You Cannot Download this book untill you login but you can read it .

---

Login Register

nauyi kamar na ɗauki yar shila."

"Ni dai saukeni." Ta yi maganar tana turo baki.

Bai sauketa ba sai da ya gama shilla sama, sannan ya direta a kan kujera sai dariya suke yi abin su, kara rungumota jikinsa ya yi yana sinsinar sumar kanta, hannunsa na wasa da sassan jikinta jikin Ameesha duk ya gama saki da salon wasannin da Dr yake mata, a haka bacci ya kwashe su kar'ar wayar Dr e ta farkar da su.

Sunan Nenne ya gani a kan screen ɗin wayar, da sauri ya daga tare da sallama.

Bayan sun gaisa take tambayarsa ina Ameesha.

"Gata nan Nenne bari na bata." Da yake ta tashi har ta bude ido.

Mika mata wayar ya yi yana faɗin "Nenne ce ke son magana da ke."

Amsa ta yi ta soma gaidata cikin kunya da ladabi har da tsugunawa, abin da ya kara mata daraja a idon Dr kenan

" 'yata kin tashi lafiya ya bak'on waje?"

"Lafiya lau Nenne."

"Madallah! Fatan babu wata matsala?"

"Eh! Nenne babu komai."

"In har da matsala ki sanar min kin ji ko?"

"In sha Allah! Ameesha ta amsa cikin ladabi. Da haka suka yi sallama ta mik'awa Dr wayarsa suka ci gaba da magana da Nenne, ita kam bedroom ta nufa don yin sallah.

Zata tayar da sallar kenan Dr ya shigo

"Wai har kin yi alwalar?"

"Eh! Zan tayar da sallah."

"Ok jirani na yi alwala." Yana maganar ne yana shiga toilet.

Bayan sun idar suka ci abincin da Dr Asmad ya fita ya sayo masu, sai suka ci gaba da hira har magriba, wannan lokaci Dr ba a gida ya yi sallar ba domin masallaci ya je, bayan ya idar da sallah ya nufi gidan Nenne don ɗauko Aneesa kuma ya gaisa da bakin gidan, bai su shigo gida ba sai bayan ishsha. Ko a mota Aneesa sai cika take tana batsewa, domin da cewa ta yi gidan Nenne zata kwana, da kyar lallabota ta biyo shi, ko da Dr ya bata take away din da ya yo masu kin karba ta yi, har sai da taga ya nuna ɓacin ransa.


Ita kam Ameesha bayan ta idar da sallar ishsha zama ta yi tare da ɗaukar littafin addu'oi tana karantawa, sallamar Dr ce ta sanyata ɗago kai.

"Sannu da dawowa! Ta yi maganar tana amsan kayan da ya shigo da su.

"Yawwa ya zaman kadaici?"

Murmushi ta yi kawai ta kai kayan ma'ajinsu.

Ruwa ta kawo masa mai sanyi, tas ya shanye ruwan ya aje cup din, zama kusa da shi ta yi tana faɗin

"Dr ka daɗe a masallaci."

"Ki bari kawai na biya gidan Nenne ne bayan an idar da sallar, kin san Aneesa tana can."

"Ok ya Nenne da Bobbo?"

"Duk suna lafiya, ga abinci nan na shigo da shi nasan kina jin yunwa ko?"

"An gode, amma fa ni Dr bana wani jin yunwa."

"Ji beta don Allah wai bata jin yunwa, ko dai baki son cin abinci? Shi yasa kullum baki kiba." Ya yi maganar yana jan kumatunta.

Dariya ta yi tare da daukan kayan ta nufi dining room da su

"Na gama haɗawa fa Dr."

"Ok bari na yi wanka tukun. Ya bata amsa yana tafiya, bai jima da shiga ba ya fito cikin wasu rigar bacci mai kalar milk, tana ganin sa da kayan ta kauda kai dining suka nufa sai da suka koshi Dr ya suri Ameesha bai zame ko ina da ita ba sai kan fadeden gadonsu, da sauri ta tashi zaune

"Lafiya kuwa?" Cikin mamaki Dr ya yi tambayar.

"Wanka zan yi kuma ban yi brosh ba."

"Mu je na yi maki."

Zaro ido ta yi, cikin sauri ta ce "A'a."

"Please mana My heartbeat."

"Don Allah dai Dr ka yi hakuri."

"Na hak'ura idan kin gama wankan ki dauro alwala." Ya yi maganar bayan ya aje mata kayan bacci a kan gado.

"To." Ta amsa tana shiga toilet, ganin ya fita, ko da ta gama wankan daure da towel ta fito, ganin babu Dr a bed din ta yi saurin isa gaban mirror ta shafe jikinta da mai da turare, jikinta sai fitar da sansanyar kamshi turarenta yake, wajen gadon ta nufa don sanya rigar baccin,

"Inna lillahi! Ta furta a fili ganin irin kayan da Dr ya aje mata, sai juya su take tana tunanin ta yadda zata sanya, a haka Dr ya shigo

"A'a ya baki shirya ba?"

"Dr wannan kayan..."

"Mai suka yi?"

"Ummh! Ban iya sanyata."

"Ok kawo na sanya maki." Ya yi maganar yana nufarta."

"Sorry Dr Please."

"No! Kawo kawai zan sanya maki."

"A'A ka bari zan sa amma ka fita."

"Ba zan fita ba, ki je toilet ki sa kina bata min time fa."

Ganin ya hada ransa yasa ta nufi toilet, sa kayan ta yi ta tsaya tana k'arewa kanta kallo

"Woww." Ta furta ganin yadda kayan suka yi mata kyau, sai dai bata jin zata iya fita a haka don sam kayan basu da maraba da tsirara, riga da wando ne da kadan rigar ta wuce cinya, shi kam wandon har gara babu kalar milk ne, komai a bayyane yake.

Dr kam yana zaune yana jiran ta fito ya ji shiru, don haka sai ya nufi toilet din Yana faɗin

"Heartbeat ki fito ina jiran ki fa. " Da ya ji shiru sai ya tura kofar, nan take ya bude tsaye ya ganta ta rintsa ido.

Kallonta ya yi sosai tare da sakin ajiyar zuciya, hannunta ya riko dogon hijab ya sa mata, kana suka tayar da sallar bayan sun idar ya dafe kanta ya karanto addu'ar da Manzon Allah Sallallahu alaihi Wasallama ya umurci ko wane ango ya yiwa amayarsa, yana gama mata addu'oi tare da bata tatacciyar Madara, sannan ya soma tambayarta game da addinin ta, sosai Ameesha ke bashi amsa, ya ji dadin yadda Ameesha ke ba shi amsa, cire mata hijab din ya yi ya ce ta kwanta.

Kwanciyarta babu dadewa shi ma Dr ya hau gadon tare da kashe hasken bed room din, da yake tuni ya kashe duk wani kayan wutan falo, bacci ya soma daukarta kenan ta ji mutum a jikinta, sosai hankalinta ya tashi duk iya kokarin ta na gujewa Dr abin ya faskara, sai ma ji ta yi yana karanta addu'ar saduwa da iyali, tsabar azabar da taji yasata sakar masa kuka ganin abin ba mai k'arewa ba, Dr ma bai san tana yi ba ya dauki dogon lokaci kafin ya maida Ameesha cikakkiyar mace, wahala kam ta duniya ta sha shi, albarka kuwa Dr har ba zai iya fadi adadin wanda ya sanyawa Ameesha ba.

Don sosai ya ji dadin yadda ya sameta, Aneesa Yar uwarsa ce kuma tabbas shi ya soma saninta, amma Ameesha ta daban ce ba zai iya haɗa matsayin ta da ko wacce mace a zuciyarsa ba.

_To sannu Ameesha sangartacciya, yau dai duk ta sangarta ta kare domin kema kin shiga sahun matan aure, Allah ya bada zuri'a dayyaba_ 😍💖💓💗


*YAR MUTAN RANO*
[10/8, 8:17 PM] Zulayheart Rano: *SANGARTA*


©
*ZULAYHEART RANO*

*Sadaukarwa ga khadija s Muhammad My Besty*

*Wow gaskiya ina godiya sosai masoya, bani da bakin da zan iya kwatanta farin ciki da nake ciki, sai dai nace Allah ya saka da mafificin Alhairi, ina alfahari da ku😍😍*

```Khadija S Muhammad
&
Badeeyar Adam (beauty queen) hakika ku ɗin na daban ne, babu abin da zance akan ku, sai Allah ya saka maku da Alhairin sa ya bar mana zumunci har karshen rayuwa. (Aneesa tana gaisuwa lol)```

_*Sorry sister SHAMSHIYA SALIS wallahi na yi missing contact naki, na yi ta jira ko zan ga maganar ki na ji shiru, amma jiya nasa mu Number insha Allah zaki ganni yau*_


*41*
Ya yi kusan minti biyar a zaune, rungume da Ameesha wacce ke ta sakin ajiyar zuciya, kallonta ya yi cikin tausayawa ya kaima goshinta sumba, tabbas ya jinjina mata don sosai ta yi kokarin amsan lalurar sa, bai so tun yanzu ya nuna mata haka ba so ya yi sai ta ɗan kwana biyu amma sam a daren jiya kasa control ɗin kansa ya yi, gyara mata zama a jikinsa ya yi yana faɗin

"Allah ya maki albarka Maryerm hakika kin cika yar halas." Jin Dr ya yi sama da ita yasa ta kuma rintse ido don bata son su yi ido hudu, bai zame ko ina da ita ba sai toilet inda ya haɗa mata ruwa masu dan karen zafi, Ameesha batai aune ba sai jinta ta yi cikin wannan ruwan, ai da karfi ta saki k'ara saboda yadda ta ji shigar ruwan jikinta, sam Dr bai damu ba sai ma ci gaba da buɗe mata kafa yadda ruwan zai shiga da kyau yake yi, tun tana mugun jin zafi har ta soma jin dadin sa.

Sai da ya sanya ta cikin ruwan zafi sau uku, sannan ya barta.

"Heartbeat ki yi wankan tsarki ina zuwa." Dr ya yi maganar yana fita.

"To." Ameesha ta amsa idonta a rufe don taki yadda su hada ido.

Fita ya yi ya cire zanen gado ya canza wani, sannan ya koma toilet ya ɗauko Ameesha akan gado ya yi mata masauki, fita falo ya yi bai wani jima ba ya dawo hannunsa dauke da cup din shayi.

"A'a wai har kin kwanta?"

"Dr bacci nake ji."

"Ok tashi ki sha tea sai ki sha magani kin ji ko?"

"To." Ta amsa tana tashi zaune.

"A'a wai lafiya kuwa, shi idon yau an daina buɗe shi ne?" Yana maganar ne yana mik'a mata cup.

Turo baki ta yi cikin shagwaɓa, bata ce komai ba haka ya shiga bata tea a baki ido na rufe kamar makauniya, bata wani sha da yawa ba ta ce ta koshi, magani ya balla ya bata yana shafa mata gadon baya ya ji ta saki gyatsa, babu jimawa bacci ya yi gaba da ita. Gyara mata kwanciya ya yi ya rufe ta da blanket, kafin ya nufi toilet ya tsarkake jikinsa, lokacin karfe uku na dare sallaya ya shimfida ya shiga nunawa Allah farin cikin sa tare da gode ma Allah da ya ba shi Ameesha matsayin mata, yana mai addu'a da babban murya Allah yasa kwallonsa ya shiga raga.

Ya daɗe zaune yana addu'oi kafin ya kwanta rungume da ita a jikinsa, bacci mai dadi ya ɗauke shi, yadda jikin Ameesha ke kadawa ne ya farkar da shi a gigice a lokacin karfe shida an dade da isar da asbah, kallon ta ya yi a dimauce jikinta babu inda baya rawa haƙora ta sai haduwa suke da juna, saboda zafin zazzaɓi, magani ya ballo ya bata da kyar ta iya hadiyewa, sannan ya goge mata jiki da ruwan sanyi da towel, sosai zafin jikin ya ragu har bacci ya dauketa, sai lokacin ya samu nutsuwa har ya yi sallar asuba.

Bai koma bacci ba sai zama da ya yi yana jiran ya ga tashin ta, yana ta zaune har ya soma gyangyadi bai sannan lokacin da wani nannauyan bacci ya dauke shi ba, sun sha bacci inda Ameesha ta soma farkawa karfe tara, yanzu kam jikin da sauki sai dai jinta take fayau da ita kamar iska zai dauketa. Shiga toilet ta yi tare da haɗa ruwa, sai da ta kuma zama cikin sa ta yi wanka hadi da alwala, har zuwa lokacin Dr bai farka ba sallah ta yi, sannan ta tsantsara kwalliya cikin wata jar atamfa dikin riga da siket, sosai kayan suka amshi jikinta, feshe ko ina na jikinta ta yi da daddaɗar turarenta mai sanyin kamshi ta yi, har ta zauna sai kawai ta tashi ta nufi bedroom ɗinta, don tasan Dr ba barinta zai yi ba.

Tana shiga ta haye gado tare da jan blanket, wayarta ta ɗauko ta yi dailling Number Meena, ringing biyu Meena ta dauka

"Hello Meesha amarya ya garin?"

"Lafiya lau wallahi, shi ne tunda ku ka aje Ni babu wanda ya kuma lekowa?"

"Ki bari kawai k'awata, wallahi ko jiya naso zuwa sai Ya Abdul ya hanani."

"Shi yasa nake fushi, ai na gane ashe duk kun koda na bar gidan ne ku huta."

"Haba Meesha wani irin magana ce wannan, karki manta amarya ki ke dole a bar ku ku sha soyayya, anata dirzan amarci."

"Kai Meena wa ye ya faɗa maki? Ko kin manta Dr ustaz ne?"

"Ummh raba ni da yari auran sarki, kin ga yanzu ma awo zan tafi kika tsayar dani, Ummi ta ce in daina bari sai rana ta take kafin in tafi."

"Masu maza bari na barki, don bacci nake ji sai anjima, amma Please yaushe zaki zo?"

"Don Allah ki barni da maganar zuwan nan, inda yayanki ya barni cikin satin sama zan shigo."

"Satin sama?" Ameesha ta tambaya cikin sauri.

"Eh!

"Allah ya kaimu." Daga haka suka yi sallama. Bayan sun gama hira bacci ya dauki Ameesha duk da yunwar da take ji.

Cikin bedroom ɗin Dr farkawa ya yi tare da mika bakinsa dauke da addu'a, kara bude ido ya yi ganin babu Ameesha, murmushi ya saki a zuciyarsa yasan guduwa ta yi, tashi tsaye ya yi yana tafiya har wani layi yake domin yunwa yake ji.

Kai tsaye bedroom ɗinta ya shiga, kwance ya hangota ta rufe da bargo, girgiza kai ya yi ya fita, ɓangaren Aneesa ya yi zaune a falo ya sameta tana aikin latsa waya.

Ko dubansa bata yi ba, sai ma ci gaba da abin da take ta yi

"My Anee baki ganni ba ne?"

"Ina kallonka me zan yi ma?" Ta ba shi amsa cikin ko in kula.

"Ko arzikin gaisuwa ba zan samu ba?"

"Kamar baka ko ya min ba."

"Ok kawo min break."

"Break wani irin break kuma?" Ta mai tambayar cike da rainin hankali.

"Kina nufin baki yi break ba? Kuma ai a kwanakin nan da zamu yi ke ya kamata ki rika yi mana abinci."

Wani irin tashi tsaye ta yi tana hankada masa harara "Lallai Dr Asmad sannu, wato kai ka je ka kwana da mace, sai ni da yake shashasha ce sai na yi maku girki ku tashi ku ci ko? To wallahi baki isa ba, ba a haifi matar da zan bauta wa haka ba, can ka je kasa ta yi ma girki." Da zallar masifa take maganar.

Girgiza kai Dr ya yi domin gaba daya maganar Aneesa ta gama daga masa hankali, yarinya karama kamar Aneesa ke faɗa masa magana yadda ta ga dama, Allah ya taimaketa ba ya da agenda ta duka mace wallahi da sai ta gane kurenta, kada kai ya yi kawai ya mike cikin ɓacin rai ya dubeta

"Kina nufi bazaki girka ba ko?"

"Eh! Ta faɗa da babban murya.

"Gud." Shi ne abin da ya faɗa ya bar mata falon.

Mtsss ta rakashi da dogon tsaki.

Nutsuwarsa ya tattaro lokacin da ya shiga bedroom din Ameesha, ganin ta buɗe ido yasa shi sakin murmushi cikin sauri ya k'arasa inda take ya na faɗin

"Cutie har kin tashi?"

"Eh" ta ba shi amsa fuskarta ɗauke da murmushi.

"Ok bari na yi wanka shaf-shaf in nemo mana abin da za mu ci, nasan kina tare da yunwa ko sorry."

"To." Ta amsa tana sauka.

A tare suka shiga bedroom nasa, ganin ya shiga toilet yasa ta fita, kai tsaye hanyar kicin ta yi, sai da ta haɗa duk abin da take buk'ata ta sannan ta soma aikin ta cikin gwarewa, nan da nan kamshi ya cika kicin ɗin break ta haɗa masu lafiyayye. Bata son abincin siya sam, da tasan haka da tuni ta gama haɗa masu.

A nutse take aikinta saura kadan ta kammala, sam bata ji motsin shigowar sa ba sai ji ta yi an rungumota ta baya, sosai ta tsorata har ta bude baki zata zuba ihu ya yi saurin rufe mata baki yana faɗin

"Cutie shi ne ki ka taho kicin kina aiki alhalin baki da lafiya kuma na ce maki zan fita in sayo mana me yasa?"

"Sorry beby wallahi gani na yi duk wannan kame kamen ba zai kaimu ba, kuma gashi time ya yi nisa yanzu fa sha daya ake nema." Ta yi maganar tana shigewa jikinsa.

Shafa kanta ya yi tare da bata sumba a kumatu ya ce

"Kar ki damu cutie na baki uzuri, amma daga yau sai kin yi sati kafin ki fara girki."

"Yawwa na gode beby, bari na kwashe wancan dankalin kar ya kone."

"No! Zauna anan ya yi maganar yana zaunarta a kan kujera." Da kansa ya kwashe dankalin ya gyara kicin ɗin. Ameesha na zaune tana kallonsa har ya gama, taimaka masa ta yi da ɗaukar food plaks din, a kan dining suka shirya komai.

Dr da kansa ya rika bata a baki har ta koshi, haka Ameesha itama ta rika ba Dr a baki har ya koshi, sun ci sun koshi cikin zallar soyayya da k'aunar juna, wata irin nutsuwa ce ke saukarwa Dr a duk lokacin da yaga Meesha cikin farin ciki, ko bayan sun kammala yin break da kan sa ya kai kayan kicin, Ameesha ta taimaka suka gyara komai suka san ya shi ma'ajinsu sannan suka bar kicin ɗin.

"Kin ga bari na fita yanzu bazan daɗe ba."

"Ina zaka je beby?"

"Zan je asbiti kuma zan biya gidan Nenne."

"A dawo lafiya Allah ya tsare hanya."

"Amin cutie Ina godiya da addu'a."

Har wajen motar ta taraka shi, sai da taga fitar da kafin ta koma ciki, kwanciya ta yi akan kujera.

Dr kam yana fita asbiti ya soma zuwa, cikin sauri sauri ya gama duba wanda suke kwance, domin ba aiki ya zo ba bayan ya gama ne suka shiga motarsa shi da Hafiz lokacin karfe sha biyu da kusan rabi, suna tafe suna tattauna yadda bikin Hafiz din zai kasance har suka isa gidan Bobbo. A parking space ya faka motar suka shiga ciki bakunan su dauke da sallama.

Nenne dake fitowa daga kicin ta amsa tana faɗin

"A'a ku kuma daga ina haka?"

"Daga asbiti." Suka bata amsa.

Zama suka yi akan kujera suna gaidata. Cikin sakin fuska ta amsa tana tambayarsa Ameesha da Aneesa.

"Duk suna lafiya." Ya bata amsa.

"Madallah! A rika hakuri dai da zaman tare, domin in aka rasa hakuri matsala tana yawan faruwa."

"In sha Allah Nenne za'a rika hakurin." Asmad ya bata tabbaci, suna dai zaune a gidan har ɗaya da mintina, sannan Hafiz ya masa sallama don yana da wasu aiki da zai yi, raka shi ya yi kafin ya koma cikin gidan don yana da magana da Nenne, don haka ko da ya koma ciki zama ya yi a kasa kusa da kafafunta, murmushi ta yi don tasan da magana wai gawa ta rike mai wanka, ya yi minti uku kafin ya dubi Nenne wacce ke zaune ya ce

"Ummh." Sai kuma ya yi.

"Asmad akwai magana a bakin ka, faɗa min domin ni ce mahaifiyar ka nafi kowa sanin halin ka."

"Ehmm! Dama cewa zan yi inda an yi abinci a gidan nan, a rika kai mana har Ameesha ta yi sati guda ta amshi girki." Ya karasa maganar yana sosa kai.

Tsira masa ido ta yi kamar mai son gano wani abu, sai zuwa can ta ce

"Ita Aneesa aikin me take yi?"

"Ehmm Ummh! Dama bata da lafiya ne, ba zata iya yin wani girki ba." Dr ya shirgo karya.

Duk a zaton Nenne ciki ne da Aneesa. Don haka cikin murna ta ce

"Masha Allah! Na yi farin ciki, gaskiya bai kamata kam ta shiga kicin ba musamman kila ba mai son kamshin abinci bane, ka riƙa lallaɓata Allah ya inganta, an ri ga da an kammala abincin bari nasa Larai ta haɗa maku kawai, da yamma direba zai kawo na dare." Nenne ta yi maganar tana mik'ewa don zuwa kicin.

"Hmmmm! DR ya sauke a jiyar zuciya kawai, shi dai ba maganar cikin Aneesa ba ce matsalar sa, tunda ta amince zata basu abincin shi kenan.
[10/8, 8:17 PM] Zulayheart Rano: *SANGARTA*


©
*ZULAYHEART RANO*

*Sadaukarwa ga khadija s Muhammad My Besty*


*42*

Da taimakon ma'aikatan gidan ya shirya kulolin a mota, sannan ya yiwa Nenne sallama, kai tsaye gida ya nufa a lokacin karfe biyu saura mintina. Bayan ya yi fakin ya kwashe kayan zuwa bangaren Ameesha, yana buɗe kofar Ameesha da ke zaune a falon ta yi saurin tashi tana amsar kayan da ya shigo da su.

"Sannu da dawowa baby."

Ta yi maganar tana shirya kayan a kan dining.

"Yawwa Cutie na barki ke kaɗai ko?" Dr ya yi tambayar yana kai hannunsa kugunta. Bata yi magana ba har sai da ta gama abin da take sannan ta juyo.

"Baby na yi kewarka sosai." A shagwaɓe ta yi maganar tana rungumeshi.

"Na fiki kewarki Cutie na na kosa na dawo gida na yi arba da kyakkyawar fuskarki." Yana maganar ne yana sinsinar wuyar ta.

"An ya kuwa baby?"

"Sosai kuwa." Ya tabbatar mata da haka. Ko kafin ta yi magana ya yi saurin faɗin

"Mu je ki ci abinci sai ki bani labarin missing dina da kika yi." Zaunar da ita ya yi a dining din sannan ya ɗauki plet ya cika da abinci

"Ina zuwa Cutie zan kaima Aneesa abinci, karki fara ci fa don tare za mu ci." Yana maganar yana tafiya.

"To! Kawai Ameesha ta amsa.

Kamar ko da yaushe yanzu ma kofar ta abude take shiga cikin falon kawai Dr ya yi bakinsa dauke da sallama, ko ɗago kai ta kalleshi bata yi ba sai ma ɗaukar remote control ta yi tana kara maganar t.v

Murmushi kawai ya yi lamarin Aneesa sai dai addu'a, kullum abin gaba yake ba ya sauki kusa da ita ya isa tare da aje plet ɗin ya ce "Ga abinci nan ki ci my Anee don nasan kina tare da yunwa." Yana gama faɗa ya sa kai zai fice.

Cak! Dr ya tsaya jin maganar da Aneesa ke yi.

"Zo ka ɗauki abincin ka bana ci, ko an ce ma ni mayunwaciya ce?" Ta kai karshen maganar tana watsa masa harara.

Takowa ya yi a hankali har inda take zaune ya sassauta murya ya ce

"Look Aneesa ya kamata kisan da wa kike magana, domin na fi kowa sanin ke ba mayunwaciya ba ce, amma hakkin ciyar da ke yana kaina don haka ga abinci nan na kawo maki, ko kici ko ki zubar ruwanki." Gama maganar sa ya yi dai dai da soma tafiyarsa.

Mtsww! Aneesa ta ja tsaki bayan fitar Dr daga falon, gaba daya haushinsa take ji, ko birgeta ba ya yi yanzu.

Yana takaicin halin Aneesa sam bata da halin kwarai ita kenan kullum cikin masifa, kai Allah ya kyauta, sai da ya daidaita nutsuwarsa kafin ya shiga falon, inda ya bar Ameesha zaune a nan ya sameta tana aikin Game a wayarsa.

"Sorry Cutie na barki ke kaɗai ko?"

A je wayar ta yi tana sakar masa murmushi bata iya cewa komai ba, saboda wani irin kallo da Dr ke aika mata, take wani irin kasala ta saukar mata, zama Dr ya yi bayan ya zuba masu abinci kan cinyarsa ya yi mata mazauni da kan sa ya rika bata har sai da ta koshi, sannan ita ma ta shiga ba shi, suna yi suna zuba soyayyar su har suka kammala, kwashe kayan Meesha ta yi ta kai kicin, sannan ta gyara inda ya ɓaci Dr kallonta kawai yake cikin wani irin shaukin soyayya, ya yadda yana son Ameesha so irin wanda bai taɓa yiwa wata ba, bai san time da ta iso wajensa ba sai jinta ya yi ta shige jikinsa.

"I love you Meesha." Dr ya faɗa yana kara shigar ta jikinsa

"I love you too." Ameesha ta ba shi amsa, wani irin tashi zaune ya yi wannan shi ne karon farko da ya ji Ameesha ta furta tana sonsa ita ma.

"Kina so na yaushe kika fara so na?" Dr ya yi tambayarsa da mamaki.

Babu kunya ta ce

"Tun ranar farko da muka soma haɗuwa a sahad store na fara sonka Dr."

"Kina nufin a lokacin ɗaya muka yi *MUSAYAR ZUCIYA*? (Littafin Hajja).

"Kwarai kuwa sai zuciyoyinmu ta soma mana *BAHAGGON TUNANI* (littafin Badeeyar beauty queen).


"Ba shakka *SANGARTAR* ki ta taka muhimmiyar rawa wajen hanamu mallakar juna tun tuni." Ya yi maganar yana lakace mata hanci.

Turo baki ta yi ta ce

"To amma duk *LAIFIN WA?* (Littafin