You Cannot Download this book untill you login but you can read it .

---

Login Register

ne bai rubuta komai ba na shiga uku nace tare da yin nadama da haduwa da shi karo na farko a rayuwana don ban san yadda daddy da mama zasu fahince ni ba.
Nayi dana sanin tsaya jiran shi da yace inyi har na tsaya din sam ban kawo komai a raina ba irin haka don ban taba zaton hakan ba dayayi min.
Muryan daddy daya shigo naji ana gaida shi yasa ni kaduwa bai min magana ba har yaci abincin shi ya fita haka na tashi na gyara dakin tsab na fita da na wankewa na wanke a ranan.
Na dawo na sa kamshi a dakin tare da gyara komai a yadda nake bukatan shi a dakin na koma na zauna wayan maryam ne ya shigo tana tambayana yaya muka isa ?
Nace wai kin san abinda mutumin nan yayi mun kuwa maryam nan dai na koro mata labarin abinda ya faru bayan isowar mu gida da driver.
Tace ikon Allah sakayyan da yai maki ke nan ashe kai lallai mutumin nan yaci sunan sa dan Baiwa ne shi din.
Nace ke maryam har kin samu bakin yabashi ko may may kike son in fada ma iyayyena yanzu don Allah wa zance yake gare ni da yai min wanan kyauta haka.
Tace ki fada masu gaskiya taimakon shi kikayi ya saka maki da alheri haka nace ban sin su san ko shi waye tundai Ya Amina .
Dariya tayi tace komai dadewa ai zata sani ne nace amma fa ba yanzu ba koda zata sani din don ban son ta fasara ni da wata manufa.
Har dai dare banji daddy yayi min magana ba haka yasa na dan sake jiki naji shigowan daddy gidan sai na sha jini jikina a daki ban fito yadda na saba muyi hira ba dashi.
Ina nan kwance wayana yayi kara na dauka kamar yadda na rubuta a sunan shi dan Baiwa shi ya baiyana a wayan.
Kamar ba zan dauka ba dai na daga maimakon inyi magana sai na kama kuka nace may yasa zakai min haka don Allah ?
May kake son in fada ma iyayyena yanzu a kan kayan nan yace daddy na gida nace yana nan yace dama shina ke son magana dashi na kira ki yanzu.
Da sauri nace may zaka fada ma daddy din yace gaisawa nake son muyi dasu in masu bayanin kayan ba shike nan ba.
Yasir na kira nace ya kaiwa daddy waya ana magana dashi ban san yadda sukayi ba a wayan har mama naji suna gaisawa da ita.


ZAINAB IDRIS MAKAWA
SEENABU
1/2/21, 7:38 AM - Xxxxx: Bayan gama wayan mu dashi jikina ne yayi sanyi sosai a kan maganganun da yayi sai naji wani iri ba dadi a raina yadda mutum kamar Abdulsamad yake magana da ni haka acikin mutuunci da girmamawa.
Karatun da ban sake komawa gare shi ba ke nan cikin sanyin jiki da tunane barkatai barci ya dauke ni a wurin maryam dai batace dani kala ba a ranan.
Washegari bayan munyi sallah asuba zaune nake saman sallaya na nakasa motsawa abubuwa da yawa ne suke min yawo azuciya na.
Na dauko kura,ani na fara karatu don ka,idane duk safe sai nayi kafin in fita dakina sai dai idan ina cikin lalura a ranan.
Wayana yayi kara ban kula in duba mai kirana ba har sai da nakai karshe sanan na mayar da hankali da wayan da ke neman agaji kuma mai kiran bai fasa kira ba.
Yusuf ne ke kirana akai akai haka mamaki naji don bai taba kirana da safe irin haka ba ga kuma kiran dana gani yayi yawa.
Yasa nace lafiya wanan kiran haka da safe haka na tambayi kaina kiran ne ya kara shigowa again da sauri na dauka don kada ya kara katsewa a lokacin tare da fadin yaya Yusuf lafiya dai.
Naji yace ina kika shiga haka waya nata ringing baki daga ba nace ina zaune karatun kur,ani nake a lokacin yace da kyau yar mama da alama dai ke din babban malama ce hakan na dakyau wallahi.
Tambaya shi nayi lafiya kira yau da safe haka yace ina fa lafiya yar mama ta ruda min ogana kuma abokina nima umurni aka bani akan lallai in kiraki in fada maki don Allah kada ki tafi yau ko gobe ki bari mu shigo abuja gobe.
Katse shi nayi da fadin yaya Yusuf may zan mashi duk abinda nayi kona fada mai da ya faru wanan haka Allah ya kaddara a kan shi.
Sai mu godema Allah da yasa yayi saurin ganewa yasa kuma halin ya dore a gare shi haka kada yayi nadaman mazuru don jiya yakirana wai yana min godiya.
Ni abinda na fahinta shine rashin mai fada mashi gaskiya a tare dashi yadda ya dace yasa buzuwar matar shi ta samu galaba a kan shi haka sosai.
Yanzun kuma na tunar dashi Alhamdullahi tunda ya fahinci gaskiya har yayi niyar gyarawa da kanshi so ni yar barni don Allah ban son matsala ko wani abinda zai jawo ma karatuna matsala.
Dariya naji yayi yace duk mun san da hakan amma ki dan daga muna kafa kijira har mu dawo din please maryam ne ta wafce wayan a hannu na tana fadin insha Allahu zata jira ku dawo yace maryam mun gode da hakan.
Bayan ta kashe wayan na kalle ta nace akan may zan tsaya jiran su maryam ki tuna fa na gama abinda ya shigo dani abuja satin nan iyayyena kuma sun san da haka mai zaisa na kara kwana.
Wanan ba komai bane mai yuyuwa shima so yake ya saka maki da makan mancin abinda kikai mashi idan ya dawo.
Maryam bayi don ya saka min saboda Allah nayi haka tace dole ne tunda yana ganin kin cece shi daga halaka abinda wanan shi bai taba lurar dashi ba.
Don Allah kiyi hakkuri har su dawo din gobe ne fa kawai ba wasu kwana masu tsawo zaki kara ba hakan shiru nayi ban nata amasa ba sai dai zuciyana cike yake da tunanen dalilin da yasa yake son in tsaya sai sun dawo garin zan tafi.
Khadija godiya ya kamata kiyi ga abinda kikayi ya zama alheri gare shi wurin Allah nace nayi maryam kuma na gode ma Allah da haka ya kasance ta sanadina.
Amma maye dalilin shi na son ya tsayar dani wai sai ya dawo zan tafi tunda yasan bashi ke da ikona ba, tace dole akwai dalilin dayasa yace ki dan dakance su din yau da gobe ne fa kawai insha Allahu.
San nan kuma nasan dai dalili daya ne kawai don kin cancanci hakan a gare shi yanzu amma mu bari din har yazo muji.
Kila kuma dai sai kuma ta kama dariya a hasale nace don Allah dai ki bari karki bata min in ce na fasa tsayawan.
Shiru tayi do ganin yanayina daya sauya tasan zan iya abinda na fada din ita kuma bazata so ace na wuce ban jirashi ba.
Haka kawai naji kaina yana sarawa raina yamin mugin baci haka yasa na mike daga wurin na koma saman katifa na, na kwanta ina ci gaba da tunane a raina.

Wayan aminiyar ta takira cikin tashin hankali take mata bayani tana kuka wai samad din ta yana son juya mata baya a lokaci daya .
Don ma idon ta naga ala,amarin shi ne yasa tayi saurin ganewa da wuri ta kare da cewa na shiga uku madam tawa ta samay ne wallahi idan Samad ya fara neman mata ni yaya zanyi.
Tace haba ki kwantar da hankalin ki tunda akwai mafita zamu iya kaishi wurin mai rafanne yasan yadda ya lankwasa muna shi ko uwar shi indai mace ce ya dinga jin ko ganin ta kamar jaba.
Ke dai kada ki nuna mai kin fahince shi lankwasa shi zamu a cikin ruwan sanyi batare da wani hayaniya ba.
Wa ni tun yaushe nagama buda mai wuta wai fa satin nan har kaduna ya shiga ba tare da sani ba kinga ke nan abubuwan sun lalace don samad bai taba shawaran zuwa gida batare dani nabashi shawaran ya tafi ba ko shi sai idan ina da abinyi acan.
Don haka nayi mai kaca kaca kafin yatafi wai ma kin san may wanan zuwan don ki san komai ya fara lalacewa har sayayya yayi masu da zai tafi abinda ban taba gani ba tun zuwa na gidan nan.
Madam tace matsalan ki ke nan Nafisa baki da kwanciyan hankali idan abu yazo maki abishi a sannu sai kinyi hargowan nan naki da kika saba ko yaushe.
Don haka yanzu ki kwanta kamar komai bai faru ba yadda muka saba ta haka zamu fito mashi mu kara kaifin aikin mu a kansa don ba zamuyi sanyi muna kallo Samad ya kubuce muna ba don muna samu a wurin shi sosai.
Don haka ki kwantar da hankalin ki zan shigo gidan naki sai mu tsara yadda zamu shawo kan ala,amarin tace da ita
Madam hankalina baya kwanci don natsani in bude ido inga samad yana mu,amula koda na aiki ko na yan uwantaka da wata mace a duniyan nan musan man matan hausawa yan uwanshi.
Kada ki damu madam tace da ita zanzo gobe sai muyi magana a tsanake amma fa sai kin kwantar da hankalin ki .
Ajiyan zuciya ta sauke tana fadin zanyi kokari hakan suna gama waya ta sake kiran wata wai hajiya Auta da ke mata shige shige a kaduna.
Itama bayani tayi mata na halinda take ciki tace kada ta damu gobe zata je mata zaria wurin malamin da take zuwa tayi mashi bayanin halinda take ciki.
Daga nan kuma gida Niger ta kira tayi ma yar ta wace ke mata shige shige acan bayanin halin da take fuskanta daga Abdulsamad din yanzu tace kada ta damu za,a yi komai yadda ya dace.
Sai lokacin hankalinta ya kwanta don tana ganin kamar har anyi aikin mako don ta yi believe da aikin bokaya da malamanta sosai.
Shawaran da madam ta bata take so ta fara aiwatarwa indan ya dawo daga kadunan inda take sa ran dawowan shi yau din don tasan ba zai wuce kwana daya ba can tunda ba tare suka tafi ba.
Nikan nace Abdulsamad da sauran mazan dake cikin irin halin nan sun shiga uku ga matan su ruwan sha surukule abinci ma haka wurin kwanciya ma hakane Allah ya tsare ya kare ya shirya zukantan mu.
Baidawo ba ranan kamar yadda tayi tsamani abinda ya kara tayar mata da hankali ke nan ta kwana a cikin tashin hankali da damuwa.
Yana gurfane a gaban hajiya mama yana mata sallama zasu tafi inda take zaune akan kujera falon ta .
Akwai wani nauyi da kawaici dake tsakanin shi da mahaifiyar tashi tun farko kansancewar shi dan fari a gurin ta ba wani sakewa ko shakuwa mai yawa a tsakanin su tun farko don kawaici.
Ya dubeta sanan ya sunkuyar da kanshi tare da fadin hajiya mu zamu koma ke nan ta dan dubeshi ta kawar da kai gefe tace.
Allah ya kai lafiya mun gode da hindiman da akaimu Allah ya karams dukiya albarka cikin sauri suke hada baki da Yusuf wurin cewa amin hajiya mungode.
Sai dai kuma rufe bakin su yayi daidai da cewan ta yaya zancen iyali ka kuma har yanzu bamuji shawaran da ka yanke a kai ba kai suka dukar kasa gaba dayan su don basu zaci hajiya zata kawo wanan zancen ba a yanzu.
Taci gaba da fadin babangida kayiwa yarinyar nan adalci da diyan ka don ko sune ne jigon ka watarana kana ganin wanan abinda ka dauko na tallaban wata wace ko haihuwa bakuyi da ita ba zai haifa maka da mai ido gobe.
Yaran nan fa girma suke yi yanzu idan har suka san abinda kake yi ma uwar su kana ganin abin ba zai shafe ruwan ka ba wataran.
Yusuf ne ya kawar da shirun dakin bayan hajiya ta gama magana yace hajiya a dan bamu lokaci kadan don Allah akwai shirin da muke yi komai zai zama daidai bada dadewa ba da yardan Allah.
Sai dai a taya mu da addua da rokon Allah wanda shi muke bukata gare ku yanzu amma nan gaba kowa zai dara in Allah ya yarda.
Allah ya yarda tace dashi bata kara magana ba suka mike suna fadin zasu tafi ta bisu da addua wanda yasa zuciyar shi jin kamar an gafarta mashi a lokacin.
Abinda ya dade bai samu ba daga gare ta idan yazo da fada sukan rabu a gidan rayuka sukan baci sosai.
Tunda suka kama hanya ba wanda ya iya magana a cikin su kowa da abinda yake tunane aranshi saida sukai nisa Yusuf yace wanan abin yayi min dadi matuka.
Yau hajiya ta rakamu da addua tare da fatan alheri a gare mu abinda ta dade batai muna fatan alheri da sakin fuskan da muka samu gareta ba irin yau.
Murmushi yayi tare da kwantar da kan shi saman widow motar yana lumshe idon shi cikin jin wani irin yanayi a jikin shi.
Har suka iso Abuja kamar bai cikin motar gida ya wuce dashi direct inda ya samu gidan kamar yadda ya barshi Nafisa ce da yan uwanta suke yadda suke so su kadai a gidan babu kowa nashi a ciki.
Bayan sun gaisa ne ya haura zuwa sama dakin shi ya fara rage kayan jikin shi don ya dan watsa ruwa ya kwanta ya dauki lokaci a bayin kafin ya fito ya fara saka wasu kaya masu sauki a jikin shi don ya sha iska.
Yana saka kayan Nafisa ta shigo dakin bako sallama tana cewa kun dawo ashe yadan juyo ya kalleta ya mayar da hankali ga abinda yake yi din.
Ba laifi yau ta sa kaya masu dan kyau a jikin ta da alama kila tafita ne ko zata fita din don idan ba fita zatayi ba ita kwalliya bai damay ta ba haka take zama a gida ga kaya nan kamar ya kashe ta kuma bata kyauta wasan dadi.
Cike da sallo ta karaso gare shi ta amshi dan tawul din da yake tsane jiki dashi tana goge mai kai tare da fadin kaje gida hankalin ka ya kwanta ke nan ?
Bai mata magana ba haka kuma bai saki fuskan shi ba har lokacin tace nayi mamakin zuwan ka gida a wanan lokacin bayan ba haka muka saba zuwa ba.
Yace banda daman zuwa ganin mahaifana sai mun tsara dake ko may ba haka nake nufi ba gani nayi ya kamata ace nasan da zuwan ka tun wuri ai.
Sai da ya soma tafiya yace yanzu na canza sallon tafiya ne ba dole bane sai naje dake indan zan tafi don kema idan zaki gida ba binki nakeyi ba ai.
Cikin yanayi mamaki tasha gaban shi tace may kake nufi da fadin ka canza tsarin ka yanzu yace komai ma don na fahinci baki kaunar yan uwana yanzu da ci gabana.
Na fahinci sakin fuskan da nake maki ne ya jawo min abubuwa da dama daga gare ki na koma nine mata kece miji a yanzu gidan nan.
Don zan tafi wurin iyayyena har kike tayar da jijiyoyin wuya wai jayi masu sayayya ke nawa nake baki idan tafiya gida ya kama ki.
Kuka ta sa mashi wai yayi mata gori kan abinda yake mata ita da iyayyen ta kallon ta kawai yayi ya fara kakabe gadon shi inda yake son ya kwanta cikin kuna rai.
Ta dawo bakin gadon bayan ya gama kakabewa ya kwanta ta zauna a bakin gadon tashi gaba tana kukan munafunci.
Sai da kukan ya ishe ne ya juyo gare ta yana fadin kukan ya isheni hakana in zaki gyara ki gyara dan gaba tace haba Samad may kake nufi da maganan da ka fada min.
Kana nufin ina hanaka yiwa yan uwanka alheri ke nan yace baki hanawa kikayi bakin ciki ga abinda zan dan kai masu a gaban kowa.
Tace kowa su wa baidai Yusuf bane gurin da sauran drivobin ka yace su ba mutane bane komai tace to kayi hakkuri haka ba zai sake faruwa ba insha Allahu.
Nasan ban kyauta raina ne ya baci a lokacin bayin kaina bane ka sani son kane ya rufe min zuciya na.
Yadan dubeta yace don kina sona sai ki hanani yima iyayyena da iyalina alheri ko may kai min afuwa ba zan sake ba tana fitar da hawaye gwanin ban tausayi.
Nace naji ya wuce kuma kada ki sake yi min haka don ranki zai baci dani idan kin sake ina son in kwanta in huta ne haka yasa ta mike ta fita jiki a sabule da ita.
Mamaki take a zuciyar ta yau ita Samad ke da bakin fada mata haka da bakin shi babu shayi ko tsoron da yake gwada mata.
Tace zaka san koni waye idan na kulleka a wuri daya a karkshin ikona ba yan uwanka ba har iyayyenka da iyalin ka sai abinda nace maka a kan su.
Kwantawa yayi don ya huta amma ya kasa samun sukuni a lokacin saboda damuwa dayayi mashi yawa ga tunanen zuwa ya duba khadija ya damay shi ga kuma Nafisa da ta fita tana kuka yanzu a dakin.

Mun gama exam na dawo hostel tun jiya da na shigo ba fita ko kofan gida ba ina jin ya gidan nata parkin suna fita daya bayan daya a gidan.
Kwaciya na gyara ina jan tsoki haka kawai an tsayar dani don wani bukatan da ban sani ba an bata min lokaci na ga banza.
Da yanzu ina gida don tun da yamman jiya naso wucewa tunda ba wanj mugun nisa ke ga Abuja zuwa minna ba ko goma na dare zan iya tafiya gida idan na so.
Wayana yayi tsuwa ban yi saurin dagawa ba sai da na lalabo na dauka naga ya Aminace take kirana a lokacin .
Dauka nayi ina mata sallama bayan mun gaisa da ita ne take tambaya na kama hanya karya nayi mata nace ban gama ba sai gobe zan gama sai in tafi tace Allah ya kaimu.
Na tambaye ta ina su boy yaron ta tace sun shiga wurin mommy ta aike su can.
Nace ke dai da mommy sai Allah anty tace suna da kirkine mutanen akwaisu da so jamma,a sosai wallahi.
Dan murmushi nayi kawai tace ah ai na manta in fada maki mutumin ki fa yazo gida ya kawo wa iyayyen shi da matar shi alheri da yan uwa kowa yana ta mamakin sauyi da aka gani a gare shi.
Nace ah haba dai don Allah tace wallahi baki ga irin alherin da ya kawo masu bane khadija nima da na shiga gidan mommy take nuna min .
Nace shidai ya sani ai kila buzuwan matar shi ta barshi ya kawo masu ne tace bai ma zo da ita ba ai shika dai yazo wanan karon.
Nace kila shiyasa ya samu kawo masu alheri tace waya sani khadija Allah dai ya kyau ni ba kishiya nake gudu ba irin wa yan nan matan dake juye kan miji a lokaci daya ka rasa gane kan mijinka ne abin tsoro ai.
Nace da sauri No no ya Amina don Allah kada ki hada yaya da wanan mutumin don ba halin su daya ba ma tace saboda may shima ba namiji bane irin sa nace na fada maki ba daya suke ba ya Amina.
Tace Allah ya sauwaka nace amin tare da kawar da zancen nace idan naje gida may zance ma daddy tace nima ai zanzo kafin ku koma school idan anty hauwa ta haifu.
Don ina ganin tun last month ake sa ran haihuwan ta gata ta wuce lokacin ta nace ashe cikin ya tsufa haka ne muna gida zata haihu ke nan tace insha Allahu.
Mun gama waya mun kashe na ci gaba da tunanen hiran mu da ya Amina din murmushi nayi nace baki san komai ba yar uwa.
Zaki sha mamaki idan kin san nice mai shirya wanan plain din haka murmushi na dan sake nace ashe nima shu,umar kaina ne ban sani ba.
Kiran Yusuf ne ya shigo min yana tambayan ina ina nace hostel a takaice yace akwai mutane ne nace akwai su amma kadan yace gashi nan zuwa yanzu sai kazo nace dashi ya kashe wayan.
Maryam ta dawo daga wurin gyaran kai ta samay ni akwace take fadin ai na dauka barci kike yi nace na fara ya Amina ta tayar dani ga waya.
Nan nake bata labari hiran ya Amina dani tayi dariya tana bude tukuyan abincin mu tace bata san ke ce mai director ba yanzu na zuciyar shi.
Da sauri nace zuciyar shi fa kikace tace uhumm wai ke baki sani ba idan baso a tsakanin ku kina nufin zai ko kalle ki ne ma.
Shiru nayi ban bata amsa ba sai da ta zauna nace wai ke da tunanen ki ke nan akai mu tace bani ba kowa ma saboda kun dace dashi.
Nace baki ji ba ke nan don babu ta ida muka dace dashi wallahi ni ina ni ina wanan miskilin mara dariya da fara,a.
Zaiyi dariya wata rana sai kinyi mamaki zakice nace maki watarana amma fa idan kinyi nasaran canza shi din don kan ki ne zaki taimaka ba wani ba.
Nace a a gyara maganan ki dai maryam don ba gaskiya zuciyar ki take fada maki ba tayi murmushi ta soma cin abincin ta.
Yusuf ya kirani yace fito gani a waje ban bata lokaci ba na mike saboda na matsu inji abinda yasa suka tsayar dani garin har wanan lokaci.
Dan simple makeup nayi na fito a can nesa da mu na hango motar su a fake na karasa inda yake da sallama na gareshi.


ZAINAB IDRIS MAKAWA
SEENABU
1/2/21, 7:38 AM - Xxxxx: Agidan su kuma Nafisa ne ke waya da kawar ta da ta baro kaduna wace suke kira da madam a cikin su tantiriyace ta kwarai na fada.
Da mijin ta sai dai kamar itace mijin ba mata ba don sai yadda tayi da mijin a gidan idan tace kada ya zauna bai isa ya zauna ba.
Atakaice dai ya zama mijin tace ga madam ko kawayen nata zasu iya aiken shi ya tafi komai nisan wuri koda da kafane sai yatafi yadawo.
Itace Nafisa ta kira tana son fada mata abinda ya faru da ita bayan barin su kaduna ta dauko wayan ta madam ta soma nema a wayan sai dai wayan nata ringing ba a daga wayan ba takaici ne ya kama Nafisa.
Ta ja tsaki ta na fadin yar iskan ko gidan uban wa ta shiga waya nata ringing haka bata dauka ba har ya katse bata dauka ba kin sake kiran layin tayi a lokacin sai taci gaba da tunanen ta tanayi tana kada kafan ta daya dake har de.
Babu abin da take tunawa sai irin shirmay da