You Cannot Download this book untill you login but you can read it .

---

Login Register

gamawa jami’ar Ahmadu Bello ta dauke shi aiki a tsangayar Mass Communication a matsayin assistant lecturer, sabida kyawun takardunsa. Ishaq shi kadai ya koma Nijar da zama wajen iyaye da iyalinsa.

A ‘ya’yan Inna Bintou mata sun fi yawa, na Kasisi maza sun fi yawa, izuwa wannan lokacin manyan ‘ya’yan Inna Kasisi Edrissa da Oussama sun zama manyan attajirai a Yamai (Niamey) daga sana’ar da suka gada daga wajen mahaifinsu, wato shigo da shinkafa da sauran kayan abinci daga kasar Faransa zuwa Niger. Sun buge gidan mahaifinsu sun gina katon gida na zamani, ginin attajiran Nijar. Gidan ya zama mai sassa daban-daban, sassan iyayensu mata, sassan Malam, sassan matansa, na ‘ya’ya maza da sassan ‘ya’ya mata (jikoki), kasancewar yawancin jikokin gidan a gidan Malam Razee suke rayuwarsu. Gida mai cike da kyawawan ‘yammata da kyawawan samari kamar kana cikin birnin Punjabta kasar Hindu.
Gidan Ibrahimu Sarhamu Razee kenan.
*****

ASALIN SU
Asalin kakansu Malam Ibrahim Razee ba dan kasar Nijar ba ne, iyayensa larabawa ne na sahara, wadanda suka fito usul daga saharar TOMBOUCTOU. Ita Tombouctou karkashin kasar Mali ta ke, larabawan ta ma’abota sanin addini ne masu yawo a kan rakumansu cikin kasashen Africa suna neman ilmin addinin musulunci a duk kasar da suka ji labarin ta shahara wajen yada musulunci. Ba su da wata sana’a sama da kiwon dabbobinsu.
A irin yawon neman ilmi da suke yi sun shiga manyan kasashen Africa masu yawa, irin su Mouritania, Sudan, Ethiopia (Habasha), Somalia, Algeria, Libya, Senegal da Malawi. Daga karshe suka shigo Chadi, suka gangaro kasar Niger. A daidai wannan lokacin Niger ta samu ‘yancin kanta daga hannun Faransa a shekara ta (1960). Lokacin da suka samu kansu a Niger sun yada zango a Tessoua inda mahaifin Malam Razee ya tabbatar musu da ya ga gurin zama sabida albarkar wajen da habakar dabbobinsu. A lokacin ita kanta Tessoua kauye ce kayau, ba ta kai ga zama jiha ba.
Mahaifin nasa ya zama babban malami mai bada karatun buzu a Tessoua, a hannunsa duka ‘ya’yansa suka yi karatu, wadanda dukkansu maza ne. Ibrahimu shi ne babban dansa. Yahayya ke binsa, sai Lamin, Hassan da Hussain. Wadanda ya haifa da matarsa daya tilo ‘Zainabou’ wadda ya aura a nan. Buzuwar Tessoua ce ta asali iyaye da kakanninta.

Barkowar ‘yancin kai Nijar, da yaduwar sabbin sana’o’i bayan kiwo a tsakanin matasa cikin manyan biranen Nijar da makobtansu, irin Mali da Chadi, ya sanya wa Ibrahim Sarhamukwadayin barin gida domin neman na kai. Ya kuma roki mahaifinsa da ya ba shi dabbobinsa ya yi jari cikin tarin dabbobinsa, ya ce ba zai taba raba shi da kiwo ba, amma zai ba shi wani abu daga ciki, sannan zai ci gaba da yi masa kiwon rabi kafin ya dawo. Kiwon dabbobi da rakuma shi ne abin da suka gada daga iyaye da kakanninsu, ko bayan ransa bai yarda su watsar ba. Ko ba ya nan kannensa za su yi masa a Tessoua.
Ibrahim Razee ya shiga Yamai (Niamey) da kafar dama. A lokacin da matasa daga kowanne sassa na Africa ke silalowa cikinta, sakamakon (territoire de la capitale) wato capital territory da aka yi mata bayan Faransa ta ba su ‘yancin kai ranar 3 ga watan Agusta 1960.

Kasuwanci iri-iri ya gwada a kasuwar Nouhou market, inda daga karshe na hatsi wato kayan abinci shi ya fi karbarsa. Ya je garin Zinder duk kan sana’arsa ya ga Kasisi ya aure ta, ya tafi da ita Yamai. Sai da Kasisi ta yi haihuwa biyar ya auri Bintou, ita kuma daga Arlit. A lokacin mahaifinsa ya jima da rasuwa, lokaci-lokaci yana zuwa gida ya ga ‘yan uwansa da mahaifiyarsu, wadanda duka sun yi aure sun hayayyafa a can su ma, Yahayya shi ne ya gaji mahaifinsu wajen bada karatun buzu, shi ne kuma yake rike da ragamar gidan da sana’arsa ta kiwo. Duk da a lokacin Ibrahim bai yi wani karfi ba a hakan yana taimaka wa ‘yan uwansa sosai.
Wani zuwa da ya yi da iyalinsa bayan auren Bintou da haihuwarta ta fari, ya tarar da rasuwar mahaifiyarsa.
Wannan karon tunda ya bar gida ya dukufa neman na kai, ya mallaki karamin gida a unguwar (Liberte), unguwar talakawa ce a Yamai. Zamani na kara habaka, masu sana’ar kayan abinci suka gane wa sabuwar hanyar shigo da shinkafa da sauran kayan abinci na alkama irin su macaroni, taliya daga kasar Faransa zuwa manyan biranen Nijar ba Niamey kadai ba. Sai dai ita din ta zame musu cibiyar kasuwancin. Wannan shi ne silar arzikin Malam Ibrahim Sarhamu Razee da tarihin zamansa a babban birni (Niamey), kuma asalin su Aalimah, iyaye da kakanninsu.
*****

A Yamai Zulaiha ta haifi danta na fari, wanda Ishaq ya radawa sunan mahaifinsa ‘IBRAHEEM MU’AZZAM’, shekarar Mu’azzam daya Ishaq ya samu aikin da ya kai shi kasar Amurka a Niger Consulate America. Suka tattara suka koma kasar Amurka shi da iyalinsa.
Ya jima yana aiki a consulate na kasarsu kafin hanyoyi su bude masa sosai, ya koma karkashin siyasar gwamnatin kasar mai tabbataccen aikin gwamnati a hannunsa, ya ajiye aikin consulate a gefe ya zama dan kasa mai zaune da cikakken lasisi. A can ya haife sauran yaransa hudu daya bayan daya; Abulkhairi, Basma, Khalisat da Yasmin. In ka hada harYayansu haifaffen Yamaisun zama su biyar kenan.
Bayan dawowarsu Amurka Mummy Zulaiha ta ci gaba da karatu, inda ta yi digirinta a fannin tsimi da tanadi (Economics). Yanzu haka MummyZulaiha Raazee ma’aikaciyar banki ce da (JPMorgan Chase). Girman kai da fadin raisai abin da ya karu cikin halayenta. Al’adunta duk sun juye sun zama na al’ummar da ta ke zaune da su.
A hakan kuma ta raini ‘ya’yanta mata guda uku, mazan kam Babansu na matukar kokari a kansu, a halin yanzu yana jan su a jikinsa yadda ya kamata.He’sspending most of his leisure time with them yana dora su a kan tafarki mai kyau tun bayan mummunar kaddarar data shigo rayuwarsu. Da ma an ce ‘ya mace ta Uwarta, Da namiji na Ubansa.

Suna daukar lokaci ba su je Yamai ba, amma in suka je din suna jimawa. Suna kuma zuwa Kano wajen dangin Mummy, saboda mugun hali irin na Zulaiha ko nata dangin ba ta ja a jikinta, ba ta taba daukar wani nata ta kai inda ta ke ba. A haihuwar Basma ne shi Ishaq ya biya wa mahaifiyarta da Yayarta da Inna Bintou suka je, Inna Kasisi ta ki zuwa, don ba ta son duk wani sha’ani da zai hada ta inuwa daya da Zulaiha, zuciyarta ba za ta dauka ba.
*****

3094856450
Sumayyah Kabara
Firstbank
Price 1&2 N400
6/28/21, 7:31 AM - Buhainat: 🌹 *Aalimah**🌹
*SUMAYYAH ABDULKADIR TAKORI**

07030137870

FREE PAGES 3

MANSOUR RAAZEE
Sanda Yayansa Ishaq ya koma gida Yamai, shi kuma jami’ar ta rike shi don ya yi mata aiki bayan kammala hidimar kasarshi. Ya je ya ga iyayensa, ya kuma gaya musu samun aikinsa a inda ya yi karatu, atafau Inna Kasisi ta ce ita ba ta yarda ba, tunda babu Ishaq ya dawo gida ya nemi aikin ya yi aure. A nan yake gaya musu ya samu mata a Zaria abokiyar karatunsa. Nan ma Inna Kasisi ta yi tsalle ta dire ta ce ba ta yarda su kara yo mata wannan auren ba, ga Zulaiha nan da aka auro ba dadinta suke ji ba.

Mansour, ba shi da abin da zai ce da mahaiafinsu a duniya sai Allah ya ji kansa, ba don ya mutu ba. Yadda yake din bai yi karatun zamani ba, amma wayewarsa da rayuwa da yadda yake tafiyar da tsarin rayuwarsa babu matsi babu takura ga ‘ya’yansa, in har ba addini suka kauce wa ba, wane wani Farfesan. He is very soft on them (shi mai tausasawa ne a garesu). Shi ya tsaya masa ya auri ‘Aseeya’ diya ga shugaban jami’ar na wancan lokacin.
Aseeya ‘yar ajinsu e wadda ta fi duk ‘yan ajin kankantar shekaru. Babanta V.C, uwarta Dr. duk a jami’ar Ahmadu Bello. Asalinsu ‘yan Maiduguri ne daga kabilar Margi, aiki ya kawo mahaifinta A.B.U Zaria inda mamanta ta yi doctorate dinta a Microbiology, ta fara lecturing a nan itama, shi kuma yana matsayin V.C.
A nan cikin A.B.U aka haife su ita da Yayanta Suraj, ajinsu daya ita da Mansour Raazee a tsangayar aikin jarida.
Da fari haduwar jini ce tsakaninsu da aron note da yin tutorial in jarrabawa ta matso wanda ya rikide ya koma soyayya tsantsa. Tun abin bai yi nisa ba iyayenta suka so su dakatar kasancewar Mansour bakon haure. Suna tunanin watarana zai dauke musu ‘ya, ya mayar kasarsu.
Amma da Malam Ibrahim Sarhamu Razee ya tako da kansa tun daga Niamey shi da manyan ‘ya’yansa Oussama da Edrissa suka zo har Maiduguri nema wa dansu auren Aseeya, Prof. Kashim, kasa badawawannan farin ba’abzinen dattijon mai kama da Larabawan Hijaz kasa a ido ya yi, sabida haiba da kamalarsa. Ya kuma yi duk iya binciken da zai yi a kan Mansour, inda ya tarar asali kam sai dai ya gaya wa Aseeya, tun kafin zuwan Malam Ibrahim.
Ba da jimawa ba aka yi auren Aseeya da Mansour, suka tare a gidansa da jami’ar ta bashi, shekara na zagayowa ta haifi Da namiji, ya sa masa suna Aboubacar.
Sai da Aboubacar ya shekara bakwai aka haifi ‘AALIMAH’, ita ma sai da ta shekara biyar aka fara yi mata kanne; Sultana, Suhaima da Sabrina.
Har inda yau ke motsi Baban Aalimah Malamin jami’a ne mai matsayin Dr., Amma sun bar Zaria sun koma jami’ar Bayerota Kano bayan rasuwar mahaifin Aseeya, wato Prof. Kashim, mahaifiyarta ta koma Maiduguri cikin danginta.
Wannan ya tayar da hankalin Aseeya ta ce ba za ta iya ci gaba da zama cikin A.B.U ba, tana kallon kofar gidan da iyayenta suka rayu, hakan yana dawo mata da memories na rayuwarta tare da su. Har sai da ta samu matsala a kwakwalwarta (anxiety). Duk son da Mansour ke wa A.B.U haka ya barta ya koma Bayero don kwanciyar hankalin maidakinsa.
A sannan ne suka fahimci wani babban jigo nasu a Nigeria ya fadi (Prof. Kashim), ta ajiye aikinta da ta ke yi a gidan talbijin, sai abin da Mansour ya kawo, kusan komai da ta saba na rayuwarta dainawa ta yi. Da aka raba musu gado ta yi wa nata adani sosai a banki da wani kuduri a zuciyarta.
Yana kai ta Maiduguri akai-akai wajen mahaifiyarta da danginta, kuma suna zuwa Yamaiwajen nashi iyayen a duk sanda suka samu hutu.
A sannu Inna Kasisi ta fahimci Aseeya ba halinta daya da Zulaiha ba, they are totally opposite in every aspect.
Sonsu ta ke da zuciya daya, tare da girmama ko da kare ne in dai daga Nijar ya fito, sabida son da ta ke wa mijinta,. Yayanta Suraj ya bar kasar tun mahaifinsu na raye, tun daga zuwa karatu a kasar Canada ya yi zamansa a can musamman da mahaifinsu ya rasu, mahaifiyarsu ta koma Maiduguri, bai kara sha’awar dawowa Nigeria ba.
*****

Aalimah tun suna kanana suka taso da fahimtar cewa, mamansu is a mental patient, sannan suka fahimci Babansu na tsananin sonta. Tana daukar lokaci lafiya kalau don tana kan shan magani, amma in abin ya tashi ba Babansu kadai ba su kansu suna jin jiki. Babu duka babu zagi sai kuka. Za ta kwana ta wuni tana kuka kamar ranta zai fita babu gaira babu dalili. Ta bar shiga komai nasu, ta bar yi musu girki. A irin wannan lokacin Babansu ke yi musu komai; wanka, girki, shirin makaranta, wankin uniform da dukkan hidimar da uwa ke yi wa ‘ya’yanta.
Da Aboubacar ya soma hankali shi yake kula da Maman. Baban ya kula da su ita da su Sultana. A haka suka taso da wata irin shakuwa matsananciya tsakaninsu da Babansu, Mamansu tana da tsauri a kan tarbiyyarsu, hakan ba ya nufin ba ta sonsu, amma tana da zafi. Ba su nemi komai sun rasa ba, amma ba su da wadatar da sauran ‘yan uwansu na Yamai ke da shi.
Babansu bai dogara da komai ba sai albashinsa, sannan ba shi da halin rokon ‘yan uwa wai don sun fi shi wadata. Ya dogara da kansa ya tsare wa iyalinsa komai na bukatun rayuwa daidai misali, irin na kowanne cikakken dan boko. A halin yanzu Dr. ne shi a jami’ar Bayero a tsangayar kimiyyar sadarwa.
Aalimah na matukar son zuwa Yamai, ta iya harshen mahaifinta sosai don kusan duk wani hutu mai tsawo a can ta ke yinsa. Inda za ta hadu da ‘yammatan family sa’anninta su Balkissa ‘ya’yan Kawu Oussama su yi ta dabdalarsu tun suna yara. Ko a cikin jikoki Aalimah ta daban ce a wajen Kakansu. Sakamakon ita kadai ya sanyawa sunan mahaifiyarsa.
Yana sonta son da ba ya iya boyewa, kowa ya kwana da sanin hakan a familyn, Aalimah ce ta gaban goshin Mallam. Kuma shi ya zaba mata wannan suna na Innarsa (Aalimah) wato mai ilmi.

‘Margi’ da ‘Abzin’su suka hadu suka haife Aalimah, don haka na bar wa mai karatu ya siffanta kamannin Aalimah Mansour yadda yake so. Babu wanda ya damu da yin wani abu wai shi auren zumunci a wannan family kowa yana kawo wanda yake so ne ya aura, don haka babu rikici babu rashin fahimta, kansu a hade yake kamar tsintsiya. Sai dan abin da ba a rasa ba, wanda ba ka rasa shi a kowanne extended family, shi ma ya fi yawa a tsakanin faccaloli (matan ‘ya’yansu), amma jikokin gidan da ‘ya’yan gidan kam kaf dinsu kansu a hade yake.

Haduwar Aalimah da Mahmoud ta faru ne tana ajin karshe a sakandire ta staff school inda ta yi sakandire. Mahmoud abokin Yaya Aboubacar ne, tare suka yi karatu a nan B.U.K. Mahmoud bakatsine ne, wanda ya fito daga karamar hukumar Kaita ta jihar Katsina.Da suka zo yin hidimar kasa aka kai shi wata makaranta da ke daura da sabuwar jami’ar Bayero.
Daddyn su Aalimah ya san irin abotar da ke tsakanin Aboubacar da Mahmoud, don haka da Aboubacar ya zo yana nemawa Mahmoud alfarmar zama tare da shi a nan boys quartersdinsu wajen mahaifinsu, Daddyn ya amince, amma kuma ya ce masa ya gaya wa Mahmoud dokarsa ita ce; karfe tara na dare yake rufe gida, in ya amince ya zo ya zauna babu laifi.

Zaman Mahmoud Kaita a gidan Dr. Mansur Razee zama ne na aminci. Ya samu iyalin Dr. mutane masu karamci, tarbiyya, tsantsar ilmi da son junansu. Dole duk wanda ke gaba da kai a haihuwa ka ce masa ‘Yaaya’, ka dinga respecting dinsa. Wannan ne babba abinda ya ja hankalin Mahmud ga son hada jini da iyalin Dr. Mansour Raazi. Tsakanin Daddy da yaransa auzinanci suke yi ko yaren Temachekwato harshen Inna Kasisi, Mama ce kadai ke musu Hausa da Turanci. Wani lokacin ma tana musu Margiduka ba wanda ba sa ji. Duka yaran gidan sun saba da shi, suna kula shi kamar Yayansu Aboubacar, banda Yayarsu Aalimah.

Wata mutum guda daya a gidan Dr. Mansur Razee mai wani irin halina seriousness irin na Babanta. Ba ta da hayaniya, ba ta da sakin jiki da mutane. She’s very authoritative ga kannenta, kuma sosai suke jin tsoronta. Shi kansa Yaya Aboubacar wani lokacin sai ya ji tana commanding dinsa. Abin yana ba shi dariya sosai. Kafin ya ankara, ya zama infatuateda kan Aalimah,so much so that, in ya wuni bai ga giftawarta ba, sai ya yi ta zarya kamar zararre a cikin gidan ko ya tambayi Sultana cikin hikima. Sau tari yarinyar kan ce masa, ‘karatu ta ke yi’, kuma ‘ba’a yi mata magana in tana karatu’. Ta hakan ya gano cewa; karatu is the best hobby for Aalimah, kuma da shi zai yi amfani ya jawo hankalinta gare shi.
Aka yi sa’a Aboubacar ya tafi Yamai a safiyar wata litinin zai halarci daurin auren daya daga cikin cousins dinsa dan Kawu Saddam wato jikan Inna Bintou. A ka’ida kuma Aboubacar ke yi musu extra lesson kullum bayan sun dawo daga islamiyya wadda ita ma a nan cikin New Site ta ke, don haka Daddy ya dora alhakin koyarwar a wuyan Mahmoud kafin dawowar Aboubacar.
Wannan shi ne mafari, mafarin soyayyar Aalimah da Mahmoud Sulaiman Kaita.
Ta samu Mahmoud irin mazan da ta ke burin aura, wato yaro dan boko mai kwakwalwa da nunawa macen da suke so soyayyah a fili kamar duk duniya ba wata macen sai ita. Kafin dawowar Aboubacar sun shaku fiye da zato, sai daga baya ya fahimci ko me suke ciki.
A zuciyarsa ya yi musu fatan alkhairi, amma a fili ya dora wa mu’amalarsu ido, har ya fahimci tsaftacciyar soyayya ce suke yi wa juna, Mahmoud ba yaudarar kanwarsa yake da niyyar yi ba, har ya gama hidimar kasarshi ya koma garinsu Katsina, shi da Aalimah remains in contact ta wayar Yaya Aboubacar ba tare da sanin Mama da Daddy ba wadanda ya san ba za su taba amincewa aurar da Aalimah a daidai wannan lokacin da ko sakandire ba ta gama ba, shi kuma yana son abokinsa da Aalimah don ya san in har ta aure shi to ta yi miji, wanda zai rike masa ita da daraja da mutunci har karshen rayuwarta.
Dalilinsa kenan na kyale su suka ci gaba da contacting juna ta wayarsa. Don Aalimah a lokacin Iyayensu basu bata damar mallakar waya ba. Bayan komawar Mahmoud garinsu, ba da jimawa ba ya samu aiki da hukumar zabe ta kasa a can Katsina, ita kuma Aalimah ta gama jarrabawar fita sakandire a shekarar. Ba jimawa sakamakonsu ya fito, tana daga cikin zakarun gwajin dafin da (BUK staff school) ta yaye a shekara ta 2015.
A wannan lokacin ne Maman su Aalimah wato Aseeya ta samu mijinta da takardun banki,mai dauke da sunanta na fixed deposit account da ta bude da gadon mahaifinta. Kudi ne zunzurutu da a iyakacin rayuwarsa bai taba mallakar ko da rabinsu ba. Ta gaya masa kudurin da ta ke da shi, wato tana son kai Aboubacar karatu jami’ar da mahaifinta marigayi V.C ya yi a kasar America. Tana so Aboubacar ya gaji Babanta. Watarana ya zama kamarsa....as the only male child she have (a matsayin sa na Da namiji daya kwal data mallaka).
Murmushi Daddy ya yi ya dube ta sosai cikin idanunta, sannan ya soma magana.
“Aboubacar bai da sha’awar hakan, bai da sha’awar ilmi mai zurfi,abinda yake mafarki kawai(is to become a banker), amma kina da wani dan, da zai iya cika miki wannan burin. Amma fa in za ki kauda kowanne irin tunani ki bada kwarin gwiwaâ€.
Da mamaki ta ke kallonsa,
“Duk ‘ya’yana mata ne Daddy, he’s the only male one....â€.
“… Mace ma mutum ce!â€
Ya yi hanzarin katse ta.
“…Amma me rauniâ€. Ta ba shi amsa.
“Idan za a yi ta kallon rauninta ba za’a ba ta damar bada gudunmawarta ga al’umma ba. Musamman in aka fahimci cewa tana da motive a kan neman ilmin. Don haka in har amincewa ta da shawara ta ki ke nema, to Aalimah ce za ta tafi karatu ba Aboubacar ba. Shi ya ci karfin duk wani karatu da zai yi a gaba, tunda yana da kwalin degree. Duk wani abu da zai kara karantawa a gaba ado ne kawai ga na bayaâ€.
Mama ta yi shiru tana tunani, kafin cikin sanyin jiki ta ce,
“Daddy ka fahimce ni, ba kasancewar Aalimah mace wajen karatu ne abin dubawa ba. Yadda tafiyar mace wani waje bata halatta ba tare da muharrami ba. Aalimah ba mu yi mata aure ba, mu dauke ta mu kai ta kasa irin America mu ajiye mu ce ta yi karatu babu idon kowa a kanta babban kuskure ne duk irin tarbiyyarta.
Ubangiji ma sai ya tambaye mu. Na sani bokonka mai zurfi ne, irin wanda ke hana ku daukar hakan da muhimmanci, amma hakan zai zama mana damuwa a gaba, kada garin neman gira a rasa idoâ€.
Ta karasa cikin karyewar murya.
Murmushi Dr. Mansur ya yi ya ce,
“Na fahimce ki, na kuma fahimci abinda kike so na fahimta, ni ma ba zan amince ta zauna a hostel ba, hannun Yaya Ishaq zan damka ta. Ta zauna cikin iyalinsa.
Fadamiki ne ban taba yi ba, ya sha cewa in ba shi ita ya hada da yaransa su Basma ya rike ina cewa, sai ta gama makaranta. Ni ma kuma akwai nawa tanadin da na dade ina yi don haka kudin nan naki ki yi tunanin business din da za ki fara da su, ni zan dauki nauyin makarantar Aalimahâ€.
Nan Mama ta nuna ba ta yarda ba, ta san ba shi da wannan halin, amma ya ce ta kyale shi.
Abinda Mama bata sani ba shine;Federal Scholarship ne ya samo mata ta hanyar wani abokinsa shugaban scholarship board na kasa, tare suka yi karatu, wato Dr. Obi Olayinka. Da mama ta dage tana so ta bada tata gudummawar sai ya ce, to ta saya mata ticket, amma duk sauran shirye-shiryen Babanta ne ya yi mata.
Sai da komai ya kammala, admission da komai, sannan ya kira dan uwan nasa ya sanar da shi komai. Ishaq din ya ce da bai yi wahalar neman scholarship din ba ma ya yanke shawarar sanya su ita da Basma daga aljihunsa a wannan shekarar, amma tunda ta riga ta samu shi kenan ya sako ta a jirgi ta taho.
Ranar da Aalimah za ta taso kuma tafiya ta kama shi daga office dinsu zuwa California zai kwana daya, don haka ya tura wa Dr. Mansour adireshin gidan nasa, ya ce ta dauki drop har gida.
Zulaiha tana wajen aiki sanda za ta iso, yaransa maza kuma duk ba sa gari. Wannan shi ne tarihin su Aalimah da asalin tahowarta kasar America. Kafin ta taho ta je Maiduguri da Yamai ta yi sallama da kakanninta da ‘yan uwanta. Inna Kasisi kam abin bai yi mata dadi ba ko kusa, yadda ba ta son rabar Zulaiha, haka ba ta son kowa nata ya rabe ta, balle Aalimah wadda ko a cikin jikokinsu ita ta daban ce, mai kyakkyawar tarbiyyah da sanin ya-kamata. Suna ji da ita fiyeda sauran jikokinsu. Tsoronta Allah tsoronta kada ta koyo dabi’un ‘ya’yan Zulaiha da kullum ke sanya ta cikin takaicin wai cikin zuri’arta suke.

*****
Aalimah, ta ja dogon numfashi a yayin da tunaninta ya zo nan, tana kallon su Basma na shigowa falon, babu kamannin ‘ya’yan Auzinawa ko na Malam Bahaushe ko kadan a tare da su, sun fi kama da ‘ya’yan kasar Somalia. Fatar Babansu da ta mamansu bahaushiya ta cakude ta ba su wata irin colour da complexion mai ban sha’awa. Ga su da tsayi da mulmulallen jiki tubarkallah. Sunshades a idanun Basma da Khaleesat, dogayen wandunan jeans na mata da rigunan Armani collection a jikin kowaccensu. Khaleesa ta kusa kamo Basma a tsayi, babu dankwali a kansu gashin Abzin din ya kwanta a kafadunsu.
Basma a gaba, sai Yesmin biye da ita, sannan Khaleesa, Aunty Zulaiha da Daddy suka biyo bayansu.
Tsayawa ta yi a kofar kicin din ta harde hannayenta a kirjinta tana kallonsu da murmushi irin na ‘yan uwantaka. Khaleesat ce ta fara ganinta, ta zare sun shade dinta ta mutstsika idanunta ta ce,
“Daddy, am I dreaming? She looks so much like Aalimahâ€. (Daddy Mafarki nake yi? Ta yi kama sosai da Aalimah). Sannan ne hankalin kowa ya kai gare ta.
Aunty Zulaiha kam shaf! Ta manta da zuwanta, sai yanzu ta tuna. Take fuskarta ta sauya, ta wuce upstairs kai tsaye.
Basma ta yi cilli da jakarta ta yi kanta da dan banzan gudu, saura kadan su sha kasa su duka biyun, tana kakabin murna. Daddy ya wuce kujerun falon ya ajiye suitcasedinshi, yana rike da falmaran din suit din jikinshi. Gogaggen dan boko wanda ya ga jiya a Amurka yake kuma ganin yau, ga furfura nan tsilli-tsilli a kanshi, amma tsammani za ka yi Balarabe ne ba ba’abzine ba. Dogon hancin nan zur! Kamar na Babanta.
Kujera ya samu ya zauna a gajiye yana kallon