You Cannot Download this book untill you login but you can read it .

---

Login Register

sauka har fin gefen Kafad’unta duk da ba kwalliya tayi ba tayi kyau sosai kamar ka saceta ka gudu”maza jeki ki kira wo min yayanku Imran” mommah tace tana zama a kujera had’e da ri’ke kai alamar a gajiye take sosai. Ba tare da jin komai ba shatu ta fice tana jin dada na ‘kwala mata kira amma tayi shiru dada tayi tsaki “kaji y’ar banzan yarinya a haka zata fita kai ba kallabi ke kuma dijah kina kallonta ta fara fa ‘kirgar dangi ita ko ta ido bata dashi ne? ‘yar nan” mommah murmushi kawai tayi “To dada nawa shatun take?” Dada ta girgiza kai “nawa take? Wannan d’irkekiyar budurwar ake kira nawa take yarinya ta fara ‘kirgamu yanzu haka ma ta fara al’ada” mommah ta girgiza kai “Bata fara ba wallahi dada ai da ta fara nima ba zan bari ta dinga zama haka ba na san shari’a ta hau kanta” “zancen banza shari’a kuma ta yaushe tunda ga abubuwa nan sun fara bayyana” ita dai mommah shiru tayi tana jin dada na ta masifa.

Ta dad’e tsaye tana knocking a ‘kofar ba a bud’e ba
ga hayaniya ta cika gurin,ba tare da tunanin komai ba ta tura ‘kofar ta shiga. Sai kuma sannan tayi turus ganin maza duk kunya ta lullu’beta gashi duk sun zuba mata ido gaba d’aya ta diririce,idonta akan Imran da yake zabga mata harara cikin ‘bacin rai yace “fice daga nan kafin inzo nan shashasha kawai ko kunya ba kya ji wai ma mai kika zo yi?” Idonta ya kawo raurau za tayi kuka haka kawai taji tana son yin kuka ganin kallon da suke binta dashi tana ji masu fad’ar masha Allah na fad’a masu cewa wow na fad’a. Da sauri ta fara wasa da hannunta kafin tace”mommah ce ke kiranka” tana fad’a ta fita a guje ashe shatu an fara girma ana tsoron maza tana ji suka tuntsire da dariya d’aya daga abokansa yace “Imran manga wannan wacece?” Kallo d’aya yayi masa yace “Sister”duk ido suka zuba masa abdul yace “Na zata baku da sister mace koma dai menene gaskiya babyn ta had’u ina ciki.” Sai aka d’au hayaniya guri kowa yana fadin bai isaba suma suna so Aliyu da yafi kowa serious ya dafa shi “Don Allah Imran ya kuke da yarinyar nan ni dai na san ku biyu ne kacal a gidannan” mi’kewa yayi yana gyara wristwatch d’insa fuska a d’aure yace”cousin” daga haka ya fice amsa kiran mommah a zuciyarsa ya furta “mayun mata abin nasu kuma har da ‘kwailaye”yana jin su suna sake yaba surarta Ali yana cewa yarinyarnan idan ta girma wallahi za’a ja kaya musamman idan ta samu kula ni wallahi ya dawo ko yanzu ya raka ni wajen mommah na nemi aurenta. Imran murmushi kawai yake yana tafiya don ya san basu san wacece shatu ba.
Tana jikin mommah a kanainaye kamar ta shige ciki ya lura tana da son jiki kamr mage.mommah na ganinsa tace “Yauwa Imran abincinku nace ya za’a yi dashi?” “Momma wannan yarinyar me yasa take fita haka kai ba tie” mommah harara ta watsa masa “Ga maganar da nake maka kana min wata banzar magana” dada Ta gyara zama “a to kai ma dai ka fad’a kai da yake kafi uwar taka hankali nayi magana ance yarinya ce wai wannan baligar ce yarinya?shiga sai kace a garin ‘kedarai to ni da ban isa ba ance yarinyace ai ‘kafata ‘kafar yarinyar nan don na lura uwarka lalata ta za tayi ta sangarta ‘ya kullum tana cinya kamar mai shan mama to ba dani ba.” Hajiya mama dai sai murmushi take.Imran ya shige kitchen yana cewa “ki rabu dasu dada gashi nan ai samari sun fara kawo mata farmaki ba sun ganta da shigar banza ba.”Dada ta zabga salati “kai Imrana ka rantse da Allah mhmnn to dai wallahi Allah ya kyauta lamarin uwarka ni kuwa ‘kafata ‘kafar bararo wallahi”dariya yayi yana shigewa kitchen a zuciyarsa yace Ai gwara ki d’auketa wallahi dada.


Ko da ya koma zancen dai Ali ya ya tayar masa tsaki yayi “ku dai Allah ya shiryeku duk ‘yan matan garinnan ku rasa ta kulawa sai wannan ‘kwailar” Abdul tsaki yayi “Ai wallahi Imran kayi ba’kar dabara ya za’a yi da wannan a gidanmu inje neman auran wata ba zaka zauna ka jira wannan d’in ka kiwatata kaje kana auren wata ‘kemasashshiya zubin turawa ga zubin larabawa haba Alhaji wallahi ka cuci kanka.” Imran ya masa wani duban banza”God forbid Allah ya kiyaye kai ka sanni ka san waye ni kuma ka san burina na auren matured wacce ta san ciwon kanta kuma mace mai tsafta ba kuma na san mace mai tsananin kyau saboda bana son ko wani rubbish ya dinga kai idonsa kan matata so wannan bata cikin layin matan da nake so mace mai kyau ai hatsarice.” Gaba d’aya ta’be baki suka yi suna kallonsa su basu ta’ba jin mutum ma mai irin ra’ayinsa ba.Ali yace “Allah ya raba mu da auren mummuna mun fi son kyakykyawa ta shiga taro.”Imran tsaki yayi “Allah ya kyauta sai ku shirya kar’bar ciwon hawan jini don ba abinda ‘kananan yara zasu saka muku idan ba su saka muku hawan jini ba.”




Ranar Alhamis da daddare su hajja suka dawo saboda ranar juma’a ne d’aurin aure kuma sun fi son su kar’bi amarya da kansu. Ko kallon arziki ba wanda yayiwa su mommah da suke zaune a general parlour suna tayi musu sannu da zuwa, a ciki suke amsawa Hajja zube a parlour ana Ta d’aga kai ‘kafa d’aya kan d’aya tana ‘karewa Hajiya mama kallon banza ita dole sai dai Ta nuna gidan d’anta ne. Hajiya mama da yake bata iya fad’a ba ta mi’ke tana kallon mommah da dada tace “Dada muje daga ciki ku barsu su huta.”Dada ta girgiza kai “oh oh babu inda zani anan zan zauna ina kallon mai shige da fice to ina dalili zaki turani can ciki ban san mai duniya take ciki ba wanda yaga ba zai iya zama ba shi dai ya tafi amma dada kam zama daram”Hajiya mama ba tayi magana ba tayi shigewarta d’aki.dama su nahna basa nan sun tafi kar’bar d’inki tana ji hameedah na shewa tana cewa “Oh Hajja aure dai ya d’auru Allah yaso ba’a ruguza shi da surkullen fulani ba” Hajja ta masa “Da wallahi kuwa” Mommah tana jinsu ta shige kitchen ranta a ‘bace tasa masu aiki suka kai musu abinci daga haka Ta shige part d’inta wajen Hajiya mama tana dialling call d’in dahda.


Da daddare kuwa ta sake jaddadawa dahda burinta Na son d’aura auren gaba d’aya a gobe “ka d’aura a can abujan kawai dangin Ubanta ba matsala bane daga baya ta kaini har garin nayi musu bayani duk da dai basu damu da ita ba da sun damu da ita ai da sun biyo sahu.”Dahda yayi murmushi yana jan hannunta “Your wish is my command Dija na I do as you said.” Murmushi tayi tana had’a goshinsu waje d’aya.



********RANA BATA ‘KARYA******


Dandazon mutanene suka halarci d’aurin auren a babban masallacin Na garin Abuja, duk inda ka juya jama’a ce Imran fuskarsa d’auke da fara’a at last dai zai mallaki burin ransa shaheedah da ya dad’e yana mafarki a matsayin matarsa matured mai tsafta kuma ‘yar gayu kuma ‘yar ‘kwalisa kamar yarda yake son matarsa ta kasance. Suna zaune shida abokansa suka ji an fara shelar za’a d’aura auren ayi shiri jama’a. Ai kuwa cikin yardar Allah aka samu ba’kuncin shiru mai shela bayan mintuna kad’an ya shela cewar an d’aura auren Imran da Haleemah shaheeda akan kud’in miliyan d’aya lakadan ba ajalan ba Alhamdulillah Imran ya fad’a a zuciyarsa Finally angon shaheedah inji abokansa sai kuma suka ji an sake d’aura auren Imran da Aysha mujittafa....... gaba d’aya abokansa suka waro ido suna kallonsa shi d’in ma kallonsu yake....

*🤍ME ZAN YI DA ITA?*🤍



NAZEEFAH SABO NASHE


FREE📚
08033748387
-19

ELEGANT ONLINE WRITERS....


Ina mi’ka d’umbin godiyata ga masu karatun littafinnan nagode ‘kwarai da gaske da soyayyar da kuka nuna min da littafin me zan yi da ita?burina dama saka nishad’i a zuciyarku. Ina alfahari daku I Really appreciated wallahi, da zan iya da na mayar dashi 2pages kamar yarda kuka bu’kata, to hakan ba zai yiwuba ina da scheduled da yawa so am sorry kuyi ha’kuri dani a hakan har muje inda zamu. Nagode sosai.



**********************************

Aliyu ne ya dafa Imran yana dariya “Amma lallai guy d’in nan ka raina mana hankali yanzu dama mutum biyu zaka aura baka gaya mana ba” Abdul ya girgiza kai yana murmushi yace “wonderful ni bama wannan ba how comes kai da baka son hayaniya ka auri mata biyu ina cika bakin da kake mana na cewa mace d’aya ta isheka?” Yana jinsu duk suna surutunsu ya kasa furta komai zallar tunani da zuciyarsa ta tafi,sai zufa yake tunani yake wacece ita wacece ma wata Aysha da aka d’aura masa aure bai sani ba, tabbas ashe kuwa tayi shirin zama bazawara don sam bai ga dalilin da zai sa ya amince da mace har biyu ba. Koma waye ya bawa dahda wannan gurguwar shawarar. Tsawon lokaci zuciyarsa ta kasa hasasho masa shatu ce yarinyar gaba d’aya zuciyarsa ma bata hasasho masa shatu ba tunani yake a cikin ‘ya’yan abokan dahda da suka mayance masa cewa suna sonsa aka d’auki d’aya aka bashi. Bai cewa abokansa komai ba duk da surutan da suke masa, burinsa yaga dahda ko Ammar amma ba d’aya da ya gani,hakan yasa dole suka shiga motocinsu suka tafi masauki.Imran dai ya zama tamkar mutum mutumi.


Amarya shaheedah kuwa a bakin yayyenta maza da suka dawo dga d’aurin aure ta samu labari.shaheed da ya shigo a rud’e ne ya dafa ta murya can ‘kasa yace “How comes shaheedah duk cika bakin da kike yi ba zaki zauna da kishiya ba sai gashi ko tarewa ba kiyi ba angonki ya auri wata zai had’a ta dake.” Shaheedah da bata d’au zancen serious ba ta zabga masa harara “God forbid don Allah shaheed ka daina wannan wasan bana son sa as per as am alive ko kallon ‘yan mata ba zan bar habibi yayi ba balle kishiya over my death body” shaheed murmushi yayi kafin khalil ‘kaninta yace “ai kuwa kin makaro don kuwa mata biyu aka d’aurawa aure da habibinnaki ke da wata Aysha.” Da sauri shaheedah ta mi’ke tana kallonsu “please don Allah kuce min wasa kuke?what a nonsense?” Khalil da shaheed suka sake tabbatar mata haka nan sauran mutane da suka je d’aurin aurenma suka tabbatar mata,dalilin da yasa ta yanke jiki ta fad’i, tuni nmufashinta ya d’auke,hakan yasa da sauri aka rufu akanta ana ‘ko’karin ceto ranta.



‘Yan kano kuwa tuni labari ya riski zainab ta hanyar mutane masu sanar da ita fad’uwar shaheedan da dalilin fad’uwarta ta.cikin tsananin mamaki take cewa “mata biyu a haba dai ba kuji da kyau ba idan kuwa hakan ya tabbata tabbas duk wacce tayi ‘ko’karin zama kishiyar shaheedah tayi shirin riskar ba’kin cikin da zai zama ajalinta wallahi.” Da sauri ta mi’ke ta nufi General parlour inda Hajja take.tun kafin ta furta komai hajja ta tabbatar da ba lafiya ba don yanayinta ya nuna ‘karara. Da sauri Hajja ta mi’ke da niyyar ta jata su samu sirri don ganin dada a zaune da itama ta kasa ta tsare, amma ina zainab tuni ta furta abin da ya ri’ke mata ma’kogaro “Hajja da gaske ne? Da gaske ne Imran mata biyu aka aura masa da wata wai Aysha wacece ita?” Gaba d’aya gurin zaro ido su kayi, musamman Hajja da maganar tayi mata dirar mikiya, da sauri ta girgiza kai “wannan ba gaskiya bane ba yarda za’ayi manga ya zartar da wannan hukuncin bai gaya min ba sharri ne da surutu irin na d’an Adam” zainab ta girgiza kai “Hajja babu fa batun sharri a wannan zancen it’s true naji a bakunan da ba zasu min ‘karya ba kuma sun halarci d’aurin auren ga shaheedah canma ance ta sume daga kin zancen.” Hajja ta ja ta zauna ja’bar a kujera “To wacece yarinyar aka ce miki idan kuwa zancennan ya tabbata tabbas manga zai ga ‘bacin raina kuma Imran dole ya saketa koma wacece zancen banza zancen wofi kenan, ki kwantar da hankalinki kamar tsumma a randa.” Mommah dake zaune murmushi kawai take zubawa ta tabbata yau gidannan akwai show idan har suka san wacece amaryar.tana kallonsu suka shige d’aki bayan hameedah ta tunatar dasu zancen a sirri ya kamata ayi shi.Mommah ta ta’be baki a zuciyarta tace “oho dai burina ya gama cika.”

Kowa burinsa Dahda ya dawo yaji ya gaskiyar lamarin yake.ko su Hajiya Mama mommah bata gayawaba ta ja bakinta tayi shiru tana jiran kowa yaji labarin kamar dirar mikiya tunda ta lura har yanzu basu san da shatunta aka d’aura aure ba.


Shi kuwa Imran yana can asibiti ya tasa shaheedah gaba da kallo da take ta kuka bayan farkowarta,ta kuma tabbatar da lamarin gaskiya ne.sai ga Imran ya ‘bige da jinya madadin hotunan d’aurin aure da suka ci burin aiwatarwa,irin dai wanda ake yayi a social media d’innan.
Kukan take sosai da har ya ‘karawa Imran zazzafan ciwon kai,ya kama kannasa ya ri’ke tun yana rarrashin ta da yi mata rantsuwar ta kwantar da hankalinta koma wacece idan ya tabbatar da auren sakinta zai yi kuma da gaske yake.amma ina shaheeda bata ji shi ba,hakan yasa kawai ya kama hannunta yana murzawa alamar rarrashi idanunsa a lumshe. Haushi ma lamarin ya bawa abokansa yanda take kuka kamar a kanta aka fara kishiya.Tsawon lokaci sannan aka sallamesu bayan ta gama shan drip.ana komawa gida Abbanta yace ta bari ta warware a kaita. Suna ke’bewa da Imran tace yace kawai a kaita please Imran anty na nake son gani kawai ko zuciyata tayi sanyi.” Tausayinta yasa Imran gayawa wata ‘kanwar babanta cewar a kaita kawai ta ‘karasa warwarewa a gidanta.
Haka kuwa aka yi babu ‘bata lokaci aka tafi airport dama sun yi booking jirgi.amarya dai ta tafi fuska ‘kozai-‘kozai fuska ko kwalliya babu duk da burin da aka ci na budiri a wannan ranar.


Ana kaita ko ta kan mommah da danginta ba abi ba duk da tunasarwar da dangin ubanta suke musu amma Hajja ‘kememe ta’ki yarda tace “ku shige da ita d’akinta mai aka yi aka yi wata dijah balle danginta wa ya san surkullen da suka yiwa manga ya d’aura masa aure da wata yarinyar.ku kaita gurin uwarta ni ina nan ina jiran shigowar manga tunda ya’ki d’aga waya ta.”hakan yasa ba wanda ya sake bi ta kan uwar miji duk da al’ada ta shar’anta a bata damarta a kai mata matar d’anta. Hakan sam bai damu mommah ba tunda burinta ya cika.

Shi kuwa ango Imran yana cikin d’akinsa zuciyarsa sai suya ta keyi shi mamakinsa d’aya dama ana yiwa namiji auren dole? Yana jiyo abokansa suna ta dariyar shegantkarsu.


SHIGOWAR DAHDA**************

Yana dawowa ya tarar Hajja da jama’arta baje a parlourn,gefe d’aya ga Dada da tata jama’ar,zancen dai ya san ake hakan yasa bai san lokacin da murmushi ya ku’buce masa ba ya san sarai za’a rina,Dijah ta jawo masa rigima yau,da bai san yarda zaiyi solving d’inta ba. ya dur’kusa ya gaida su Dada sannan ya ‘karasa gefen hajja ya zauna, Da kyar take amsa gaisuwar da yake mata tana gama amsa gaisuwar ta d’ora da “meye gaskiyar labarin da naji game da aure biyu da akace an d’aurawa Imrana,wacece yarinyar da har ni ban isa kayi shawara dani ba?” Manga waigawa Yayi yaga Dijah bata wajen don haka ya ciro wayarsa ya kira ta yana kallon hararar da Hajja take masa ya cigaba da kiran Imran shima a waya,so yake su hallara duk ayi komai a gabansu. Tsawon mintuna mommah ta shigo da su Hajiya mama, sai ga Imran shima ya shigo jikinsa a sanyaye, ya zauna a gefen mommah, haka nan zainab da su shaheedah su hameedah suma duk suka bayyana.
Sannan manga ya gyara zama ya fara da “kamar yarda kuka saka Imran da shaheedah soyayya har suka amince da junansu suka ‘kaunar junansu haka ita ma Dijah mahaifiyarsa ta bu’kaci son a had’a Auren Imran da shatu yarinyar wajenta.........

Idanu waje kowa yake kallonsa cikin tsananin mamaki.Imran kuwa zama yayi kamar statue yayi masa ‘kuri da ido kawai yana tunani shatu shi aka aura ma Shatu,shatun dai da ya sani ‘kazama shi kuwa mai zai yi da ita a yanzu ba sai anjima ba zai saketa wallahi yaushe zai iya wannan abin kunyar mai zai cewa mutanen da yake cikawa baki yana fad’in mai zai yi da ita? Ita kuwa shaheeda tuni ta zube a jikin hameedah ta ma kasa kuka sai sakin ajiyar zuciya take.
Imran murya na rawa ya fara ro’kon Dahda “please dahda wallahi bana sonta ko kad’an kada kuyi min haka zaku sa min attack wallahi don Allah ka amince Na sake ta.” “Wallahi Imran ka sake Na saki shatu sai dai ka sake uwa don wallahi sai na zare ka daga cikin ‘ya’yana Na gaya maka kada ma ka fara attempting zancen saki idan kuwa haka ta faru zan nuna wa kowa bad side d’ina wallahi an kaini ‘karshe” sosai kuwa yake kallonta saboda yarda take maganar da gaske take daga ‘kasan zuciyarta take fitowa, ranta a ‘bace idanunta kuwa yayi jajir.
Sai ji su kayi Hajja ta saki dariya muryarta a sama tace “Ai kuwa ba ki isa ba dijah ni kuma zan nuna miki nice uwar manga ko ki amince ya sake ta ko kuma ni na saka manga ya sake ki.......

*🤍ME ZAN YI DA ITA?*🤍



NAZEEFAH SABO NASHE


FREE📚
08033748387
-21


ELEGANT ONLINE WRITERS......


Mommah ta kalli saratu “mai za tayi masa da yake nemanta?je ki ce ba zata zo ba idan ya matsu da son ganin ta shi ya shigo ya ganta a gaba na.” “Auzubillahi Wannan wace maganar wauta ce mutum da matar sa kice ba zai ganta ba wani yace ki d’aura musu Auren ?a’a ni ba za’a yi wannan d’iban albarkar dani ba tashi maza kije kafin in kai miki mangara da ido ‘kwala-‘kwala a wajen.” Shatu ta mi’ke tana duban dada da tace sai taje kanta ko d’ankwali babu ga rigar tata armless ce sai wani skinny jeans. Bayan saratu ta bi tana ta mita da zuciyarta wallahi ya gaya min ba’ka sai na gaya masa ‘kirin ai nima ba son auren nake ba.corridor d’in da ke hanyar kitchen saratu ta nuna mata ta wuce tana dariya ‘kasa-‘kasa. Shatu ta girgiza kai alamar zamu gamu. Tana shiga ta gan shi zaune a kan kujerar da take gaban working space na kitchen d’in mommah. Ya had’e rai sosai yayi folding hannayensa a ‘kirji kayan da suke jikinsa sun amsheshi sosai three quater black jeans da white T.shirt Kansa ya cukurkud’e kamar Na buzaye alamar bai samu gyara ba. tsaye tayi a gefe tana ta’be baki duk da ta san bai yi wanka ba amma gaba d’aya mayen ‘Kamshin turrensa ya game kitchen d’in.Ganin yayi mata banza yana mata kallon up and down yasa ta juya zata fice.murya a cunkushe yace “wallahi kika fita ba tare da na gama abinda Yasa nace ki zo ba zaki gane baki da wayo” juyowar tayi itama tana masa irin kallon da yake mata “to ka fad’i abinda zaka fad’a I have something to do.” Tsaki yayi yace “bar d’an guntun english d’inki ki je kiyiwa wad’anda basu sanki ba ba su san yarda kika zo ba burga dashi wai ni ban ga dalilin da yasa mommah ta ma’kala min ke ba ban ga komai tare dake ba banda ‘kwala-‘kwalan idonki kamar me”
Waro ido tayi tana dubansa dariya take sosai har ya ‘kulu kafin tace “exactly like your’s”bud’e idanunsa yayi sai kuma yayi tsaki “Ba wannan yasa na kira ki ba warning d’inki zanyi dama kada ki sake naga ‘kafafunki wajen dinner wallahi kika kika saka ran habibteey ya ‘baci zaki gane baki da wayo a wajen zanyi disgracing d’inki kina ji ai? Kuma ki san yarda kika yi ki ka sa mommah ta raba wannan auren ko ta yaya ma kuwa idan ba haka ba duk wula’kancin da kika tarar a gida na ke kika siya na gaya miki.” Sake kallonsa tayi ta turo baki “To ni ina ruwa na na gaya maka nima ina sonka ne kawai biyayya zan yiwa mommah idan kai kaga ba zaka yi musu biyayya kaje ka gaya mata baka so na sai me? Kuma wajen dinner sai naje sai dai kai da matarka muciya da zani ku ha’kura.” A zafafe ya taso zai kai mata cafka ta san kuma mai zai faru idan ta bari ya cafketa don haka tayi saurin fita a guje tana tuntsira dariya ta lura baya son ace muciya da zani ita kuwa ta samu nayi. Babu wanda tayi wa maganar ya hana ta dinner tana komawa d’aki Hafsa ta fara mata make up don ta iya make up sosai,kafin su tafi turkey karatu ma tana yin na kud’i a Abuja don haka ta fara tsantsara mata.
Shi kuwa Imran yana can yana ta faman kiran mommah ta’ki receiving so yake ya gaya mata bai amince shatu taje dinner ba tunda shaheedah bata so kuma yaga dai dinnerr ta Shaheeda ce.yayi mata missed calls ya kai goma bata d’aga ba,ita kuwa mommah tana ganin kiransa ta’ki d’agawa tana gaban Dahda da yake sanar da ita kawu sa’idu yace lallai-lallai shatu ta tare a gidanta ta zaro ido “amma why Dahda she is too young fa ba zata iya facinga marriage issue ba wallahi don Allah ka bashi ha’kuri bayan haka ma ga karatunta abin zai yi mata yawa.” Dahda ya ja ajiyar zuciya “kin san dai halin kawu sa’idu wallahi ba zan iya fuskantar fad’ansa ba,ki bar ta tare d’in idan yaso shi sai ya kula da harkar karatunta a kuma ja masa kunne kada ya sake yayi wata mu’amalar auratayya da ita.
Gaba d’aya mommah jikinta ne yayi sanyi, har sai da Dahda ya ri’ko hannunta yana matsawa a hankali “Don’t worry ba fa abinda
Zai faru insha Allah sai yanzu nake ganin wautar mu daga nia har ke da muka had’a aurennan zuwa nextweek ayi mata kamu da walima kawai a kaita Allah ya basu zaman lafiya zan tura miki 10million a account a siya mata komai da zata bu’kata a kaita d’akin mijinta haka Allah ya tsara kuma zanyi warning d’in Imran d’in dama ya barta tayi karatunta. Tashi kije ana ta kiranki.”
A sanyaye ta mi’ke kamar jira ake wayar Imran ta sake shugowa, a zafafe ta danna “wai Imran meye haka ne tunda ka kira kaji ban d’aga ba ai ka san a busy nake amma ka wani dameni da kira. Nace menene kayi shiru wallahi zan cutting wayar.”
Sakin ajiyar zuciya yayi murya a ciki yace “Am sorry mommah wai me nayi miki da zafi haka kullum kike min fad’a?” Tausayinsa ya kamata amma madadin ta nuna masa sai tayi tsaki “ina jin ka menene nace?” “Mommah favour d’aya zaki yi min don Allah yarinyar nan kada taje dinner.” Tsaki mommah tayi jin ko sunan ta baya iya fad’a saboda tsana “wacece yarinyar nan?” Shiru Imran yayi har mommah ta ‘kulu tace “duk sanda ka tuno sunanta ka kira ni muyi magana.” Ta kashe wayar.Imran ya dafe kai yana tsaki shi wallahi ko sunanta baya son furtawa. Amma ya zaiyi dole ya sake kira.tana d’agawa ya runtse idonsa “please mommah Aysha nake nufi.” “Oho saboda kada shatu villager ta ‘bata maka taro ko kuma a dinga nuna ta ana ga second wife d’inka ko to sai taje idan yaso idan tace ka tashi a gaban mutane da mic kace baka sonta shashasha kawai. ‘Dif tayi switching phone d’in off gaba d’aya ma. Imran ya cillar da wayar yana tunanin wata mafitar ran sa duk a ‘bace.Samu mafita ya saka shi sakin murmushi idan an san wata ai ba’a san wata ba shi yasan tsiyar da zaiyi mata.


Tsaf shatu ta fito tayi masifar kyau cikin makeup d’in da dressing d’in da aka yi mata pink lace ne da touches d’in maroum a jiki hakn yasa aka saka mata head maroum dinkin ya zaunu daram a jikinta duk