You Cannot Download this book untill you login but you can read it .

---

Login Register

zuwa gidan Mamabisolan ne.?"
Ummi ta jefa masa tambayar daidai Tutu na shigowa falon ta zauna gefen su.
"Tambaya uku Ummi kika min ajere sai dai kafin na baki amsar ki, ina da bukatar wata amsa daga gareki, Ummi meyasa ya sanda basu da amana meyasa basu san mai basu ba, Ummi shin dama muna da maƙiya ne wadanda zasu iya mana mungun ƙazafi, ana niyyar tozarta min ɗan uwana! Kuma wallahi bazan bar hakan ba sai na sanya duk mai hannu cikin wulaƙanta min ɗan uwana cikin JALALAR da bazasu taɓa iya fita ba, wannan yarinyar da ta samu zarrar kai ƙarar ɗan uwana Police station da mungun ƙazafi harma ta tako cikin gidan nan take faɗa min Magana son ranta Hmm Ummi! Sai na hana rayuwarta bacci a yayin da ni zanyi bacci a cikin zuciyarta, na rantse da Allah sai tayi danasanin taɓo ni, ta tsokono rigimar da bazata iya ba, wuta ce wacce zata babbakata ta ɗauko bazan taɓa ƙyaleta ba."
Tunda ya fara Maganar Ummi take kallonsa cikin rashin fahimta da tashin hankali, tafi kowa sanin ɗanta mutum ne mai zafin zuciya da saurin fushi, bai cika yafiya ba, ba kuma a dannarsa ya dannu numfashi Ummi ta saki cikin yanayin damuwa tace.
"Hisham yanayin maganganun ka da yadda ka hasala ya ɗaga min hankali domin kuwa hakan na gwada min cewa ƴan sandan da sukazo sun tafi da NAMEER, hmmm! Wani laifi NAMEER ya aikata wanda har zai kai Police su zo su tafi dashi, NAMEER ɗane mafi soyuwa a cikin zuciyata bazan taɓa bari wani mummunan abu ya samesa ba, rayuwata ne shi, bazan bar wani abu ya samesa ba, dan haka sanar dani wani laifi ake zarginsa dashi, nasan sharrin magauta ne domin kuwa kaf ƴaƴana babu mai jawo rigimar da zata tada hankalin mu."
"Yaya Hisham meya faru da Yaya Nameer dama ni hankalina bai kwanta da zuwan wadannan Police ɗin ba, yanzu ina yaya Nameer ɗin."
"Me yake faruwa ina daga sama ina jiyo hayaniyar ku, Hisham me nace maka ɗazu ba cewa nayi ka shirya kaje ka gaishe da Mamabisola ba ina shi NAMEER ɗin yake."?
Suka jiyo Muryar Abba daga saman step yana tsaye, numfashi Hisham ya sauƙe tare da ɗaga kansa yace.
"Abba ƴan sanda sun kama NAMEER wai suna zarginsa da Case ɗin fyaɗe."
"Whattttttt!"
Abba ya furta da ƙarfi Ummi wani irin sarawa kanta yayi itama tace.
"Innalillahi wa'inna ilaihirraji'un, Nameer ɗin nawa shine aka yiwa wannan ƙazafin innalillahi wa'inna ilaihirraji'un na shiga Uku, Abban Hisham Case ɗin fyaɗe fa babban Case ne."
"Ƙwarai kuwa babban Case ne, hmm! Innalillahi wa'inna ilaihirraji'un! Bana tunanin cewa NAMEER zai aikata wannan laifin, Case ɗin fyaɗe."
Abba yayi Maganar cikin tashin hankali, yana sauƙowa tsakiyar falon, Hisham runtse idanunsa yayi kafin yace.
"Abba ka kira a sakar min ɗan uwana, wannan yarinyar da ta masa ƙazafi wallahi Abba bazan ƙyaleta ba."
Zama Abba yayi yana kallon Ummi da hankalinta yayi mungun tashi har gumi take haɗawa ya cewa Hisham.
"Wacce yarinya ce takai Case ɗin.?"
"Abba wata ce naji ma suna cewa ƴar Jarida ce, har ikirari take cewa muddun Police ɗin basu amshi Case ɗin ba sai ta yi sanadiyar aikinsu, na rasa gane wacece ita da me take taƙama ƴar uban waye, kuma kamar tsoronta Police ɗin sukeji, ni dai Abba ka sanya a sako min ɗan uwana."
Numfashi Abba ya saki yace.
"Bazai yiwu ba Hisham, a yanzu bani da ikon sanyawa a saki Nameer Case ɗin fyaɗe babban Case ne da duk gatanka baza'a iya fitar da kai ba, idan naje na ce a saki NAMEER tamkar na zubar da mutuncin gidan nan ne domin kuwa duniya ɗauka zatayi ɗana yayi laifi nayi amfani da ƙarfi da dukiyata na sanya an sakesa bare kuma Case da ƴan jarida aciki dan haka mu ƙyale Nameer gaskiyar sa ta fitar dashi."
A wani irin zabure Ummi ta miƙe tare da cewa.
"Me kake nufi Abban Hisham! Kana nufin mu bar Nameer ya tozarta a ɓata masa suna ƙarshe ya ƙare rayuwarsa a gidan yari bayan kana da hanyoyin da zaka saka a sakesa, meyasa zamu barsa a wulaƙance, ko dan saboda ba ɗanka na cikinka HISHAM aka kama ba, ina ƙaunar Nameer fiye da yadda nake jin Hisham a cikin raina ji nake tamkar ni na shayar dashi nono bazan taɓa bari ya tozarta ba, Abban Hisham ya zamo wajibi a kanka ka sanya a sako min ɗana."
Abba kallonta kawai yake tare da miƙewa shima yace.
"Hmmm! Mata kenan duk girman ku, hankalin ku kaɗan sam baku da dogon lissafi a tunaninki kin fini son Nameer ne, ko da kaso ɗaya a cikin goma na Soyayyar Nameer da nakeji a raina baki ɗauki ɗaya ba, domin kuwa Soyayyar da nake masa yasa na sanya wasiyyar koda bayan raina ne a raba dukiyata biyu a bawa NAMEER kaso ɗaya sauran kaso ɗaya kuma iyalina suyi tarayya a kai ki faɗa min idan ba Soyayya ba me zaisa nayi haka, shin yanzu kina jin kin fini sonsa ne, ki faɗa min."?
Bakinta Ummi ta toshe tare da silalewa ƙasa ta zauna tana sakin wani irin kuka mai cin rai Hisham kuwa zuciyarsa tafasa take, cikin wani irin yanayi na damuwa ya dubi Abba.
"Abba kana nufin bazaka sanya a saki ɗan uwana ba, ina bazai yiwu ba Abba ka sake tunani ya zamo dole ɗan uwana ya kwana a gida yau zanje Police station ɗin kafin fito ya zamo wajibi a kanka mu dawo tare da Nameer, ki daina kuka Ummi bazan taɓa bari NAMEER ya wulaƙanta ba zanyi duk yadda zanyi ya fito ko da kuwa babu ƙarfin Abba."
Yayi Maganar yana saka kai zai bar wajen Abba ne ya kira Sunansa.
"Kai Hisham ka dakata karkaje ka aikata wani kuskuren."
Juyowa HISHAM yayi a fusace tare da cewa.
"Kuskure! Hmmm! Domin gyara wani kuskuren dole sai an tafka wani kuskuren, tunda baka da karfin dawo da Nameer ni zan nemo wannan ƙarfin."
Yayi Maganar tare da ficewa Abba na kiransa ko sake waiwayowa baiyi ba, Tutu share hawayen fuskarta tayi tare da miƙewa ta haura sama.


Hisham yana fita Police station ɗin ya nufa abun baƙin ciki da takaici Nameer ya iske a cell yana zaune tamkar wani marar galihu idanunsa ya runtse cike da baƙin ciki, wajen Sargent Bala ya nufa tare da tsayawa a gabansa yace.
"Sargent Bala waye ita meye sunanta ka bani bayani akanta har adress ɗin ta ina bukata."
Yayi Maganar yana watsawa Sargent Bala kuɗi, kuɗin Sargent Bala ya ɗauka tare da ɗago kai ya dubi Hisham.
"Jidda Muhammad Bello, cikakkiyar ƴar Jarida, ƴar unguwar ORA layin igbaja gida mai number 234."
Numfashi Hisham ya saki tare da kuma cewa.
"Ina Dpo ina son magana dashi."
"Dpo yana ciki zaka iya shiga."
Kansa Hisham ya kaɗa tare da shigewa nocking yayi kafin Dpo ya basa izinin shigowa.
Shiga Hisham yayi tare da tsayuwa ya harɗe hannunsa a ƙirjinsa Dpo dubansa yayi cike da mutuntawa yace.
"Hisham Barka da zuwa Bismillah ka zauna mana."
Kujerar Hisham ya duba tare da takowa ya zauna yana cewa.
"Barka Dpo kayi mamakin ganina ba."
"A'a banyi mamaki ba duba da ɗan uwanka yana station ɗin nan, nasan dole zakazo sai dai bansan da wata bukatar ka shigo office ɗina ba.?"
"Ka san bukatar da ta shigo dani, belin NAMEER nake bukatar ka bani, duk da kunyi kuskuren ijiyesa a inda yafi ƙarfin zama."
"Sorry Hisham da ace zamu iya bada belin NAMEER to da bazamu je mu kamasa ba, kayi haƙuri bamu da damar sakin NAMEER har sai bincike ya tabbatar cewa bashi da laifin da ake zargin sa, saboda Case ɗin sa mai girma ne."
Cike da mamaki Hisham ke kallon Dpo tare da cewa.
"Whatt! Dpo kasan abinda kake faɗa min kuwa, Dpo wannan itace kawai alfarmar da zaka mana a rayuwa karka manta Matsayin da kake kai yanzu silar arzikin mu ne, sannan ka saka a ranka muddun NAMEER ya fito zaka haura wannan matsayin, well idan ma bazaka iya kyauta ba, ka faɗi farashin ni zan biya ko nawa kake bukata, koma ya za'ayi NAMEER ya fita daga wannan kurkukun da kuka jefasa."
Murmushi Dpo yayi yace.
"Ka kasa fahimta ta Hisham, tabbas kun min rana domin kuwa ko wani irin matsayi na kai kune sila sai sakin NAMEER kan iya jawowa na rasa aikina gabaki ɗaya, karka manta Case ɗin fyaɗe ake tuhumar sa dashi wanda gata da faɗa aji gami da dukiyarka bazasu taɓa ƙwatarka ba, da fito da NAMEER zai yiwu to da mahaifinku shine mutumin da zai fara kirana, naso ace ina da halin taimakawa NAMEER da sai na fi kowa farin ciki.''
"Hmm! Okay na fahimta idan kai bazaka iya ba akwai na gaba da kai, sai dai ka sani ka yiwa kanka babbar asara."
Hisham yayi Maganar yana tashi tare da ɗaukar wayarsa ya fice numfashi Dpo ya saki tare da bin ƙofar da kallo ya furta.
"Ikonku da kuɗinku bazai taɓa fitar da NAMEER ba sai dai gaskiya da tsantsar bincike ya fitarsa, kana da matsala Hisham zafin rai gami da izza sun maka yawa uwa ba ƙasƙantar da Mutum."
Dpo yayi Maganar yana mai da kansa ga aikin sa.


Ko da Hisham ya fito bakin cell ɗin ya tsaya cikin ɓacin rai murmushi Nameer ya saki tare da cewa.
"Wai damuwar me kake ne Hisham, akan wannan ƙaramin lamarin kake damuwa.?"
"Ƙaramin lamari wannan kake ƙaramin lamari, wankin hula na shirin kaimu ga dare amma kana kiransa ƙaramin lamari, Hmm! Gaskiya ko waye ya shirya wannan tarkon yayi dogon lissafi akanmu, ina zuwa."
Hisham yayi Maganar yana juyawa zai bar wajen, yaji muryar NAMEER.
"Ina Ummi da Abba ina fatan hankalin su bai tashi ba."
"Hmmm! Kaima kasan dole hankalinsu zai tashi."
Yayi Maganar yana saka kai ya fice daga Police station ɗin motarsa ya shiga yaja karfi babu inda ya nufi sara Ora cikin mintuna kaɗan ya samu damar shiga unguwar baisha wahala ba wajen gane layin igbaja, kasancewar yasan wajen, parking yayi a ƙofar gida mai 234 tare da harɗe hannunwansa.



*********


A tsugunne taga Basmah gaban Umma cikin sanyin jiki ta ƙarisa domin kuwa tasan duk yadda akayi Basmah ƙarar ta ta kawo, ƙarisawa tayi tare da zama gefe tana cewa.
"Umma sannu da hutawa."
A hasale Umma tace.
"Sannun gidan ubanki, nace sannun gidan ubanki, Jidda ashe dama mahaukaciya ce ke ban sani ba, so kike ni ki kasheni ki raya iyayen wasu, ina kiranki da sunan Alkairi kullum sai kuma gashi kina niyyar Kawo min masifa ina ke ina faɗa da ahalin Abdulzahir Hmm! Tabbas cikakkiyar mahaukaciya ce ke Jidda."
Idanunta Jidda ta runtse tare da jin haushin Basmah cikin sanyin murya tace.
"Umma mahaukaciya kuma, kenan Umma saboda su masu kuɗi ne shine sai mu bari su zalunci talakawa muyi shuru Umma kefa kikace na taimaki duk wanda na gani yana bukatar taimako, muddun ina da halin taimaka masa meyasa zan gani nayi shuru bayan zan iya bata gudunmawa Umm........
"Ki rufe min baki dan ubanki! Da nace ki taimaki al'umma cewa nayi kisa Rayuwarki a cikin haɗari, ita yarinyar bata da iyayene da zasu kai ƙara sai ke gwali, duk masifar da muka shiga a baya bai isa haka ba Jidda har sai kin ƙara ɗauko min wata masifar so kike bakin ciki ya kasheni da badan wannan Yarinyar Yar albarka Basmah tazo ta sanar dani ba da shikenan sai ki jawo mana masifa, to muddun ni ce uwarki, ki cire hannunki a cikin wannan Case ɗin."
Kanta ta sunkuyar ƙasa tana sauraren faɗan mahaifiyarta kafin ta ɗago tace.
"Kiyi haƙuri Umma."
"Ba haƙurinki nake son ji ba, ki fita daga cikin wannan faɗan da babu ruwanki tashi ki bani waje."
Umma tayi Maganar tana tashi ta shige ciki, ɗago idanunta tayi ta kalli Basmah tare da girgiza kai zatayi Magana sukaji muryar yaro.
"Assalamu alaikum wai inji wani a waje Jidda ƴar tasha tazo ko shi ya shigo da kansa."
"Jidda ƴar tasha! To fa a gidan nan kuwa.?"
Jidda tayi maganar cike da mamaki, Basmah ce ta taɓe bakinta tare da cewa yaron.
"Jeka tana zuwa."
"Yaje ina zuwa zakice bakiji sunan daya ambata ba Jidda ƴar tasha, gani nayi gidan nan babu ƴar tasha."
Shidai yaron bai tsaya ba yayi ficewar sa, Basmah cewa tayi.
"Idan har lissafina dai-dai ne kinje gidan Iyabo idan har kinje Kuma an kama NAMEER to babu shakka Hisham ne yazo ƙofar gidan nan kuma ya aiko a kiraki da Jidda ƴar tasha."
Zaro idanunta Jidda tayi tare da furta.
"Hisham! Kuma a gidan mu.?"





_________________________________________




Share and comment my fan's🥰





*_For more information 08147537180_*
[5/14, 8:40 PM] Oum Nasmah 🌹: 💫💫💫💫💫💫💫💫💫💫💫


💑 *_JALALA_* 💑


💫💫💫💫💫💫💫💫💫💫💫




*_New story from Rasheedat Usman (Ummu Nasmah)_*



*_The writer of_*


-Sauyin Rayuwa.
-Nasmah ko Nasirah.
-Sara da Sassaqa.
-Indo a Birni.
-So Bai San Jini Ba.
-Ruɗanin Zuciya Biyu.
-Akan Ƴar Uwata.
-Doctor Hassan.
-Gelle Ɓingel.
-Ƙauyenmu.
-Hatsabibiya Saude.
-Aminaina ko Ita?.
-Ƙullalliya.




*____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation


*_domin shiga shafin mu na Bakandamiya danna nan_*👇🏻

https://bakandamiya.com/group/71/Kainuwa-writers-association


*____________________________________*



*_Special tnx to my people masoya masu ƙaunata masu bibiyata ako da yaushe, yanzu ma gani tafe muku da sabon salo sabon labari mai tafiya da zamani labarin daya ƙunshi abubuwan ban al'ajabi a cikin sa ku kasance dani domin jin yacce cakwakiyar zata ƙarke, idan kinsan kina da ra'ayi akan wannan labarin to ki fara bibiya tun daga farko kar sai nayi nisa kice min daga farko please._*





*_WRITING ON 01/03/2022_* ✍🏻





*FREE BOOK ONE*



*_PAGE 9 to 10_*





"Yess HISHAM kinyi mamaki ne.?"
"Ƙwarai to me zai kawosa ƙofar gidan mu it means ma a ina yasan gidan mu waya gwada masa."?
"Hmmm tambayar rainin hankali, ke ta yaya kika san gidan su, sannan kinfi kowa sanin abinda ya kawosa."
"Wai ke Basmah meyasa bakya gane Annabi ya faku ne, haba dalla sanin gidan su ai ba ɓoyayyen abu bane saboda mahaifinsa mutum ne wanda ya sanu a ƙasar nan."
Numfashi Basmah ta saki tare da cewa.
"Haka zalika kema a matsayinki ta babbar ƴar jaridar Aminci gidanku bazai ɓuya ba kinga kuwa kunyi ɗaya yana da kyau ki daina wannan zancen banzan ki fita kiji da me yazo kafin ya shigo ya ɗagawa Umma hankali dan kin san zai aikata."
"Mtsss! Zan fita kuwa na koya masa hankali yacce bazai ƙara tunanin kallon ƙofar gidan nan ba tunda mahaukaci ne shi."
"Ke kin kirasa mahaukaci ke kuma Umma ta kiraki mahaukaciya to bari muga ke dashi waye mai asalin cutar haukar amma dai ki kula gudun faɗawa ramin da bazaki iya fita ba, munje ni na shige gida."
Harara Jidda ta watsawa Basmah tace.
"Wallahi babu ramin da zan faɗa ban fito ba, shi dai wannan ƙaramin tsageran bai isa jefani wani rami ba, ke ko da kuwa da kuskure na faɗa wallahi sai nayi tsalle na fito, ki kuma saka ido kiga yadda zan koyawa rayuwarsa hankali."
Taɓe bakinta Basmah tayi tace.
"We'll idan ke baki koya masa ba shi ai zai koya miki."
"Mungun bakinki ya biki Basmah naga alamar kamar kina ɗaure masa gindi ne."
"Oho koma dai mai zaki faɗa bazai dameni ba."
Basmah tayi Maganar tana ficewa bayanta Jidda tabi a fusace.
Yana tsaye jikin mota idanunsa manne da glass ya harɗe hannunsa, Basmah gefe ta tsaya tana jiran fitowar Jidda babu jumawa kuwa ta fito ko inda Basmah take Jidda bata kalla ba ta nufi Hisham tare da tsayawa a gabansa tace.
"Ban taɓa ganin Mutum marar daraja ɗan adam ba irinka me kazo yi ƙofar gidan mu."?
Bakinsa Hisham ya taɓe tare da ɗaga ido ya kalli gidan kafin yace.
"Ina gidan yake wannan kangon kike kira da gida hmm! Ko da yake zaki kirasa gida saboda tsoho bai mutu yabar komai ba, wannan ɗin ma hayace zaman notice."
A fusace Jidda tace.
"Ya isheka haka Malam duk abinda zaka faɗa min ka tsaya iya kaina karka kuma sako iyayena ciki, domin kuwa naga kai rayuwa kake irin ta dabbobi."
Ɗan murmushi Hisham yayi tare da sanya hannu ya shafa gashin kansa kafin yace.
"Rayuwa irin ta dabbobi, Hmm! Shi yasa nazo na gwada miki halin dabbobin, ba dai ke ƴar tasha bace har kina da zarrar sawa a kama ɗan uwana yanzu zaki shiga masifar da zaki kasa fita a cikin sa, ba dai kin sokeni a ƙirji ba, to ni idan nazo sokarki ba iya ƙirji zan tsaya ba sai na huda har cikin zuciyarki za kiga yadda ake tashin hankali."
"Barazana kazo kamin ne naji tsoro naje na sanya a saki wannan ƙaton dabban da baisan darajar Mace ba."
Dariya sosai Hisham yayi kafin yace.
"Hisham baya bazarana aikinsa kawai yake aiwatarwa sai dai dama sharaɗina ne kafin a fara yaƙi dole sai na faɗi abinda zai biyo baya, domin kuwa da zarar an fara yaƙin da kanki zaki fara neman sanin me zai faru gobe, we'll ki fara tunanin gobenki domin kuwa zaki shiga baƙar cakwakiya ki fara nazarin rayuwarki inma ki mutu domin rayuwar ahalinki inma ki rayu cikin baƙin ciki da takaicin rayuwa."
Cikin hasala Jidda tace.
"Me kake nufi da maganganun ka me zaka yiwa ahalina, rayuwata ne su taɓa su tamkar taɓa rayuwata ne, ka ciresu cikin wannan faɗan domin basu san komai ba, tsakanina da kaine mu kashe kanmu mu biyu."
"Rayuwarki ne su, ni kuma nawa ahalin da kika saka cikin tashin hankali ba rayuwata bane, Hmm! Lokaci shine zai gwada miki abinda nake nufi ki ijiye a ranki NAMEER dole zai dawo gida inma yau inma gobe koma jibi, tabbas zai dawo daga ranar kuma da kikaji labarin an sakesa to daga wannan ranar lokacin fargaba da tashin hankalin ki zai fara bazan ƙara waiwayowa kanki ba har sai NAMEER ya dawo gida."
Yayi Maganar yana sakin murmushi tare da shigesa cikin mota yaja da ƙarfi yabar wajen da kallo Jidda ta bisa cikin ƙunar rai ta furta.
"Banza Dabba sai muga ta yadda NAMEER ɗin zai fito."
"Hmmm! Ni kam na wuce gida Allah ya tsayar haka."
Basmah tayi Maganar tana kallon Jidda, hararar Basmah Jidda tayi tare da shigewa ciki.



**********


"Wai dariyar me kikeyi ne Wamimo.?"
Gyara zamanta Wamimo tayi tana kuma sakin dariya tace.
"Hmmm! Mamabisola ai dole nayi dariya wannan abun farin ciki da ya samemu, Hmm! Ɗan riƙon dai ankamasa yana can hannun shegun a rufe."
"Waye kenan Wamimo ban gane wanda kike faɗi ba."?
Mamabisola tayi Maganar cike da rashin fahimta, Wamimo dubanta tayi tare da cewa.
"Au wai har kin manta, yaron da ɗanku Iyabo ya ke riƙe dashi mana Nemeer shi nake nufi."
"Whatt! Wamimo da gaske kike yana Police station, kar dai tarkon mu ya kama kurciya."?
Dariya Wamimo tayi tace.
"Ƙwarai kuwa muɗin na wasa ne an faɗa miki ke dai kawai zuba ido kiga yadda wasan zai kaya."
Dariya Mamabisola ta saki tare da cewa.
"Kinga Wamimo tashi ki rakani gidan Iyabo ai dole muje mu masa jaje da kuma bugan ciki, ga mayafina kusa muje."
Tayi Maganar tana ɗaukar mayafin Wamimo ma tashi tayi suka fice tare.



*********


Zaune yake yayi shuru yana mamakin wannan ƙazafin da aka ƙulla masa a iya saninsa bashi da abokin gabar da zai masa wannan mungun ƙazafin, numfashi ya saki tare da dafe kansa yana kallon ruwan dake gefensa, tsayawa tayi jikin cell cike da tashin hankali idanunta na zubar da hawaye tace.
"Yaya NAMEER yanzu kaine a nan ƙasƙantaccen wajen, wai me yake faruwa ne yaya Nameer na kasa fahimtar komai waye zai maka wannan ƙazafin, rayuwata ne kai bazan iya juran ganinka cikin matsala ba."?
Murmushi Nameer yayi yana zuba mata idanu kafin ya miƙe tsaye ya taho jikin cell ɗin.
"Bani da maƙiyi dan haka bana zargin kowa, bansan dalilin da yasa nazo wajen nan ba, sai dai na ɗauki hakan a matsayin jarabawa ce Ubangiji ya ɗauro min, a matsayina kuma na musulmi dole nayi imani da ƙaddara,Tutu ina da gaskiya dan haka bana tsoron wajen nan ina da yaƙinin gaskiya ta zata fitar dani, na sani kina jin zafin acikin zuciyarki amma kiyi haƙuri ki danne damuwarki insha Allah komai zai wuce, me Abba yace sanda yaji Maganar.?"
"Yaya Nameer meyasa sai lokacin da yazo daf zaka sanar da Abba Soyayyar mu za'a katse mana numfashi, yaya Nameer ina son kowa ya sheda Soyayyar mu, amma hakan ta kasa faruwa ko yaushe mukayi yunkurin hakan sai matsala ta shigo tsakani, mtsss! Ko yaya Hisham kaƙi bari yasan Soyayyar dake tsakanin mu sai rufaffiyar Soyayya muke wanda bata da alƙibila ina cikin tashin hankali."
Tayi Maganar cikin kuka mai cin rai bakinsa Nameer ya cije tare da cewa.
"Tutu tambayar da na miki baki bani amsar ta ba, kin tsaya kina min tambayar da zata ɗaga min hankali a halin da nake ciki yanzu bai kamata ace kina min magana akan goben Soyayyar mu ba, kamata yayi ki mai da hankali wajen ganin ta yaya zan fita daga wannan masifar, kin san ina sonki kuma bazan taɓa juyawa Soyayyar ki baya ba, ko kina shakku akan soyayyata ne ko baki yarda dani bane.?"
"A'a Yaya Nameer na yarda da kai yarda marar misaltuwa, Kawai ina jin zafin matsalolin da ke shan gaban Soyayyar mu ne, amma na fahimta kayi haƙuri zanyi ƙoƙari naga duk yadda za'ayi ka fita, Abba shima yana can cikin tunani da nazarin mafita kuma nasan yaya Hisham bazai barka cikin wannan halin ba dole zai fitar da kai daga nan ko da babu hannun Abba, Ummi ma tace ka kwantar da hankalinka komai zai daidaita."
"Hmmm! Ba komai Tutu ki koma gida idan kin koma ki sanar da Ummi cewa karta ɗaga hankalinta ina nan lafiya kuma insha Allah zan fito."
"Shikenan ka kula min da kanka."
Kansa Nameer ya kaɗa kafin Tutu ta juya ta bar wajen, bata juma da fita ba Dpo ya fito, cell ɗin aka buɗe masa ya shiga tare da zama Nameer dubansa yayi tare da sakin murmushi.
"Nameer Abdulzahir Iyabo, har ga Allah banji daɗin zamanka a inda kafi ƙarfin zama ba dole ta kama babu yadda na iya."
Murmushi Nameer yayi