You Cannot Download this book untill you login but you can read it .

---

Login Register

Azlan yai yana kallon ta, ta tabbata knn tana da aljanu yarinyar nn kallon baffa yai yace "tsoho ko Malam Sule za'a kirawo ne da alama kanta na motsi."

Harara Baffa ya jefa masa yace "Ka shiga hankalin kafa zaki"

Tabe baki yai yana daga kafadar sa yace "gani nai tana abun masu motsi a ka shine kawai na bada shawarar"

Girgiza kai Baffa yai kallon Aisha yai yace "ina ne gidan ku"

A hankali tace "Hausawa ne Baffa"

Gyada kai yai yace "bara na sa a maida ku gida kinji"

Abie da yake ta juya bracelet din yace "Aisha a ina kuka samu wannan abin hannun."

A tsorace ta dago ta kalle sa sai kuma ta juya ta kalli Batul da ke kwance har lokacin hawaye kawai take, ganin alamun tsoro a tare da ita yasa Baffa cewa "ki kwantar da hankalin ki kinji Aisha ba abinda zamu muku tambayar kawai zaki amsa"

Cikin rawar baki tace "na baban Mimi ne'

Da mamaki sosai Mami tace "baban Mimi kuma? Nidai a iya sanina wannan abin guda biyu ne iri daya na Junaid dana Azlan gashi kuma wannan ma iri daya ne sak alamun na Azlan ne kenn.."

Baffa ne yace "kar ku ruda ta zo kinji jikata'

Sai da ta kalle ni taga idona a rufe yake sannan ta juya ta kalli Mimi dake bacci jikin Azlan sannan ta nufi gurin Baffa tana juyo wa tana kallo na, dafa kanta Baffa yai yace kamar ya na babban Mimi ba kunce ya rasu ba

Girgiza kai tai tana hawaye tace "bamu San ko waye baban taba abinda muke dashi Wanda zai nuna mana baban ta wannan bracelet din ne kawai"

A ynxu kuwa kan kowa dake palourn ya rude, cikin bugawar zuciya Azlan yace "kee me kike nufi da baku san waye baban beauty ba"

Daga kai tai tana hawaye tace "bamu san waye baban taba wannan bracelet din ne kawai mallakin baban ta da yake hannun Ya Batul"

Mikewa Baffa yai ya kalli Abie yace "Muhammad zama bai ganmu ba a wannan gabar, gidan su yaran zamu je mu gana da iyayen su, don kaina ya rude kuma."

Shima Abie da ya gama rudewa Jin wannan maganar yace "Baffa muje toh," kallon Aisha yai yace "xamu samu baban ku a gida ynxu"

Daga masa kai tai tana share hawaye, Mika mata waya Baffa yai yace "samun number dinsa na kira sa tukun kar muje masa haka kawai"

Cikin rawar jiki ta karbi wayar tasa ma baffa numbern Abba, dialing numbern Abba yai ringing biyu ya dauka

Sallama Baffa yai cikin muryar sa mai cike da dattako

Daga can bangaren Abba ya amsa yana gaishe sa Jin muryar ta babban mutum.

Cikin dattako Baffa yace "muna tare da su Aisha ne da Batul in ba damuwa muna son zuwa mu hadu in zamu same Ka a gida"

Cikin dan fargaba Abba yace "suna lafia? Ko wani abun sukai"

Murmushi Baffa yai yace "ba abinda sukai magana ce dama muke so muyi akan Mimi"

Da mamaki Abba yace "Mimi kuma?"

Daga kai Baffa yai yace "eh ita shiyasa nace in ba damuwa zamu iya samun ka ynxu"

Abba da yake zaune a gefen Umma yace "insha Allah ina gida dama zan fita ne amma zan tsaya na Jira ku"

Murmushi Baffa yai yace "mun gode sosai sai mun iso"


********
Umma da tunda Abba ya fara waya take kallon sa da son Jin karin bayani duk da kuwa wayar a speaker take, kallon ta Abba yai bayan ya ajiye wayar yace "Umman Aisha bari naje na Kira yan uwana su zo kafin su iso duk da ban san me suke so suyi magana akai ba amma ina ji magana ce mai muhimmanci"

Daga kai Umma tai tace "Allah yasa muji alkhairi dai kawai amma ni duk gabana sai faduwa yake Abba"

Murmushi Abba yai yana Jan kumatun ta cike da kauna yace "yaushe Sadiyayye ta ta fara jin tsoro nidai nasan Sadiyayye ta jaruma ce"

Murmushi Umma tai tana juya idon ta tace "har ynxu baka tsufa jika ce fa dakai"

Murmushi yai ya dan dale mata baki yace "kul kika Kara cewa bana tsufa har ynxu jina nake garau, ko so kike na auro yar yarinya ce na tabbatar Miki da garau nake"

Harara Umma ta sakar masa tana turo baki, dariya Abba yai yace "Sadiyayye ta uwargida kuma amarya har abada Insha Allah, Allah yai miki albarka Matata"

Murmushi Umma tai tace "Ameen Mijinaa."

Sai da ya tabbatar hankalin ta ya kwanta sannan ya fita don zuwa tahowa da su kawu Nasiru


*********
Baffa ne yace Muhammad sai mu tafi ko da Mustapha da Junaid sai Azlan ku matan ku zauna.

Mummy da take so ayi komai a gabanta tace Baffa don Allah muma muje tare mana ayi komai muna gun

Hade rai yai yace banyi ra'a yi ba ku zauna mazan ne kawai zasu je, mikewa yai ya kalle ni da har ynxu nake kwance sai dai na dena hawayen amma idona a rufe yake.

A hankali cikin nutsuwa baffa yace "taso kinji jikata"

Ban masa musu ba na mike a hankali don dama na gaji na rasa yadda zanyi ne kawai bana.

Ko bangaren da Mimi take ban kalla ba na fita daga palourn motar Junaid muka shiga nida Aisha sai uncle Mustapha a gaba, Azlan kuma ya dauki Baffa da Abie sai Mimi dake kwance a jikin Baffa a back sit.

Tafiyar minti 30 ce ta kawo mu kofar gidan mu, muna zuwa na bude kofar na fita na shige gidan a soron gidan na hadu dasu Kawu Nasiru a gaggauce na gaishe su na shige cikin gidan, ban hadu da Umma ba haka yasa na shige dakin mu kawai na kwanta akan katifa ina rufe idona.....

Aisha ce data shigo ganin su Kawu Nasiru yasa ta fada musu bakin suna jiran su a waje, fitowa sukai sai dai Suma tozali da sukai da su Junaid ba karamin daga musu hankali yai ba bama ganin mimi kwance a jikin Azlan.

Khalil da yazo wuce wa Abba yasa shi shiga da Mimi cikin gidan gabansa yana faduwa da alama magana ce mai muhimmanci za'a yi yau dinnan.

Babban gida suka nufa gaba daya don gidan Abba ba gurin da za'a sauke su, a Palourn baki suka zauna bayan an gaisa Baffa yai gyaran murya yace "abinda yasa muka zo nan sbd wani Abu daya shige mana dubu gaba dayan mu, na farko kamannin da Mimi take kama da jikokina kamar an tsaga Kara na biyu kuma abin hannun jikana da ya bata kusan shekara biyar knn sai gashi yau a jakar Batul, sannan kuma Aisha tace abin hannun na baban Mimi ne toh abin ya daure mana kai sosai shiyasa nake son sanin shin waye *baban Mimi?*"

Sunkuyar da kai Abba yai hawaye na taruwa a idonsa, Kawu Nasiru ne ya gyara zama yace "gaskia ba'a san waye baban ta ba don fyade akai ma Yarinyar mu ta haife ta"

Salati Baffa yai yace "subhanallah amma naga karamar yarinya ce Batul din har yaushe ta haifi Mimi"

Azlan kuwa sunkuyar da kansa kawai yai gaban sa yana faduwa jin ta hanyar da aka samu Yarinyar sa lallai da zaiyi ido hudu da ko waye sai yaci ubansaa

Murmushi wanda yafi kuka ciwo yace *"BA BATUL BACE MAHAIFIYAR MIMI"*







Comments Nd share plz






Mrs A.M🥰

[31/08, 11:28] Deejarh🤍: ♠️♠️♠️♠️♠️

*TASWIRAR KADDARA*

♠️♠️♠️♠️♠️


Written by
Mrs A.M🥰

Page 23

*SANARWA SANARWA*💃💃💃💃


*ME TAKEN NA AMARYA HUTAA$$*

*MUNA FARIN CIKIN SANAR DAKU CEWA MUNA BADA HAYAR KAYAN AMARYA(WEDDING GOWN), KAYAN BRIDAL SHOWER, KAYAN BIRTHDAY PARTY, KAYAN FITAR SUNA, SANNAN MUNA BADA HEAD AND SHOULDER, MUNA DA POSS, MUNA ALKYABBAR KAI AMARYA KO TARON WALIMAR SAUKA, MUNA DA KAYAN FULANI FARARE NA YARA DANA MANYA MUNA DA NA AMARYA BLUE BLACK, SANNAN MUNA GYARAN JIKIN AMARYA DA UWARGIDA CIKIN KWANA UKU CAKAL ZAKIGA KIN KOMA TAURARUWA MAI WALWALI. MUNAYIN TURARUKAN WUTA DA HUMRA DA KOLACCAR, KOWANNE KALA KIKE BUKATA AKWAI CIKIN FARASHI MAI SAUKI.*


*LOCATION KANO*

08062073990

BISMILLAHIR RAHMANIR RAHIM


Murmushi wanda yafi kuka ciwo Abba yai yace "ba batul bace mahaifiyar mimi".

Cike da Mamaki su Baffa suke kallon sa, kasa jure wa Abie yai yace "ba ita bace mahaifiyar ta?"

Daga kai Abba yai yace "bara a takaice na baku labarin rayuwar ta"


*WAIWAYE*

Kamar yadda kuka sani haihuwa 3 ne Umma tai amma haihuwar ta farko ta haifi Yan biyu mata masu kama da juna inda aka sa musu suna Khadija da Fatima Batul sai ta biyu ta samu Aisha ta uku kuma ta kara twins maza Kamal da Khalil.

Sun taso kansu a hade duk da Khadija ta kasance mai sanyin hali da mutukar hakuri yayinda Batul kuma ta kasance Mai zafi da rashin daukar raini, kamar su daya sak don ta halayen su ne kawai ake banbanta su da kuma saurin maganar Batul.

Ajin su daya a makaranta komai tare suke basa boyewa juna komai, wannan hadin kan nasu ba karamin faranta ran iyayen su yake ba.

A lokacin da suke da shekaru sha uku wani mummunan abu ya faru da wannan ahalin wanda ya kasance sanadiyar tarwatsa musu farin cikin su.

Cikin sauri Umma ta fito daga kitchen ta daga kai ta kalli yadda garin ya hada hadari sosai gashi bata da magin da zata sa a girki ga kuma Magriba ta doso kai, kallon Khadija tai dake xaune tana bitar karatun Qur'ani.

Daki ta shiga ta dauko kudi ta mikawa Khadija tace "ungo Mamana yi sauri kije shagon Muntari ki siyo min magi na 50 da onga na 30 kinga magriba ta doso kuma gashi hadari ne a garin bana son aiken su kamal ne don wasa zasu tsaya yi."

Cikin nutsuwa ta mike tace "toh Umma" karbar kudin tai ta fita daga gidan tana tafiya cike da nutsuwa.....

Kusan minti 30 da fitar ta amma bata dawo ba, Batul da hankalin ta yaki kwanciya tun fitar Khadija ta kalli Umma da itama hankalin nata ba'a kwancen yake ba don har an Kira sallah tace "Umma bara naje na dubo ina ta tsaya, kinga har ynxu bata dawo ba kuma shagon Muntarin ba nisa ne da shiba"

Cikin fargaba Umma tace kiyi sauri don Allah kema kar ki tsaya kinji

Daga kai kawai tai ta sa hijab dinta ta fice daga gidan, shagon Muntarin ta fara zuwa amma yace mata bai ga Khadija ba, hankalin ta a tashe ta soma zagaye unguwar ko taje wani shagon bana muntarin ba amma duk inda taje sai ace mata bata zo ba.

Daidai wani uncompleted building dake kasan layin su tazo wucewa taji kamar muryar Khadija cikin kuka tana fadin "don Allah kayi hakuri ka kyale ni mutuwa zanyi"

Wani irin bugawa kirjin ta yai cikin sanyin jiki da kasala data rufar Mata jikin ta na wani irin rawa ta zagaya cikin ginin da sauri ta runtse idonta ganin wani mutum dake sanye da bakaken kaya ya danne Khadija dake kwance tsirara duk ya yaga kayan jikinta ga ruwan sama dake dukanta..

Wani karfi ne yazo mata tasa ihu Wanda ya fargar da Mutumin da sauri ya daga Khadija ya juya da nufin guduwa batul ta maza ta cafki hannunsa dambe suka fara Yana son ya kwace kansa ita kuma tana kaimasa duka da karfi tana kokarin bude fuskar sa don ya rufe fuskar da hular rigar sa, karfin mace dana miji ba daya hankada ta yai da karfi Wanda ita kuma dake rike da hannun sa ta fincike abin hannun da taji.

Guduwa yai bata tsaya bin sa ba ta kwasa a guje gurin Khadija dake kwance cikin jini tana kuka, tana zuwa ta rungumo ta a jikinta tana fashewa da kuka, wani irin kuka Khadija itama ta kara fashewa dashi mai cike da tausayi da rauni.

Cikin rawar murya tace "Batul ya cuce ni ya raba ni da martaba ta"

Runtse ido Batul tai ta cire hijab dinta ta lullubawa Khadija, cikin karfin hali tace "Zaki iya tashi mu tafi gida"

Girgiza Mata kai kawai Khadija take idonta a rufe mike wa tai tace "ki tsaya kinji bara naje na Kira Umma"

Daga mata kai Khadija tai tana rufe idonta.

Cikin sanyin jiki Batul ta nufi gida a kofar gida ta tarar da Umma da Abba suna tsaye da alama Abban ya dawo ne.

Kallon ta kawai suke ganin tana tafiya tana kuka ga ba hijab a jikinta, da sauri Umma ta riko ta tace "lafia kin ganta Batul"

Fadawa jikin Umma tai tana fashewa da kuka mai tsuma zuciyar mai sauraro

Cikin tsinkewar zuciya Umma tace "ki min magana mana bana son iskanci"

Nuna musu hanya kawai take tana kuka, Abba ne yai dauriyar riko batul yace "Batul muje ki nuna min inda take"

Ina gaba suna bina a baya har muka isa kangon, a lokacin da muka isa Khadija bata numfashi tayi fayau kamar ba rai a tare da ita.

Umma da kafafun ta ke rawa ta isa kusa da Batul ta kasa kuka ma cikin rawar jiki ta warware hijab din da batul ta yafa mata ta sama ta a jikinta, janyo ta tai gabanta na faduwa.

Abba daya fahimci halin da aka jefa yarsa ya juya da sauri yace "bara na samo mana abin hawa mu kaita asibiti,"

Umma bata iya magana ba idonta kuri akan Khadija da bata numfashi, bai dade ba ya dawo da adaidaita shida Umma ne suka shiga ni kuma Abba yace na koma gida.

Lokacin da na shiga gida da kyar na iya zama akan kujera Jin wani abu a hannuna yasa na bude shi, wani kyakkyawan bracelet na gani sai kwalli yake wani irin jifa nai da shi cike da tsanar ko waye mai shi don nasan shine silar lalacewar rayuwar yar uwata.

Kamal dake kallona yaje ya dauko ya kalle ni yace "Ya Batul me yasa kika yar da shi na waye ne wannan abin kingan sa mai kyau".

Ban basa amsa ba sai hawayena da nake sharewa kawai

Aisha ce ta kalle ni don itama tana da dan wayo shekarar ta 11 lokacin tace "Ya Batul ina Ya Khadija dasu Abba"

Cikin dauriya nace "sun tafi Kai Khadija asibiti bata da lafiya"

Fuskar tausayi dukansu sukai suka ce Allah ya bata lafia




**********

Lokacin da su Abba suka kai Khadija asibiti kin karbar ta akai wai sai an zo da dan sanda, dole Abba ya kira kawu Nasiru ya fada masa halin da ake ciki.

Cikin dimuwa Kawu Nasiru ya kira wani dan sanda dake unguwar su tare da shi suka zo asibitin sannan aka shiga da Khadija, numfashin ta aka soma samu ya dawo daidai sannan aka duba ta abin tausayi har dinki aka mata don Wanda ya mata fyaden karfi yasa Mata.

Sai da tayi sati daya a asibiti sannan aka sallame ta kuma tunda ta farka batai magana ba, batai kuka ba ko an mata magana sai dai kawai ta daga kanta ko ta girgiza kanta, Batul kuwa bata taba zuwa ba kullum tana gida ita ke kula da abincin su.

Tuni labarin abinda ya faru da Khadija ya karade Yan uwa da mutan unguwa, don tunda uwani taji da hama suka shiga barbadawa, inda Shamsiyya ma ta fada a makarantar bokon su da islamiyya cewa an kama Khadija tana iskanci shine aka fake da cewa fyade aka mata.

Ranar da aka sallami su Khadija, ina xaune a tsakar gida ina tankade garin masarar da zan mana tuwo anjima suka shigo Umma ce rike da Khadija dake tafiya a hankali sai Yakumbo a bayan su.

Dagowa nai muka hada ido da Khadija kawai ta ware min hannunta, cikin karyewar zuciya na mike da gudu naje na rungume ta itama rungume ni tai kawai muka fashe da kuka.

Umma itama da kukan yazo mata shigewa daki tai tana fashewa da kuka, Yakumbo ce ta goge hawayen ta ta shiga rarrashin mu.

Da kyar mukai shiru na rike ta muka shiga palour, sai dai me muna zama Uwani da Hama suka shigo.

Kallon Khadija Uwani tai tace "sannun yar nan ashe haka abu ya kasance toh Allah ya kiyaye gaba amma kam an cuce ki ynxu ke waye ma zai aure ki bayan wannan tabon da aka shafa Miki."

Hama ce ta cafe da fadin "ai abin tausayin ma in an samu wani ya aure ta tofa iyalan ta ne abin tausayi shiknn sai ana musu gori cewa Uwarsu ba budurwa aka same taba.."

Umma da ta fito daga daki tace "bakin ku ya sari danyan kashi , Insha Allah ba abinda zai biyo baya sai alkhairi kuma kaddara ce tana kan kowa"

Da sauri Uwani tace "dakata Sadiya ban gane mai kike nufi da kaddara na kan kowa ba badai fata kike ace muma yayan mu amusu fyaden bakoh?"

Hama tace "kyaleta Uwani inaga bakin ciki take mana mu ya'yan mu suna nan da budurcin su ita kuma nata gashi an dauke na daya saura biyu"

Umma zatai magana Yakumbo ta daga mata hannu, kallon su Uwani tai tace "xaku iya tafiya in kun gama fitsarar taku zan hadu da mazajen naku"

Cikin dan tsoro suka fita don sun san halin Yakumbo bata sakar wa sirika fuska kuma yayanta suna matukar Jin maganar ta, tabbas in ta fada musu sun kade..

Matsa hannun ta nai dago idon ta dake zubar da hawaye tai ta kalle ni, murmushi na sakar Mata ina goge Mata hawayen...

A daren ranar na nunawa su Abba abin hannun dana cire a hannun mutumin, naso yarwa Abba yace na ajiye wata ran zaiyi amfani.


Tun daga ranar rayuwar mu ta sauya koda muka koma makaranta gaba daya sai aka tsane mu duk inda muka wuce sai an nuna mu ana fadin gasu can waccan ce wacce aka kama tana iskanci, a islamiyyar ma bamu tsira ba gashi a unguwa duk kawayen mu sun daina kulamu.

Hakan yasa nima na Kara zama mara hakuri da farko in aka zage mu shiru nake amma daga baya daina shiru nai ana zagin mu ina ramawa in ta kama ma na zaune yan iska mu dambatu.

Dole Abba ya chanja mana makarantar boko da islamiyya, kawayen layin mu kuma duk na watsar da Yan iska, a unguwar ma da maman Hidaya kawai muke shiri don lokacin tana amarya.

Rashin kawayen da nai yasa muka Saba sosai da cilla, a gidan su ake mana markade kuma ni nake kaiwa, tun in nakai muna fada da shi sbd a lokacin yana ganiyar rashin jinsa duk da ya girme ni kuma in ya min abu ramawa nake har muka zo muka Saba sosai.


Wata uku da faruwar lamarin Khadija ta soma wani irin haske, ga kwadayi da ba ruwanta amma ynxu komai ta gani sai ta ci ita tasa na fara kayan cake sbd son da take masa, ga cin abinci ko yaushe bakinta cikin motsi yake.

A wannan lokacin kuwa hankalin Umma ba karamin tashi yai ba don ta fahimci ciki ne da Khadija, koda ta fadawa Abba ce Mata yai ta bari a tabbatar tukun.

Asibiti ya kai Khadija gwajin farko likita ya tabbatar da ciki ne da ita na wata uku har da sati biyu, zan iya cewa tashin hankalin da muka shiga baxai iya misaltuwa ba, ba yadda Umma batai ta a zubar da shi amma Abba da Yakumbo suka hana.

Uwani da Hama kuwa an samu abin yamadidi a unguwa yadda suka sako Umma a gaba sai da Yakumbo tace musu duk Wanda ya Kara wata magana sai tasa mijinta ya sake ta sannan suka shiga taitayinsu.

Nidai na tsani cikin Khadija bana sonsa don kiyayya nake nuna masa kuru kuru wani lokacin har dukan cikin nake bama daya soma girma.

Tunda cikin yai wata biyar Khadija ta daina fita ko kofar gida, tayi kiba sosai muna iya kokarin mu ganin mun kwantar Mata da hankali, Abba ne ya bawa Umma kudi taje kasuwa tayi siyayyar baby badon ranta naso ba.

Cikin Khadija tun da ya shiga wata tara rabonta da lafia knn, kullum cikin ciwo take yau ciwon baya gobe ciwon kafa jibi ciwon ciki.

Muna kwance a katifar mu hira muke Sama Sama don bacci nake ji, kallon Khadija nai data min kyau sosai tayi haske Dan tsaki nai nace "ke dallah ki daina kallona haba kin ishe ni"

Murmushin ta mai sanyi tai tace zanyi kewar ki yar uwata, ina matukar kaunar ki sosai yar uwata

Gaba nane ya buga da karfi cikin dauriya nace "ina zaki da za kiyi kewar tawa"

Murmushi kawai tai ta janyo hannuna ta dora akan cikin ta, Dan zabura nai jin cikin yana motsi sosai, ganin yadda nai ta fashe da dariya tace "matsoraciya"

Murmushi nai kawai duk da na sani cikin Amma sai na kasa dauke hannu na, a hankali itama ta dora hannun ta akai tace "baby kina ji ko wannan itace mamanki sunanta Batul kiyi mata biyayya sosai tana sona"

Dan hade rai nai Zan janye hannuna tai Maza ta rike tace "Batul meyasa baki son cikin nan"

Dan kallon ta nai sai na juya nace "sbd cikin mutumin dana fi tsana ne a rayuwata Wanda yai silar lalacewar rayuwar mu"

Murmushi mai sauti tai tace "amma ai hadda jinina a jikin cikin koh, kuma nasan ni kina matukar sona baxa ki kaunaci cikin ba kodan sbd ni batul, yau cikin nan in ya fito duniya zai budu idonsa ne a matsayin kece mahaifiyar sa in kina nuna masa kiyayya ya zaiyi?"

Zare hannuna daga kan cikin nai nace "naji zan kokarta"

Dariya kawai tai tana lumshe idonta, daren ranar haka kurin na kasa bacci sai zubawa Khadija dake bacci cikin nishadi ido nai, sai gaf da asuba na matsa jikin ta na rungume ta ina sauke ajiyar zuciya.

Washe gari da Asuba Khadija ta fara nakuda, a rikice Yakumbo dani da Abba muka nufi asibiti da ita, ko da muka je nurse din data dubata tace ce haihuwa ce mu zauna a asibitin.

Shiru amma har la'asar sai wahala da Khadija take sha kawai, kanwar Umma Aunty Bilkisu itama tazo gurin azahar.

Nidai sbd tashin hankali ko ruwa ban shaba nayi zuru zuru sai gab da asuba sannan haihuwar tazo, labour room aka shiga da ita a lokacin Abba daya koma gida shima ya zo don kasa bacci sukai shida Umma gashi kuma sunyi kawaicin kin kiran wayar su Yakumbo su tambaye su.

Minti 40 da shigar su nurse ta fito da guje ta nufi office din likita sai gasu sun dawo da likitoci biyu, mudai muna tsaye a gun muka ji kukan jaririya.

Likitan ne ya fito yace wace "Batul a cikin ku"

Cikin bugawar zuciya Abba ya nuna ni, daga Kai likitan yai yace "biyo ni".

Da wani irin rawar jiki nabi bayansa har cikin labour room din, a kwance Naga Khadija ta kara haske sosai dukda an mata kasanta zanu hakan bai hanani ganin yadda Jini yake gudu a jikin taba.

Nurse ce ta miko min babyn data shirya cikin fararen kayan sanyi sai motsi take tana tsotsar hannu, Dan zuba mata ido nai ina tasbihi a raina sbd tsantsar kyaun yarinyar kamar yar larabawa lokaci daya naji wani masifaffiyar kaunar ta yana huda zuciya ta.

Cikin dashewar murya Khadija ta miko min hannun ta tace "zo yar uwata"

A hankali na daga kafa ta har na isa kusa da ita, hannuna ta kama tana murmushi ta kalli fuskar yarinyar sai ta sa dariya mai hade da kuka, cikin muryar ta data dishe tace "ga yarinyar kinan batul na bar miki ita duniya da lahira dama kuma taki ce, bana son tasan cewa bake kika haife taba don Allah kina sonta"

Da sauri na daga mata Kai hawaye suna zuba daga idona, murmushi tai tace "in anga babanta kice masa na yafe masa Batul"

Dan hade rai nai nace "ni baxan taba yafe masa ba"

Girgiza kai tai tana dariya tace "kicewa Umma da Abba da kowa ya yafe min kinji"

Tsaki nai nace "ke Khadija bansan iskanci meye kike mun magana kamar wata mai barin
Wasiyya"

Murmushi tai jikin ta na rawa ta dora hannun ta akan yarinyar tace *"ALLAH YA MIKI ALBARKA YA KARE KI ADUK INDA ZAKI SHIGA"*

Murmushi nai nace "Ameen"

Hannuna ta rike tana kallona fuskar ta dauke da murmushi ta shiga yin kalmar shahada ni ma sai na shiga yi ina sakar mata murmushi don a nawa tunanin tana yine kawai.

Idonta ne Naga ya tsaya cak sai hannun ta daya saki, murmushin dake Kan fuskata ne ya dauke nace "Khadija ya kikai shiru"

Girgiza ta na shiga yi amma bata motsi gaba daya jikinta ya saki, a rikice na juyo gurin doctor da nurses din da suke tsaye suna kallon mu cike da tausaya wa, cikin tashin hankali nace "doctor bata motsi"

Janye ni wata nurse tai ta fitar dani daga dakin, muna fitowa ta kalli Abba tace "sai dai hakuri Allah ya mata cikawa, Allah ya