You Cannot Download this book untill you login but you can read it .

---

Login Register

)

Bayanin da ya mata ne yasa hankalin ta dan kwanciya, sai a lokacin ta samu damar kiran Alhaji Taheer tana sanar masa da rashin lafiyar Ameeshan. Sosai hankalin sa ya tashi don haka cikin sauri ya dauki hanyar hanyar ko mawa kano don yana garin Abuja, jirgi ma yabi don yana sauri.

Ameesha yar gata cikin lokaci kalilan har asbiti ya cika da mutane, Najeeb ma ya zo hankalin sa a tashe, domin fa yanzu Allah ya jarabci Najeeb da mugun son Ameesha, wanda har yake mamakin yadda son nata ya shige shi sosai.

Sai bayan la'asar ta farka, lokacin Alhaji Taheer ya daɗe da bayyana a asbitin, koda ta farka tuni zazzabin ya sauka, amma ganin Alhaji Taheer sai ta wani kuma narkewa.

" Sannu Uwata ina ke maki ciwo? Me kike so? Mai zaki ci? "

Alhaji Taheer ya ke jero mata wandinnan tambayoyin.

Girgiza kai ta yi tace

" Ni dai Abba bani son komai, bacci nakeji kawai."

" Haba Uwata ki daure ki ci wani abun mana? "

Allah ya yo Ameesha bata son jan zan ce, don haka sai ta ce " To Abba."

Asmad shigowarsa kenan ya ji Abban Ameesha na lalla6ata, a zuciyar sa ya jinjina girman son da mahaifan ta suke mata. "lallai dole ki yi *SANGARTA* har rashin kunya ta samu wajen zama.

" Babyn Ummi ya k'arfin jiki? "

Najeeb ne ya ke magana idon sa akan Ameesha.

Murmushi ta saki tare da lumshe ido, ta buɗe ta ɗaura idon ta kan fuskar Najeeb ɗin a hankali ta furta

" Jiki da sauki."

" Allah ya k'ara sauki."

Ya fada.

Wani takaici ne ya rufe Asmad, ganin yadda ta saki jiki da Najeeb ɗin, har take masa murmushin da ba kowa ya kamata ya gani ba. Don haka cikin sauri tun kafin zuciyar sa ta buga kawai sai ya masu sallama.

Don duk wani abu da take buk'ata ya gama, sai dai bai gaji da ganin kyakkyawan fuskar ta ba, amma sakamakon ganin Najeeb sai da ya yi dana sanin zuwan sa asbitin, duk sai yaji ya tsani Najeeb ɗin.

Asmad ne zaune da tare da Nenne da Bobbo a babban falon gidan su, hira su ke yi cikin kwanciyar hankali, Bobbo ne ya kira shi don su tattauna wani muhimmin abu, al'adar su sai sun fara hira kafin ya gabatar da abin da ya hada su.

To yau ma kamar kullum suna zaune, a babban falon gidan , domin kuwa tuni gidan ya soma amsar baki daga waje daban daban, kasancewar yau saura kwana biyu ɗaura aure, Yan Adamawa tuni suka bayyana, muskutawa ya yi tare da gyara zama, sannan ya kai hannu ya bude wata jaka dake kusa da shi.

Wasu takardu ya kwaso cikin jakar tare da mik'awa Asmad ɗin, hannu biyu yasa tare da amsa cikin rashin fahimta

" Buɗe ka gani Asmad, yau kam alkawarin da na ɗauka Allah ya bani iko na cika shi."

Buɗe takardun ya fara cikin wani irin mamaki ya mik'e tsaye baki na rawa ya ce

" Bobbo na ga takardan asibiti ne?"

" Eh Asmad! Sune takardun asibitin dana gina maka ba tare da saninka ba , dama na ce sai lokacin da za'a ɗaura aurenka zaka san da shi."

" Masha Allah! Ina matuk'ar godiya Bobbona, Allah ya saka maka da Alhairi ."


Farin ciki ya cika Nenne da irin kyautar da mai gidanta ya ba ɗan nasu guda ɗaya da Allah ya basu.

Sai sanyawa abin albarka take yi

Farin ciki hana shi magana ya yi, sai kallon Bobbo ya ke, wayar sa ce ta dawo da shi daga tunanin da ya lula number ɗin da ya gani ne yasa shi ɗauka tare da karawa a kunne, cikin zuciyarsa faɗi ya ke yar matsala

Saurin fita daga falon ya yi yana faɗin me...?"


_*Yar Mutan Rano*_
[10/8, 8:06 PM] Zulayheart Rano: *NAGARTA WRITERS ASSOCIATION*
*(NWA)*

*SANGARTA*

©
*ZULAYHEART RANO*

*Sadaukarwa ga Khadija s Muhammad my Cittah*
*13*

" Lafiya kuwa?"

Daga can ɓangaren Aneesa ta ce

" Hamma ina yini?"

"Lafiya."

Ya yi maganar fuskar sa ba yabo ba fallasa.

" Ehm daman..." Sai kuma ta yi shiru.

" Aneesa ina jinki akwai matsala ne?"

Dan murmushi ta yi ta ce

"Dama so nake na ce muna da buk'atar kuɗi, wanda zamu yi amfani da shi."

"Ok"

Shi ne kaɗai abin da Asmad ya faɗa ya katse kiran.

Aneesa kuwa sororo ta tsaya da waya a hannu, tana mamakin Asmad ɗin , sai kuma ta saki murmushi da ta tuna kwana kaɗan ya rage su kasance matsayin miji da mata, tana alfaharin kasance wa da Asmad a matsayin miji.

Da wannan tunanin ɓacin ran da ya ɗan sa mata ya gushe.

Asmad kuwa falon ya koma inda iyayen sa suke, zama ya yi tare da kallon Bobbo ya ce

" To Bobbo yau she za'a buɗe asibitin?"

Asmad ya yi tambayar yana kallon Alhaji Abubakar.

" Ranar ɗaurin Aure ina kamar zai fi."

Bobbo ya bashi amsa.

" A'a ko dai washe gari, don kasan fa kafin a dawo gida za'a daɗe a hanya."

Nenne ta faɗa.

" Tom a barshi haka ɗin, tunda muna da buk'atar mutane."

Allah ya sa albarka ya taimaka, Ubangiji ya ida nufi ka kula da kyau Asmad ka taimaki bayin Allah, domin kaima Allah ya taimake ka ."

"Insha Allah Nennena zanyi yadda kika umurta, kudai ci gaba da yi mana addu'a."

Kullum muna yi maku Allah ya yi albarka.

********************************

" Abba wai ni kam sai yaushe za'a sallame ni?"

"Ina zan sani uwata? Ki bari dai har ki kara samun sauki."

"Nidai gaskiya na gaji, shi mutumin nan tunda ya aje mutum babu wanda ya kuma ganin shi."

Ameesha ta karasa maganar kamar zata yi kuka.

Harara Ummi ta watsa mata ta ce

"To ai ko yanzu kina iya tashi ki wuce, tunda ke kamar karamar yarinya ki ke ji."

"A'a Hajiya me kuma na harara? Baki ganin ba lafiya ne da ita ba?"

Kai Alhaji sai kayi ta goyon bayan Ameesha, duk maganar da taga dama shi take yi, yanzu don Allah ina laifin yaron nan?"

Dan murmushi yaja ya ce

"To naji amma dai lallaɓata ya kamata kiyi."

Su Alhaji Mansur ne su ka yi sallama, shi da matarsa fara'a sosai Alhaji Taheer ya saki da ganin abokin nasa.

" Sannu da zuwa Alhaji ku ne a wannan lokacin?"

Faɗa ɗa murmushi Alhaji Mansur ya yi ya ce

" wallahi mune muka ce yau dai tunda mun samu lokaci bari muzo mu duba mai jiki."

" Masha Allah ai mai jiki ma ta samu sauki sosai."

Zama su ka yi kafin aka hau gaggaisawa, Ameesha dai kanta a kasa ta kasa ko da kallon su, wani karin haushi ya rufe Alhaji Mansur, ganin yadda ya tasa Ameesha a gaba sai *sangarta* take masa ga uban kaya da ya zuba a ɗakin na kwaɗayi, kamar ba asibiti ba " yanzu da nine bani lafiya sai dai yazo gaishe ni, zanyi maganin ka"

( "Kai dai Alhaji Mansur hassada ta yi maka yawa, baka san hassada kan meshi ya ke komawa ba? Ubangiji ka rabamu da hassada don bata yi ba a rayuwa")


Hajiya Salaha wato mahaifiyar Najeeb ita ce ta kalli Ameesha da murmushi ta ce

"Daughter ya jikin?"

"Da sauki." Ta bata amsa.

Sun ɗan daɗe a asibitin kafin su ka yi sallama.

Asmad ne zaune ya jingina bayansa a kujerar da ke office ɗin sa , zuwan sa kenan daga gida, tunanin Ameesha ne ya addabe shi har ya kasa jurewa , yana son ya bata sallama sai dai kuma bai gaji da ganin ta ba.

Sannan yana jin haushin yadda yake ganin ta tare da Najeeb, domin ko da yaushe yana shigowa asibitin sai dai baya zuwa ɗakin da take, da yake ɗakin nata na musamman ne, ya kula kuma Najeeb ko da yaushe yana cikin asibitin.

Tsaki yaja a karo na barkatai ya faɗa a fili

" Ya zama dole na sallame ta domin gobe ne zan tafi Adamawa don jibi daura aure, kuma idan na bar asibitin a yau ni da kaina ban san ranar da zan dawo ba."

Da wannan tunanin ya mik'e ya nufi hanyar ɗakin da take, tun da ya doshi wajen ya hango motar Najeeb, sai ya ji wani kululun bak'in ciki ya tokareshi a zuciya , tabbas yasan yana cikin ɗakin yasa ta a gaba tana masa murmushi.

A kofar shiga ɗakin ya haɗu da Meena gaisuwar mutunci su ka yi ta ce

" Dr mukam yau she za'a bamu sallama? Mun gaji da zaman asibitin nan fa?"

Murmushi ya yi ya ce

" Yanzu zan baku sallama ku kwantar da hankalin ku, bari na shiga na kuma dubata."

Ya ida maganar yana shiga ɗakin .

Sai da suka gaisa da Ummi da Abba sannan ya dubi inda take kwance.

Najeeb ne zaune kusa da Ameesha suna hira kasa kasa,sai ka saurara da kyau za ka ji abin da suke faɗa, wani kallon ya yi wa Najeeb mai cike da ma'anoni daban daban, Malam ɗan bani waje zanyi aiki."

" Tom" Najeeb ya faɗa tare da tashi ya ce

" Babyn Ummi ina tunanin na tafi, idan an sallame ki tom sai nazo gida."

Gyada kai tayi kawai, don tunda taga Dr ɗan fullo ya shigo ta rasa nutsuwa, don haka sai ta kasa masa magana.

Bayan fitar Najeeb ɗin sai Dr ɗan fullo ya watsawa wa Ameesha harara ,wanda akayi sa'a tagani

" Ashe daman rashin lafiyar karya ki ke yi?"

" Bangane ba?" Tayi tambayar tana murguɗa baki.

"Ai dama ba zaki gane ba, tunda fa kinsa wannan k'aton a gaba kina masa dariya taya za ki gane?"

Mamakin maganar nasa take yi, don bata fahimci me yake nufi ba... Bata gama tunanin ba sai ta kuma tsinkayar maganar sa

" Bari na sallame ki don nan asibiti ne ba gidan love ba, don naga alamar ke baki da ta ido, a gaban iyayen ki sai ki zauna kina wa wani k'ato murmushi, ku ala dole ga masoya ko? To kuje gida can kuyi soyayyar."

Yana maganar tana aika masa harara, cikin zallar rashin kunya.

Yana gama faɗin haka ya mik'a mata takaddan da ya rubuta mata sallamar, sannan ya yi sallama da su Ummi ya yi gaba, ita kam banda juya maganar da ya faɗa mata babu abin da ta ke yi, gaba daya ta kasa gane inda maganar ta dosa .

" Auta ya ce ya sallame ki ko?"

" Eh Ummi ga takardan da ya bani."

" Ok to bari mu tafi kenan, dama ɗazun na rage wasu kayan."

Dan danan suka tattara kayan su suka koma gida.

Yau dai rana bata karya a yau asabar aka ɗaura auren Asmad da Aneesa wanda dubban jama'ar Adamawa suka shaida, shi dai ango a nashi fannin babu kuka babu dariya, baya farin ciki kuma baya bak'in ciki.

Yana cikin abokan sa sai harkan bikin suke.

Aneesa kuwa yau babban burinta ya cika, tunda yau ta kasance matsayin matar *Asmad Abubakar ɗan fullo* ta zama matar Dr ɗan fullo kyakkyawan matashi mai ji da kyau da kuɗi,kai ita kam babu wacce ta kaita sa'a.

Ana gama ɗaura aure suka kamo hanyar kano, inda abokan sa suka shirya masa dinner a cikin wani haɗaɗen hall mai suna *Zamani* .

Basu isa gida ba sai bayan magriba, don haka wanka kawai su ka yi ta yi tare da salloli, sannan suka soma shiri don karfe goma za'a fara tafiya.

Sosai amarya ta yi kyau na ban mamaki, take aka fara haska bikin cikin gidajen Talabijin, a dai dai lokacin Ameesha ne zaune da Abbanta yana lallaɓata akan ta sha yogurt ɗin da ya shigo mata da shi, don kwata kwata bata son cin abinci TV Abbanta ya kunna ya kamo tashar liberty , dai dai sanda ake nuno shagalin bikin.

Sam Ameesha hankalin ta bashi kan tv ɗin sai da Abbanta ya ce

"A'a uwata wannan ba shi ne likitan da ya duba ki ba ?"

Gabanta ya yi wani irin faduwa da jin maganar Abba, saurin ɗago kai ta yi tare da watsa idonta akan TV ɗin Dr ɗan fullo ne da wata sun yi mugun kyau, gashi sun da ce da junansu.

"wai dama da gaske aure zai yi?"

Gyada kai ta yi da kyar ta buɗe baki ta ce " eh shi ne" tana gama faɗin haka ta yi saurin mik'ewa tare da nufa bedroom ɗin ta hankalinta a mugun tashe.


Ko da ta shiga bed room ɗinta,kuka ta fashe da shi irin mai ban tausayi, wani irin zafi ta ke ji a zuciyarta, ta rasa me ke mata daɗi ta ji takaicin auren Dr tana nan tana fama da ciwon sonsa, ashe yana da wacce yake gashi har an ɗaura aure suna can cikin farin ciki, ita kuma tana fama da ɓaci rai

Ta sha kukan ta inda daga karshe ta rarrashi kanta, Amma ko da safe da ciwon kai ta tashi, don kar ta ɗaga hankalin su Ummi sai kawai ta cije.

Ganin bata iya direvin mota ya sa ta amsa kudi wajen Ummi, sannan ta fita ko tsayawa jiran Meena bata yi ba
*** *** ***


Kai na gaji Yaseen

Please kuyi min addu'a am not feeling fine 👏

_*Yar Mutun Rano*_
[10/8, 8:06 PM] Zulayheart Rano: *NAGARTA WRITERS ASSOCIATION*
*(NWA)*

*SANGARTA*

©
*ZULAYHEART RANO*

*Sadaukarwa ga Khadija s Muhammad my Cittah*
*14*

Tsaye ya ke a kofar gidan hannayen sa rungume a kirjin sa, ya zubawa get ɗin gidan idanu, burinsa bai wu ce yaga ta fito ba , gefe ɗaya kuma yana tunanin yadda zata kaya, rabon sa da zuwa wajen ta yau kusan wata biyu kenan.

Yanzu ma nazari ya yi ya ga dai tabbas bata cancanci irin wannan hukuncin daga gare shi ba, sosai ya lula duniyar tunani,sai jin Muryar ta ya yi ta na faɗin

" Barka da zuwa, yau a gari, ashe talaka na ganin ku?"

Ju yowa ya yi tare da sauke idonsa a fuskarta, wanda ke ɗaure kamar bata taɓa sanin wani abu wai shi murmushi ba balle dariya ba, take ya ji gaban sa ya faɗi da yanayin ta, da kyar ya dage tare da tattaro nutsuwar sa ya buɗe bakin sa da ya masa nauyi ya ce

" Ki yi *Rufaida* wallahi abubuwa ne su ka yi min yawa."


(Fatan masu karatu basu manta da Rufaida ba, asalin budurwar Najeeb?")


" Har suka hana ka ɗaukan wayata?"

Ta yi saurin jefa masa tambaya, har yanzu bata ko kalli inda ya ke ba.

"No Ruffy ba shi ne yasa ba ."

" Ok ganin dama ne kenan? Ashe haka k'auna take komawa? Wallahi Najeeb ka bani mamaki ban taɓa tunanin haka daga gare ka ba"

"Kiyi hakuri Ruffy na yi kuskure, amma insha Allah haka ba zai kuma faruwa ba."

" Hmmmm Najeeb kenan ai bana jin akwai abin da zaka gaya min in yadda."

"Haba Please Ruffy ki fahimce ni, kin fi kowa sani halina fa, Please ki yafe ni."


Da kyar ya lallaɓata ta yadda, da abin da ya ke faɗa mata.

"Fatar kin yafe min?"

" Ba komai Najeeb amma tabbas kasani a damuwa, har nake tunanin na aikata maka ka dai dai ba."

" Baki min komai ba, kuma gani yanzu nazo fitar da ke." Ya karasa maganar cikin murmushi.


Itama murmushi ta saki ta ce

" Tom nayi farin ciki, amma fa Najeeb ina ga lokaci ya yi da zaka gabatar da kan ka a wajen Abbana."

" Karki damu na kusa shiga,so nake na kammala wasu abubuwa."

"Allah ya tabbatar da Alhairi."

Haka Najeeb da Rufaida suka kasance cikin hira irin ta masoya.

Sam Rufaida Allah ya yi ta bata da fushi, ko da yaushe fuskantar a sake take bama idan tana tare da Najeeb manta duk wani damuwa ta ke yi.

Shi kuma Najeeb gefe ɗaya tunanin Ameesha ne ya addabi zuciyarsa, tabbas yana don Ameesha sai dai kuma yana alhinin rabuwa da Rufaida.


Ameesha kuwa ko da ta fita a gida, ta yi tafiya mai dan nisa bata samu adai dai ta ba, ga jikinta na ci gaba da ciwo, kan wani ɗan dakali ta zauna tare da zubawa hanyar ido, duk wanda ya ganta ba zai ce ita ce Ameesha yar Abba ba, gaba ɗaya ta canza ta koma wata silet.

Tana zaune dai a wajen, tana kuma hango nafef ɗin amma ta kasa yadda zata tsayar da su,don bata saba ba, sunkuyar da kai k'asa ta yi wasu siraran hawaye suka zubo, hak'ik'a tana son Najeeb sai dai kuma bata jin sa kamar yadda take jin Asmad a zuciyarta, ta rasa gane wani irin abu take ji ɗin game da shi... Firgigit ta yi saurin ɗagowa da kai sakamakon jin hon na mota a gaban ta.

Kallon mai motar ta yi cikin rashin sani, murmushi ta cikin motar ta yi wanda suka amshi fuskarta, cikin Muryar ta mai sanyi ta ce

" In ba za ki damu ba muje na rage maki hanya?"

Lokaci ɗaya Ameesha ta ji tana son matashiyar matar, da bazata wuce shekara ashirin da biyu zuwa da uku ba

Saurin share hawayen ta yi , don kar ta fahimci halin da ta ke ciki.

" School fa zani." Ameesha ta bata amsa.

" Wane school ɗin? don nima can na nufa."

"B.U.K"

Ameesha ta bata amsa.

" Ok shiga muje , nima can zan shiga ina da laccan safe ne."

Shiga motar Ameesha ta yi , ta zauna tana mai ambaton Allah a zuciya.

" Sunana Khadija Yaseer amma an fi sanina da *Ni'eema* fatan zamu zama kawaye?

Murmushi ta saki ta ce

" Insha Allah ni kuma Maryam Taheer wacce a ka fi sani da *Ameesha*."

"Masha Allah Ameesha Allah ya bamu ikon zama da juna cikin amana, ina da aure da yara biyu asali mu yan Kaduna ne aiki ya dawo da mijina nan, in zan tafi makaranta ina yawan ganin ki da wata cikin mota kuna tafiya"


Murmushi ta saki don tana jin daɗin hiran da su ke yi ,gefe guda kuma tana mamaki da Ni'eema ta ce tana da yara biyu, don ba mai kallonta ya ce ta yi aure bare kuma a ce da yara, saurin kawar da tunanin ta yi ta ce

" Eh matar yayana ce , kuma kawata tare muke tafiya yau bata da laccan safe, ni bani da aure tare da iyayena na ke."


Da wannan hirar suka isa school ɗin, har a zuciya Ameesha ta ji tana son Ni'eema, har musayan number su ka yi da ita .

Da yake Ni'eema tana 300 level ne, Ameesha kuma na 200 level.

*********************************

Can kuma wajen ango da amarya an sha shagali sosai ko dinner sai biyun dare aka tashi, washe gari kuma aka buɗe asibitin Ango Asmad mai suna *A&A* special hospital asibitin da ya samu kwararrun likitoci.

Sai muyi fatan alheri ga wannan gudunmawa ga al'umma wanda Asmad da Alhaji Abubakar suka samar.

Amarya Aneesa buri ya cika fata ga Asmad matsayin miji da mata, sosai Asmad ɗin ya ke k'ok'arin sauke duk wani nauyi na Aneesa da ke kansa, duk wani tana jin farin ciki ya na bata, shi yasa cikin kwanaki kaɗan ta murje ta yi kyau sosai.

Meena ce ta haura saman Ameesha, ta kalli ta a tsorace cikin mamaki ta ce

"Meesha anya kina da lafiya kuwa?"

"Me ki ka gani?

"Meesha ki kalli yadda ki ka koma, baki magana baki cin abinci, baki da walwala ko yau she kina cikin daki ki zauna ki yi shiru, why why Meesha?"

Hawayen da take makalewa suka zubo, bata damu da share su ba ta kalli Meena ta re da sakin wani murmushi mai kama da kuka ta ce

" Meena ta ya zan samu farin ciki? Bayan farin cikin nawa baya tare da ni, ta ya zan yi walwala? bayan abokin walwalar tawa ba ta ni ya ke ba."

"Ba zan ɓoye maki ba Meena, wallahi ina cikin wani hali mawuyaci, Meena ke ce kaɗai zan iya faɗawa damuwa ta."

Meena shiru ta yi zuciyar ta cike da tausayin kawarta ta cikin sanyin murya ta ce

" Meesha faɗa min insha Allah zan yi kokarin sama maki mafita."

Murmushin takaici ta yi ta ce

" Kar kiyi mamaki inda na ce maki Allah ya jarabceni da son Dr Asm..."


_*Yar Mutan Rano*_
[10/8, 8:06 PM] Zulayheart Rano: *NAGARTA WRITERS ASSOCIATION*
*(NWA)*

*SANGARTA*

©
*ZULAYHEART RANO*

*Sadaukarwa ga Khadija s Muhammad my Cittah*

_*AYSHA WAZIRI kina raina har na rasa bakin da zan ya beki, amma duk da haka Allah ya tsare ki a duk inda kike ya kare ki da sharrin mahassada and kuma ba zan manta da ke ba i heart you*_

*Fans Ina jin korafin ku, amma Please kuyi hakuri wallahi harkoki ne suka yi min yawa amma insha Allah zan yi kokari na rika yi maku post a kai akai, don farin cikin ku shi ne namu, in babu ku tofa muma babu mu, a dai ci gaba da hakuri, tare da bin Yar Mutan Rano sannu a hankali* jin jina ga surbajo novel👍

``` My Besty taki salon ta daban ce, Yaseen ina mugun yinki```😍😍


*15*

Mamaki karara ne a fuskar Meena, ido kawai ta zuba tana kallon ta, tsawon minti biyar sannan a hankali ta saki ajiyar zuciya ta ce

"Meesha me ki ke nufi? Shi Najeeb kuma ya za ki yi da shi?"

"Shi ma ina son sa, Meena ba zan ɓoye maki ba ina son Dr ɗan fullo har cikin zuciyata,so fa ba na wasa ba, wallahi kar ki so kiga halin da na shiga da jin maganar auren sa."

" Kar ki damu da auren sa, ki sa a ranki in mijinki ne zaki aure shi ko da yaushe ne, amma abin da yake bani mamaki yadda kika ce shi ma Najeeb kina son sa."

" Eh ina son Najeeb saboda yana da halayya masu kyau, amma so ɗaya tak yana ga Dr Asmad."

"To Allah ya zaɓa mafi alheri."

"Amma Please Meesha ki yi kokarin danne son sa a zuciyar ki kar ki bari ya sani, ki ci gaba da dauriya har ya furta maki da kansa yana son ki."

Murmushin takaici ta yi ta ce

"Haba Meena kema kin san halina, ba zan taɓa bari ya sani ba ko da kuwa son na sa zai zama ajali..."

Saurin toshe mata baki Meena ta yi ta ce

" Please bar maganar ajali insha Allah zaki auri Dr ke dai ki ci gaba da addu'a ni ma zan ta ya ki, ba ri na kawo maki abinci."

"Ko kar ki kawo na koshi."

Harara Meena ta jefa mata cikin wasa ta ce

"Ai ko ya zama dole ki ci abinci, don baki zama da yunwa."

Ta ida maganar tana sauka daga gadon, Meesha kam gyara kwanciya ta yi tare da lumshe ido.

Gidan ango Asmad kuwa ana ta shan angonci, zaune ya ke a babban falon gidan daga shi sai singlet da gajeren wando, laptop din sa ya ke matsawa, zuciyar sa cike da tunanin Ameesha wacce ya kwana biyu bai ganta ba, inda so samu ne yau ya leka asibiti don babu mamaki ta na ciki a yanzu haka, sai dai ya san halin yar matsala wato Aneesa, tana iya hana shi fita.

Lokacin da ya ke tunanin, tana tsaye a bakin koriɗo ta zuba masa ido, cikin wani irin shaukin so. Ita dai Allah ya jarabeta da son wannan bawan Allah, cikin kwalliya ta ke kai da gani