You Cannot Download this book untill you login but you can read it .

---

Login Register

a ƙasa ,hannu ta Dady ya riƙo yana murmushi ya ce"Ƴar aljanna ya kike"

Kamar me tsoron magana ta ce" lafiya qalau"

"Momyn ku ta gayamin kun fita ke da farrah ,kunyi siyayya,kuɗin sun isa ko kuna buƙatar wasu?

"Am..dam..sun is..

Charab farrah ta ce"Eh dady ba mu gama ba,kuma sai maganar holl ɗin da za'ayi...

"Eh baku da matsala da wanan zanyi komai ni da yayan duk mun shirya komai"

Ko kaɗan Naufal bai gane ba,mamaki yake yi,wani abu xa'ayi..

Bai ƙarasa yin tunanin shi ba Wayar Momy ta fara ringin duk hankalin su ya koma gurin ta.

Ganin mai kiran yasa momy tayi murmushi ta kalli Dady shi ma murmushin yayi,ɗaukar wayar tayi.

"Assalamu alaikum,Haba hajia tun kafin Ayi Auran zaku rike min ita ,yanzu idan aka yi auran shikenan"

"A'a hajia ba haka bane,kin san basu dawo da wuri ba ne,kuma...

"To naji yanzu dai ku turomin ita"

Tana gama faɗa ta kashe wayar.

Dady ya kalle ta yana murmushi ya ce"hajia ku"

ya juyo ya kalli Naufal ya ce"Naufal kai Sabreen gida"

"Toh"
Kawai ya faɗa Amma ranshi a ɓace baya son raini Sabreen kuwa ƴar raini ce,bai tsaya jiran wani abu ba ya fito daga falon yana hura hanci.

Momy ta ce "zo nan Sabreen"

A kunya ce ta isa gurinta,zaunar da ita momyn tayi kusa da ita "Sabreen ki kwantar da hankalin ki kinji,gobe da sassafe zan zo ni da Farrah mu fita,ki tashi da wuri dan da safe zamu zo"

"To momy"

"A'a ya zaki ce ta tashi da wuri"

Murmushi momy tayi ta kalle shi ta ce" hmm tafi abinki Sabreen yana jira ki gaida hajia"

"To saida safen ku"

"Yawwa ki tashi lafiya suka faɗa a tare.

A hankali take tafiyar har ta isa gurin motar shi,gaban motar ta buɗe ta shiga,bata ce mishi komai ba.

"Mtseww! ya ja tsaki Sabreen ta tsani tsaki a rayuwarta,bata san lokacin da ita mata ta ja tsakin ba.

A fusace ya ɗago kai,hannun shi yakai kan lips ɗinta masu taushin gaske ya tsungule su da kunbar shi,ƙara tayi da ƙarfi ta ce "Waiyo hajia"

"Wa kike wa tsaki ni tsaranki ne,hajia ko kirata ta zo"

Jin xafi yasa ta cije shi a hannu ,yaji zafi ya cire hannun shi da sauri.

Kallonta yayi ya kalli hannun shi inda ta cije shi ɗin,bai ce mata komai ba yaja motar suka fita daga cikin gidan su,sai da ya raba tafiyar tsakanin gidan su da gidan su hajiar sanan ya tsaida motar,ganin ya tsaida motor yasa ta ce"Me muka tsaya yi a nan ,ni ka kaini gida"

"Ke ba kin raina ni ba,ni kike so ki maida direba ko,janyo ta yayi jikin shi,ya rungumeta wani irin abu yaji yarr tsigar jikin shi ta tashe wani irin shuƙi ya kama shi ,bai taɓa tunanin zaiji wani iri ba,da ko kaɗan baiyi karanbanin haɗa jikin shi da nata ba,ya raina Sabreen ne,kallon kwaila yake mata.

lokaci ɗaya ya tsinci kanshi cikin wani yanayi gashi ta ƙasa natsuwa sai goga mishi dukiyar fulaninta take yi a ƙirjin "Waiyo Allah na hajia ,ka sake ni ,ka sake ni,bana so ni ba ƴar iska ba ce"

Da sauri ya sake ta,yana maida numfashi sama-sama shi kaɗai yasan abinda yake ji,"Meye yasa nake jan abinda xai sa yarinyar nan ta ƙara rainani? wanan tambayar yake wa zuciyarshi yana me jin haushin zuciyar shi

Jan motor yayi da gudu nan da nan ya isa gidn,yana tsaida motor ta fito da ƙarfe ta tura motar"Allah ya isa"

Tana faɗa ta wuce tana tafiyarta hankali kwance.

Dokan kujerar yayi inda ta tashi haɗe da jan wani dogun tsaki yana jin tsanarta a ranshi.

**********

" Alhaji gobe ya kamata ka gayamishi tunda zai ga mutane sun fara zuwa"

Cikin tausasawa ya kalleta ya ce"Xan gayami shi,ki kwantar da hankalinki nasan Naufal ba zai ja da ni ba,ban taɓa saka shi abu yaƙi yi ba komai girman abun,nasan zaiji wani iri amma na ɗan ƙankanin lokaci ne"

A haka ya kwantar ma hajia hankalin.

~~~~~~~~~

"ohhh ni Allah ƴar aljanna tun yanzu zaki fara min haka"

Idanuwanta tabb ta kwalla ta ce"Hajia ba zan iya nisa da ke ba,ko yaushe zan kasance tare da ke,wa gare ni banda ke,hawayen da suka maƙale suka gangaro.

Ita ma hajiar kuka ta fara yi haka suka kwana suna kuka.

~~~~~~~~~~
Haka ya koma gida jikin shi a mace yana ƙara jin tsanar Sabreen, amma wata zuciyar tajin shauƙin yadda take abubuwanta kai tsaye ba tare da jin shakkar komai wai ta kalli shi ta ce mishi allah ya isa, shi mamaki ma abin ya bashi, kashe wayar shi yayi gaba ɗaya.

Yau ma irin mafarkin nan yayi,tashi yayi yana keta zufa,haɗe da sauke nannauyan numfashi "Idan har haka zaki dunga min ki daina zuwar min mafarki" ya faɗa kamar wanda yake jin tsoron maganar,wankan tsarki yayi ,sanan ya fita zuwa masallaci salar asuba,yana dawo wa ya shige ɗakin shi,wayar ya kunna,sakonin Haulat ne suka fara sintirin shigowa,number ta ya kira,tayi ringin tayi har ta katse bai iya kira sau ukku ba iyaka biyu shi ma idan ya matsu yake yin shi.

~~~~~~~~~~~~~

"Yanzu taya xan haɗu da Malama Haulat gashi bani da numberta kuma ban san gidan su,dole na haɗu da ita,numberta ya kamata na samu"

Hajia ta shigo ta ganta ita kaɗai a zaune kan gado tana magana ita kaɗai "Sabreen ke dawa?

Juyowa tayi ta kalli hajiar a ranta ta ce" *NI* *DA* *MALAMA* *TA*

"eyyah ki dawa kike magana ki kaɗai?

Murmushi tayi ta ce"Hajia ba kowa ina tuno wani abu ne"

"Meye shi?

"Hmm Hajia ta ba komai "

" to na yarda tashi ki je kiyi wanka ,yanzu xaki ga su Momyn ku"

"Toh tana faɗa ta tashi ta faɗa toilet"

~~~~~~~~~~~~

Tana farkawa ta duba wayarta ganin kiran Naufal yasa ta ruɗe ta shiga kiran shi da sauri,a lokacin yana ɗakin shi yana duba laptop din shi kiran ta ya shigo yana jin ringin ɗin ya ɗau wayar
ita ta fara magana"Hello dear lokacin ban tashi ba,kuma wayar bata kusa da ni sai yanzu na tashi"

"ok ba komai,kin tashi lafiya?

"Lafiya lau,meyasa kake min haka dear,dan ina sonka shine na cancanta irin wanan wulaƙancin"

cikin sigar lallashi ya fara bata hakuri"ba haka ba ne,duk lokacin ina tare da Dadyne mun fita.

"to shikenan bana
iya fushi da kai ko kaɗan"

A haka suka cigaba da fira cikin so da ƙaunar juna.

Suna gama wayar Dady ya kira shi yace mishi ya fito falo,yayi mamaki bai ga su hajia ba ya kalli dadyn ya ce"Dady ina zu hajia naga ban gansu ba?

"Eh sun fita zasu je gurin su Sabreen wai zasu je gurin gyaran jiki"

Murmushi yayi ya ce"Mata ƴan kwalliya"

Gyaran murya Dadyn yayi ,ya ƙara gyara zama ya tattara dukkan hankalin shi gurin Naufa ya ce"Naufal ka natsu kaji abinda zan faɗa maka da kunnan basira"

Yadda yaji Dadyn yayi maganar yasa ya tattaro dukkan natsuwar shi yai ƙasa da kai "Ina jinka Dady"

"Naufal Naufal Naufal,Sau nawa na kira ka?

"Sau ukku!

"To ina son ka ji avubuwa ukku da zan gayamaka,ka ɗauke su ka saka su a cikin kwakwalwarka da tunaninka"

Zuciyar shi ta fara buguwa da ƙarfin gaske kamar zata fasa ƙirjin shi ta fito.

"Abu na farko Naufal ni na haifeka kuma ina sonka ina alfahari da kai,baka taɓa faɗa min rai ba ,ko na saƙon ɗaya kullum cikin bin umarni na kake,wanan dalilin yasa na son na tausasaka akan hukuncin da na yanke akan rayuwarka ba tare da naji naka ra'ayin ba,Naufal gobe zan ɗaura ma aure da Sabreen

Dumm Dumm zuciyar shi ta fara buguwa da ƙarfin gaske wanda tai nasarar sandarar da tunanin shi komai ya tsaya mishi chikkk ,sai zufa da take keto mishi ta ko ina a jikin shi,gashi ya kasa ɗaga kai ya kalle Dady.

"Ban san ra'ayinka akan ta ba,Naufal da wanan nake cewa kayi hakuri.

"Abu na biyu Naufal Inhar ka ɗauke ni uba to ina so ka ɗauke Sabreen a matsayin matarka kuma ƴar uwarka,ko kaɗan karka nuna mata ƙiyayya idan ka nuna mata ƙiyayya ban yafe maka ba..

A zabure ya ɗago kai da jajayen idanuwan shi ya kalli Dadyn na shi.

"Sabreen ina sonta fiye da yadda nake son ka,idan ka cutar da ita ko bayan ba raina ban yafe maka ba,Naufal,kuma idan har ka ɓata mata rai ta zubda hawaye Naufal ban yafe ma ba.

"Sai Abu na ukku wanda shi zan roƙe ka akai ,idanuwan shi sukai jajir muryarshi ta fara rawa abinda bai taba faruwa ba kenan tunda Naufal yazo duniya bai taɓa jin mahaifin shi a irin wanan raunanniyar muryar ba.

"Naufal dan allah dan annabin Rahma Naufal ka riƙe amanar marainiyar allah nan,ba dan hali na ba...

"Dady...dad..dady ka..

"A'a naufal wanan ba umarni ba ne,roƙan ka neke yi,Sabreen amana ce a guri na,zan danƙa mata ita,Naufal ka riƙe ta amana.....
.
[12/16, 5:36 PM] 🅰° 🅰 D°🅱⭕Y🔛🔝: _ 🇵σѕт 🇧у 🇬яσυρ 🇴 🇫 🇭уρє 🇭αυѕα 🇳σνєℓѕ 🇧σσк 🇼нαтѕαρρ 08064400100_ 📚📚
[12/16, 5:41 PM] 🅰° 🅰 D°🅱⭕Y🔛🔝: 🌹 *NI* *DA* *MALAMA* *TA*🌹


*By*
*fatima* *Batula*

*~✍🏽✍🏽GOLDEN PEN WRITERS ASSOCIATION✍🏽✍🏽~*
Page 10
...................................................

*_السلام عليكم ورحمة
الله وبركا ته_*

*_*بسم الله الرحمن الرحيم*_
_*Manzon Allaah(ﷺ)* *ya ce;{IDAN ALLAAH YAYI NUFIN MUTANEN WANI GIDA DA ALKHAIRI, SAI YA MUSU JAGORAR (SAKA) 'KOFAR SAU'KIN HALI(A GIDAN).}*_
°
```[Silsilatus Saheeha;523]```

_Duk gidan da suke da saukin hali to lallai Allaah Ya na nufin su da alkhairi. Arziki ne babba mutum ya siffantu da saukin hali. Allaah Ya azurta mu da shi. Allaahu a'alam._

```Allah ta'ala yasa mudace```

_*ﺳﺒﺤﺎﻧﻚ ﺍﻟﻠﻬﻢ ﻭﺑﺤﻤﺪﻙ, ﺃﺷﻬﺪ ﺃﻥ ﻻ ﺇﻟﻪ ﺇﻻ ﺃﻧﺖ، ﺃﺳﺘﻐﻔﺮﻙ ﻭﺃﺗﻮﺏ ﺇﻟﻴﻚ.​​*_

................................................
Kasa ƙarasa maganar Dady yayi,jikin shi ya mutu ga kwalla ta cika mishi ido.

Cikin wani irin yanayi Naufal ya ce "Dady baka yarda dani ba ne, Dady komai girman abu zanyi shi idan har ka saka ni yinshi k....

"Ba haka nako son ka ce ba Naufal ina son naji ka ɗau alkawarin da zan baka ne"

Cikin raunanniyar murya Naufal ya ce"Na ɗau alƙawari zan riƙe Sabreen,zan kula da ita kamar yadda zan kula da kai na,ba zan bari wani abu ya faru da ita ba,nayi alkawari"

wata irin raguwar ajiyar zuciya Dady ya sauke"Kasan daraja da muhimmanci alƙawari ,ba sai na tunatar da kai ba.

"Naufal tun farkon rayuwarka kake min biyayya,amma ban taɓa jin daɗi abunda ka min irin na yau ,na gode Naufal"

"Dady dan allah ka daina gode min"

"Dole ne,amma Naufal karka yarda ka ƙara min alƙawarin da ka ɗauka,karka wulaƙanta Sabreen ,wllh Allah idan makamancin hakan ta faru zan iya fushi da kai ,zan iya rabu da kai,daga ranar ma karka ƙara kira na da sunan Dadyn ka"

Wasu zafaffan hawaye suka fito mishi zuciyar tana radaɗi da zafi,yau shi mahaifinshi ke gayama irin wanan maganganun masu zafi gaske "Dady ba zan ƙara alƙawari"

"Na sani Naufal kai jini na ne,ina ƙara ma ƙarfi ne yadda zaka riƙe da muhammanci,Sabreen tana sonka ita ta fara magana,na san kai ma kana son ta"

A razane ya ɗago yana kallon dadyn maganar da yayi tana mishi yawo a cikin kaI"Sabreen tana sonka ita ta ce tana sonka" kai anya ina wa...

"Naufal bamu ga ta zama ba,tashi mu fita gobe ne fah

Gaban shi ya faɗi" gobe gobe!!

"Ba'ayi biki haka ba,bakin ƴaƴan gata ka tashi mu fita,baka da wani abu da kake son ayi"

ƙasa yayi da kai,dan kanshi yayi nauyi.

"Naufal ko auran dole ne"

"uhm ina tunanin abinda za'ayi ne"

"to mu fita"

dadyn ya fara fita yabar nan,da ƙyar ya iya jan jikin shi,ba abinda yake tsorata shi irin da yaji Dady ya ce wai sabreen ta ce tana sonshi,tabbas yakan sabreen bata son shi,ko kaɗan" to meyasa zata min haka? dan tsana"

ya tambayi kanshi ya kuma bawa kanshi amsa"meyasa Why?Sabreen ke wacce iri ce kin dagula min rayuwata,da kika haɗa rayuwar mu tare,bana sonki bana ra'ayinki amma saida kika cusa kanki a rayuwata meyasa baki gane bana sonki ba, am helpines,ba zan iya komai ba Sabreen kin cuci ni kin....

"Naufal kayi sauri ina jiranka, dady ya katse mishi tunanin daya ke yi"

~~~~~~~~~~~~~

Su Sabreen manya ana chan ana gyaran jiki ita da farrah harda Momy ma, tasha lalle wanda ya fito da yar madaidaiciyar hasken jikinta,yaƙe kawai take yi amma bata jin daɗi a zuciyarta.

"Toh yanzu taya zan haɗu da malama,ko na bari bayan an ɗaura aure"

"Keeee tunanin me kike yi Aunty Amarya"

Ɓata rai Sabreen tayi"Farrah ki daina ce min aunty bana so"

"To matar yaya"

harara da gallama ta "waye matar yaya?

Dariya Farrah tayi "Kai Sabreen lamarin ki sai ke,ranar da kuka ,kina son yaya ya ɗaura muku aure amma yau wa waye matar yaya kike tambaya"

"ina son Yaya allah ya kyauta me xanyi da ɗan kilibibin nan"A zuciyarta tayi wanan maganar ,A fili kuwa harar ta tayi.

Momy bata gurin su kaɗai ne,ita ta koma gida dan tayi wasu aikin.

Sun daɗe har bayan maqrib suna nan ana abu ɗaya.

~~~~~~~~~~~~

Bayan su dadyn sun dawo ya tambayi momy ina su Sabreen ta gayamishi suna gurin gyaran jiki,Ɗadyn ya ce Naufal ya je ya ɗauko su.

***********

Wayar Farrah ya ya kira"Hello Ki fito ina waje" Ya katse wayar

Kallon Sabreen farrah tayi"Angon ya ƙaraso"

"Mitsewww!

"Ni tashi mu je yana jira idan mun je kin mishi tsakin"

Suna fitowa daga shagon motor shi,gaban Sabreen ya faɗi amma ta ɓata rai.

Daman ya lafiyar giwa balle tayi hauka,wanda ko farinciki yake ya ga damar ya ɓata rai balle kuma.

Bai ɗago kai ya kalle su ba,har suka shiga cikin motar,harar shi sabreen ke yi ta gefan ido a ranta tana faɗin"Ban kaddara da me zai haɗa ni da kai,kuma burina yana cika na son ɓatawa Haulat rai zan rabu da kai ne,dan ba zan iya rayuwa da kai ba"

kiran wayar farrah ne ya katse musu shirun da suke yi,ƙawarta ce,ita kuwa farrah ko a jikinta ta saki jiko suna fira akan bikin ma,hayaniyar ta fara damun shi

ya daka mata tsawa"Keee baki da hankali ne"

Bata san lokacin da wayar ta faɗi a hannun ta ba,jikin ta ya fara rawa,Ita kuwa Savreen ko a kafaɗar ƙafarta.

A haka suka isa Gidan su ya fara sauke ta,sanan ya zo gidan na su.

Hankali kwance tayi wa Farrah Sallama harda faɗin "Sai goben kenan,ki fito da wuri"

A tsora ce farrah ta ce" toh"

Ba wanda ya kalli juna a cikin su.

~~~~~~~~~~
Ta isa falon ta hango hajia zaune akan kujera.

"Hajiyata ya baki tasu kin min oyoyo ba"

Ganin hajia wani iri yasa ta ce"Hajia lafiya?

Saida ta ƙaraso gurinta ta rungumeta"yanzu shikenan xaki barni ni kaɗai"

"Waya gayamiki ba inda zani ina nan"

"Zaki barni mana,zaki koma gidan Naufal"

Gabanta yai mummanan faɗuwa"zan koma gidan Naufal"

"Eh tare zaku dunga yin komai"

Ai sai hawaye ta ƙara rungume hajia,tana kuka ita ma hajiar kuka take yi,basu iya lallashin junan su ba,saidai gajiya suka yi da kukan,a ɗakin Hajia ta kwana.

~~~~~~~~~~~~~

Naufal ƙasa barci yayi abin duniya ya dame shi.

"Meyasa Sabreen zata min haka?
"Yanzu ya zanyi da Haulat na mata alkawarin aure?
Ba zanyi iya rayuwa da Savreen a matsayin matar aure na ba?

"Haulat nake so, ita ce zaɓina ita ce ra'ayina"

Tsanar Sabreen tana ƙara yawa a ranshi,amma na banza tunda ba abinda zai iya"Ban taɓa ganin irin wanan rayuwar ba"

"Sabreen sai kin gayamin dalilinki na ɓata rayuwa"

Ƙasa barci yayi duk tsawon daran ganin abu yana son mishi yawa yasa ya tashi ya ɗauro alwala ya fara sallar ko ya samu sassauci,ya kowa samu raka'a shidda yayi barci yai awan gaba da shi.

~~~~~~~~~

Tun a masallaci suka fita shi da Dady.

Yau Juma'a
Yau ne ya kama bikin Sabreen muh'ad mai taƙama tare da Angonta Naufal mai taƙama.

Gaba ɗaya Abuja da kewayan ta sunyi labarin wanan bikin kuma suɓ hallara,ƴaƴan government tana manyan yan kasuwa da na ma'aikata duk sun hallara,dubbanin mutane ne suka hallara gurin ɗauren Auran.

Chan na hango Naufal cikin Shadda purple harda malum-malum kayan sun mishi kyau matuƙa,amma kallo ɗaya zaka ma fuskarshi ya gane yana cikin wani yanayi wanda ba wanda zai iya tantance wa,amma yanayin yafi kama da damuwa,kusa da shi Dady kalar kayan su iri daya komai da komai,kai ka ce Dady ne Angon dan yadda yake washe baki yana farinciki.
Ƙarfe biyu za'a ɗaura Auren wanda yanzu saura minti ashirin da takwas a ɗaura auren.

~~~~~~~~~~~~

Da gudu ta faɗo ɗakin a ruɗe tana haki tana nishi "Haulat Haulat!!

Haulat wacce ke kwance tana mulka barcin ba abinda ke damunta.

Ganin ba zata tashi ba yasa ta ɗaka mata doka a baya "Haulat ke tashi banza kina nan kina barci baki san abinda ke faruwa ba"

"Ke dallah kinsan bana son ina barci a tashe"

"Au haka zaki ce ko"

"To me ya fara?

"ina ce Naufal ɗan Alhaji mai taƙama ne saurayinki?

Yamutsa fuska tayi"Eh shi ne lafiya dai

"Hmm ina lafiya to wllh yau za'a ɗaura mishi aure yanzu haka an hallara gurin ɗauren Auran..

Tsaki Haulat taja"Ke ni bana son irin wanan abun kawai zaki so ki ɗaga min hankali"

"Haulat kenan kina ganin wasa ne to shikenan ba zan matsa miki akan sai kin yarda da ni ba,amma nasan gaskiya zata baiyana,tana faɗa ta fita daga ɗakin.

Ita kuwa Haulat ƙara komawa barcin ta tayi,ko a jikinta.

Ƙarfe biyu daidai aka ɗaura auran Naufal da sabreen fiye da mutane dari sun shaida ɗaurin auren.

Tunda aka ɗaura auran jikin Naufal yayi sanyi zuciyar shi sai faman bugawa take yi,kamar wanda ya tashi daga dogon jinya haka ya ke ji.

~~~~~~~~~~~
Zaune take akan gadonta tasha kyau har ta gaji,ita kanta jikinta yayi sanyi"hmm ko bakomai yanzu na ɗauka fansa akan ki Malama Haulat tunda na aure wanda kika fi so a duniya kina ji kina gani ba abinda kika iya akai,Naufal ni ba tsarar auranka ba ce kamar yadda nasan kai ni ba ra'ayinka ba ce,dan haka bazan zauna da kai ba,nan da ƴan wasu lukuta kaɗan zan rabu da kai"

"Aunty Sabreen tunanin me kike yi"Farrah ta faɗa ta ƙarfi haɗe da jijjiga Sabreen ɗin.

"To meye na tunani bayan an ɗaura auran Naufal ya zama naki ke kaɗai,ko tunanin rabuwa da hajia ne"

Harara ta mata"Ke baki jin magana ko nace karki kira ni da Aunty ki"

Dariya farrah tayi sosai ta ce"Maida wuƙar ƴan mata"

~~~~~~~~~~~~~
Ba su suka samu damar zuwa gida ba sai ƙarfe biyar da wani abu,suka shigo gidan lokacin ba mutane sosai a gidan,kowannen su ya nufi ɗakin shi.

Yana zuwa ya faɗa kan gado,haɗe da sauke nannauyar ajiyar zuciya,ya daɗe a haka yana tunani Tunanin Haulat kawai yake yi ita yake so ita ce ra'ayin shi ita yake da burin ya aura"bazan karaya ba Haulat ina sonki zan kuma aureki dan ke ce muradin raina" ya fili ya faɗa.

Ringin ɗin wayar Dady ne ya shigo wayar,yana ji ya ɗauka

"Naufal karka Zauna fa akwai dinner da za'ayi karfe shidda kayi sauri ka shirya sun gama shiri kai kawai suke jira gidan hajia zaka ku tafi tare da Sabreen ɗin" yana gama faɗa ya kashe wayar shi.

"Why Sabreen? i cant i cant,ba zan iya rayuwa da ke ba Sabreen" idanowan shi sukai jajir.

Da gyar ya iya sarrafa jikin shi yayi wanka ya fito,kallon kayan drower ya tsaya yi ,ya rasa wanda zai saka,wata baƙar suit ya ɗago mai haɗe da ash colour ya saka sun mishi kyau ainun,kallon kanshi a madubi yayi.

"Wai ni aka ɗaura wa aure da Sabreen yanzu ni mijinta ne?

ya nuna kanshi"Ni Naifal nine mijin Sabreen"

Ƙasa yayi da kanshi yana sauraran bugun zuciyarshi wanda take buguwa da ƙarfin gaske.

Turaran da ya shafa sunfi kala goma ta ko wacce gaɓa ya shafa mata turaran da ake shafawa.

Bayan ya gama shiryawa ya fito cikin ƙasaita da izza yana tafiya kanshi aƙasa,baiyi mamaki ba ganin ba kowa a falon,yana fita yaga motoc irin na alfarma gudu shidda kalar su ɗaya ash colour irin kayan shi,sun ganin fitowar shi daga gidan suka fito,suka buɗe mishi kofa ya shiga cikin isa da mulki.

~~~~~~~~~~~~~

"Sabreen ki saka wanan kalar tafi kyau"

"Ke ni bana son shi,wan xan saka,ta nuna wata dugowar riga baƙi da ash kala,rigar ta haɗu iya haɗu

"To bana matsa miki ba Amarya"

Tana saka kayan aka fara mata makeup waw masha allah ashe haka Sabreen ke da kyau ,tayi kyau har ta gai.

Ba'afi minti goma da gama makeup ɗin ba aka aiko Naufal ya iso su fito,taɓe baki Sabreen tayi.

Rigar dugowace sosai tana tafiya tana binta Farrah da hajia su suka riƙo ta har wajen gurin motorcin,motor da yake aka buɗe mata ta shiga,tana shiga wani irin sinadarin ƙamshi ya doki hancinta har saida ta lumshe ido.

Kusa da juna sosai suka zauna hakan ya ƙara haifar musu da matsanaicin bugun zuciya,kowanne yana jin fitar numfashin kowa

"Bata sonka ko kaɗan"

"Na sani kuma kema kin san bana sonki"
"But why Sabreen?

Bata kalle shi ba,daman ko ɗazun bata kalle shi ba"Saboda ɗaukar fansa"

wanan karon saida ya kalleta ,zuciyarshi ta buga dan ta bashi tsoro ganin irin kyaun da tayi gashi kalar kayanshi ta saka,cikin wata siga wacce shi kanshi bai san lokacin da ya tsinci kanshi da shiga yanayin tausasawar ba ya ce"Sabreen!

Lumshe idanowa tayi tana jin daɗin yadda yake kiran sunanta a tata cewar da indiyanci yake kiran sunanta.

Shi kanshi saida yai jimm,bai san abinda ya yasa shi yin hakan ba,ganin bashi da niyyar magana ya ce tace mishi"Nima ba zan zauna da kai ba,zamu rabu ne,dan wata manufa na aureka,karka ji wani avu nasan baka so na ka kwantar da hankalinka zamu rabu"

Da mamaki yake kallonta kanshi ya ɗaure hali irin na Sabreen yana bashi mamaki yadda take mishi magana ma abin mmk ne har ya buɗe baki zai mata magana motor ta tsaya tana tsayawa aka buɗe musu kofa.

Yana sauko da kai idanowan shi sukai arba da ƙaton hutun su wanda suka yi matuƙar kyau mamaki ya ƙara kamashi ganin yadda Sabreen tayi murmushi a hoton kamar wacce take son shi,ga hoton yayi kyau kamar ba haɗa shi aka yiba,a tare aka yi shi.

Tana fitowa taga ƴan jarida da masu ɗaukar photo a ranta ta ce" Za'ayi vedio kuma za'a nuna a tibi,wanan dama ce"

Daman yana tsaye yana jiran fitowar ta,murmushi ta fara mai ƙyayatarwa tana kallon masu ɗaukar hoton su kuma sai ɗauka suke yi.

ji yayi ta riƙe mishi hannu da sauri ya juyo ya kalleta cikin mamaki,wani irin murmushi ta mishi mai ɗaukar hankali bai san lokacin daya maida mata da martani ba,a daidai lokacin wani mai hoto ya ɗauke su,suna kallon juna suna murmushi gashi hannuwan su a riƙe da juna.

~~~~~~~~~~~~~
Waw guri ya haɗu ya haɗe abin kamar ba'a 9j ba ,waiyo ni batula abun mamaki daga gefen hannun daman Sabreen sai ga shadow da my Aunty nabeela,waiwai su khadija da fatima shariff suma suna gefe mr parrot da hauwa sule bakin su yaƙi rufuwa ,hauwa'u da ramb kuwa suna gefe sai satar kallon Naufal suke yi,my sis khadija da nafisa kuwa suna kusa da farrah sai fira suke yi,Dr halimatu ma ta faso ita da jermielat , wai su hafsat da safiya abudullahi kuwa hankalinsu yayi gurin kaji, Aysha zango ita da mrs sunusi sai kwaso shoki shoki suke yi,ita kuwa sarauniya jidda ta saki baki tana kallon yadda Naufal ke yamutsa fuska.

Ina zan manta da ku yanzu dai na hango ku,cunkuso ne ya rufe ku iyalan jamliya,dan tsabar ɗauki tun ranar da Sabreen tace Naufal zata aura suka hallaro😅,daga chan gefe gudu kuma jamar batula fans novels ne suka baiyana suma ba'a barsu a baya ba,chan kuma sai ga iyalan bintu Ahmad wato ƴan gidan Shabihaty suma sun ɗan yi kara,iyalan lipton ma na hango wasu ƴan ƙaɗan,tawagar farida kuwa tun kafin a buɗe gurin suka iso,ƴan tangantakar mu,kuma na hango ku,amma ku da alama ƴan team ɗin Haulat ne,tawagar waye sila,kuma sannunku da ƙokari,wai ai idan ba'a ganku ba wa za'a gani😅iyalan tawan,ku da tun kafin a ɗaura aure kuka iso,chan taro ya fara nisa sai ga wasu gungumin al-umma,masu yawan gaske gashi ban gane su ba,gaba ɗayan jama'ar gurin kallon su ake yi ,kasa hakuri Sabreen tayi,ta tambaye su daga ina,

"Mu masoyanki ne masu miki fatan alkairi,muna da nisa amma haka muka ɗugunzumo mu tayaki murna,kuma ki miƙa mana gaisuwa gurin batula"

Suka gayamata haka