You Cannot Download this book untill you login but you can read it .

---

Login Register

ta garga’desu da yi masa zancen. Sai dai ya kalleshi yayi masa magana ta hanyar lislama “Ni kuwa Imran mai ya hanaka zuwa gida tsawon shekara da wani abin?” Imran jim yayi kafin yace “Ina son zuwa amma dai akwai dalilin da yasa ban je ‘din ba.” Hisham yayi tsaki “Wani dalili ne zai hanaka zuwa ganin iyayenka? Amma shikkenan ka san da cewa saura 2 months bikin mu da su Hafsa?” Da sauri Imran yace “Kai masha Allah, a kace zuwa Nigeria ya kama ni, ni I don’t know why? Duk wanda na kira daga family baya shiga, ko kaima ka san sai a dubai na Sameka? Wa ka samo mana?” Hisham cikin murmushi yace masa fine girl idan kaje zaka ganta.”


Suna isa gida suka tarar da Shaheedah zaune ta sake ramewa kamar mai cutar ‘kanjamau, don tsananin rama, ‘kirjinnan ya shafe kamar na tsofaffi. Cikin wani irin kallo Hisham yace “Lafiya Shaheedah me ya sameki haka?” Tsaki tayi ta ma ‘dauke kai kamar ba da ita yake ba. Imran yana dariya yace “Kai ma dai ka fa’da ance family planning ‘din da tayi ne ya sata wannan uwar ramar, kuma ta cire fa amma har yanzu bata ciko ba ji don Allah ni kaina bana son ko kallonta wallahi saboda ramar tayi yawa.” Cikin masifa Shaheedah ta kalleshi “Kaji da munafurcinka ina ce kai da kan ka kace baka son ‘kiba amma yanzu da kinibibi kace wani wai baka son kallona saboda rama.” Cikin bala’i shima ya kalleta “Da nace miki bana son ‘kiba ce miki nayi ki ‘kanjame ji be kifa bakomai a jikinki sai ‘kashi......” ai kuwa ta mi’ke “amma dai kasan ko lalacewar nayi a gidanka na lalace don ba haka ka aure ni Ba.” A zafafe shima yace “A ya na aureki?dama can duk ciko ne kada ki manta a daren farko na gane komai ciko kike yi, komai na jikin ki Ba ki da ‘kirar mace ko ka’dan komai ciko...” hawaye ne kawai ya fara zubar wa Shaheedah ganin cin mutuncin da yayi mata a gaban Hisham taji kamar ta ‘dora hannu a kai ta saka ihu....




Saduwar alheri ku yiwa ‘kanwata addu’a An yi mata c.s ta samu ‘karuwa Baby Boy. Nagode
[10/2, 7:01 PM] +234 803 800 7509: Hajja ae gidan kamsh
Turaren wuta
Turaren gashi
Turaren kaya
Turaren wanka
Kulaccan
Kurkur oil
Humran
Kabbasa
and more
Whatsapp number 09120958937

In dai turare mai nagarta kuke nema to kun dace, ku nemeta domin ku kwashi gara’basa.

Me Zan Yi Da Ita?

Kai Alhamdulillah Masha Allah jiya sister ta ta sha addu’a am really appreciated wallahi. Jazakumullah bil jannatil Aaliyah.

ME ZAN YI DA ITA?


40....



Da wata irin zabura ta mi’ke cikin matsanancin ‘bacin rai tace “Wallahi Imran ka yi da ‘yar halak you will pay for it.” Daga haka ta shige ‘dakin ta cikin tashin hankali, tabbas dole ta kira Antyn ta ta gaya mata kalar iskancin da Imran ya tsiro da shi. Alamar duk wani shiri na su ya ruguje ko yana daf da rugujewa.

Imran tsaki yayi yana kaolin Hisham da duk ransa ya ‘baci, da abinda ya aikata. Zai yi magana Hisham ya dakatar dashi. “Am highly disappointed wallahi au Imran gaskiya ban ji da’din abinda ka aikata ba da alama yarinyar nan ba ta jin da’din zama da Kai, me yasa ka canja ne completely kamar ba Imran ‘din da na sani ba?” Tsaki Imran yaja yana zama saman kujera kansa kawai ya dafe yana murza goshinsa, kafin ya ‘dago idanunsa sun burkice sunyi jajur “Ba zaka gane ba Hisham gaba ‘daya yarinyar nan ta fice min a Zuciya, ga takaici da dana sani da nake na sakin waccen Yarinyar.” Da sauri Hisham ya ware ido “What! Tsaya wai wa kake nufi? Kada kace min Shatun Mommah?” Direct Imran ya amsa masa “Yes exactly ko ina da wacce na saka ne bayanta?” Wata dariya ce ta ‘kwacewa Hisham “Ashe kuwa ka sha giyar wake in dai Shatu ce, kada ka manta Shatu fa Fulanin Daji da kace ko an ‘daura maka ita a ‘kafa sai ka kunce, yarinyar da Mommah ta za’ba maka ka saketa within three days da aure ita kake gaya min kana da na sanin sakinta? To me zaka yi da ita? Kada kace min dawo da ita zaka yi domin kuwa tayi maka nisa tuni ta yi aure ta haifi twins.” Wata irin zabura Imran yayi hankalinsa a tashe ya mi’ke yana kallon Hisham, kafin ya ji wani jiri na ‘dibansa “Kace min wasa kake Hisham? Please!” Hisham yayi tsaki akan me zan yi mk ‘karya gaskiya na gaya maka.”
Daga haka ya zauna yana kallonsa “Ba abinci ne a Gidannan? Naga tun da na shigo ko ruwa baka bani ba..” Imran bai ko kalleshi ba ya zauna dafe da kansa. Zuciyarsa take wani irin tu’ku’ki tamkar ya mutu, da gaske ne Shatu tayi aure? Shatun da yake da niyyar mayar da aurensu, Shatun da ta mamaye duk wani gurbi da tunani na zuciyarsa, Shatunsa da yake tuno da duk wasu ni’imominta da Allah ya bata a lokacin da ya tara da ita, itace wani banza can ya aureta har ya ‘dan’dani ni’imarta yaji taushi da santsin fatarta, yaji za’kin ba’kinta ya ‘dan’dani da’di da gar’dinta har da albarkar zuria a tsakaninsu. Da sauri ya hau yamutsa sumar kansa yana fa’din No No No! Da ‘karfin sa. Hisham tsayawa yayi cak yana kallonsa tsananin mamakin lamarin yake yi. Kafin ya ja tsaki yace “Tunda baka yarda ba kaje Nigeria ‘din ka gani. Ai gani ya kori ji, kuma idan babu Abinci a gidannan ni zan kama gaba na.” Mi’kewa kawai Imran yayi hannayensa zube a aljihu ya hau struggling a parlourn kafin ya juyo cikin kyakykyawan kallo ya tsare Hisham da idanunsa cikin zafin rai yace “Wani mai gangancin ne ya aure min mata?” Tsaki Hisham ya ja kfin yace “Kayi Istigfari ka daina kiran matar wani da sunan matarka, mutumin da ya aureta har da albarkacin zuri’a tashi guda twins ta haifo masa alamar an sha soyayya kafin a haifo su don sosai yaron yayi kama da ubansa..” flower verse ‘din dake gefensa yayi cilli da ita ji kake wani taratsatsa bai damu ba ya tashi ya bi ta cikin glasses ‘din ya isa inda Hisham yake. Wuyansa ya da’kuma a wani irin yanayi ya furta “Don’t tell me rubbish, ya ishe ni Hisham, ka gaya min sunansa nace kawai!” Hisham ya ta’be baki ha’de da mi’kewa yace “Sunansa Muhammad, malam zaka bani abinci ko na kama gabana na gaji da wa’dannan silly Questions ‘din naka kana nufin don ka saketa sai a rasa mai aurenta duk da tsananin kyan ta?” Idanunsa akan jinin ya ke masa magana “Idan ban da hauka ji yarda ka jiwa kanka ciwuka tun ma ba kayi arba da yarda ta goge ta zama kyakykyawa ba, da kuma santala-santalan yaranta ina ji da sai zuciyarka ta buga don tsananin takaici, ga shi wanda ta aura ‘din yana tsananin sonta ya kuma fi ka komai ku’di kyau uwa uba dukiya......” da ‘karfi Imran yace “Hisham! I’m tired of you nonsense zo ka fice min a gida kuma bikin naku ma ba zan zo ba, sai me don tayi aure ina ce dai ba gwauro ka ganni ba da matata.” Hisham yana dariya yace “Fankon? Ko ba kai da bakinka kace duk ciko bane yanzu ne zaka kirata mata? Gida kuma kar kazo amma ka sani ko yanzu ka mutu, da kyar rahmar ubangiji ta sameka saboda rashin biyayya ga iyaye, Na barka lafiya dama sada zumunci nazo muyi tunda kuwa kayi min korar kare sai nace saduwar alheri.” Daga haka yayi saurin ficewa daga gidan saboda dariyar da take shirin fallasa shi. Sai da ya bar harabar gidan sannan ya shiga tuntsira dariya tamkar mahaukaci sabon Kamu.



———————————-

Tana kuka sosai ta shiga kiran mahaifiyarta, zuciyarta tamkar ta tsinke don tsananin ‘bacin rai. Da kyar ta samu kiran yayi connecting, Antyn ta ta ta ‘daga wayar “Shaheedah ya aka yi?” Fashewa da kuka Shaheedah tayi kuka mai cin rai da saka tashin hankali a zuciyar mai sauraro “Anty wallahi na mutu, yanzu Imran ya tsane ni ya tsani surar jikina tsana mafi muni....” Tsaki zainab tayi kafin tace “To ba dole ya juya miki baya ba Shaheedah, kin zauna kin ‘kanjame ke ‘yan magungunannan na ‘karin ‘kiba da hips ba shan su kike ba balle ki ciko ki yi dumimi irin na ‘ya’ya mata, me nace miki rannan da kika turo min pic ‘dinki ban ce miki ki nemi magani ba kin zauna kin ‘kanjame kin bushe kin lalace wai ke miji baya son ‘kiba, sai ranar da ya auro mai ‘kibar sannan zaki san dama yaudararki yake.” Kuka ta sake fashewa, sam bata son jin kalmar kishiya. “Ba zaki min shiru ba ki saurari abinda zance miki? Ko kin ji nace kishiyar za’a yi miki? Ki san yarda kika yi kika dawo Nigeria zan baki supplement Na ‘karin ‘kiba kuma ki saki jiki ki dinga cin fats ko kya tayar da koma’dar da ta kwanta, duk namijin da kika ji yace baya son mace mai ‘kiba ‘karya yake bai samu bane, sai kin murje jikinki sannan za mu san abin yi.” Tayi shiru tana jinjina lamarin komawa gidan a zuciyarta, ba don komai ba sai don bata son ha’duwar Imran da Shatu, don haka tace “To amma Anty kina ganin dawowa gidan ba matsala? Bana son Habibi ya ha’du da Shatu wallahi.” Antyn ta zabga tsaki “Ke kike ta wata Shatu tun taushe muka yi musu farra’ku ko kin ga ko zancenta yana yi? Ina ji ma Ammar ne zai aureta haka dai Manga yace ban ce kuma ki sanar da Imran ba kin ji na gaya miki. Kuma kin je kin cire abin hannunnan ko yana nan ma’kale a hannunki?” Ta ja ajiyar zuciya kafin tace “Tun yaushe na cire nima yanzu buri na ai na haihun, tun da naga kamar yana son yara, har yanzu fa bai sanma ta haihu ba fa.” Anty ta tuntsire da dariya “Ai dabararki tayi Shaheedah ban ta’ba zata ni kika biyo ba sai da kika aikata hakan naji da’di sosai, ko da takaicin wannan aka barsu ai ya ishe su, ka haihu uban yara ya’ki zuwa ganinsu kuma ko hoto bai ce a tura masa ba, ai kin sha’ka musu aikinki yayi kyau wallahi.” Haka dai suka yi sallama suna sake ha’da ‘kulle-‘kullensu da makircin su ubangiji ka raba mu da sharrin zuciya.




—————————-

‘Kwala kiran da Mommah take mata ne ya sata fitowa da mugun sauri, hannunta ‘dauke da Spoon da take aiki dashi a kitchen. A hanzarce ta isa ‘dakin Mommah don jin kiran kamar ba na lafiya ba.

A tsaye ta samu Mommah Ikram a bayanta da alama barci takeyi don ta tashi da ‘dan Zazza’bi. Hawayen da ta gani a fuskar Mommahn yasa gabanta matu’kar fa’duwa ta isa da sauri tana tambayar “Lafiya?” Mommah ta runtse ido tace “Shatu sai dai muyi ha’kuri Dada tazo sa’i lokaci yayi yanzu Hajiya Mama take gaya min.” Hawaye ne sosai ya mamaye fuskar Shatu tace “Innalillahi wa innailaihirrajiuna! Ashe ha’duwarmu da ita ta ‘karshe kenan da muka je kai mata yara.” Mommah ta saki ajiyar zuciya tace “Eeh, Baiwar Allah kenan Dada mai matu’kar ri’ko da addini, mai son zumunci da fa’dar gaskiya komai ‘dacinta Ubangiji Allah ya gafarta miki Dada.” Hawaye ya sake wanke idanunta tana tuna drammerr da suka sha lokacin da suka kai mata su Ikeey, ta dinga rungumesu tana cewa “Ubanku yayi asara yana ma kan yi ‘dan banza mai idon gwal ai zai zo ya sameni ne, shine ya ‘dirkawa ‘yar ciki har cikin ‘yan biyu sannan ya saketa duk don kada ayi masa dariya bayan ga abin dariyar nan ya bari tun da gashi nan wannan mai faskareren kan shi ya ‘dauko, da an yi magana sai yace me zai yi da ita? Yau dai ga abinda zai yi da ita nan ya fito ‘dan jakar Uba.”
Hawaye ya sake zubowa Mommah ta share su, tace “Allahumma gafir zunubiha jami’an. Maza Shatu kije ki duba girkin ki, ba mu da lokaci jirgin asuba zamu bi insha Allah,idan mun sauka a
Bauchi sai wani ya tare mu a mota.

Da sauri Shatu ta juya dai-dai lokacin da taji Knocking tana bu’dewa taga mai gadi, waya ya mi’ka mata yace “Don Allah kaiwa Hajiya Chairman ne ke magana.” Ta shige da sauri takaiwa Mommah.

Mommah ta san wayar waye, don haka ta ‘daga bayan gaisuwa ta sanar dashi mutuwar Dada. Salati ya saka da wayar a kunnensa, kafin ya dawo daga shock ‘din Mommah ta katse wayar.


Yana ta Hello! Yaji ‘dif hakan yasa ya ri’ke wayar zuciyarsa cike da wani irin tsoro ya shiga kwararowa Dada addu’oi a zuciyarsa. Kafin da azama ya fara booking flight ta internet. Ya shiga kiran wayar Hisham da kamar ba zai ‘dauka ba sai kuma ya ‘dauka a zafafe yace “Ka gama kora ta daga gidanka meye kuma na kira Na?” Imran yace “Allah ya baka ha’kuri ni mutuwar Dada na bugo na sanar maka.” Hisham ya ja salati shima kafin ya ri’ke kansa ba ‘dan ka’danba yaji mutuwar Dada kakarsa. Imran ne ya gaji da shirun yace “Kana ina ne?” “Ina ruwanka da inda nake? Ina airport gida zan koma yanzu haka ina cikin flight.” Imran yace “Shikkenan ma ha’du gobe a Nigeria nima na yi booking gobe zamu taho, and thanks for the visit kayi ha’kuri da rashin kyauta ta maka da ban yi ba temper tace ta hau da yawa. Ni kaina I don’t know what am going through amma insha Allah zanyi ta addu’a safe flight sai mun ha’du.” Jikin Hisham ne yayi sanyi yana jin kamar wani abu mai kama da tausayin Imran yana tsirga masa amma Ammar fa? Ya ri’ke kai Allah ya kiyaye samuwar tashin hankali a zuri’ar su.



Gefe ‘daya Imran da sauri ya isa ‘dakin Shaheedah, a gaban dressing mirror ya tarar da ita sai tsara kwalliya take tamkar zata shiga gasar sarauniyar kyau, sai dai maimakon ya ga kyan muninta ya gani saboda wasu ‘kasusuwa da suka bayyana a fuskarta, ya dai daure don tilas ya sakar mata murmushi “Kin yi kyau” ya furta a hankali wanda da Shaheeda da za ta tsaya ta kalleshi sosai zata tarar furucin iya bakinsa ne bai kai zuciyarsa ba, amma ina idanunta ya rufe wani farinciki ya baibayeta har bata san sanda ta taso da azama da rungumeshi ba hawayen farinciki na zurara a fuskarta “Nagode Habibi.” Tausayinta ne ya kama shi ya ‘dan bubbuga bayanta “Is Okey ki shirya maza zamu bi jirgin safe gobe, Dada is death.” Cikin tsananin farincikin zuwa Nigeria da bayyana a fuskarta ‘Baro-‘baro tace “Okey Habibi.” Ya tsaya sak yana kallonta ganin ko ka’dan mutuwar Dadan bata girgiza bata mamaki ya cika shi, sai kawai ya girgiza kai ya juya zai fita. Ji yayi da sauri tace “What should I cook for you?” Ransa a ‘bace yace “Nothing.” Jikinta ne yayi sanyi kuma ganin yarda yayin bai wani yi ‘dokin son kasancewa da ita ba balle yayi tunanin bata ha’k’kinta. Ta ta’be baki a zuciyarta tace “Mu je dai Nigeria ai matsalata ta kusa zuwa ‘Karshe sai ka zo kana bina, wallahi sai na mayar da kai abin kwatance mijin kafin tace ma ba tace ba.” ta tuge hular gashin da tasa ta cilla akan Gado.




—————-

‘Karfe 9:00 Na safiyar asabar aka sada Dada da makwancinta, ‘daruruwan mutane ne suka halarci jana’izar baiwar Allah Dada kuma kowa yazo fa’dar alhairinta yake musamman maigidanta Moddibo da shima yana nan tsoho mai ran ‘karfe, ‘ya’yanta su lami’do da su Alhaji Baba ba ‘karamin girgiza suma su ka yi da mutuwar ba, haka nan jikoki da ‘ya’yan jikoki su Shatu, tabbas Dada tayi tsahon rai ta kuma tara zuri’a mai amfani sai dai fatan saduwa da Rahmar Jalla.

Ta mutu daren juma’a an kuma birneta asabar Allah ya gafartawa iyayenmu. Duk inda Shatu tayi idanun mutane ne a kanta ganin yarda tayi wani irin kyau ta kuma cika ko ina mulmul da ita ta ko ina idan ka ganta ba zaka bata shekaru sha bakwai da rabi ba sai dai ka lulata ashirin saboda cikar da tayi, su Akram dama tuni ta yayesu, ba kuma a taho dasu ba suna can gidan Alhaji Baban da ya ‘kera anan liman katagum ‘din.



—————————

‘Karfe takwas jirginsu ya sauka a airport ‘din Nnamdi azikwe da ke Abuja. Mutanen turkey an bayyana a Nigeria bayan tsawon shekara ‘daya da rabi. Kasancewar ba su samu jirgi ba hakan yasa dole gidan Dahda suka nufa da niyyar gobe suyi asubanci su nufi garin Bauchi by flight.

Da murna Anty Amarya ta tare su kamar ta goya su, shi dai Imran sassan Mommah ya tafi da sauri ba tare da ya tsaya rawar jiki wajen Antyn ba. takaici ya kama ta sai dai bata nunaba burinta ya ci abincin da ta riga ta ba’deshi da sihirtaccen Maganin da Shuwa ta kawo mata.


Yana knocking Basirah da Yasirah da suke aiki a parlourn suka kalli juna, suna tunanin bu’dewa, ‘kara knocking ‘din da suka ji an ‘kara yi ne yasa su cewa waye? Ya amsa da “Bu’de” jin muryarsa yasa su bu’de ido, da sauri Basirah ta bu’de. Ya shiga cikin takunsa na ginshira idanunsa zube a kansu, yana amsa sannu da zuwan da suke masa, sai da ya zauna sannan yace musu “Ku nutsu tambaya zan muku,kuna ji na?” Gaba ‘daya suka nutsuwa suka dur’kushe idanunsu a ‘kasa “Tambayar ku zan yi Da gaske Shatu tayi Aure?” Da sauri suka zare ido suna kallon juna ga shi ba daman su yi masa ‘karya hakan ya sa suka sunkuyar da Kai...... ya buga table ‘din da ‘karfi yace “Ba kwa ji ne malamai?” Basirah ce Ta ‘dago idanunta a kansa tace..........



Saduwar alheri ina ji daku mutanena.
[10/2, 7:01 PM] +234 803 800 7509: Me Zan Yi Da Ita?


41



“Eeh tayi aure...” Yasirah ta zuba mata ido da sauri kafin ta mayar da kallonta akan Imran da ya runtse idonsa gam yana furta “Oh shit!” Yana buga hannunsa a table, sai kuma ya mi’ke hannunsa saye cikin aljihu ya bu’de ainahin ‘dakin Shatu, fes dashi ‘dakin ga wani ‘kamshi da ya kamashi ram na ainahin turaren da take amfani dashi. Idanunsa ya sauka akan wangamemen pic ‘din twins suna babies, zuciyarsa na dukan Tara-tara ya ‘karasa gurin pic ‘din... cikin takaici yake shafa hoton kishi ya cika zuciyarsa fal. Ya shiga tunanin da tuni zuri’arsa ce wannan ‘din. Ji yayi har jiri na neman kada shi hakan yasa ya kwanta flat a saman gadon Shatun, tunaninta ya dinga bijiro masa a yanayin da ba zai fasaltu ba. Da sauri ya dinga jan istigfari tunawa da yayi a yanzu Shatun matar wani ce. Jikinsa a sanyaye ya bar bedroom ‘din nata bayan yaji a yanzu ba abinda yake bu’kata irin yara.


Ko da ya fito Anty Amarya ba yarda ba tayi dashi ba ya tsaya ya ci abinci amma ya girgiza kai “Alhamdulillah nagode” ya yi furucin yana ficewa da sauri. Motar Mommah ya hau ya bar gidan.
Takaici ya cika zuciyar Anty Amarya da Shaheedah da suke jin tamkar su saka kuka.



———————————

‘Karfe 9:00 dai-dai suka isa garin katagum. Gidan a cike yake dan’kam nan ido gaba ‘daya ya koma kan Shaheedah kowa mamakin ramarta yake yi. Wai don ma a haka Hijabi ta sako har ‘kafa.

Lokacin Mommah da Shatu basu iso ba suna gidan su Mommahn, Hajiya Mama ce kawai ta taho amma har su Hafsa da Nahna suna can Gidan ba su taho ba, haka nan Hisham da Ammar.
Dalilin hakan bayan ya gaida jama’ar da suke dam’kar a gidan ya fice da sauri burinsa yaga Mommah. Ita kuwa Shaheedah Hajiya Mama da farinciki ta tare ta, ta sa aka kawo mata kayan breakfast.


Drivern Alhaji Baban yana parking Imran ya fito, cikin takunsa na ginshira, kayan sun amsheshi sun masa kyau sosai ba’kin yard ne a jikinsa ‘dinkinsa na kullum gajeriyar riga da gajeran hannu, wannan karan dai anyi abin arziki ya saka hula a kansa, kuma hular ta amsheshi sosai da sai ‘kamshin turare yake yi.



Ya da’de yana Knocking kafin Shatu da take kitchen tayi saurin fitowa kanta ko ‘dankwali babu, Gashinta gaba ‘daya ya zuba har gadon bayanta. Doguwar riga ce a jikinta mai jikin robber da tabi ta kwanta a jikinta ta kuma lafe ta fidda duk surar jikinta. Fitowar Hisham da Ammar ce ya sata jin wata matsananciyar kunya tayi saurin bu’de ‘kofar kafin ta juya ta shige kitchen ya danno kai cikin parlourn ha’de da ‘kamshin turarensa da ya baibaiye parlourn, wani shock da bugawar zuciya ne ya samu Shatu a lokaci guda, haka nan Imran da Ammar da yake gefe. Da sauri ta juya ta shiga kitchen ba tare da tayi masa second look ba.


Ko a kitchen ‘din ma tsayawa tayi hannayenta dafe da ‘kirjinta tana saurarar yarda bugawar zuciyarta ke ‘karuwa, idanunta na sake hango mata fuskar Ammar da ya sake ‘kawata ta da kyakkyawan saje, yayi fresh sosai alamar Naira ta zauna masa. Wani danshi taji a saman fuskarta, da hakan ya sata saka hannayenta ta ji ko menene mamaki ya kamata da taji wai ashe hawaye ne yake zuba daga idaniyarta ta, hawayen da za ta kira na takaicin ganinsa, ba ta so ganinsa ba a lokacin da komai ya ‘kure. Mutumin da take kwana take tashi dashi, zuciyarta kullum bata fasa tunanoshi ba, in dai za tayi sallah sai ta Ro’ki ubangiji ya zare mata son shi daga zuciyarta, amma abin al’ajabi kullum soyayyar nan ninkuwa take, musamman idan tana ganin Akram da yake tsananin kama da shi. Idan tace bata son Imran ta yiwa kanta ‘karya shine first love ‘dinta da kuma shi ta so tayi rayuwar aure na dindindin, rayuwar da babu tasgaro a cikinta, sai dai tuni ‘kaddara ta riga fata a yanzu dai kam ba zata ta’ba iya kallon idon Ammar tace bata sonsa ba, ko ba zata iya aurensa ba ya riga yayi mata halarcin da bai kamata ta bar shi ba a cikin ko wane hali. Sai kuma ta tuna da jan kunnenta da Hisham yayi akan ko da Imran yazo ta gaya masa tayi aure ‘ya’yan bana sa bane, haka ma ya ro’ki Mommah, hakan ya sa ta sakin murmushi a zuciyarta tace “Za’a buga drammer domin a jikinta ta ji kallon da Imran yake jifanta dashi, ta shafa kanta da ko head tie babu, idanunta akan ‘kirjinta da hips ‘dinta da suka cika fam a cikin rigarta, wata kunya ta kamata ta san dole ko ba so duk namijin da ya ganta a wannan shigar ya baibayeta da kallo, wanda ba zai kasance na komai ba sai na zallar sha’awa. A hankali tace “Astagfirullah! Don kuwa sarai ta san ba muharramanta bane Hisham ne kawai muharrimanta. Ba tayi aune ba ta fara jiyo ‘kauri, da sauri ta kai dubanta ga naman da take tafasawa za tayi shawarma, tuni ta waro ido ganin naman yana shirin ‘konewa saboda tunanin da ya aureta na ba gaira ba dalili, tunda dai bata san da wacce Imran yazo ba. Duk da Uncle Hisham ya fara bata labari.




—————————-

Mommah da take shirya ‘yan jikallenta ta jiyo sallamarsa a bakin ‘kofa, sak tayi tana amsa sallamar cikin wata irin fa’duwar gaba da ita kanta bata san ta mececeba, ganinshi a gabanta ya sa zuciyarta ta karye, ‘kwalla ta baibaye idanunta, tsawon shekara ‘daya da rabi sai yanzu ya tuna da gida? Ta lumshe idanunta tana kallonsa ido cikin ido ‘kwalla ta shiga gangaro mata. Da azama Akram ya shiga share mata cikin salon maganarsu ta gwaranci yake fa’din “Sowi Mommah.” Ya kuma rungumeta, yana fasa kuka shima. Sosai memory ‘din da ya dawo mata yarda Imran ‘dinta yake mata a duk lokacin da ya ganta a
Damuwa, jikinsa kamar an zare laka haka ya shiga takowa inda take idanunsa akan Akram da tun bayan ganinsu yake jin wata fa’duwar gaba.
A gabanta ya dur’kushe ya kama duk hannayenta ya damtse su kamar yarda yake yi a lokutan baya idan yayi mata laifi ya rasa yarda zai yi ya nemi afuwa. Shiru tayi idanunsa cikin na ta kafin ta zare hannunta cikin dakiya