You Cannot Download this book untill you login but you can read it .

---

Login Register

Khadija S Muhammad).

"Dukkan mu muna da laifi tunda mun kasa bayyana soyayyar mu a fili, sai faɗa da muke da juna sam bama jituwa, lallai Allah shi kadai yasan abinda ya ɓoye cikin tarayyar mu." Ya dire maganar yana manna mata kiss a kumatu.

"Allah ya bamu hak'urin zama da juna lafiya. Ameesha ta faɗa tana kara shigewa jikinsa idonta lumshe kamar mai jin bacci.

"Amin." Ya amsa yana ci gaba da wasa da jikinta a haka bacci ya kwashe su, ba su farka ba sai bayan la'asar, Dr ya fara farkawa ya sauke idonsa kan agogon da ke manne a bangon falo, da sauri ya tashi zaune ganin lokacin sallah ya gota. Tashin Ameesha ya soma yi tana farkawa suka shige bedroom Dr niyyar wanka ya yi, don har ya ɗaura towel a kugunsa ya zubawa Ameesha ido ganin tana niyyar kwanciya

"Tashi mu yi wanka mana Cutie time na tafiya fa."

"No! A fito lafiya zan yi nawa."

"Ba ki yin wankan kenan?"

Kai ta gyaɗa tana gyara kwanciya, Dr bai ce komai ba ganin ta rufe ido, ai da sauri ya sureta bai zame da ita ko ina ba sai cikin toilet cikin kwamin wanka ya sakata, yana sanya ta ta mik'e zaune jinta cikin ruwa tsundum kallonsa ta yi a shagwaɓe ta ce

"Please Dr me haka?"

"Soyayya ce haka." Ya bata amsa yana shiga cikin kwamin shi ma. Shiru Ameesha ta yi masa tana jinsa ya gama cire mata kayan jikinta wanka ya mata tas yana yi yana love wanda Meesha ko kallonsa taki balle ta taimaka masa, a haka ma ya ji dadi yana gama mata ta daura alwala cikin towel ya nadeta da kaita bedroom, cikin sauri ya kammala wankan ya yo alwala ko da ya fito ya sameta har ta gama shafe jikinta da mai ɗaya daga cikin jallabiyar Dr Ameesha ta san ya suka gabatar da sallah.

Bayan sun idar Dr ya je ɗakinta kaya ya kwaso mata wanda zata saka, three kwatan wando da karamar top mai hannun bes, tana kwance Dr ya gama mata komai har shiya ta, ya feshe mata jiki da turaruka masu sanyin kamshi, woww gaskiya Ameesha ta yi kyau, Dr ma cikin kananan kaya ya shirya three kwata da singileti, sosai kayan suka amshi jikinsu, falo suka koma inda suka kunna tv suna kallon tashar Bollywood.

Karfe shida saura direban gidan Nenne ya kawo masu abinci, Dr da kan sa ya fita ya kwaso, a dining suka shirya komai
[10/8, 8:18 PM] Zulayheart Rano: *SANGARTA*


©
_*ZULAYHEART RANO*_

*Sadaukarwa ga Khadija S Muhammad My Besty*

*43*

Haka Ameesha ta sha kukanta daga karshe ta lallashi kanta, a three sitter ta kwanta tana mai ambaton sunan Allah a hankali wata nutsuwa ke saukar mata. Dr kuwa ko da ya shiga bangaren Aneesa kwance ya sameta kamar ko da yaushe tana aikin latsa waya, ko kallo Dr bai isheta ba balle ya samu arzikin sannu da zuwa. Zama ya yi tare da bismillah yana faɗin "my Anee barka da hutawa."
Bata amsa ba sai dan dagowar da ta yi ta kallaceshi, kamar wacce aka tsikara kuma sai ta mik'e tare da shigewarta bedroom. Girgiza kai kawai Dr ya yi shima ya shiga bedroom ɗinsa, kayan jikinsa ya rage sannan ya nufi toilet alwalarsa ya dauro ya zira jallabiya sannan ya nufi masallaci, bai shigo gidan ba sai bayan ishsha da tek away ya shigo da su, a dining ya aje ledojin babu kowa a falon hakan ya nuna Aneesa bata fito ba, bai bi ta kanta ba don yasan masifa take nema da shi shi kam ba zai biye mata ba.

Leda ɗaya ya ɗauka ya nufi bangaren Ameesha, kamar yadda ya zata kuwa a falo ya sameta tana zaune ta buga uban tagumi jin an bude kofa yasa ta yi saurin ɗagowa ido hudu suka yi da Dr wani irin lallausan murmushi ta sakar masa, sai da gabansa ya fadi da yadda yaga idanunta sun kumbura a lamar ta sha kuka, "Cutie lafiya kuwa kalli idonki fa?" "Babu komai fa baby." Ameesha ta ba shi amsa tana amsan ledar da ya shigo da ita.
"An ya kuwa Cutie?" "Allah nifa baby babu wani abu." A shagwaɓe ta yi maganar. "Ok tun da babu komai ai shi kenan, amma Please abar kukan haka nan ya isa." "Na daina." "Promise?"Dr ya fada yana kallonta. Murmushi ta saki ta ce "Yes promise." "Ga abinci nan ki ci sai ki kwanta, karki manta da addu'a fatan kin yi sallah?" "Eh na yi." Ameesha ta bashi amsa. Fita Dr ya yi yana mata sai da safe, bayan fitar Dr abincin ta jawo hankali ta soma ci, duk da dai turawa kawai take sam bata wani jin dadin sa, bata ci da yawa ba ta ture shi gefe tare da hamdala ga Allah.

Dr kam ko da ya koma falon Aneesa bata fito ba, don haka sai ya ɗauki leda daya ya nufi bedroom ɗinta akwance bisa gado ya sameta, cikin nutsuwa ya zauna a bakin gadon yana kallonta a hankali ya furta "My Anee." Sarai tasan da shigowar sa sai ta ɗauke kai, jin yadda ya ambaci sunanta sai da wani abu ya tsirga mata tun daga tsakar kai har yan yatsun kafarta, amsawa ta yi ba tare da ta tashi ba. "Tashi mu yi magana." Fuska babu walwala ya yi maganar.

Tashi ta yi tare da kauda kai gefe taki ko da kallonsa, murmushi ya yi ya ce "Aneesa faɗa min laifin da na yi maki kike fushi dani?" Ya ida maganar yana kafeta da ido. Shiru ta yi kamar ba zata yi magana ba sai kuma ta ce "Ni baka min komai ba." "Ban yi maki komai ba kike fushi da ni Aneesa?" Cike da mamaki yake tambayarta. "Eh gaskiya na faɗa maka babu abin da ka yi min." Ta faɗa tana mik'ewa. Sam Dr baya son jan magana don haka sai ya ce "Shi kenan tunda kika ce haka, amma nasan mutum haka kawai bazai fara fushi ba tare da an yi masa komai ba." "Ni dai Hamman na faɗa maka baka min komai ba." "Ok dawo ki zauna, kila babu abin da kika ci ga abinci nan idan kin gama ina jiranki a bedroom."

To kawai ta amsa tana shigewa bedroom, ruwan sanyi ta sakarwa kanta zafin da zuciyarta take ta ɗan ragu ko yanzu tasan tana da matsayi a idon Dr tunda har ya yi mata magana cikin tausasa murya, duk da tarin rashin mutuncin da ta yi masa, bayan ta fito ta zauna ta ci ta koshi da yake ta yi sallah sai kawai ta koma toilet ta kuskure baki, rigar bacci ta zura ta nufi dakin Dr. Lokacin Dr na zaune cikin tunanin halin da Ameesha ke ciki, kalkalo murmushi ya yi ya ce "Barka da zuwa My Anee." "Hmm! Barkammu dai Hamman." Tana gama faɗin haka ta yi kwanciyar a kan gadon, wani irin farin ciki ya ziyarci zuciyarta don ganin ta a kwance a gadon Hamman ɗinta.

Dan ɗago kai ya yi ya ce "Daga zuwa sai kwanciya? Ko dan hira baki taya mijinki." Kunya ce ta kamata don haka sai ta sauka daga gadon ta nufi inda yake zaune, kusa da kafafunsa ta zauna. Murmushi ya saki sannan suka soma hira irin ta mata da miji, idan ka ga yadda Aneesa ta saki jiki sai murmushi take yi ba ka taɓa cewa ita ce. Tsakanin miji da mata sai Allah nan take suka ɗinke, dama dai Aneesa kishin Dr ke damunta.

Gari na wayewa Aneesa da kanta ta shiga kicin ta haɗawa Dr break, bai fita ba sai da ya yi shirin zuwa office break din ya yi kafin ya yi mata sallama, yana fita bangaren Ameesha ya yi don ganin yadda ta kwana.

*****

Ameesha kam ganin bacci yaki zuwa mata sai ta mik'e alwala ta dauro mai kyau ta shiga nafilfili, ba ita ta bar sallayar ba sai bayan ta yi asbah sannan bacci ɓarawo ya yi awon gaba da ita.

Dr na shiga falon yaga bai ganta ba sai ya nufi bedroom ɗinta, amfani ya yi da fitilar wayarsa ya haska daki don gulob ɗin akashe yake, can ya hangota karshen gado a kwance kallo ɗaya zaka mata kasan sam bata jin dadin baccin, musamman yadda ta wani ta kure waje daya. A hankali Dr ke takawa har ya isa gadon, tsayawa ya yi yana kallon gadon, ko alama bai yamutse ba a gyare yake tsaf shi kansa dakin wani irin kamashi yake fitarwa, haka kan gadon lumshe ido ya yi ya buɗe sannan ya hau gadon bayan ya cire takalmarsa, kusa da kanta ya zauna a hankali yake shafa gefen fuskarta yana magana a kunnenta "Cutie tashi gari ya waye fa." Buɗe ido ta yi jin muryar Dr fes ta sauke idonta cikin nashi murmushi ta sakar masa tana kokarin tashi duk da idonta fal bacci.

"Baby yaushe ka shigo?" "Yanzu ban dade ba Cutie kina ta bacci, kamar ba ki yi kewata kamar yadda na yi taki ba?" Yana maganar ne yana jawota jikinsa. "Baby kenan kewarka da nayi ba zai fadu ba, nasan wanda ka yi ko kwatan nawa bai kai ba domin kana da Sister Aneesa kusa da kai." Cikin turo baki ta gama maganar. "Da gaske kin yi kewata?" Sauri ta daga kai, alamar "eh!" Tana tuna yadda bacci ya kwasheta a daren jiya. "Idan na dawo zaki gwada min irin kewata da kika yi, yanzu dai tashi ki yi break don gari ya gama wayewa, zan tafi office duk abin da kike buk'ata ki sanar min."

Mik'ewa ta yi tare da jawo hijjab ɗinta dake kusa ta sanya, tana faɗin "a dawo lafiya Allah ya tsare ya bada sa a." Maganar ta ta dire lokacin da suka isa kofar falo." Murmushi ya yi yana amsa addu'ar ta tare da manna mata kiss a goshi, sannan ya tafi.

Ciki ta koma sai da ta gama haɗa break ɗin ta, doya kawai ta soya da kwai sai ruwan shayi, bata zauna ba sai da ta gyara ko ina na bangaren, sannan ta shiga wanka shiryawa ta yi cikin wasu riga da siket wanda suka yi mata kyau jikinta ta feshe da turare sannan ta koma ta fara break. Karfe goma da rabi ta gama, duk ranta babu dadi kasantuwarta ita ɗaya a gidan, hijjab ta dauka bayan ta sanya ta fita daret bangaren Aneesa ta shiga, duk da Aneesa na zaune a falon amma ko ɗagowa ta kalli Ameesha ba ta yi ba. Sai cewa ta yi "Lafiya da safen nan?

Murmushin yake kawai Ameesha ta yi ta ce " lafiya lau gaisarki kawai na zo yi." "Na gode da gaisuwa, tunda kin ganni lafiya ai sai ki tashi." Ta dire maganar tana aika mata harara ta mike tare da barin mata falon ta yi shigewarta bedroom. Shiru Meesha ta yi tana kara mamakin halin Aneesa, girgiza kai ta yi tare da tashi ko alama bata nuna wani damuwa ba.

Tana komawa bangaren ta wayarta ta soma ringing, cikin sauri ta dauka da sallama, Dr ne ke tambayarta lafiyar ta, ita kuma ta tabbatar masa tana cikin koshin lafiya. Bayan sun gama wayar Meena ya shigo inda take shaida mata zata zo anjima, wani irin murna Ameesha ta yi, ai da sauri ta shiga kicin ta haɗa mata lafiyayyen abinci, hira suka sha sosai don yini Meena ta yi mata, da zata tafi kamar kar su rabu haka Ameesha ta ji.

Haka rayuwa ke tafiya kwanaki suna zama makonni haka makonni ke komawa watanni, su Ameesha zuwa yanzu watan ta biyu kenan a gidan Dr tana samun duk wani jin dadi a wajen Dr sam baya kaunar ganin ɓacin ranta, ta yadda da irin soyayyar da Dr ke mata, duk da Aneesa tana yi mata abubuwa marasa daɗi amma ita sam bata damu ba, don ita da zuciya daya ta dauketa.

Ranar safiyar wata Alhamis Dr ne kwance ya yin da Ameesha ta yi filo da faffadar kirjinsa sai wasa take da suman dake kwance luf a kirjinsa bayan sun gama shan love dinsu, wayar Ameesha ce ta soma ringing Dr wanda hannunsa yafi kusa da wayar ya mika mata, ganin Number din Meena yasa ta yi saurin ɗauka, wani irin kara ta saki irin na marna ta na faɗin "Yaushe? To gamu zuwa da Dr." Tana aje wayar ta ce "baby tashi ka yi wanka mu je gidan su Ummi Meena ta haihu."


"Kai Masha Allah! Abin farin ciki Allah ya raya, ya nuna min lokacin da Cutie zata haifa min yara." "Amin." Ta amsa tana saurin rufe fuska. "Kunya kike ji ne Cutie? Ki bar Jin kunya ina son yara ko nawa zaki haifa ba zan taɓa gajiya da ke ba please Maryam karki sha wani abu don hana daukar ciki." Da muryar tausayi ya gama maganar.

Tausayin Dr ne ya kama Meesha ta ce "in sha Allah babu abin da zan sha Allah ya bamu masu albarka." "Ameen matata yar albarka." Yana gama fadi ya shige toilet, itama ɗakinta ta wuce ta shiga wanka bata jima ba ta fito kai tsaye kicin ta nufa ta sama masu abin break kunun gyada ta dama sai ta soya doya da dankalin turawa, komai ta jera a dining bayan ta gyara kicin ɗin fes baka taɓa cewa an yi aiki a ciki.

Kai tsaye bedroom ɗinsa ta nufa, a kwance ta same shi yana game a wayarsa, kan gadon ta hau tare da amshe sayar ta ce "baby break is ready." A shagwaɓe ta yi maganar. Tashi ya yi yana murmushi ya ce "An gaida Cutie mu je mu gama har an soma kira na." Yana rike da hannunta suka isa, a natse suka kammala break ɗin kwashe kayan ta yi ta kai kicen sai da ta wanke ta gyara komai kafin ta dauki gyalen ta. Bangaren Aneesa suka shiga suka mata sallama.

Cikin farin ciki Ameesha ta shiga gidansu, har bangaren Meena Ameesha ta kai Dr da kanta ta shiga bedroom ta ɗauko masa jaririn tukeke da shi tubarkallah ta kaiwa Dr, sosai Dr ya rike dan a hannu kamar kar ya rabu da shi, domin Allah ya yi Dr Asmad da san yara, sai da ya yiwa su Ummi barka kafin ya tafi da cewa idan ya dawo aiki zai biya ya dauketa.

Rayuwar farin ciki Ameesha ta yi a gidan su, kaf yan'uwanta sai da ta gansu sun nuna irin kewarta da suka yi babu ma kamar Haydar da yamma Dr ya dauketa suka tafi gida, sai dai fa Ameesha da ciwon kai ta koma, tun tana daurewa har Dr ya fahimta hankali tashe yake tambayarta "Cutie lafiya kuwa?" Da kyar ta ce "kaina ke ciwo." "Ayya sannu." Ya yi maganar da muryar tausayi sannan ya nufi inda yake aje magani don ya bata ta sha yana cikin duba maganin sai ga wani ya fado da sauri ya kai hannu ya dauko yana gama karantawa ya furta " *Inna lillahi wa'inna ilaihir raju'un!* Ni Ameesha zata ciwa amana?" Da sauri ya dafe kansa dake barazanar rabewa biyu.


Tofa Dr me ka gani ne haka, har kake furta irin wannan maganar ga Cutie din ka Ameesha? Ku biyo alkalamin Zulayheart Rano don jin yadda zata kaya don koni bana ce ga abin da ya gani ba .

*Don Allah ku yi min addu'a wallahi bani da lafiya sosai*👏🏻

_*YAR MUTAN RANO*_
[10/8, 8:18 PM] Zulayheart Rano: *SANGARTA*


©
_*ZULAYHEART RANO*_

*Sadaukarwa ga Khadija S Muhammad My Besty*

_Ina dai bada hak'urin rashin ganin post kullum wallahi dai abubuwa ne sai a hankali amma zan fara k'ok'ari ina typing ɗin. Matsalar baku yi comment._

*44*

Zama ya yi kansa na wani irin sarawa, juya kwalin maganin yake yana karawa ya yi kusan minti biyar a wajen sannan ya ɗauki maganin ciwon kan ya fita falo inda Ameesha take, mika mata ya yi bayan ya yi kokarin danne zuciyarsa. Amsa Ameesha ta yi sam bata kula da yanayin da yake ciki ba tunda idanunta a rufe suke, sai dai ta yi mamakin ganin ya mika mata maganin ba tare da ya bare ba, bai saba yi mata haka ba sannan kuma babu ruwa.

"Baby baka bare min maganin ba kuma baka kawo min ruwa ba." A shagwaɓe ta gama maganar, da muryar ciwo. Dan tsaki Dr ya ja zuciyarsa cike da haushinta ya ce "sai na kawo maki ruwa za ki sha maganin? Ashe kam yau ba za ki sha ba." Yana gama faɗin haka ya yi shigewarsa bedroom. Kan Ameesha ya daure da maganar da Dr "me haka ke nufi?" Tambayar da ta yiwa kanta kenan hankali tashe, sai ma ta ji ciwon kan ya ware, jiki a sanyaye ta nufi dakin sa tana faɗin "baby wai yau ba zaka min wanka bane tunda ka ki bani ruwan na maganin to na fasa sha." Tana maganar hawaye suna barazanar zubowa.

Mtsww Dr ya ja tsakin da ya yi sanadin daukewar numfashin Ameesha na sakonni, sai kuma ta tsinkayo muryarsa yana magana cikin muryar da bata taba sanin Dr na da irin ta ba "Ke bana son damuwa, ki barni na huta kina neman takurani fa Ameesha je ki waje bana buk'atar ki kusa dani." A zafafe ya ke maganar. "Ameesha." Ta maimaita yadda Dr ya kira sunan ta kai tsaye, saurin toshe kunne ta yi tana ambaton sunan Allah a fili. Wasu hawaye suna zubowa daga idonta jikinta ya yi sanyi kalau take ciwon kan ya dawo sabo, da kyar ta bude baki ta ce

"Baby me kake nufi da maganar da na ji, shin ba kunnena suka ji.." hannun da ya daga mata yasa ta yi shiru da sauri. "Za ki fita ko ni na bar maki daki?" Tambayar ya yi yana daukan wayarsa. Kallonsa ta yi sai ta ga kamar ba Dr Asmad da ta sani ba ne wannan don shi ko da yaushe fuskarsa ɗauke da murmushi yake, saɓanin wannan da ya wani murtuke kamar wanda baisa wani abu dariya ba, da sauri ta fita tana kara fashewa da kuka.

Dr na ganin ta fita ya furzar da wani iska mai zafi, zuciyarsa cike da takaicin matan nasa yanzu duk so da tattalin da yake wa Ameesha da wannan zata saka masa, shi ko me yake wa matansa da suka zaɓi su musguna masa ta hanya mafi muni, Aneesa ta zubar masa da ciki bata tsaya iya nan ba ta ci gaba da shan magungunan hana daukar ciki, sam bai damu ba shi ne itama Ameesha zata bullo da haka me ya yi masu da zafi da basu kaunar hada jini da shi? Wannan tambayar shi ya ci gaba da yiwa kan sa sai dai ya rasa amsansu.

Ameesha kuwa tana shiga bedroom din ta kuka ta ci gaba da yi, duk iya tunanin ta ta kasa tuna laifin da ta aikatawa Dr mafi muni da har ya jefa ta cikin wannan mawuyacin halin, kwana ta yi idonta na hawaye sam bata rintsa ba yadda taga dare haka ta ga rana, shi ma bangaren Dr da kyar wani wahalallen bacci ya kashe shi ko da asbah sallah kawai ya yi ya koma baccinsa.

Ameesha tana idar da sallah ta shiga kicin ta fara shiryawa Dr abin break tana yi tana hawaye a haka ta kammala, sannan ta gyara kicin ɗin da falo, kafin ta yi wanka sai da ta gyara bedroom ɗinta ta turareshi da turare, wanka ta shiga bayan ta cika ruwan wankan da turaruka masu sanyin kamshi, bata wani jima ba ta fito simple dressing ta yi top da wani three kwantan wado ta sanya ta raba gashinta gida biyu da reboom kalar rigar ta, jikinta sai kamshi yake fitarwa kallo ɗaya zaka mata kasan tana cikin damuwa musamman yadda idanuwanta suka kumbura sosai. Jiki a mace ta nufi dakin Dr.

Ta kai hannu da niyyar buɗewa sai ta ga an buɗe kofar, baya ta ja tana faɗin "Barka da safiya." Bai amsa ba sai ma hanyar wucewa da ya lalubo, ganin da gaske zai wuce sai ta yi saurin riko hannunsa tana faɗin "mai na yi maka baby kake fushi da ni tun jiya ga shi kuma yanzu gaisuwata ma kaki amsawa?" Zame hannunsa ya yi daga rikon ba tare da ya furta komai ba. Wasu sabbin hawaye suka zubo daga idonta murya na rawa ta ce

"Na kammala break please ka tsaya ka yi." Sai yanzu ya yi magana shi ma a takaice ya ce "bana buk'ata." Daga haka ya yi wucewar sa, inda ya bar Ameesha zaune cikin kuka ta kasa ko da tashi a inda take, duk iya tunanin ta bata gano laifin da tawa Dr ba, haka dai ta kasance cikin hawaye har bayan la'asar da kyar ta iya yin break shi ma sai da ta ji tana shirin hallaka kanta, tana zuba idon ganin Dr amma sai ta ji shiru, duk da tasan yau ba ita keda shi ba amma ya saba zuwa ya yi mata sallama yau kam shiru har bayan magriba.

Sabon kuka ta fashe da shi tana tir da halinta tunda ta kasance mai sabawa mijinta har ya dau fushi da ita mai tsanani, sam ta manta da wai ana cin abinci don rabonta da shi tun na safe ta nemi yunwar ta rasa, alwala ta dauro tazo ta zube gaban Ubangijinta ta ci gaba da kai kukanta bata gushe ba har sai da ta yi sallar asuba sannan nannauyan bacci ya kwashe akan sallayar.

Duk da ya ji zafin abinda da yake ganin Ameesha ta ha'ince shi da shi, wani gefen na zuciyarsa tana jin haushin yadda Ameesha ta kasance daga dare zuwa safe, kukanta ya tsaya masa a rai sosai, har ya ji kamar ya je ya lallasheta sai dai ya zama dole ya nuna mata kurenta. Aneesa ma tunda taga Dr da ya dawo office yau bai je sallama da Ameesha kamar yadda ya saba ba sai ta yi tunanin kila ba'a gidan ta kwana ba, ci gaba ta yi da kulawa da Dr tana son ta bashi dukkan wani farin ciki. Sosai ya yi kokarin biye mata ko dan ya sauke hakkinta da ke kanshi, duk da hankali da tunanin sa suna ga Ameesha ba.

****
Najeeb ne keta kai komo tsakanin repretion da kofar dakin haihuwa, gefe guda kuma Mumynsa ce da alama Rufaida ce a dakin don yadda Najeeb ke zarya hankali a tashe. "Haba Najeeb ka kwantar da hankalinka insha Allahu lafiya zata sauka." Da taushin murya take masa kalaman.

"Na kwantar Mumy Allah ya sauketa lafiya." Amin Mumy ta amsa tana ci gaba da kwantar masa da hankali, minti talatin tsakani wata Nurse ta fito dauke da jaririya cikin towel mai laushi da kyau, mikawa Mumy ta yi tana faɗin "Hajiya ga baby girl nan Madam ta sauka." "Alhamdulillah!" Suka hada baki wajen fada, Najeeb kuɗi ya zaro ya mikawa Nurse din ya ce ga goron albishir nan. Amsa ta yi tana godiya Mumy ta cika da murnar samun jika yarinya kyakkyawa da ita, ko kunya Najeeb bai ji ba ya amshi yarsa yana kiss da addu'oi. Babu jimawa aka fito da Rufaida zuwa dakin hutu tunda lafiya ta haihu sai gajiya.

Cikin dakin bayan Mumy ta haɗa mata shayi mai zafi ta sha, sai Najeeb ya kuma rungumar yarsa ya bata zamzam da zuma kafin ya soma yi mata huduba, Mumy ta kalleshi ta ce "huduba kake mata?" "Eh Mumy na yi mata huduba da *Maryam*. _Littel Ameesha_." Murmushi Mumy ta yi ta ce "Allah ya raya Maryam cikin musulunci." Domin dai