You Cannot Download this book untill you login but you can read it .

---

Login Register

yi auren? Wata fa na uku kenan, shi ne har zan samu ciki?" Ta ci-gaba

"Gaskiya dai ban shirya haihuwa ba, kuma bana kaunar cikin nan wallahi, yanzu ya ki ke ganin za'a yi?"

"Gaskiya nima dai ban baki goyon bayan haihuwa yanzu ba, don mazan yanzu da kun haihu suke daina ya yin ki, musamman irin su Dr da yanzu suke ganiyar tashen su. Akwai hanya amma da fatar bai san da cikin ba?"

"Eh! Gaskiya dai bana tunanin yasan da shi, domin da ya sani da kansa zai sanarmin don dai yana da son yara sosai."

"Gud! Haka yana da kyau, kina ji kawai ki shirya ki je asibiti sai a zubar da shi, tunda bai wani girma ya...

"Ke! Aneesa ta yi saurin katseta, ta ce "nifa nan babu inda na sani."

"Dallah! Ke wallahi baki haɗu ba, ga asbitoci nan da yawa a gari, ki bari in ya fita kema ki fita abinki, kafin ya dawo kin gama komai, kuma ai nan layinku naga wani asbiti ki gwada zuwa, ke kam wani lokacin kamar wacce bata waye ba."

"Tom shi kenan, zan gwada ɗin. Zaki ji kirana a kowane lokaci."

"Yawwa ko ke fa! Amma ki yi kokari don matukar ya fahimci kina da ciki to fa sai kin haifa masa, musamman da shi fa a gidansu shi kadai ya taso, zai so ganin jinin sa."

"Karki damu an gama."

"Sosai Aneesa ta yi na'am da shawarar Rukky, don ita fa bata son ta rasa Dr Asmad ne, kar ta haihu ya je ya sake auro wata, ita kuma ya daina ya yinta, tana wa Dr wani irin so ne ba na wasa ba."

*( Hmmmm Aneesa kenan, wannan sam ba shawarar arziki ba ce, Allah ya baki kyauta mafi daraja amma saboda wani banzar hujjar ki ki ce baki so? Ina ji ye maki zuwan ranar nadama)*

Aiko cikin zuciyarta ta kudurci niyyar gobe yana fita, itama zata kama kanta.


*ASBITIN MALAM AMINU KANO*

Asmad ne zaune ya zuba wani uban tagumi, tunanin Ameesha kawai ya ke yi, shi bai taɓa tunanin sonta ya kama shi haka ba, sai da wannan ciwon ya kamata, ya ji daɗin kasancewar su a asbitin, yana son Ameesha so mai tsanani amma ya rasa hanyar da zai bi don ganin ya mallaketa. Masifar sonta yake don ko motsi ya yi sai ya tuna ta, musamman murmushinta, kallonta, dariyarta, uwa uba kuma *SANGARTA* da take yi, kai komai nata yana burgeshi.

Wayarsa ya jawo ya soma buɗe pic din da ya mata lokacin da take asbiti, wasu tana bacci wasu kuma idonta biyu, wani kuma tana murmushi, yana kallon pic din yana murmushi tare da girgiza kai a fili ya furta

*Princess kin haɗu iya haɗawa, Allah ya mallaka min ke matsayin matar aure*

_Don Allah ku yi hakuri da wannan, wallahi shi din ma da kyar na tafa shi_ ``` I hearttttt you all my fans```😍😍

_*YAR MUTAN RANO*_
[10/8, 8:07 PM] Zulayheart Rano: *SANGARTA*

©
*ZULAYHEART RANO*

*Sadaukarwa ga Khadija S Muhammad My Besty*

*I love you all SANGARTA FANS* 😍😍😍😍

Dedicated to *SHAMSHIYA SALIS*

_*Na yi mamaki sosai a lokacin da na samu labarin harda SHAMSHIYA SALIS, cikin masu bibiyar wannan Nobel din. Gaisuwa ta musamman tare da fatar alheri a gareki*

*20*
Sosai ya maida hankali wajen kallon pic din Ameesha, sai ko dayar wayarsa ta soma ruri, sunan wanda yaga yana kiranne yasa shi ɗauka tare da karawa a kunne

"Hello abokina ya garin?"

"Lafiya lau! Aka bashi amsa daga ɗaya bangaren.

"Kana ina ne?" Dr ya tambaya.

"Gani zan shigo asbiti, shi ne na ce bari na kira ko ka fita?"

Dan dariya Dr Asmad ya yi ya ce

"Ina office ka shigo kawai."

"To! Ya amsa ta re da kashe wayar.

Minti biyar tsakani sai ko yaji norking ɗin kofar office din. "Yes shigo mana!"

Babu bata lokaci ya shigo, a tare suka sakarwa juna murmushi, tare da gaisawa.

"Kai wallahi na yi farin ciki da ganin ka Hafiz, domin dai ina da bukatar shawarar ka."

Wanda aka kira da Hafiz zama ya yi tare da fuskantar Dr ɗan fullo, yana sauraron maganar da ya ke masa. A jiyar zuciya Dr ya sauke yana ci gaba da kallon pic din Ameesha.

"Dr ka fara magana kuma ka yi shiru, wai me ya faru ne?"

Murmushi ya yi ya ce

"Haba Hafiz, babu fa wani abu na damuwa, shawara kawai nake nema a wajen ka."

"Ok ina sauraron ka!"

Gyara zama ya yi tare da maida hankali kan Hafiz din ya ce

"Wato maganar dai ita ce, kasan wannan yarinyar dana taɓa baka labarin ta, wacce muka haɗu a shahad store har na mareta?"

"Yes! Na gane ta, amma ban san yarinyar ba." Hafiz ya bashi amsa.

"Ok mun kuma haɗuwa da ita, har ma na zama mata Malami ta fannin karatu, duk da dai a da ba wani shiri muke ba, amma a yan kwanakin can kafin ta samu ciwo mun fara dai dai tawa, tun ranar farko da na ganta nake jin sonta, har zuwa yau ina jin kishin in ganta da wani saurayin balle inga tana masa murmushi, kai a takaice dai ina mugun sonta so irin mai tsanani ɗin nan, wallahi sonta ya hanani sukuni, ko yaushe cikin tunanin ta nake, duk wannan abin bata masan ina yi ba, na yi dogon tunani ya kamata in sanar mata, sai dai an samu matsala, domin ranar da nake niyyar bayyana mata kudirina sai Allah ya gifto da wani iftila'i ."

Dr ya yi shiru da maganar sa yana mai tsantsan tausayin Ameesha.

"Ina jinka ." Hafiz ya faɗa.

"Eh iftila'i domin dai ta samu ciwon mantau, ma'ana ta manta komai na rayuwar ta na baya, ina sonta tare da tausaya mata, ina burin ta zama matata, amma na rasa ta yadda zan yi wa su Nenne bayani."

Jinjina kai Hafiz ya yi ya ce "duk ta su Nenne mai sauki ne, matsalar tana ga ita yarinyar domin a yanzu komai zaka faɗa mata ba zata gane ba, hasalima bata sanka..."

"No! Hafiz wallahi tun ranar da ta samu ciwon babu wanda ta yadda da shi kamar ni, domin da kyar nake guje mata har kunya ta rika bani a gaban iyayenta."

"Simple ai ma maganar ta zo cikin sauki, domin kuwa basai ka tsaya bata time dinka ba, kaje ka faɗawa iyayenta kana sonta fakat."

A jiyar zuciya ya sauke ya ce "toh! Zan gwada amma ina kunya."

"Ka tsaya kunya sai dai kaji labarin aurenta."

"Kuma fa haka ne, wannan saurayin nata kamar zai cinyeta ɗanya ko yaushe cikin rawan kai yake." Dr ya k'arasa maganar yana kwashe wayoyinsa.

Dariya Hafiz ya yi ya ce "to ita kuma Aneesa fa?"

"Ina sonta, amma son Ameesha ya fi nata a zuciyata." Dr ya bashi amsa.

"Allah ya tabbatar da Alhairi, ya baka ikon yin adalci in ka auri Ameeshar taka."

"Ameen" ya amsa " tashi ka rakani ma in dubo ta! Haka suka fita a office din tare don zuwa gidan.

**************************

Tun daga nesa ya soma kwallah mata kira, cikin sauri ta fito daga bedroom ɗinta tana faɗin "gani Alhaji Allah yasa lafiya?"

Wata muguwar harara ya cilla mata, zuciyarsa na tafarfasa ya ce
"Wallahi keda danki ku fita idona, ida ba haka ba wallahil Azeem sai na mugun bata ranku."

"Allah ya baka hakuri Alhaji, amma ban san laifin da muka yi ba?"

"Au tambayata ma kike to? To bari ki ji domin nasan ke ce kike zuga Najeeb har yake min rashin mutunci son ransa ko? Wallahi zan yi maku walak'anci sosai a gidan nan."

"Allah dai ya baka hakuri, amma ban san laifin da ake tuhumar mu da shi ba." Ta yi maganar cikin sanyin murya.

"Wai kamar ni ina matsayin mahaifin Najeeb, har zan gindaya masa sharɗa amma ya yi burus da ita, yanzu kawai ina ofis sai ga kiran Taheer yana sanar min wai ya tsayar da ranar auren Najeeb da wannan mahaukaciyar yar tashi, ko uban wa ya ce masa zan haɗa zuri'a da mahaukaciya?"

Wani murmushi ya kubce ma Mummy, ta ce "kai masha Allah da wannan hukunci, amma na yi farin ci..."

Bata ko gama maganar ba, sai ji ka ke kau Alhaji Mansur ya dauketa da mari ya daura da fadin

"Amma ke shashasha ce, ai shi yasa na ce ke kika zuga shi har yake min yadda ya so, to wallahi baki isa ba matukar dai ina numfashi babu wani maganar aure tsakanin su."

Yana gama faɗin haka ya yi bedroom ɗinsa tare da buga kofar ji kake yi bom. Mummy kam nata dawowa daga zafin marin ta girgiza kai, a zuciyarta ta tir da halin mai gidanta.

**************************

Ummi ce ta tasa Ameesha a gaba don ta ci abinci, amma fir taki ci sai ma juya wa Ummi baya da ta yi, a haka Abba ya fito ganin ta juya baya ya sashi saurin matsawa dining din ya ce

"A'a Hajiya lafiya kuwa uwata ta juya wa dining din baya?"

Share hawayen da suka soma sauka akan fuskarta ta yi ta ce

"Alhaji ya zan yi mata? Tun ɗazun nake fama da ita kan ta ci amma fir ta ki, ina tunanin akwai abin da ta ke so, sai dai bata iya faɗa min."

"Ki bar yi mata kuka insha Allah, Auta zata sami lafiya yanzu haka nasa mu labarin wani asbiti a kasar Egypt insha Allah nan da karshen wata lokacin anyi aurenta da Najeeb zasu ta fi."

"Aure! Tayi saurin faɗa tare da ɗago kai, jin ya ambaci aure.

"Eh! Aure zan yi mata domin kuwa ina ga shi ne kawai mafita, nan da kwana ashirin da biyar biki.

"Allah ya kaimu." Ummi ta yi maganar jiki a sanyaye.

Abba yana shirin magana sai ga Abdul ya shigo, ya gaida iyayen sa tare da kallon Ameesha ya ce

"Sis kina dining ne kuna hira da Abba! Sai kuma ya maida hankali kan su Abba ya ce

"Abba Dr ne fa ya zo ganin Ameesha!"

Washe baki Abba da Ummi suka yi a lokaci guda da sauri Abba ya ce

"Shigo da shi maza."

Da sallama suka shiga falon Abba da Ummi wanda suka komo falon suka amsa masa, a kasa suka zauna shi da Hafiz din suna gaida su da tambayar mai jiki.

Ameesha da ke zaune tana jin muryar Dr Asmad da sauri ta taso daga inda take, wani kyakkyawan murmushi ne kwance a fuskarta, shi dai Asmad sai ganin ta ya yi kusa da shi zaune tare da rike masa hannu tana zazzare ido.

Murmushi ya sakar mata ya ce

"Autar Ummi babu magana sai zama kawai?"

Cikin muryarta mai sanyi ta maimaita abin da ya faɗa, shi dai Hafiz kallonsu kawai ya ke yi sun yi mugun da ce wa, gefe ɗaya kuma yana tausayin halin da Ameesha ta samu kanta.

Ummi ta yi murmushin takaici ta " Kai Auta wato ɗazun duk kin wani share maganar mu, har abinci kin ki ci amma daga ganin Dr ki sake, to Allah yasa yazo da allura!"

Bata rai ta yi, don dai bata son allura sam. Shi kam Dr hankalinsa ne ya tashi jin Ameesha bata ci abinci ba, da sauri ya ce "Ummi ina abincin?"

"Yana dining table taki ta ci, tun ɗazun nake fama da ita."

"To Ummi a kawo mata nan kila ta ci!" Dr ya yi maganar yana kallon Ameesha.

Haka kuwa aka yi, inda suke zaune Ummi ta kawo abinci, Dr Asmad da kansa ya dauki abincin ya mikawa Meesha ya ce

"Oya fara ci!

Jijjuya kai ta yi alamar a'a.

Bata rai ya yi ya ce " ok baki ci dai ko? To babu inda zan je da ke dama nazo ɗaukar ki ne, ko ba zaki bini ba...?

Ai tun kafin ya ida maganar ta dauki cokalin tana juya wa alamar dai zata ci, sai dai ta kasa don ta saba Ummi ke bata.

Ummi ce ta matso wajen ta ce

" Bari na bata! Domin bata iya ci da kanta." *SANGARTA* na damun ```MARYERM TAHEER```. inji Yar Mutan Rano. Ummi ta ida maganar tana kama hannun Meesha, aiko babu musu ta bi Ummi har dining, Ummi na bata tana ci, don Dr ya ce zai ta fi da ita.

A falo kuwa Abba ne zaune ya maida hankali kan maganar da suke da Dr. "Alhaji dama ce wa na yi, ya kamata a fita da Ameesha waje domin dai tunda an yi anan babu wani canji sai kawai a fita da ita."

Murmushi Abba ya yi ya ce

"Tuni na yi wannan tunanin har ma nasa mu bayani game da wani asbiti dake Egypt, to insha Allah end of this month zasu ta fi, don ina son su ta fi da mijinta n..."

Wani irin zabura Dr Asmad ya yi jin Abba ya ce mijinta.

"Mijinta" Ya yi maganar har jikinsa yana rawa.

*KUYI HAKURI DA WANNAN PLEASE*🙏

_*YAR MUTAN RANO*_
[10/8, 8:07 PM] Zulayheart Rano: *SANGARTA*

©
*ZULAYHEART RANO*

*Sadaukarwa ga Khadija S Muhammad My Besty*

*Page din yau naki ne Badeeyar Adam (Beauty Queen), na baki page din kyauta, dubun gaisuwa inji DR ASMAD DA AMEESHA lol, Allah ya kara maki lafiya mai amfani*😍😍😍

_*Besty Najeeb ya ce yana godiya da son da kike masa zai zo har gida ya kwashi gaisuwa lol*_😻😻😻

```TEAM NAJEEB MANSUR```

*21*
Kallonsa Alhaji Taheer ya yi cike da mamakin yadda hankalinsa ya tashi lokaci ɗaya.

"Dr lafiya kuwa?" Abba ya tambaya.

Gyara zama Dr Asmad ya yi tare da dafe kirjinsa, wanda ke harbawa da sauri da sauri ya kakalo murmushin da iya kacinsa leɓe ya ce

"Babu komai Abba, gani dai na yi a condition din da Ameesha ta ke bai kamata a yi maganar aurenta ba!"

Murmushi Abba ya yi ya ce

"Nima sai da na faɗawa Najeeb haka, amma ya ce shi fa a haka yake sonta, zan aura masa ita in Allah yasa zata samu lafiya sai ta samu a ɗakinta."

"Allah yasa haka shi ne mafi alheri." Dr ya yi maganar cikin karfin hali.

Daga haka suka mik'e tare da faɗin

"Abba mu kam zamu ta fi gida, dama mun biyo duba Ameesha ne."

"Mun gode sosai Allah ya shi albarka, ka gaida iyayen ka."

"Za su ji." Ya yi maganar yana fara tafiya.

Ameesha da ke cin abinci tana ganin Dr ya mike da nu fi tafiya, ai da sauri ta mik'e tare da nufar su.

"Auta! Don Allah ki dawo ki gama cin abincin ki, ina kuma kika nufa?"

Ina ai sam bata masan me Ummi ke faɗa ba, har saida ta ɗan gana da inda Dr yake, kansa ta faɗa tare da sakin kuka. Sosai hankalinsa ya tashi da jin kukanta, saurin birkitota gabansa ya yi yana tambayar ta lafiya?

Shiru ta yi masa sai hawayen da ke zuba daga idonta, jan hannunta ya yi suka fita waje a can bayan gidan ya nufa da ita inda aka shirya wasu fararen kujeru domin shan iska, zaunar da ita ya yi shima ya zauna akan wacce ke fuskantar ta.

Zuba mata ido ya yi har na sakonni sannan ya sauka daga kujerarsa ya tsuguna a gaban ta, hannunsa ya zira cikin aljihu ya zaro kyakkyawan hankerchief ɗin sa ya soma share mata hawaye yana faɗin

"Me ya sanya ki kuka Princess?"

Shiru ta masa, ya kuma faɗin

"Ko baki son in tafi ne?"

Da sauri ta daga kai alamar "eh!

Murmushi ya yi irin wanda ake yiwa masoyin gaskiya

"Oh! Princess rigima."

"Zaki bini gidanmu?"

Nan ma da sauri ta amsa.

"Gud sai kin ce Sweety Asmad!"

Cikin daddaɗan murya ta ce

*"SWEETY ASMAD?"* Ta yi maganar cikin sigar tambaya.

Wani irin yar Dr ya ji a jikinsa musamman yadda ta ambaci sunan, sai ya ji ina ma zai dauwama yana mai jin muryar Ameesha, nan da nan sai ya ji damuwa ta ziyarci zuciyarsa da ya tuna da maganar Abba na ɗazun.

Kara kallonta ya yi ya ce

"Ki daina kuka insha Allah zan zo in tafi da ke, amma fa ba yau ba sai na Kuma zuwa kin ji, kuma in dai baki cin abinci ba zan je da ke ba, ki rika cin abinci kinji ko?"

Da sauri ta daga kai alamar dai "to!

"Yawwa tashi mu je karki kara kuka ki zauna a falo."

Ai ko babu musu ta mike suka nu fi cikin gidan, a kofar falo suka yi karo da Hafiz

"Sorry abokina mun bata lokacin ka ko?"

Murmushi ya yi kawai ya ce

"No! Babu komai tunda dai ka lallasheta."

Kallon kofar Dr ya yi sai ko ya ga Ameesha tsaye tana kallonsu, murmushi ya sakar mata tare da daga mata hannu alamar bye.

Ita ɗimma daga masa hannu ta yi har sai da taga fitar motarsu tukun ta shiga cikin falon.

**************************

Cikin wani irin yanayi Asmad ya isa gidansu Nenne, ko sallama ya kasa da dai yana cikin muguwar damuwa, babu kowa a falon don haka sai ya zube akan kujera tare da lumshe ido.

Nenne ce ta fito daga bedroom ɗinta, hannunta rike da waya tana dannawa da alama wata Number take nima. Kara bude ido ta yi ganin Asmad ɗin zaune a falon, da sauri ta k'arasa tana faɗin.

"Asmad lafiya kuwa, yau she ka shigo?"

Kasa magana ya yi kuma bai buɗe ido ba, har sai da Nenne ta kuma tambayarsa.

Da kyar cikin damuwa ya ce"Nenne na rasa Ameesha don Allah ki taimaka min!"

Da rashin fahimta Nenne ke kallonsa ta ce

"Ameesha ko Aneesa?"

"Ameesha dai Nenne." Asmad ya bata amsa.

"Wacece kuma Ameesha, a ina take?"

Sai a lokacin ya ɗan dawo nutsuwarsa jin tambayar da Nenne ke masa. Buɗe idonsa da yake yi jajir ya yi ya ce

"Nenne Ameesha budurwa ta ce aurenta zan yi.

Kallon mamaki Nenne ke bin Asmad da shi ta ce

"Ita kuma Aneesa fa?

"Ai ita matarsa ne, kuma yana da damar yin mata hudu."

Kafin ya yi yunkurin bata amsa ne suka ji maganar a bayansu. Da sauri Ummi ta juya tana kallon Alhaji Abubakar ɗin.

"Alhaji ka ji abin da ya ce kuwa?"

"Sosai na ji, koba ce wa ya yi zai kara aure ba?"

"Eh! Haka ya ce."

"To na bashi goyan baya Allah ya tabbatar da Alhairi, yar wacece?"

"Alhaji ka ce kana goyon bayan shi fa, duka duka yaushe ya yi auren?"

"Look! Hajiya ya kamata ki fahimci halin da yaron nan ya ke ciki."

Shiru Nenne ta yi, don ta san duk wani bayanin da zatawa Bobbo ba fahimta zai yi ba, amma sam bata son Asmad ya kuma aure a yanzu. Muryar Bobbo ta ji yana kuma tambayarsa yar wacece?


"Bobbo ina sonta sosai amma kuma yanzu da na je gurin mahaifinta ya ce ya mata miji, Bobbo wallahi idan na rasata zan shiga wani hali." Cikin karaya ya ida maganar.

"Kar ka sa damuwa a zuciyarka, ka yadda samu da rashi duk na Allah ne, kuma in har matar ka ce sai ka aureta, ina son farin cikin ka kamar yadda kake son na mu."

Wani daɗi ne ya rufe shi, duk da dai yasan Ameesha ta yi masa nisa, sai dai zai ci gaba da addu'a kamar yadda Bobbo ya bukata.

A haka Bobbo ya yi ta kwantar masa da hankali, sannan ya yi sallama da su ya ta fi zuciyarsa wasai.


*GIDAN ALHAJI MANSUR*

Mommy da Najeeb suna ta shirye shiryen aure, kuɗi sosai Mummy take kashewa Wajen haɗawa Ameesha kaya, kamar kullum yau ma zaune suke suna lissafin abin da basu saya ba.

"Kasan menene Najeeb?" Mummy ta tambaya.

"A'a" Mummy ya bata amsa.

"Yawwa so nake a kammala duka kayan kafin satin sama, don satin da zamu shiga lokaci ya kure."

"Eh! Mummy hakan yana da kyau, dama gidan an gama komai sai saukar Alkur'ani da nake so a yi."

"Madallah! Allah ya tabbatar da Alhairi."

Alhaji Mansur ne ya shigo falon, fuska sake kamar wanda aka wa bushara da aljanna, zama ya yi akan kujera tare da kallon Mummy ya ce

"Kuna nan sai shawara ku ke yi da ɗanki, kun wareni a gefe!"

"Abba ina wuni?" Najeeb ya yi maganar yana tsugunawa.

Sosai ya saki fuska yayin amsawa.

A jiyar zuciya Mummy ta sauke don jin yau Alhajin da yan mutunci aka shigo ta ce

"Haba Alhaji kana ranmu fa!

"Haka dai kika ce, maganar mai kuke tattaunawa?"

"Maganar yadda auren Najeeb zai kasance mu ke yi."
Ta ba shi amsa cike da jimamin yadda zai dauki maganar.

Wani irin zabura Alhaji Mansur ya yi ya ce...

*A dai kara hakuri da ni Please, Zulayheart Rano tana tsananin kaunar ku gaba ɗaya.*


_*YAR MUTAN RANO*_
*SANGARTA*


©
_*ZULAYHEART RANO*_

*Sadaukarwa ga Khadija S Muhammad My Besty*

```Wannan shafin na ku ne ku kadai yan jahata babban birnin Nijeriya wato RANO a duk inda kuke ina alfahari da ku ina jin duk wani dan Rano jinina ne, Allah ya barmu da kaunar juna```

_*Happy birthday Ramlat Ar Manga wish you many many year's in your life*_😍😍😘

*46*

Tunanin inda zata nufa take, sam bata jin zata iya komawa gidansu tasan sarai halin Abba tunda Asmad ya shiga rayuwar ta ya rage sake mata sai Asmad ɗin, yanzu idan ta tunkare shi tabbas tasan ba zata taɓa samun mafaka ba, kila ma a daren nan ya dawo da ita hukuncin Ya Jaheed ma yafi daga mata hankali babu makawa Ummi fushi zata yi da ita, hannu tasa a ka ta fashe da wani kuka a fili ta furta "oh! Ni Maryerm ina zan nufa?" Take wata zuciyar ta bata amsa gidan Nenne. Bata tsaya komai ba ta yi na'am da shawarar zuciyarta domin shi ne mafita, da kyar ta kai kanta bakin titi domin cikin layin babu wani masu abin hawa, ta dade sosai kafin ta iya taran dan keke napep, duk da ko kwabo babu a hannunta haka ta shiga ko ciniki ba su yi ba, domin yadda kanta ke mugun sarawa bata jin zata iya magana. Tafiyar mintina ta kaisu gidan "ka yi hakuri bari a kawo maka kuɗi." Ta yi maganar da kyar tana nufa get din.

Kwankwasawa ta yi cikin rashin kuzari, maigadin ya fito cikin sauri ganin Ameesha ya yi saurin tsugunawa yana gaidata, bata iya amsawa ba sai ce masa ta yi "ya amso dari biyar a cikin gida ya bama mai napep ɗin." Cikin kankanin lokaci ya isa cikin gidan sallama ya yi a kofar falon Nenne da Bobbo ne zaune suna hira, kafin Nenne ta amsa har Bobbo ya amsa bayan sun gaisa ya ce "Hajiya dama matar Alhaji karami ne ta ce a amshi dari biyar a kai wa dan adaidaita." Bobbo ya ɗauki dari biyar din ya mika masa ya yin da Nenne ta cika da mamakin wai matar Asmad ce ta zo kuma ta sanya a amshi kuɗin napep, ko kafin ta gama mamakin sai jin sallamar Ameesha ta yi cikin wahalalliyar murya, da sauri ta isa gareta ganin tana niyyar faduwa kasa.

"Subhanallah! Ameesha ke ce da daren nan ina Asmad ɗin?" A kidime Nenne ta jero mata tambayar. "Nenne zan sha ruwa." Ta furta da kyar." Bobbo ne ya mikawa Nenne goran ruwan Faro da ya siyaya ɗazun, ɓalle murfin ta yi ta shiga bata ruwan har sai da ta shanye kafin ta saki goran tare da ajiyar zuciya. "Maryam sannu dama baki da lafiya ne?" "Eh!" Ta bata amsa. "Kuma dan rashin hankali irin na Asmad sai ya barki kika fito a wannan yanayin?" A fadace Bobbo ya yi maganar. Ganin jikin nata ya fara zafi sai Nenne ta ce "Alhaji ko zaka kira Asmad ba ne? Don jikinta kara zafi yake." Zazzafan zazzaɓi ne ya rufeta, cikin muryar da bata fita ta ce "a'a Bobbo karka kira shi ba sai ya duba ni ba, idan akwai pracitamol a bani." "Ki dai bari a kira shi don kina da buk'atar taimako." Nenne ta yi saurin katse ta.

Kuka ta sanya tana faɗin kar a kira shi, take Bobbo ya fasa tare da tsare Ameesha da ido "Anya kuwa lafiya