You Cannot Download this book untill you login but you can read it .

---

Login Register

ma gidanka za a kaita kuje can ku karata, sai Abba yaji gabansa ya fadi kar Madina ta fada abunda zai daga masa hankali sai yaga ko kusa bata bijireba saima murmushi datayi kawai tace Allah ne mai yadda Ya so da bayinSa Allah Ya zaba mana mafi alkhairi.
sai hira sumayyah takewaya Madina tana fada mata irin mummunan hali da suka shiga a sana diyyar rashinta sannan sunyi nadama
da sukaji gaskiyar al amari cewar ba laifinta bane, ta kara da cewa hudubar shaidan ne ta shigesu suka manta da kaddara har suka zargeta kuma harda zugar makiya wadanda daman basa so su gansu tare, suka zuga su kuma suka tunzura suka yi mata abunda sukayi mata, hawaye ne kawai ke zubowa daga idanuwan Madina shi kuwa Abba babu abunda yafi daga masa hankali shi ne idan yaga tana kuka yace da 'yayarsa 6star sumayyah don Allah ki bar zancen nan kina sata kukafa... shigowar mummy hafsat da ' yayan madina shi ya katse hirar da suke yi murna da hayaniya ta gauraye falon, Madina ta tashi da sauri ta rumgumi mummy hafsat sannan ta rungumi 'ya yanta su dukka ukun suka kankame ta suna kuka don farin ciki da kyar sumayyah ta bambare su daga jikin uwarsu suka zauna,
mummy hafsat ta shiga lallashinsu domin har yanzu basu tsagaita da kukanba saiga Tasi'u ya shigo wur janjan yana fadin ina matata Madinar take?
fuskar Abba zaka kalla kaga yadda ya bata rai yana hararar Tasi'u yayinda kishi ya tashi,
(ta yadda nima tawa kishin ya tashi sabida jama'ar gidannan me albarka) Sady.
kayi mata sannu da zuwa ka tafi mana saboda nan gidan surakai ne ba gidanmu bane bai kamata ma aringa irin wadannan maganganuba,
Madina ta dago ta dubi Tasi'u sai taji ranta ya baci yana tsaye akanta yana ta surutai barkatai kamar tababbe itadai tunda ta gaisheshi bata kara bashi amsa ba,
yace Madina ke kuwa meyasa zaki zauna a can?
kuskurene mukayi kuma kowa ya gane Madina ki rike amana ki tuna nine mutum na farko da kika fara sani a arewa, nine mijinki uban 'yayanki na girmeki nafiki hankali nafiki sanin dunia haka kuwa ya kamata miji ya kasance tsakanin sa da matar sa,
Abba yasan habaici Tasi'u yake masa don haka saiya fusata yayi magana cikin fushi yace ina ganin bai kamata a fara yiwa madina irin wadannan zantuttukaba barkatai don yanzu ta zo ko hutawa batayi ba ita ya dace ta zabi wanda zata zauna dashi basai anzabar mata ba, saboda tafi kowa sanin abunda yafi dacewa da ita a rayuwarta, tasan halin wahala da takaicin data dandana a baya, zata yi hasashe wacce irin rayuwa za tayi nan gaba.
Tasi'u ya fusata ya juya ya dubi mummy hafsat yace mummy kinajin yaron nan ko idan manya suna magana saiya dinga tsoma baki alhali niban ambaci sunansa ba.
mummy hafsat tace tashi ka koma wancan falon karka sake magana, Abba ya mike ya fice daga gidan ma gaba daya,
Tasi'u dai ya lankwashe kafa yana ta magiya Madina ta dawo gidansa,
takaici yafi damun 'yayansu ma basu madinarba ma,
Abdul Malik ya fusata yace haba baba ka bari ta huta mana kafin ka sako wata magana a ina aka taba yin saki uku kuma a koma a zauna?
Tasi'u yace ai nasan tayi aure a sudan ko batayi ba ma zata iyadawowa ta tausayamin ina son ta da ba tanan a gidana sai duk ya mutu,
Madina ta girgiza kai tace Allah Ya saukake ni banyi aure acan ba,
sumayyah tace kinga babu zancen kome tunda saki ukune kuma batayi wani aurenba,
kema bayan kanin naki zakibi?
sumayyah haka zakimim?
Tasi'u ya pada ransa a bace,
mummy hafsat tace Tasi'u don Allah kabar
maganan a nan saikun hadu daga kai sai ita,
Madina duk hukuncinda ta yanke shikenan ai wannan ba maganar da za ayita bane agaban yara ba, sannan matar nan yanzu tazo ko wartsake gajiya batayi ba.
Tasi'u ya gyada kai yace hakane gaskiyane ai
shiyasa ake neman shawarar manya toni zan tafi Abdul Malik kuzo mutafi,
Abdul Malik ya girgiza kai yace ba yanzu zamu tafi ba, tare da mummy hafsat mu kazo daman,
Tasi'u yayi kasake don shima bayason tafiyan bai gaji da kallon abar kaunar sa madina ba duk da hautsinewar datayi batada
kyauwun nan nata irin na da amma duk da haka tafi sauran matansa tsari da kyan gani, yayi ajiyar zuciya yace to banyarda wani acikinku ya kwana ba ina gida ina jiranku kafin magruba mekukeci na baka na zuba kuda uwarku zata dawo gidanku kacokan ma ku kwana a dakin ta,
kowa ya zuba masa ido yana dubansa kamar wanda yake kallon tababbe a talabijan babu wanda ya iya magana har ya fice a farfajiyar gidan suka sake jiyo muryarsa yanayiwa Abba hayaniya duk dai akan Madina Allah cikin ikonSa sai Abba yaki kulashi ko kallo ma bai isheshiba yayi surutunsa ya gaji ya tafi.
Madina ta juya ta dubi 'yayanta tace me yake damun mahaifinku ne?
ya gamu da matsalar kwakwalwa ne bayan
tafiya ta?
Abdul Malik yayi dariya yace lafiyarsa Kalau mama,
madina ta dubi sumayya tace anya alamaran
Tasi'u akwai hankali a ciki kuwa?
sumayyah ta kwashe da dariya tace zafin so ne da tsananin kishi yake damunsa.
mummy hafsat ta tabe baki tace nadama ce hakkin zalunci suke tambayarsa ni wallahi har alamarin nan ya fara bani tsoro tun kafin ki dawo yake neman tashin hankalin balle yanzu da kika dawo bamu san wahalar da zai ballo mana ba.
Madina tayi tagumi tace Allah ma zai yayyafa wa abun ruwan sanyi Allah Ya sa ya gane gaskiya daga nan suka bar hirar Tasi'u,
Abba ya shigo aka dinga hira wasa da dariya yayinda sumayyah da masu aikinta suke can akicin suna ta hidimar dafa abinci iri iri suna fitowa da shi, ana jerawa a gabansu madina..
Jama'a gaskiya kishi na nima ya motsa PA, har yana neman sanya min hawan ruwa, kowa kullum se Dan Anty kawai ake ta ambato domin an pi son sa an pipita sa a kaina bayan nima ina yin ku kuma kun sani..
ADON DAWA 44
.
TRUE LIFE STORY
.
sumayyah ta kwashe da dariya tace zafin so ne da tsananin kishi yake damunsa.
mummy hafsat ta tabe baki tace nadama ce hakkin zalunci suke tambayarsa ni wallahi har alamarin nan ya fara bani tsoro tun kafin ki dawo yake neman tashin hankalin balle yanzu da kika dawo bamu san wahalar da zai ballo mana ba.
Madina tayi tagumi tace Allah ma zai yayyafa wa abun ruwan sanyi Allah Ya sa ya gane gaskiya daga nan suka bar hirar Tasi'u,
Abba ya shigo aka dinga hira wasa da dariya yayinda sumayyah da masu aikinta suke can akicin suna ta hidimar dafa abinci iri iri suna fitowa dashi ana jerawa a gabansu Madina
kaltum ta sami hira da ciye ciye saita manta da direba a waje ta kuma manta da gargadinda alh adnan yayi mata kada ta dade ta dawo da wuri,
bayan sunyi sallar magruba ne kaltum ta zaro
wayarta acikin jakarta saita ga 10 missed calls din danladi 5 missed din alh Adnan nan da nan sai hankalinta ya tashi sukaga tahau rawar jiki har ta kasa yafa gyalenta dai dai, kaltum lafiya saurin mekikeyi haka?
madina ta tambayeta.
na manta a gida ance kar in dade wayata a jaka bansan suna ta kirana ba shine nakeso naje gida da wuri, a tsaitsaye tayi masu sallama ta suri takalminta ta tafi bata ma tsaya ta saurari rakiyar madina keyi mata da rokon da takemata ta dawo gobe ba burinta
kawai ta ganta a cikin mota ta ganta acikin gida gaban alh adnan sannan tayi shirin amsa dogayen tambayoyinsa,
danladi ya dubeta da alama ransa ya baci ya fisge mota batareda wani daga cikinsu yayi
magana ba saida suka yi nisa kaltum tace danladi kayi hakuri na barka kanta jira bansan lokaci ya ja ba anata hira wayata a jaka ban ji kiranku ba.
dan ladi yace ai bani ne abun ji ba daddy ne kinga irin fadan da yake yimin a waya wai me yasa za mu dade haka nace kina cikin gidan yace in aika a kira ki narasa dan aike kuma nayi kiran wayar ki ba amsa niyanzu nasan duk fadan akaina zai kare,
sai kaltum ta dafe kirji tayi shiru tana karanto duk addu ar data gifto bakinta suna isa bakin get taji wata jijiya ta harba acikin kirjinta tamkar zuciyarta ce ta tsinke don fargaba daga yadda saleh ya bude get a fusace tasan yau ba lafiya saita fara kuka, suna tsayawa da mota saita fito a hankali tana mai tafiya a hankali tamkar wacce kwai ya fashewa mata a ciki,
alh adnan ta tsinkayo a tsaye akan baranda ko zama ya gagare shi da alama fuskar nan ba annuri daga ita har danladi sai sunkuye sunkuye suke yi da kai kasa aka rasa wanda zai fara wucewa gaba yaje yayi bayani.
tsawa ya daka musu saisu dukka suka hargitse fargabar ta karu yace bazaku karaso
bane ina tsaye ina jiranku sai wata sanda kuke yi kamar wasu hawainiya?
nan da nan suka karaso gabansa suka durkusa suna jiran hukuncin za a yanke musu,
hakika danladi yayi gaskiya fadan dukka akansa ya kare an gargadeshi da kada yasake kaita anguwa da zasu kai magruba, kalma daya ya jefawa kaltum ita ya sallameta ta fada da sauri yace daga yau kada ki sake cemin zakije wajen Madina tunda nan ba a sudan kukeba dazaku kwana kuna hira,
ta shiga gida ta iske fadan sofi da saleh sunatayi mata fada ba kakkautawa sun nuna mata cewar da ta bata wa alh adnan rai gara ta bata musu rai, ta shiga daki a sanyaye ta iske an bawa goggo abinci da magani hartayi bacci sai dai tulin zannuwan kayantar da aka cire wa goggon yana gefe yana jiranta ta dawo ta wanke, saboda rashin kuzari a jikinta da tsoron fita tsakar gida don kada taci karo da mahaifinta ko alh adnan suyi mata wani fadan saita shige lungu ta kishingide tayi lamo tana tunani taji duk kasar ya isheta tamkar ta koma bur sudan wajen yan ADON DAWA ta zauna tareda mambela kamar yadda Madina ta dawo wajen abbanta,
saida ta tabbatar dare ya tsala sha biyu harda rabi kowa yayi barci sannan ta fito ta hau wanki ta gama tsaf ta shanya sannan ta dauro alwala tazo tayi sallar isha i ta dinga jero nafilfili tana ta addu ar Allah Ya zaba mata abun da yafi alkhairi a rayuwarta,.
Madina ta kasance agidan aminiyarta sumayyah tukur dakinta da bandakinta a ciki aka mallaka mata ita kadai cike da kayan more rayuwa babu abunda ta nema ta rasa ga 'ya yanta kusan kullum sai sun zo sun ganta ita ma ta gansu tayi hira dasu taji dadi,
sumayyah tukur a matsayinta na wayayyayi cikekkiyar yar boko tana matukar kokari wajen wayarwa da Madina kai domin duhun kai ne ya same ta a sudan bata san abubuwan da ake yayi ba yanzu da yadda ake tsara kwalliya, tafi gane ta saka atamfa ta kunshe kai da hijabi ko acikin dakine.

ADON DAWA 45
.
TRUE LIFE STORY
.
Madina ta kasance agidan aminiyarta sumayyah tukur dakinta da bandakinta a ciki aka mallaka mata ita kadai cike da kayan more rayuwa babu abunda ta nema ta rasa ga 'ya yanta kusan kullum sai sun zo sun ganta ita ma ta gansu tayi hira dasu taji dadi,
sumayyah tukur a matsayinta na wayayyayi cikekkiyar yar boko tana matukar kokari wajen wayarwa da Madina kai domin duhun kai ne ya same ta a sudan bata san abubuwan da ake yayi ba yanzu da yadda ake tsara kwalliya, tafi gane ta saka atamfa ta kunshe kai da hijabi ko acikin dakine.
sumayyah kuwa tace bata isa ba dole saita zama yar gayu kamar yadda yammata suke gayu saboda saurayi zata aura, tun Madina na cijewa tana kin saka matsattsun dinkunan leshina da material har ta fara yadda tana sakawa,
sumayyah ta hana kitso saidai ta kai ta saloon a gyara gashin kafin watanni biyu sun cika Madina ta waye tamkar ba itaba, haka Abba yafi kowa jin dadi da ganin wannan sauyi yana kuma godiya wa yayarsa sumayyah da irin wannan taimako da tayi masa duk da yawanci kudi yake bawa sumayyah tayi mata duk hidimamomin nan ko madinar ma bata sani ba, kankace kwabo rayuwa ta dawo mata sabuwa tar ta fara mance himilin bakin cikin da ta shaka a baya, babu ranar da Abba baya zuwa wa Madina sai dai har yanzu Madina bata bari hiran soyayyah ya shiga tsakanin su ba duk hirarda za a yi a gaban sumayyah akeyi sai dai a tsakanin waya wato text masseges yana turo mata dadad'an kalamai masu shiga zuci sai tayi murmushi ta lumshe ido, amsar da take bashi bata wuce na gode,
godiyarda take mishi ta ishe shi farin ciki ko bata biyashi daddad'an kalamai ba ya lura Madina ta fara sakin jiki dashi, ta nuna a fili karara tana son shi,
koda yaushe Madina tana damun Abba ya kira alh Adnan a tambaye shi kaltum kuwa lafiya bata zuwa gashi ba tada lambarta?
sai Abba yace sunyi waya dashi yace kaltum tananan lafiya.
hankalin Madina bai kwantaba harsai data sa sumayyah takaita gidansu kaltum ranar alhamis da yammah ranar da suka tabbatar ba islamiyyah a karkashin wata katuwar bishiya a kwance a tabarma suka hangota a farfajiyar gidan, kai tsaye suka tunkaro ta tana daga kwance tana dubansu a zatonta bakin mummy salaha ne sukazo ne manta don bata dade da komawa Abuja ba, kaltum tace aranta ko su waye wadannan masu kudine da ilimi saboda kamshin turarenda ya daki hancinta tun basu karaso inda take ba, sallama suka mata cikin wata lallausar murya saita amsa sannan tayi firgigit ta tashi zaune ta dube su ta daka tsalle ta mike da sauri sannan ta rugumesu tana murna,
kaltum ta rike baki tana duban Madina tana mamakin irin wannan canjin data gani cikin dan kankanin lokaci, tace aunty Madina haka kika wani canjawa?
Madina da sumayyah suka kwashe da dariya, sumayyah tace kema kya pada,
Madina tace ke kaltum kya yi zancen canzawa kinga inda kika zama wata katuwa fara tas wa zaice kece yar yarinyar nan ta ADON DAWA.
kaltum tace aini na shekara uku da zuwa kefa bakifi watannin biyu ba, su dukka sukayi
dariya suka zazzauna suna hira sunajin dadin inuwar, zata kawo musu ruwan sha ma suka ce yanzu suka sha swan water da juice a mota don haka kaltum ta koma ta zauna,
sumayyah ta dubi kaltum tace gaskiya kin canza saboda jiya madina ta nunamin hotunanku a bur sudan tamkar an tono ku daga kabari wasu dakwal-dakwal daku yar 'kankanuwa dake amma yanzu dubi yadda kika girma kin zama cikekkeyar budurwa yar gayu maganar ma kamar turawa,
suka sake kwashewa da dariya su dukka , Madina tace ai kuwa da kyawun p
hoton nan muke gani kaltum dashi take kwana a karkashin pilo a jima ta zaro ta duba ta mayar,
sumayyah tace naga hotonta da wani zankadeden saurayinta mambela duk da a dawa yake yanada kyau da ace a birni ne wayayye dan boko da matan kasarnan sun dinga tuntube suna waiwayensa,
kaltum tayi murmushi yayinda idanuwanta suka cika da hawaye ta dubi Madina tace aunty mun kasa samun damar da zamu zauna muyi labari tun ranar nake tambayar ki ina mambela bakiban amsa ba .
Madina tace baki damu kiji labarinsa ba tuda baki sake dawowa ba tun ranar da nazo, haba kaltum nice fa madinarki?
inzo kasarnan saboda ku amma ki shareni?
kaltum ta girgiza kai tace ba haka bane, nayiwa daddy laifine a ranar saboda nakai dare shiyasa ya hanani fita ko ina kuma bani da numbarku shiyasa vankira va amma kullum ina tunaninki, bani labarin mambela bayan tafiyana koya manta da nine?
madina tayi murmushi tace yaya za ayi mambela ya manta dake a rayuwar sa?
kema baki manta dashi ba balleshi dayafi son ki?
kaltum ta gyara zama tace kinsan ya biyoni har Khartoum zamu tafi bur sudan kenan aka aiko aka tafi dani.
Madina tace kwarai ya gayamin amma na dauka karya yakeyi kokuma ince ya zautu ne kawai yakeyimin shirme,
Madina ta dinga bawa kaltum labarin halinda mambela ya shiga na damuwa a sanadiyar rashinta, da yadda ya daga musu hankali ya ce, duk sai sun bar kasarsu tunda kaltum ta tafi, sai dai daga baya ya hakura, ya yadda da kaddara. Daga karshe ta bata sakon da ya fada mata cewar ta fadawa kaltum har yanzu yana son ta ba zai dena ba har abada.
Kaltum ta rushe da kuka ta rungume madina, sai ita ma ta dinga hawaye. Sumayya ma ta tausaya sai ta girgiza kai ta dafa kafadar kaltum.
Ta ce, "yarinyar Mai zai hana ki kwantar da hankalinki, ki cire zuciyar ki daga kansa, ki zo ki gina sabuwar rayuwa da 'yan kasarku? Dube ki mai kyau ba mu da irinku da yawa a kasar nan masu suffar larabawa, fulanin asali ki zabi saurayi ki darje, ke ko gwamna ya ganki sai ya so ya aure ki. Ina ke ina dan ADON DAWA? "
Kaltum ta sharce hawaye ta ce, "zuwa na kasar nan na yi samari masu dimbin yawa, kuma attajiran gaske, manya da samari, amma bana kula kowa, mambela nake so, sai dai kash!!! Maganar nan da muke yi sati guda ke nan da a ka bayar da ni. "
Suka dafe kirji su dukka suka ce, "waye mijin? "
Kaltum ta yi murmushin karfin hali ta ce, "Alh. Adnan ne.".
Madina ta gyada kai ta ce, "yayi daidai, kin yi dace da miji na gari, mai tausayi wanda yasan darajar mutum. Kin yi dace da mijin da yake matukar son ki ba don komai ba, sai don Allah, kamar ni da Abba, tabbas mutum ne mai kirki, kun dace, Allah Ya barku tare ".
Madina ta dafa kafadar kaltum ta ce, "me yasa kike kuka alhali kin dade da sanin yana son ki, ke ma kuma kina son sani? Mambela yana son ki, amma kin san auren ku, abu ne mai wuya, saboda kun yi hannun riga wajen dabi'unku, yarenku da kasar ku, ba a san asalinsa ba, ba a san inda ya fito ba, zai yi wuya a yarje masa ya aure ki".
Kaltum tace, "nasan da haka, amma ni ina son mambela, ina tsoron matar Alh. Adnan mummy salaha, takura min zata yi ni da iyaye na".
Madina tace alh Adnan bazai bari ta cuce ki ba itama auranta yayi kamar yanda ya auroki, babu abunda zata iya yi miki, yaya akayima ya furta zai aure ki?
kaltum tace bai fada ba, babane yace ya bashi ni, da farko bai amsa ba sai acikin wannan satin yan uwan baba suka sameshi a zangon Daura suka sake mishi magana sannan ya yarda , yanzu jira ake jarabawar jamb dinda nayi ya pito inga inda suka bani domin nacika U.B.K Da gwagwalada Abuja, idan kano suka bani sai ya gina min gida a kano ayi bikin idan kuma Abuja ne sai akai ni Abuja.
madina tace babu komai kada ki damu Allah Ya sa haka shine mafi alkhairi, kaltum na lura duk hankalinki atashe yake har kin rame ba kamar sanda na ganki ba kwanaki, alh Adnan din naki kike ki?
haba kaltum idan kikayi masa haka baki kyauta masa ba, suma iyayanki sunga babu irin godiyar da zasu mishi ne illa subashi ke domin yayi dawainiya dake kowa yasan yana son ki.
kaltum ta matse hawaye tace ba kiyayyarsa bace ta sani damuwa ba, nauyin sa da kunyarsa nakeji tamkar babana na dauke shi, ramewa da kiga nayi bai wuce Zafin mutuwar goggo fattu ba da har yanzu take damuna.
madina ta zabura ta dafe kirji tace InnaLillahi wa inna ilaihi raji'un, yanzu goggo fattu ta rasu?
kaltum ta matse hawaye tace yau sati biyu kenan a zangon daura akayi jana izarta bamu dade da dawowa ba, ai acan yan uwan baba suka hadu sukayiwa alh Adnan maganar auren mu dayaje gaisuwa daga baya ma matarsa taje dana gaishe ta bata amsa ba, shine yasa nashiga damuwa nasan halin kishinta zata iya babbakawa kishiya wuta.
madina da sumayya suka cigaba da bata shawara da nasihohi masu kwantar da hankali sannan sukace ta rakasu wajen iyayanta don su musu gaisuwa,
Madina ta karbi numbar wayar alh Adnan tace idan taje gida zata kirashi tamishi gaisuwa sannan su tattauna don taji ra'ayinsa akan maganar auren.
a haka suka rabu kaltum ta raka su har wajen get inda suka ajiye motarsu suka shiga suka tafi ita kuma ta dawo gida.
tafiyarsu Madina da kwana uku alh Adnan ya kirawo kaltum a waya, cikin rawar murya da fargaba ta gaisheshi ya amsa cike da fara'a yace gobe ki shirya danladi yakaiki gidansu Madina ki yini, da yamma ya koma ya dauko ki,
ta amsa da to na gode, bayan yakashe wayar sai mamaki ya rufe ta nan da nan takira Madina tana tambayarta yadda sukayi da alh Adnan don yanzu ya kirata yace gobe taje su yini,
madina tayi dariya tace dadin baki na masa na nuna ina goyon bayan aurenku dari bisa dari shiyasa yaji dadi,
kaltum tayi dariya kawai ta kashe waya.
washe gari da wuri kaltum ta shirya ta caba ado da wata hadaddiyar shadda gezna kalan jan duhu wato maroon colour wacce akama surfani da brown din zare, riga da siket da dankwali, ta saka takalmi da gyale kalan brown, tayiwa iyayenta bayananin abunda alh Adnan ya umurceta tayi sai sukaji farin ciki ya kamasu tunda har akasamu ya fara yi mata waya a yanzu,
ta kame a bayan motar danladi yaja bai tsaya a ko inaba sai kofar gidan Doc sumayyah Tukur,
kamar yanda ta umurceshi ta sake umurtarshi daya tafi ya dawo da la'asar, ta shiga ciki kai tsaye ta iskesu a falo su uku ne kadai Madina , sumayyah da maigidanta Doc bashir, sunata hira babu abunda yake damunsu arayuwa sai dariya suke kyalkyalawa, suna ganin kaltum sai suka hau murna ta durgusa cikin fara'a ta gaishesu sannan ta sami kujera ta zauna.
Dr bashir yace af dama wannan ce kaltum matar mambela dan ADON DAWA?
su dukka suka tuntsire da dariya.
sumayyah ta harareshi kaji har sunan ADON DAWA ya rike, kamar dashi akaje bur sudan?
shigowar Abba da kaninsa Anas ita ta katse hirarsu aka hau gaggaisawa,
kai tsaye Abba ya wuce gaban Madina ya ajiye himilin ledoji a gaban ta,
ta dubeshi tayi murmushi ta fada cikin sanyanyar murya mai cike da sakon so da kauna tace Abba bazaka yarda da maganarda nake gayamaka bako?
so kake muyi pada kenan?
nace saye sayen nan naka yayi yawa ka dinga hutawa kaki jiko?
sumayyah Tukur tace a'a mu munaso inke bakya so, da bakya nan ai bai sayo mana ba, kudi ne dashi, me anfanin kudin in ba aci ba?
Madina ta bude ledojin daya kayan itatuwa ne lemo ayaba da abarba daya ledar kuma tuffa ce da inibi, daya ledar kuma mayukan shafawane da turarurruka sai wani dan karamin kati (greeting cart)mai dauke da sakon so da kauna, katin kadai madina ta dauka ta karanta ta kalli Abba tayi murmushi ta ajiye a gefenta shima irin murmushin ya mayar mata.
sumayyah Tukur ta dubi Anas tace kaga ka fita daga idona na rufe zan tona maka asiri idan baka daina turamin sako cikin wayata ba,
sai kowa ya dubesu,
yace yi hakuri 6star ki rufamin asiri, Abba yace sako wani iri kuma?
dr bashir yace eh gaskiya a tona wannan sirrin kowa yaji, ya duk muna zazzaune ka dinga tura mata sako don gulma?
sumayyah tace ya dade yanason kaltum wai ce min yayi in kira masa ita wancan falon su gaisa wai in fada mata yana sonta.
su dukka suka kwashe da dariya.
kaltum taji kunya saita sunkuyarda kanta kasa bata sake dagowa ta dubi Anas ba, madina tace wallahi kuwa kun dace saidai karigada ka makara anbayar da ita da sai na tsaya maka kanina.
Anas yaji hankalinsa ya tashi yace ai tunda ba ariga an daura ba zan iya shiga filin dagar adama dani mai rabo ya dauka.
sumayyah tace kadama ka fara shiga filin dagarnan don dakai zata kife wanda za aje neman aurenta wajenshi shine zai aure ta.
ban fahimce kiba?
Abba ya tambayi yayar sa.
madina tace alh Adnan zata aura nan da yan watan ni,
Abba ya gyada kai yace lallekam babu mai jadashi yaro karma ka shiga bakin rijiya don ba wajen wasan yara bane, nifa na dauka yayantane da farko sai nace ko babanta ne ashe shi ya riketa yanzu zai aureta ko sun dace yana da matukar kirki.
Anas ya fice daga gidan, kallo daya zakayi masa ka tabbatar baiji dadin maganarnan ba,
madina taja kaltum dakinta a inda ta dinga nuna mata abubuwan alkhairin da