanyaya zuciyarka ka nema mata abinda take so, ka sani hakan ma da kake aikatawa laifi ne dan kamar kana fushi da yanda allah ya halice ka ne

Cike da tsarguwa Alaidine ya ce" Mom wani abin aka yi ne?

Ta yi murmushi ta ce" kar fa ka manta ni na haife ka Alaidine, shawara nake baka ka rungumi ni.imar dake tare da kai ka zama cikeken namiji tun kafin wuri ya kure maka

Tana gama fada ta mike ta fice a dakin ta nufi wajen Aba

Ajiya zuciya Alaidine ya sauke ya mike ya yaye labulen windows yana shakar sanyin safiya

Wajen karfe tara na safe Wujdane ce ke saukowa daga sama, ta sha doguwar rigarta kalar ash irin na kanti din nan, kafarta saye da takalmi fari kar mara tudu, sai kanta da ta yane da mayafi, yau tunda ta farka da kewar gida kawai ta farka hakan ya saka a shiru shirun nata na da ta kara wani

A hankali ta karaso inda ta sauke idannuwanta a kan su Mom da Alaidine dake zaune ya sake wanka ya canza kayansa sai kanshi yake da haske dake kara bayana a fuskarsa

Har kasa ta kai tana gaishe da Mom wace take amsawa cike da kula,

Bayan ta gama gaishe ta ta juyo da fuskarta wajen Alaidine ta sada kanta kasa ta ce" ina kwana *yaya*,

Alaidine da ya ga abij wani banbarakwai domin ko matarsa bata yi masa irin gaisuwar nan da mutunci ko shi ko iyayensa sai ya ji kansa ya kara wani girma, hakan ya saka shi dan sakin murmushi ya ce" Morning Hajiya Wujdane

Dago kanta ta yi jin yannayin amsa gaisuwar tasa kamar mai cike da farin ciki, ta dan murmusa ta mike ta koma can gefe aman bata hau kujera ba dan Mom na zaune a saman kujerar

Mom ta ce" Lamy ki kawowa yarinyata abincinta ta karya yau tayi latin tashi,

Wujdane ta ce" aa Mom, yau bana jin yunwa ne kwata kwata

Mom ta shida dan mitan wujdane bata son cin abinci tunbama Aisha da bata gidan ba sai ya kasance ta rage cin abincin sosai

Alaidine kuwa ido ya tsura mata yana karantar yannayinta, duda ba wani.mugun sabawa yayi da halayanta ba aman zai iya gane idan tana cikin walwala ko she's sad,
Sai ya tsinci kansa da damuwa da yannayin da take ciki domin gaba daya sai ya ga kamar bata cikin nutsuwarta

Mom ta mike ta nufi kicin da niyar bara ko dan jus ne ta hada mata ta sha karta zauna ciki ba komai

Mai ke damunki?
Alaidine ya jefo mata tambaya sannan bai kawar da idannuwansa s kallonta ba

Dago da nata idannuwan ta yi, sai ta ji ba zata iya yin ido cikin ido da shi ba, a hankali ta mayar da kanta ta sada ta shida dan murza karamar yatsarta murya ciki ciki ta ce" ba komai

A ransa yake ayana du miskilancina yarinyar nan ta fi ni da alama, bai gajiya ba ya ce" ko kina son fita ne?

Da sauri wannan karin ta dago da kanta harda yar alamar fara.a a fuskarta sannan ta shagwabe fuskar ta ce" Innata😟

Bai ce da ita komai ba sai da jan hankicinsa da yayi daga gaban aljihunsa ya kara zuba mata manyan idannuwan nan nasa yana dan murmushin da shi kansa bai san ya shagalta a yinsa ba, shagwabarta ta dake shi sosai, a ransa yake ayana du yanda ka yi da ita idan tayi react@ sai yayi mata kyau

Ita kuwa a ranta ta shiga jin haushin bakinta da ya furta masa damuwarta, domin tana gannin dan kawai ya tsankwaleta ne ya kara wulakantar da muradinta yayi hakan

Mom ta dawo da jus na aya mai kauri ta mika mata tana fadin oya shanye min kafin a jima ki ci abinci

Wujdane ta karba ta shiga kurba a hankali kamar mai zafi, shi kuwa ya mayar da ita tv dinsa