You Cannot Download this book untill you login but you can read it .

---

Login Register

Yara magunguna mata azo miji ya musu fata fata, tsumin tsassaken baure kawai xamu basu sai zumar mata sun isa gaskia, sai a musu kaza da Hadin kankana in satin bikin ya kama."

Dariya Umma tai tace "hakan yayi, Allah ya nuna mana lafia, munyi magana da Abba ma akan kayan kitchen, nima nawa Mama magana ina so na siyar da gona ta a hada kudin ayi komai tunda daga kansu na gama kuma, sai na mike kafa na cigaba da kula da mazan"

Sun dade suna tattauna wa kafin Aunty Bilkisu ta shigo dakinmu ta samu a gaba tana fada mana sirrin rike Miji, nidai kaina na kasa sbd kunya don Aunty Bilkisu bata rufe komai, fada mana take.

Wani Abu da Aunty Bilkisu ta fada sai da Aisha ta fashe da dariya, girgiza kai kawai nai ina murmushi duk da bana cikin dadin rai.

Kusan rana daya aka kawo mana lefe nida Aisha, ni akwatuna 12 Aisha 10 kayane masu kyau a ciki da tsada.

Su Uwani da suka zo ganin lefen kamar zasu yi hauka sai sakin magana suke akan aikin banxa abinda ma mazinaci wata zata aura, ba Wanda ya kula Su haka sukai suka tafi.

Ni Kam tun ynxu na fara missing gida da kuma cilla don nasan rabuwa dasu ba abu bane mai wuya.

Sosai hidima ake kusan kullum Aunty Bilkisu damu muna kasuwa gurin siyayyar kayan kitchen, gaba daya na kara ramewa sai boobs da hips tubarkalla.

Mama kuwa gudunmawar turaren wuta da Humra da kolacca ta siyo mana a gurin Maman Sudais (08062073990) lokacin da Mama ta kawo mana sai da Umma ta karbi numbern Maman Sudais din da farko so tai ta diba Mama ta hanata shine ta karbi numbern zata siyo itama don humrar data shafa ranar taji kamalai a bakin Abba😉.

Sati biyu kafin bikin muka fara zuwa gidan Aunty baby gyaran jiki, kwana uku da fara zuwa mu kadai munyi wani irin fresh ba karamin gyara mu take ba har gashin mu turara sa ake, cikin sati daya gaba daya mun chanja duk inda muka gifta sai mun bar kamshin jikin mu Mai sanyi da dadi, gashin mu kanshi kamshi yake.

Duk yadda nake cikin bacin rai da auren nan bama yadda Yusuf baya zuwa zance kuma ynxu bama waya kwata kwata, amma wannan gyaran jikin da aka fara mana ba karamin faranta min rai yai ba, kullum cikin taba jikina nake, munyi fresh sosai Aisha ma tayi kyau sai shakiyanci take wai saura sati daya akai ta gidan miji taji mai ake ji.



**********
Bangaren Zeey ma sosai take Shan gyara gurin Mummy da Mama sai banka mata magungunan mata suke ko maganin sanyi na sati daya suka bata aka shiga banka Mata magungunan mata, gashi ya siyo supplement na Kara kiba sbd ta cicciko amma sam taki cikowar sai ramewa take.

Tunda kuma aka sa ranar bikin ko ta Kira Azlan baya daukar wayar ta duk da haka bata daddara ba kullum cikin tura masa messages take na soyayya.

A ynxu damuwar ta events din da suka hada wajen biyar don tun satin bikin zasu fara amma sam sun rasa ta yadda zasu fadawa Azlan..

A haka biki yazo aka shiga hidimaaaa amarya ba gyaran jiki sai magungunan mata kawai ake sha...


********

Kansa na kasa yana sauraran Abie, dagowa yai yace "duk yadda kake so kayi kawai Abie"

Shiru Abie yai yana kallon Azlan, shi ynxu Shirun yaron ya fara damunsa gaskia, kwata kwata baya magana komai aKa ce masa cewa yake duk abinda aka ga ya dace ayi.

Ajiyar zuciya Abie yai ya kalli Mami da itama ta zuba masa ido yace "kina jin danki ko ya bude baki ya fada min wani irin gida yake son zama tunda Mata biyu zai aura amma yayi shiru"

Dan murmushi Mami tai ta kalli Azlan tace "kayi magana mana Azlan a wani irin gida kake son zama"

Shiru yai yana kallon carpet din kokari yake ya hana kansa murmushi don shi yadda ake lallabasa ynxu abin burgesa yake shiyasa yake shiru shiru kamar salihi.

A hankali ya dago ya kalli Abie yace "Abie duk Wanda Ka bani ina godia Allah ya saka da alkhairi"

Gyada kai Abie yai yace shiknn da kwai gidana a sultan road gobe in Allah ya kaimu zan bawa Malam habu driver mukullan part din ya kai gidan amaren naka, part uku ne na tsakiya naka ne na gefe da gefen kuma kowa ya dau daya.

Murmushi yai yace an gode daga haka ya mike ya fita daga part din zuwa nasa, yana shiga ya fada gado yace a daura auren ni kuma lokacin Zan koma asalin Azlan dina wani murmushi yai yana shafa gemun sa..









Comments Nd share plz





Mrs A.M🥰
[04/09, 18:10] Deejarh🤍: ♠️♠️♠️♠️♠️

*TASWIRAR KADDARA*

♠️♠️♠️♠️♠️


Written by
Mrs A.M🥰

Page 26

*SANARWA SANARWA*💃💃💃💃


*ME TAKEN NA AMARYA HUTAA$$*

*MUNA FARIN CIKIN SANAR DAKU CEWA MUNA BADA HAYAR KAYAN AMARYA(WEDDING GOWN), KAYAN BRIDAL SHOWER, KAYAN BIRTHDAY PARTY, KAYAN FITAR SUNA, SANNAN MUNA BADA HEAD AND SHOULDER, MUNA DA POSS, MUNA ALKYABBAR KAI AMARYA KO TARON WALIMAR SAUKA, MUNA DA KAYAN FULANI FARARE NA YARA DANA MANYA MUNA DA NA AMARYA BLUE BLACK, SANNAN MUNA GYARAN JIKIN AMARYA DA UWARGIDA CIKIN KWANA UKU CAKAL ZAKIGA KIN KOMA TAURARUWA MAI WALWALI. MUNAYIN TURARUKAN WUTA DA HUMRA DA KOLACCAR, KOWANNE KALA KIKE BUKATA AKWAI CIKIN FARASHI MAI SAUKI.*


*LOCATION KANO*

08062073990

BISMILLAHIR RAHMANIR RAHIM


Yau ta kasance Wednesday kuma gobe zamu fara bikin, ranar Thursday za'a yi kamu ranar friday kuma daurin aure da yini.

Gaba daya na kara figewa sau ido da suka fito tubarkalla, Mimi kuwa sai murna take ana bikin Maa dinta ta tana ta shiga tana fita, itama duk kayan da zata sa a bikin Mami ce ta kawo mata.

Muna zaune a shagon Baby Beauty lounge na Aunty Baby, ana aka wanke mana kai aka zuba mana lafiyayyan kitso, ga lalle ja da baki bayan an wanke kafar.

Sai bin hannu na nake da kallo nayi kyau sosai lallen yayi kyau ya zanu kamar dora shi akai, murmushi nai ina kallon Aisha dake waya sai zuba shagwaba take.

Juyar da kaina nai cike da tausayin ta sai murna take bata San ko waye shiba, sai la'asar muka koma gida a kofar gida Naga cilla tsayawa nai nace ma Aisha ta shige.

Cikin sanyin jiki cilla yace "uwar dakina ynxu jibi zaki tafi ki barmu"

Juya kaina gefe nai Jin idona yana kawo kwalla, daure wa nai nace "ai zamu dinga haduwa a makaranta, kuma kai baxa Ka dinga zuwa gidan nawa ba"

Zaro ido yai yace "rufa min asiri uwar dakina, haka kurin naje gidan ki ango ya karya ni"

Harara na maka masa nace "waya isa ya karya aminin Batul"

Sai muka sa dariya a tare, mun dade muna hira sai da Umma ta aiko kirana sannan nai masa sallama muka shiga gida.

Gidan mu ya cika da Yan uwan Umma, dama yan uwan Abba na nesa a babban gida aka sauke su, sai bayan Isha'i Aunty Bilkisu da wadanda suka je mana jere suka dawo sai yaba gidajen suke.

Washe gari aka tashi da hidimar kamu wajen la'asar aka tafi hall din da aka kama, dama iya Mata ne.

Munyi kyau sosai nida Aisha mun sha lace dinmu maroon colour, a shagon Baby Beauty lounge aka mana makeup mun yi kyau har mun gaji don sosai Abba ya sakar ma Umma kudi don shima yace mune matan da zai fara aurar wa kuma na karshe.

An sha hidima sosai a gurin event din sai bayan Isha'i aka tashi, nidai jikina duk yayi sanyi ga faduwar da gabana yake in na tuna cewa gobe an daura min aure da Yusuf.

Muna komawa gida wanka na shiga nai, na wanke fuskata sosai jikina sai kamshi yake yana sulbi, murmushi nai bayan na shiga daki a can karshen katifa na kwanta kawai sai na fara tunanin Khadija da yadda muke cewa tare za'a mana aure, kuka na fashe dashi don mutuwar ta sabuwa ta dawo min yau dinnan.

Ganin kukan baxai min amfanin komai ba na mike na fita zuwa tsakar gida, har lokacin da kwai masu hada hada gurin yanke yanken kabewar da za'a yi amfani da ita gobe, wuce su nai zuwa toilet alwala nai na koma daki.

Na dade ina sallah ina addu'a akan Allah ya min jagora akan sabuwar rayuwar da zan fara, akan sallayar bacci ya dauke ni...

Washe gari tunda na tashi gabana yake faduwa, muna gama karyawa muka tafi shagon Aunty baby don makeup din daurin aure data yini za muyi baxa mu chanja kayaba sai za'a kai kowa dakin mijinta.

Karfe 12 aka gama mana muka koma gida, kowa sai tsokanar mu yake nidai nawa murmushi ina tare da Asma'u data zo duk da girman cikin ta don haihu yau ko gobe.

Ina zaune a dakin su Kamal sai duba agogona nake gabana yana wani irin bugawa ganin karfe biyu tayi duk yadda akai ynxu an daura....





***********
Lumshe idonsa yai Jin sanarwar daurin auren sa, yana sanye da wata lafiyayyar shadda fara an mata dinki da zare light blue ya kafa hula light blue yayi kyau har ya gaji, Amma fuskar sa ba alamun farin ciki shifa ji yake an daddaure sa taya za'a aura masa Mata biyu rana daya lallai kuwa za'a sha fama.

Dafa sa Haidar yai yace "mutumina gaskia kai Mai sa'a ne irin wannan aure haka na gata, Mata biyu rana daya wo Kai mai budurci."

Yatsina fuska yai yana ture hular kansa yace "kai kar Ka dame ni fah bana son hayaniya, ji nake kamar kaina zai fashe".

Dariya Haidar ya tuntsire da ita yace "ni muje na taya ka parking angon mata biyu don Abie yace daga yau ya yaye Ka daga kwana a gidan sa."

Dan dagowa yai ya zuba wa Haidar ido yana kankance idonsa sai kuma ya gyada kai yana wani shegen murmushi yace "muje"

Kin tafiya Haidar yai yace "meye Naga kace muje nifa rashin gardamar Ka akan auren nan yana ban tsoro."

Tabe baki yai yace "so kake nayi gardama a ce nayi rashin kunya, badai sun aura min Mata biyu ba ai sun gama nasu ynxu kuma turn dina ne"

Baki sake Haidar yake binsa da ido har sai da taga Azlan ya shige mota sannan yayi saurin daga kafa shima kar ya tafi ya barsa tunda yasan kadan daga cikin aikinsa.


**********
Muna zaune su Kamal suka dawo sai murna suke an daura auren, nan da gida ya cika da guda da murna.

Ni kam ji nake kamar na tsunduma ihu Allah ya sani bana son Yusuf Amma ya zanyi an riga da an daura.

Fitowa mukai aka shiga Kidan kwarya an kewaye mu nida Aisha, murmushi ne ya kubuce min ganin Mimi da Hidiya sai rawa suke sun kama kugun su sai juya wa suke.

wajen karfe 6 Aunty Bilkisu ta samu wanka shirya wa mukai cikin atampa iri daya nida Aisha aka rufa mana mayafi, tuni na soma kuka Aisha ma haka, feshe mu da turare Aunty Bilkisu tai aka kaimu gurin Umma dake zaune a Palour.

Nasiha tai mana sosai nida Aisha muka rungume ta muna kuka, tsaki Umma tai tana kokarin mai da kwallar idon ta tace "bana son sakarci Maza ku muke Allah ya shige muku gaba yai muku albarka"

Kara rungume ta nai ina kuka sosai, da kyar aka rabani da jikinta kasancewar motocin daukar amare sunzo dukkan su kuma an riga an fada musu sai Aisha ta rakani gidan hakan yasa da muka shiga aka nufi damu babban gida don acan su Abba suke dasu Kawu Nasiru.

Mama da Yakumbo ne suka shigar damu palourn Kawu Nasiru, sai da suka gaishe su sannan suka mana nasiha muma.

Miko min Kudi Kawu Nasiru yai yace "ga sadakin ki dubu dari an daura miki aure da baban Mimi, dama kuma dashi din za'a aura miki abinda yasa aka boye Miki kike ganin kamar shi zai auri Aisha sbd kin nuna kin amince wa da auren tin farko, bayan kuma mun san rabuwa da Mimi zai Miki wahala haka shima baban nata baxai yadda ki tafi da ita wani gidan ba a matsayin agola.
Aisha da kike ga tana waya da zance duk da Yusuf take shiyasa shi ya janye jikin sa daga gare ki, ita ynxu matar Yusuf ce Allah yai muku albarka gaba daya ya baku zaman lafia, sannan kuma bake kadai bace matar sa ku biyu aka aura masa yau"

Wani irin bugawa kirjina yai ni aka aurawa Mr Wicked, kuma wai mu biyu aka aura masa tabdijan....

"Ameen" mutanen palourn suka fada, Abba ma nasiha yai mana shima sannan yasa mana albarka, fito wa mukai a mota daya aka ajiye mu nida Aisha Yakumbo na gefena sai Mama a gaban sit.

Ni aka fara mikawa gidana sai santin gidan suke, basu dade ba suka fita gaba dayan su ko mutum daya ba'a bari ba, suna fita ana kawo Zeey, wannan ya tabbatar Kenan Batul ce uwargida..

Ina zaune akan gadon har akai sallar Isha'i, mikewa nai na shiga toilet nayi alwala akan carpet din tsakiyar dakin, ina zaune akai har bacci ya dauke ni ban sani ba...



**********

A bangaren Zeey kuwa ana kaita part dinta nan Yan uwanta suka fara caa akan delay din da sukai na kin kawo Zeey tunda rana gashi an fara kawo kishiyar ta kuma itace uwar gida.

Zeey Kam ko magana ta kasa sai kuka da take sbd bakin ciki, duk saurin da sukai ana idar da sallah aka taho kawo ta sai gashi amma wai sbd bakin ciki ynxu itace amarya kuma knn sai Azlan dinta ya fara kwana a dakin ta kafin ita.

Wannan abin yafi komai bakanta Mata rai, itama dai haka aka watse aka barta zaune tana jiran angon ta ya shigo ya ga kwalliyar da aka masa.


*********
Ban garen Azlan kuwa yana kwance a daki sai magana Haidar yake masa akan ya tashi ya shirya ya rakasa gidan sa amma yaki, sai da ya fadawa Mami ta shigo tai masa magana sannan ya mike ya shiga wanka.

Shiryawa yai cikin three quarter fari sai riga armless ash colour ta dame sa sosai yayi kyau, kwallin sa ya dakko ya rambada a idonsa sannan ya tura shi cikin alijun wandon Kar ya manta, a ransa yana fadin sai ya koma gurin da yake siyan kwallin wannan da aka kawo masa bashi da quality.

Turare ya fesa ta gyara sumar sa ya juya yana kallon Haidar daya zuba tagumi yana kallon sa, hade rai yai yace "muje don Allah bacci nake ji"

Tsaki Haidar yai yace "kaji shi kamar zai iya baccin bayan yana da tsala tsalan Mata har biyu"

Kankance idonsa yai yace "Haidar yaushe kaima ka iya vawulence wai, ya kake so Ka iskan tani kai baka san tsoron Mata nake ji ba."

Hararar sa Haidar yai yace "a tsoron matan Ka yi cikin Mimi ba"

Datse lip dinsa na kasa yai yana rike haba yace "ynxu shiknn kowa kallon mara budurci yake min koh"

Salati Abie dake bakin kofa yai yace "yaushe hankali zai shiga kanka wai Azlan baxa Ka daina irin wannan maganar ba"

Langwabe kai yai yace "Abie maganar gaskia ina kaunar budurci na wancan ma nasan garin kuruciya ne ya tafi Amma ynxu d akwai wani"

Juyar dakai Abie yai yace"bana son shakiyancin zoka wuce gidan Ka"

Marairaice wa yai kamar zaiyi kuka yace *Abie nifa tsoron Mata nake ji maganar gaskia bara na fada, haka kurin azo a lalata ma ni in dinga bin....."

Dakuwar da Abie yai masa yasa shi fashewa da dariya yana shafa kansa, murmushi kawai Abie yai ya juya yana girgiza kansa Yana ma Azlan fatan shirya da farko ya dauka ya shiryu da yaji ya daina maganar budurci Ashe lambo ya musu.

Part din Mami suka je itama ta dade tana masa addu'a sai shagwaba yake zuba mata, dakyar ta kora Shi suka fita.

A mota koda Haidar yace su tsaya a siya kazar amare, Azlan cewa yai ai ba mayu bane su da za'a siya musu kaza.

A kofar gidan yasa Haidar ya ajiye shi ya shige gidan, yana shiga yasa Mai gadi ya rufe gate din, bai tsaya ko ina ba ko kallon gidan bai tsaya ba direct part dinsa ya shige ya rufe kofar ba tare daya shiga part din amaren nasa ba.....





Ynxu aka fara wasan🏌️‍♀️





Comments Nd share plz





Mrs A.M🥰

[06/09, 15:56] Deejarh🤍: ♠️♠️♠️♠️♠️

*TASWIRAR KADDARA*

♠️♠️♠️♠️♠️


Written by
Mrs A.M🥰

Page 27

BISMILLAHIR RAHMANIR RAHIM

*SANARWA SANARWA*💃💃💃💃


*ME TAKEN NA AMARYA HUTAA$$*

*MUNA FARIN CIKIN SANAR DAKU CEWA MUNA BADA HAYAR KAYAN AMARYA(WEDDING GOWN), KAYAN BRIDAL SHOWER, KAYAN BIRTHDAY PARTY, KAYAN FITAR SUNA, SANNAN MUNA BADA HEAD AND SHOULDER, MUNA DA POSS, MUNA ALKYABBAR KAI AMARYA KO TARON WALIMAR SAUKA, MUNA DA KAYAN FULANI FARARE NA YARA DANA MANYA MUNA DA NA AMARYA BLUE BLACK, SANNAN MUNA GYARAN JIKIN AMARYA DA UWARGIDA CIKIN KWANA UKU CAKAL ZAKIGA KIN KOMA TAURARUWA MAI WALWALI. MUNAYIN TURARUKAN WUTA DA HUMRA DA KOLACCAR, KOWANNE KALA KIKE BUKATA AKWAI CIKIN FARASHI MAI SAUKI.*


*LOCATION KANO*

08062073990


A hankali na shiga bude idona jin kiran sallah, hannu nasa don shafa kan mimi naji wayam da sauri na bude idona.
Bin dakin da kallo nai da inda nake kwace kwalla ce ta tarar min a ido don tsaf na tuna komai.

Mike wa nai na shiga toilet sai anan na shiga bin toilet din da kallo ya hadu iya haduwa, da sauri na yi alwala jin za'a tayar da sallah, kan sallayar dana kwana kai ya nau nayi sallah ban tashi ba sai da na gama azkar dina sannan na mike.

Har lokacin da ragowar bacci a idona sai na koma Kan makeken royal bed din dakin na kwanta.

Bani na tashi ba sai karfe 10 da sauri na mike ganin lokaci yaja sosai ga yunwa dake kwakwular hanji na, gadon dakin na gyara tsaf na dame sa sanna na fita don gyara part din.

Tsayawa nai cak ina bin palourn da kallo, set din kujeru ne golden colour mai hade da dining da console table sai katon show glass komai golden har cotton din palourn, juyawa nai na kalli gadon dakin naga shima set din kujerun ne kato mai dauke da babbar wardrobe da bed side drower sai tafkeken Mirrow da standing mirror shima komai golden yayi kyau har ya gaji, daga ganin set din ba sai an fada ma masu tsada ne.

A hankali na shiga tunanin Abba ne ya siya min wannan ko kuskure akai bani za'a kawo waba, kofofi 6 ne a Palourn dakin dana kwana yana daga lungu a hankali na dinga bin kofofin ina budewa ashe 4 bedrooms ne amm guda 3 ne aka sa gadaje daya katifa ce kawai a dakin, sai kofar kitchen dake gurin dinning area shiga nai naga kayan kitchen din dasu Umma suka min, murmushi nai hawaye yana sakko min don su Umma sunyi kokari sosai, store na shiga naga an cika sa da kayan abinci da drinks kuma nidai nasan ba'a mana gara na, fridge din shima a cike yake da kayan miya.

Dayar kofar kitchen din na bude Ashe bayan gidan ne gurin kamar garden yake, murmushi nai na rufe kofar na dauki tsintsiya a store na shiga share gidan, duk kuwa da ba wani datti ina gama sharewa na debo ruwa a mop bucket daki na shiga na dauko turaren Mopping na Mrs Dnah perfumes and colognes set din kayan ta Maman Hidaya ta mana nida Aisha tace in munyi amfani dasu muka ji sun mana zata bamu numbern ta don ita tunda aka mata aure dasu take amfani.

Turaren Mopping din na zuba a ruwan na shiga Mopping din ai kuwa naji kamshin sbd wani sassanyan kamshi da part dn ya dauka, ina gama mopping din na dauko freshner na fesa lumshe idona nai jin wani lafiyayan kamshin yana ratsa kofofin hanci na, turaren wuta nasa na Maman Sudais nan danan gidan ya hade ya bada wani irin kamshi.

Daki na shiga nai wanka ina fitowa na shafa body cream dina na Mrs Dnah perfumes and more, a gaggauce na shirya cikin lace Riga da skirt sun min kyau sosai sun dame ni, kwalli kawai nasa sai humra dana shafa na fesa turare, flat shoe na zira a kafata na fita zuwa kitchen don yunwa nake ji sosai, tea na dafa kawai a kitchen din nasha na wanke duk abinda na bata.

Palour na koma na zauna akan kujera ina kallon makekiyar TV mai curve dake zaune a kan TV stand din palourn, janyo waya ta nai na Kira Umma, sai da ta kusa katsewa sannan ta daga.

A shagwabe nace "Umma ina wuni"

Tsaki Umma tai tace "ni kike yiwa shagwaba Batul"

Kwal nai da idona cikin rawar murya nace "Umma bakiyi missing dina ba"

Haba Umma ta kama tace "yau naji shakiyanci meye haka wai ko Aisha dai baxa ta min haka na"

Turo baki nai nace "Umma ina Mimi, yaushe zata dawo nan?"

Katseni Umma tai tace "sai kin dade inji Abbanku"

Kamar zan kuka nace *Umma kiyi hakuri don Allah, a kawo ta yau"

Gyada kai Umma tai tace "eh na yadda baki da hankali Batul to ba ynxu ba"

Shiru nai sai kuma nace "Umma kayan palourn nan kamar ba nawa ba?"

Dariya Umma tai tace "Baffa ne ya Miki, Abban ku yaso ya hana amma baffa yace ai ya dauke ki matsayin jikar sa sunyi kyau koh haka su Bilkisu sukai ta Santi"

Murmushi nai zuciya ta cike da kaunar Baffa nace "Angode sosai, Umma a bawa Mimin mu gaisa."

Karba Mimi tai wacce dama tunda Umma ta fara waya taji an Kira sunan Maa dinta tayi tagumi tana kallon Umma, a shagwabe tace "Maaa"

Dariya nai nace "uhm Babyn Maa ya kk, kinyi bacci jiya?"

Daga kai tai tace "uhm Maa Umma tace kin koma gidan Daddy na da Zama wai Nima zan dawo gurin ku in banyi kuka ba, baxan yi kukan ba ai Maa"

Cike da tausayin ta nace "kar ki damu kinji Mimi na kin kusa dawowa gurina muyi ta wasan mu tare"

A darare tace "hadda daddy zamu dinga wasan?"

Hadiyar yawu nai nace "uhm hadda Shi"

Dariya tai, mun dade muna hira ina biyewa shirmen ta kafin na katse wayar, Abba na Kira shima na gaishe sa ya Kara min nasiha sosai sannan na dannawa Aisha kira.

Tana dagawa ta fashe da kuka, haba na rike nace "mun shiga uku lafia ke daga kira sai kuka"

Kara sautin kukan ta tai tace "Ya batul Ya Yusuf mugune wallahi"

Dariya na fashe da shi ina fadin "subhanallah, Aisha lafia meye na muguntar ina ke kike murna za'a miki aure kiji abinda ake ji toh meye na kuka"

Gyada kai tai tana share hawayen ta tace "bkm wallahi ta batul don na fada Miki abinda yake damuna shine zaki dinga min", ta karashe tana kara fashewa da kuka

Dariyar dake son kwace min nayi kokarin controling nace "kiyi hakuri toh Aisha kin shiga cikin ruwan zafi"

Daga kai tai tace "ya sakani amma ban Kara shiga ba ya fita ya siyo min magani"

Murmushi nai nace "kiyi hakuri kinji ki Zama mai dauriya banda ragwanta ynxu kafin ya dawo ki kara shiga ruwan xafin, ko zaki ji zafi ki daure"

Daga mun kai tai sai kuma tace "Ya Batul kece fa uwar gida kar ki barwa amarya kwanan ki wallahi don yadda naji muryar ki kamar ba'a gunki Daddyn Mimi ya kwana ba"

Hade rai nai a raina ina fadin yazo yamin ne amma sai nace "mata je kiyi abinda na fada Miki kin tsaya surutu"

Dariya ta kwalkwale dashi tace "Allah ya kaimu lokacin ki kema ya Batul muga ya zakiyi," da sauri ta kashe wayar tana dariya don tasan tsaf Zan iya zaginta..

Bin wayar nai da kallo nayi kwafa ina fadin "kin shiga gonar manya dole ki raina ni"




***********
Zeey dake zaune a Palourn ta tana sanye da kayan baccin ta ko wanka batai ba ga yawun bacci nan a fuskar ta kiran Mummy take amma bata daga ba.

Tana ajiye wayar Mummy na biyo bayan Kiran, da sauri ta dauka ta fashe da kuka, dafe kai Mummy tai tace "lafia Mene kuma"

Cikin kuka tace Mummy bai shigo bafa jiya har 3 ina zaune a Palour ina jiran shigowar sa amma ko knocking door banji anyi na, nasan yana can gurin waccen mamar shegiar yar tasa

Tsaki Mummy tai tace "ke kam kamar mai brain dn kifi ya kamata ace ynxu kinsan waye Azlan, in har Azlan din dana sani ne bazai shiga part din wannan shegiar ba, ni ba wannan bama wai ashe Baffa tare ya muku set din kujerun nan?"

Cikin Mamaki Zeey dake share hawayen ta tace "wani set din Mummy