You Cannot Download this book untill you login but you can read it .

---

Login Register

kayan sun yi masa kyau sosai sai zuba kamshin turare ya ke. Key ɗin motarsa ya ɗauka sannan ya fita daret gidan Nenne ya nufa yana addu'ar Allah yasa Nenne bata gidan, ko sallama bai yi ba ya shiga falon.

"Hee ya dai?" Nenne ta yi maganar ganin yana niyyar bude kofar. Dan sosa keya ya yi cikin jin kunya kafin ya dawo baya tare da zama kasa kusa da Nenne yana faɗin "ina wuni Nennena?" "Lafiya lau." Ta amsa tana jifansa da kallon tuhuma. Kara kasa ya yi da kai ya ce "don Allah Nenne ki yi hakuri ki barni na ga Ameesha please." "Ka ga Ameesha? Sai yanzu kasan da zamanta?" "Hakuri nake kara baki." "To ban amsa hakuri, tashi ka bani waje." Da fada ta yi maganar. Kin tashi ya yi ya zauna sai magiya ya ke mata amma ta ki ko da kallonsa.

****
Watan cikin Ameesha biyar kenan, har ya fito ya yi mata das da shi gwanin sha'awa, jikinta ya murje sosai ya yi kyau irin ta masu ciki, sanye take cikin doguwar riga wanda suka amshi jikinta ta yi matukar kyau da ka ganta kasan bata da matsala, cikin nutsuwa take takawa har ta fita falon ganin Nenne sai ta shagwaɓe fuska, sam bata kula da wani Dr ba duk kamshin turaren sa ya cika falon hakan bai sa ta yi tunanin shi ne a ciki ba. Don haka sai ta ce

"Nenne ashe kina falo shine ba ki tasheni ba gashi har an gama dadin kowa." "Wayyo mantawa na yi Autar Ummi." Turo baki ta yi tana zama kusa da Nenne. Dr kuwa tunda Ameesha ta fito ya zuba mata ido kamar wani mai son gano wani abu, ya cika da mamakin yadda ta sauya, idan ma ba gizo idonsa ke masa ba sai ya ce ciki ne da ita.

Sosai ya lula duniyar tunani, muryar Nenne ce ta sanya shi juyowa "Tashi Autar Ummi ki ɗauko abinci ba ki ci komai ba fa." "Nenne na koshi ne." "Oya tashi bana son musu je dauko, kuma fa abin da kike so ne na yi maki." Ai da sauri Ameesha ta tashi ta nufi kicin, da kallo Dr ya bi ta kamar wani maye har yana hadiyan miyau ya ke har ta shiga "ba za ka tashi ka tafi bane dare na yi fa." Nenne ta tsinka masa tunani.

"Eh, Nenne yanzu zan tafi dama." Ya dire maganar yana sosa keya. "Mik'ewa tsaye Nenne ta yi tare da nufa hanyar bangaren Bobbo tana faɗin "ka gaida Aneesa." "Za ta ji." Ya bata amsa yana dan sakin murmushi, yana ganin ta shige ya nufi hanyar kicin, Ameesha ta bude firij zata ɗauki C-way Apple sai ji ta yi an rungumota bude baki ta yi tana niyyar kurma ihu, Dr ya yi saurin toshe mata baki ya rada mata cikin kunne "Cutie ni ne fa yi shiru." Wani irin yanayi ta shiga da jin muryar Dr, duk da sai ta soma kokarin kwace kanta, amma sam ta kasa. Ganin ta ɗan nutsu ne ya sanya Dr sanyaya murya ya ce

"Wai Cutie ba za ki koma gidana bane?" Ya yi maganar yana sassauta rikon da ya mata, wasu hawaye ne suka taru a cikin idonta, ganin haka Dr ya girgiza kai alamar kar ta bari su fito. Murya na rawa ta ce "Please baby ka yi hakuri ka yafe min..." Saurin sanya bakinsa ya yi cikin nata, don ba ya son ya ji abin da zata faɗa sai da ya tabbatar ta samu nutsuwa ya sakin bakin "Kar ki kuma cewa komai Cutie kin ji na yafe maki." Murmushi ta yi har tana kara rungumarsa ta manna masa kiss a kumatu.

Hannu ya kai saman cikinta yana taɓawa a hankali ya ce"Cutie wannan menene?" Cikin kunya ta sadda kai kasa ta kasa furta komai. Ganin yadda ya yi ya sa ya yi sujadar shukur a fili ya bayyana "Alhamdulillah! Cutie dama kina dauke da cikina kika bari har zargi ya shiga tsakanin mu? Me yasa baki fargar da ni ba?" "Baby kai ne ka ki saurarata, kuma ni ma ban san da shi ba sai da Hafiz ya dubani." "Hafiz? Kina nufin yasan da cikin?" "Eh." Ta amsa tana murmushi.

Kara matseta ya yi yana kara jin kaunarta yana shigarsa "I love You Maryerm." "I love You to Dr Asmad." Ameesha ta yi maganar cikin murya mai sanyi. Sun daɗe rungume da juna kafin Dr ya ce "Baby mu je ki ci abinci bana son ki bar min yarinya da yunwa." Daukar ta ya yi daga ita har kayan sam ya manta da wata Nenne a kan dining ya yi mata masauki.

Da kansa ya rika ciyar da ita har ta koshi, bedroom ya kaita lokacin karfe goma har da mintina "Cutie zan tafi ko za ki bini?" Zaro ido ta yi waje ta ce "Ina zan bika baby?" "Gidanmu mana." Girgiza kai ta yi da sauri ta ce "a'a Allah ya kaika lafiya ina nan." "Please mana Cutie." Ya yi maganar yana jawota jikinsa, kafin ta yi wani yunkurin har Dr ya soma fitar ta nutsuwarta domin sako yake bata da zafi zafi.

Sun dau lokaci a haka sannan Dr ya sassauta mata rikon bayan ya samu nutsuwa, kwantar da ita ya yi tare da lulluɓa mata blanket yana fadin "Cutie ki kular min da kanki da babyna ina son ku." "Kar ka damu baby za ka sameni yadda kake so." Kiss ya manna mata a kumatu sannan ya gyara mata sumar kanta da ta barbaje ya ce "Sai da safe." "Amin baby Allah ya kiyaye hanya." Idonta a lumshe ta yi maganar sam sai ta ji bata kaunar tafiyar Dr, tana jin ya buɗe kofa ya fita ta saki ajiyar zuciya tashi ta yi ta nufi toilet sai da ta yi wanka sannan ta gyara jikinta ta kwanta bakinta ɗauke da addu'a.

A daren da Dr ya koma gida yake sanar da Aneesa cikin dake jikin Ameesha, da farko ta shiga shock amma da ta tuna duk abin da ya faru ita ta jawo sai kawai ta taya Dr murna, sai dai ta ji haushin yadda Dr ya mai da maganar cikin Ameesha wani babban lamari, baya magana daya sai ya yi maganar cikin, musamman ya dauketa ya kaita ta duba Ameesha a ranar kam da bakin ciki ta kwana don sai ta ga kamar Meesha na yi mata wani irin kallo na rainin wayau don tana da ciki ga wani uban sangarta da ya fi na baya, Dr da Nenne sai biye mata suke, nadamar abin da ta aikata ne ya shige ta sosai tabbas tasan ta yi kuskure mai tsanani da yanzu tarairayar da ake wa Ameesha a bayan tata yake.

Yau juma'a kuma a yau Dr yake muradin matarsa ta koma gidansa, shi ya sanya tun biyu ya baro office, Allah ya sa Bobbo na gida don haka bayan sun gaisa sai Dr ya yi kasa da kai cikin ladabi ya ce "Bobbo don Allah a taimaka min a bani Ameesha." Harara Nenne ta aika masa da ita. Shi kam Bobbo murmushi ya yi ya ce "haba Asmad ai Ameesha matarka ce don haka ko yanzu kana iya tasa ta gaba ku koma gidanku." "A'a Alhaji sai ta haihu zata koma." Na yi ta yi saurin katse Bobbo. "A yi hakuri dai Hajiya." Sam Nenne ta ki yarda da kyar suka shawo kanta da sharadin duk abin da ya samu Ameesha za su ji a jikinsu. Take Dr ya amsa zuciyarsa cike da farin ciki.

Bobbo da Nenne faɗa sosai da nusiha suka yi masu Ameesha sai aikin kuka take sam bata son rabuwa da Nenne, amma ya zata yi dole ta koma gidan aurenta ko a mota sai sharan hawaye take Dr na aikin lallashi, da kansa ya dauketa bayan ya yi fakin motar su a falo ya yi mata masauki "Cutie KE fa yau amarya ce, bari na samo maki wani abin ki yi wanka kafin na dawo." "A dawo lafiya." Ta yi maganar cike da kulawa. Da farin ciki Dr ya bar bangaren, tana ganin ya fita ta nufi bedroom ɗinsa duk inda ta kai hannu sai ta ji k'ura don haka cikin sauri ta soma tsaftace bangaren nata, duk watannin da ta yi bata gidan yadda ta tafi ta barshi haka ta dawo ta taras. Cikin lokaci ƙalilan har ta gyare ko ina na bangaren ta turare shi da turaruka masu sanyin kamshi, sai dai ta mugun gajiya shi yasa ta zube a falo ta kasa ko da motsin kirki, a haka Dr ya sameta.

Sosai ya cika da mamakin aikin da ta yi, faɗa ya soma mata akan ba ya son tana wahalar da kanta, ban da murmushi babu abin da take, shi ya taimaka mata ta yi wanka ta shirya cikin rigar bacci, shi ma wanka ya yo ba yan ya kammala shiryawa cikin kayan bacci sai ya soma ciyar ta har sai da suka koshi, wanke baki suka yi kafin suka kwanta a wannan rana sun nunawa juna zallar sosai da kewar da suka yi na juna, ba su samu kansu ba sai daf da asbah sannan bacci mai nauyi ya ɗauke su.

Rayuwa mai daɗi ake a gidan Dr Asmad, zuwa yanzu dai Aneesa ta rage zafin da ta dauka da Meesha domin yanzu har zuwa take bangaren Ameesha su gaisa. Hankalin Dr akwance ba ya da wata mata, babban burinsa shi ne yaga Ameesha ta sauka lafiya don cikinta ya shiga watan haihuwa kuma ko da yaushe tana iya zuwa. Kamar kullum suna zaune suna hira duk da yau Dr ba a bangaren ta yake ba ya zo mata sallama ne, duk hiran da suke dauriya kawai ta ke domin tun safe take jin alamar ciwo sai dai ba ya wani matsa mata shi yasa ba ta damu ba amma yanzu abin yana neman ya yi yawa, Dr ya kula da halin da take ciki tun shigowar sa zama ya yi tare da riko hannunta ya ce "Cutie an ya yau kam lafiya?" "Me ka gani baby?" "Komai ma na gani haihuwa ce gata nan." "Hmmmm! Baby kenan wai haihuwa ce to ina kaga haihuwar?" "Wajen autar Ummi." "A'a ni kam babu wata haihuwa haba haihuwar kamar wani shan ruwa Allah babu komai."

Gyada kai Dr ya yi badan ya yadda da maganar ta ba, mik'ewa ya yi don ya sanar da Aneesa halin da ake ciki kar ta ji shiru, yana fita jikin Ameesha ya hau tsuma ciwo wanda tun da take bata taɓa ko da jin irinsa ba ya taso mata gadan gadan, ji take mutuwa zata yi zufa kawai ke karyo mata ko ta ina sunan Allah kadai take iya ambato, a haka Dr da Aneesa suka sameta da sauri Aneesa ta matsa tana yi mata sannu wannan shi ne karon farko da Aneesa ta ji tausayin Ameesha. Da sauri Dr ya kwaso kayan aiki nan ya shiga bata taimako yana yi yana addu'a, aiko cikin nasara sai ga kan jaririya ya fita. "Alhamdulillah! Suka faɗa kusan a tare.

Murna wajen Dr ba a magana da kansa ya gyara yarinyar da uwarta, Aneesa kuma ta gyara wajen tsaf babu mai cewa a wajen aka haihu, sai tashin kamshi wajen ke yi. Shayi mai kauri Dr ya haɗa mata sannan ya yi mata allurai, Aneesa kam na rungume da babyn wani irin soyayyar babyn na shigarta har sai ta ji bata kaunar a raba su.

Sai da Ameesha ta huta sannan ta yi wanka, bayan ta fito ta shirya kai ka ce ba ita ce ta haihu ba don yadda ta yi kyau abinta, Aneesa matsawa ta yi kusa da ita tana faɗin"Ameesha amshi yarki ta ji duminki ki ji nata ta haka ne zata taso da soyayyar ki tare da tausayinki.

Murmushi Ameesha ta yi ta ce "Dama babban burina in haifi mace, ya kasance ke ce mace ta farko da zata fara rungumarta kuma Allah ya amshi addu'ata domin ke ce uwarta Aneesa har gaban abada bana son yarinyar nan tasan ni ce na haifeta." Ta gama maganar daidai da shigowar Dr daga shi har Aneesa mutuwar tsaye suka yi da jin kalaman Ameesha, Aneesa kasa motsi ta yi sai Dr ne ya yi karfin halin cewa "ke kina da hankali kuwa yarinyar tawa za ki yi min kyauta da ita dawa kuka yi shawara to wallahi ba ki is..."


To fa! Yau fa ake yinta. Ga Ameesha daga haihuwa ta yi kyauta da yarinya shi kuma Dr Asmad ya ce bai san wannan ba, ya kuke ganin zata kaya? Ku bi Yar Mutan Rano a hankali don ta warware maku, a yi hakuri kaɗan ya rage in sha Allah. I hearttttt You fisibilillahi😘


*YAR MUTAN RANO*
*SANGARTA*

©
_*ZULAYHEART RANO*_

*SADAUKARWA*
*Sadaukarwa ga Khadija S Muhammad My Besty*

_*Wow Masha Allah hakika na ji dadin comment ɗin ku, hakika ya sanya Ni nishaɗi ku ci gaba da ina son comment dinku hakan ya nuna min kuna bibiyar labarin sosai, masu korafin cewa Ameesha ta yi wauta da ta yi wa Aneesa kyautar 'yarta ku sa ni cewa ba wauta Ameesha ta yi ba, domin rama Alhairi ga mai sharri ba illah ne ba, ko ni zan iya fiye da abin da ta aikata.*_
*49*
"Yau kuma sangartar ne da wauta ya fado kanmu ni da ɗiyata?" Turo baki Ameesha ta yi ta ce "Babu wani wauta ni dai wannan maganar har cikin zuciyata na yi ta ko bayan babu raina Aneesa zata riki 'yar na..." Saurin rufe mata baki Dr ya yi cikin sauri ya ce " ki bar yi min wannan mummunar fatan in sha Allah babu maganar mutuwa yanzu sai kin haifa min 'ya'ya goma sha biyar." Zaro ido ta yi ta ce "Sha biyar? Tab sannu baby ai mutuwa ta Allah ce idan lokaci ya yi babu makawa." Kasa furta komai ya yi sai kallonta yana matukar mamakin maganar ta.

Wani kallo ta aika masa da shi wanda ya sanya jikinsa mutuwa murus, shi sai yaga kamar ba Ameeshar sa ba, duk lokacin da suka hada ido sai yaga murmushi ne kwance a fuskar ta wanda ya kara fito da zallar kyaunta, "Cutie kin yi kyau da shayarwa fa." Ya yi sauri kawar da wan can maganar."Babu wani kyau ni kuma zafi nake ji baby." "Kwantar da hankalinki ki saba tukun, idan na fita zan shigo maki da magunguna wanda za su rage maki zafin." "Tom kafin na saba da aiki, ka fadawa Nenne kuwa?"

"Eh! Har da su Ummi sai dai na manta ban fadawa Meena ba." "Ok bari na kira ta har da k'awata Ni'eema Allah yasa tana gari." Ta ida maganar tana lalubo wayar. Amsan babyn ya yi a hannunta, tare da zuba mata ido "Cutie Wai yarinyar nan da wa take kama?" "Yo Ina zan iya bambance wa kasan jarirai rikida ne da su, amma kamar tana kama da Autar Ummi." Ta karasa maganar cikin sigar tsokana. "A'a da Autan Nenne ta ke kama Malama." Dariya suka sake gaba daya kafin su yi wata maganar Aneesa ta yi sallama, hannunta rike da plet na farfesun kayan ciki. "Ki fara cin wannan kafin na yi maki girki." Amsa Ameesha ta yi tana faɗin"Na gode." Idonta akan Aneesa don gani ta yi kamar ta yi kuka. Sai dai bata yi magana ba ta soma shan farfesun suna dan taɓa hira. Kwantar da jaririyar Dr ya yi ya fita.

"Wai Yar'uwa kuka ki ka yi ko?" Ameesha ta yi tambayar tana ci gaba da shan farfesun ta. "A'a ban yi kuka ba mai kika gani?" "No! Ban ga komai ba, amma yana da kyau komai a rika fawwalawa Allah shi zai kawo karshen damuwa." "In sha Allah ina godiya." Tabbas Ameesha ta yi gaskiya domin ba karamin kuka Aneesa ta yi ba, nadama sosai ya shige t da yanzu ita Dr ya fara yi wa hidima, tana ji Dr har kyautar sabuwar mota ya yi wa Ameesha dalilin haihuwa, lallai ta cutar da kanta. Cikin hiransu sosai Aneesa ta fahimci wasu daga cikin halayyar Ameesha kuma ta tabbata mutum ce ita mai sanyin hali da cikakken imani, tana yi wa 'yarta fatan ta dauki halinta na karamci. Mik'ewa ta yi tana faɗin kin ga "bari na je na dafa maki abu mai dan nauyi yadda baby zata samu ta koshi. Tana mik'ewa Meena tana yin sallama, sai da suka gaisa kafin ta fita.

Fitar ta babu jimawa Dr ne ya shigo hannunsa dauke da ledoji irin ta pamarcy Ameesha ya mik'awa yana faɗa mata yadda zata yi amfani da shi, sannan ya amshi yariyar a hannun Meena har tana tsokanarsa "Oh! Yau ga ɗiyar sangartacciya Ameesha a hannun Dr! Dariya ya yi ya ce "Meena kar ki ta do min baya yanzu dai ita kanta ta shaida ta girma sangarta sai a barwa yara. Harara kawai Ameesha ke aika masu, Meena fita ta yi ta bar Dr dauke da 'yarsa yana mata addu'a bayan ya gama ya dubeta tare da ya ce "Cutie kin ga kyautar da Allah ya yi mana wanda babu mai iya bamu sai Ubangiji sai mu godewa Allah." "Alhamdulillah! Ta furta cikin sanyin murya. "Yanzu wani suna kike son a sanya mata?" "Bani da zaɓi bari Aneesa ta shigo." "Ok." Ya amsa yana ci gaba da kallon yarsa. Cikin kananun lokaci har ta kammala girkin da taimakon Meena cikin babban tire suka shiryo.

Da sallama ta shiga dakin ta aje tana faɗin "Hamman Baban baby Sannu da hutawa, Yar'uwa sannu." Yawwa suka amsa a tare, zuba mata abincin ta yi ta mikawa Ameesha. Dr ya dubi Aneesa cikin kulawa ya ce "Uwar 'ya wane suna za a sanyawa ɗiyar taki?" "A'a tambayi Yar'uwa duk wanda ta zaba ya yi min." "A'a zaɓa dai Yar'uwa na baki dama." "Tom ina godiya da wannan dama a sanya mata sunan Nennena." Dariya Dr ya yi ya ce "Babban BURINA kenan to Allah ya raya mana FATIMA BINTA." Take ya yi mata huduba ya kalli Aneesa yana faɗin.

"To kuma ya lakabin ta?" "*(Miemie)*." Zamu rika ce mata. Ameesha dai tana gefe sai murmushi take dokawa, yau abin masha Allah daɗi yake mata tana fatan Allah ya dauwamar da su cikin farin ciki mai dorewa. Babu jimawa Nenne suka iso kamar haɗin baki su Ummi ma suka zo, gida ya cika da murna babu kamar Nenne da ta samu takwara.

Haka suka ci gaba da zama kullum gidan cike da masu zuwa barka, har ranar suna ya zagayo inda aka yi gagarumin taro wanda ya amsa sunan sa, an ci an sha an yi komai cikin kwanciyar hankali, su Nenne sun taka muhimmiyar rawa haka ma Hafiz da yan gidan su sun yi hidima sosai wa Ameesha da yarta.

Bangaren gidan su Ameesha ma sosai aka yi hidima. Ba a bar Aneesa a baya ba ta yi bajinta sosai wanda ya ba wa kowa mamaki ciki har da Dr, domin akwati guda ta yi ma Ameesha da diyarta. Haka dai taro ya tashi lafiya Ameesha ta ci gaba da kula da Miemie yarinya mai kama da ubanta sak, idan kaga Miemie a wajen Ameesha to abinci aka kawota ta ci amma wajen Aneesa take wuni komai ita ke mata, zaman su abin burgewa da sha'awa. Yanzu watan Miemie biyu ta yi wayau sosai abinta gwanin sha'awa gata tubarkallah.

Sai dai fa Allah ya yi Miemie da shegen rigima, kullum kuka har asbiti suka je aka tabbatar lafiyar ta lau, sosai kukanta haushi yake ba Ameesha, Aneesa kaɗai ke iya lallashinta.

****
Kaiwa kawai yake yana komowa a cikin katafaren falonsa , hannunsa rike da waya yana kiran amininsa Alhaji Mamman "Hello ina jiran ka cikin gidana dake bayan gari." Daga haka ya katse wayar yana jero tsaki marasa adadi, ban abin da yake so a yanzu sai dai ya samu mafita domin kullum tsanar Alhaji Taheer gaba yake a zuciyarsa. Ba a jima ba Alhaji Mamman ya iso, gaisawa suka yi ya bashi ruwa don tsabar tashin hankali kasa ce masa komai ya yi sai girgiza kai da yake irin dai yana cikin muguwar damuwa Alhaji Mamman ya muskuta tare da cewa

"Wai Alhaji Mansur ya maganar ka da Alhaji Taheer ne?" A jiyar zuciya ya sauke mai karfi kafin ya yi karfin halin cewa"Yo wane amsa zan baka ai Ni kam Taheer ya zame min ciwon ido na rasa ya zan yi da shi, wannan shashashan da matarsa ta haihu ko shawara dani baiyi ba ta sanyawa 'yarsa sunan mahaukaciyar yar Taheer wannan abu ya min ciwo amma akwai shirin da nake masu." " Gaskiya dai ka dage don kullum abin gaba yake kayan da ake shigo masa da shi har sun haura na da, ga yar tashi ma ta haihu ba kaga irin dukiyar da suka kashe ba."

"Kai dai zuba ido ka yi kallo kidnapped ɗinsa zan sa ayi, kila ko tanan ma samu rabonmu." "Wannan gaskiya ne, yin haka shi ya fi maka." Haka dai suka ci gaba da hira Alhaji Mansur yana ci gaba da bayyana munanan manufofin sa akan Alhaji Taheer.

Kwanci tashi babu wuya wajen Allah har Miemie ta yi shekara a duniya, yarinya mai shegen wayau tasan kowa na gidan, bata saba da Meesha da Dr ba kamar Aneesa komai Momma haka take faɗawa Aneesa, Ameesha kuma Mami Dr Kuma Daddy, tun tana da wata bakwai a duniya ta soma tafiya magana kuwa kamar wacce ta hadiyi rediyo, wani lokacin har mamakin wayanta suke yi. Meesha ce kwance idonta lumshe kamar mai bacci, Miemie ta kwaso da gudu ta faɗa kanta tana faɗin "Mami tashi." "Oh! Allah Miemie ke kam ba ki son na huta idan na tashi mai zan yi maki?" Aneesa dake zaune a falon ta saki dariya tana faɗin " ke kuwa Yar'uwa tashi mana ki ji me zata faɗa maki." Ta shi ta yi zaune hannunta dafe da goshinta, ta ce "wallahi kaina ciwo yake." "Ayya sannu." "Yawwa ina za ku je ne haka?" Da sauri Miemie ta ce cikin Hausar ta mara fita "gitan Nenne ta mu je." "Shi ne ko ku faɗa min na shirya?" "A'a yi zamanki wannan baccin da ya sarface ki a kwanakin nan bana jin zai barki zuwa unguwa." "Hmmmm! Ki dai bari Yar'uwa wallahi kamar mai cutar bacci haka nake jina, sam na rasa gane kaina ɗazun indomie zan dafa daga daura ruwan zafi kafin ya yi zafi na dawo falo wallahi bacci ya dauke ni, in da Allah ya rufa min asiri ruwan bai kai ga kone wa ba na farka." Murmushi Aneesa ta yi ta ce "Bari Hamman ya zo ya kamata ya duba ki wannan sleeping ɗin ba na lafiya ba ne."

Zaro ido ta yi ta ce "A'a nikam lau nake bacci ne kawai Allah ya kawo bari ma ki ga na tashi." "Za ki ga lafiya Yar'uwa mu dai Ni da babyna mun ce Allah ya inganta." Tana dire maganar ta suri Miemie suka fice, ya yin da suka bar Ameesha cikin mamaki. Bata bar mamaki ba har zuwan Dr bayan ya gama cin abinci ya fara tambayarta ko me ke damunta, a sanyaye ta ce "ɗazun Aneesa ta yi wata magana kamar nufin ta ciki ne dani." "To kuma shi ne abin damuwa?" "Haba beby ciki tun yanzu wallahi haihuwa da wahala duka yaushe na haifi Miemie?" "Kwantar da hankalin ki Cutie Yi addu'a Allah ya baki nagari, domin ciki ya tabbata a gareki har na wata biyu." Kara zare ido ta yi da jin maganar Dr ta ciki? Ai ni sam ban ji wani alamomi ba sai bacci kamar wata mai cuta." "Baccin shi ne alamar da ya kamata ki gane, nikam tun bai kai wata ba na fahimci ajiya ta don wannan karon ban yi sake ba." Fuska