You Cannot Download this book untill you login but you can read it .

---

Login Register

ba tare dayace komi
ba, wuri d'aya suka zauna mutane suna mamaki sosai yadda
suke ganin iyayan wanda aka kashe da iyayan wacce ake
zargin ta yi kisan. wannan abu yana matu'kar baiwa mutane
mamaki haka zakaga jama'a na kallonsu, yai d'in ne ma dai
hajiya maijidda tasauya fuska sama sama suka gaisa ba wani
magana dasukayi fuska tamau ko da aka shigo da fatima ma
ko kallon inda take batayi ba.
ummi kamar ta fi su kansu fati shiga tashin hankali ta rame ta
lalace
.
Fati na shigowa kotu da ummi suka fara ido sannan tadubi
iyayanta dasauri tad'auke idonta xuwa 'kasa tashin hnkali
datake ganin iyayanta a ciki ko wannan ma ya ishi mutum
tashin hnkli da ba'kin ciki ina amfanin rayuwarta.
Yau kam duk abinda zai faru sai dai yafaru lallai sai ta kawo
'karshen wannan zaman kotu.
Bayan da akayi abubuwan daya dace ayi aka zauna mai
karanta 'kara yakaranto, tuhumar da akewa fati na ta kashe
mijinta a ranar da aka d'aura musu aure a daren farko.
Mai shari'a Usman Muhammad Bamaina yace "fatima musa
kinji tuhumar da ake miki a karo na biyu? "
Ta gyad'a kai tace na ji ya mai shari'a, yau kowa na jin
muryarta sosai, kuma kowa ya ji dad'in yadda tayi mgana har
alamun natsuwa a fuskar iyayanta da 'yan uwanta musamman
ummi wadda har tsima jikinta yake a ranta tana fad'in yawea
fati gara ki yiwa kanki adalci da iyayanki damu masoyanki.Mai
shari'a yace "fatima musa me za ki iya Fad'awa kotu akan
haka? ma'ana kin amince ke kika kashe mijinki Dr. khalifa.?
Kai tsaye fati taware muryarta tace "Eh ni na kashe shi ya mai
shari'a.
[5:07PM, 7/13/2017] ‪+234 706 196 7803‬: A DAREN FARKO
3
Gabad'aya kotu tarud'e da sallalami kowa na fad'in albarkacin
bakinsa ,iyayan fati dasu kansu surukan suka rud'e, ummi kuwa
hannu tad'ora aka tana fad'in "wayyo Allah na wayyo fati
meyasa kikace ke kika kashe Dr. khalifa bayan ba ke kika kashe
shi ba.
Mai shari'a yayi tsawa akayi tsit sai dai kukan 'yan uwan fati da
ba ya 'karewa, ita kuwa fatin yau tana tsaye 'kyam ko gezau
gadukkan alamu zuciyarta ta fara soyewa, idanuwan amma ba
kuka take ba zafin zuciya ne, ba ta son takalli iyayanta taga
mummunan tashin hnkalin dasu ke ciki, dama chan ita mutum
ce mai tsananin tausayin mutane balletana iyayenta.
Mai shari'a yace "fatima kotu tanason kiyi mata bayanin dalilin
dayasa kika kashe mijinki a daren tarewarku.
Fati tace "ban san dalilindayasa kika kashe mijinki a daran
tarewarku".
Fati tace "bansa n dalilin dayasa nakashe shi ba, ba abinda
nao na zai iya furtawa a kan haka ya mai shari'a ina ro'kon
wannan kotu mai alfarma Data taimaka min tayanke min
hukuncin kisa a yau in bar duniyar nan inhuta, ba na son
bugawar da zuciyata keyi yazamo sanadin mutuwata na fi son
a yanke min hukunci dai dai da laifi na.
Tanumfasa tana kallon al'kalin daga bisani tad'auke idanunta
daga kansa zuwa kan jama'ar dake kotun, gaba d'ayansu su
ma ita suke kallo kowanne da abinda zuciyarsa ke sa'kamasa
game da ita.
Tayi shashe'kar ajiyar zuciya tace "iyayena da 'yan uwana da
dukkan masoya na ina ro'konku don girman Allah kuyafe min
wannan yanayi dana sa ku nadamuwa sannan kuyi min addu'a
rayuwa ta fita daga raina minti d'aya ba na son in 'ka ra yi a
duniya na fi son inbi mijina. "
Tayi shiru kamar yadda kotun ma tayi tsit kai ka ce ba kowa a
kotun, al'kali yana 'yan rubuce rubucensa, haka a 'bangaran
lauyoyi wasu suna rubutu wasu shiru kawai sukayi suna kallon
fatima.
Taci gaba da fad'in "ya mai shari'a a karo na biyu ina ro'on a
taimaka a yanke min hukunci daidai da laifina na amsa laifina
ni ce nakashe mijina".
Wani daga cikin lauyoyi yami'ke yanemi izinin magana daga
gun mai shari'a yace kanada daman magana.
Yayi godiya yadubi fatima yace "sunana barrister Abbas
Mukhtar inason kare wadda ake 'kara sbda na fahimci ba ita tai
kisan ba ina nufin fatima musa ba ita takashe mijinta Dr.
khalifa ba ina ro'on wannan kotu
mai adalci data ba ni damar yin cikakken bincike a kan
wannan al'amari, kuma inason a ba ni damar dazan yiwa
fatima tambayoyi akan abinda ake tuhumarta dashi. "
Mai shari'a yace "kanada damar yin haka.
Yayi dariya yana d'an murmushi ya'kara maida fuskarsa ga
fatima wadda itama shi take kallo fuskarta a tsuke, yace
"malama fatima musa 'karfe nawa aka kaiki gidan mijin kuma
a wace rana ce. "
Fatima tayi shiru kamar ba da ita ake magana ba, Barrister
Abbas ya'kara maimaita tambayar tare da ro'kon kotu data
tursasa fati tayi magana".
Mai shari'a yayi hakan amma Fatima cewa tayi "nagode da
kake burin taimakona a bisa halin danake ciki, sai dai inason
kayi ha'kuri gaskiyar magana ba zan iya ba ka amsa ko d'aya
ba a bisa tambayar dakake min sbda ba so nake in ku'buta
daga halin danake ciki ba, wanda yake bu'katar lauya shi
yakeson yatsira nagaya muku ba na bu'katar rayuwa dan Allah
kuyafe ni.
Mai shari'a Usman muhammad Bamaina yadubi wani dogon
d'an sanda dake tsaye gefe yace "Za a gwada 'kwa'kwalwar
fatima don mu tabbatar da mai hankali muke shari'a, idan
munyi zama na gaba za mu ji sakamakon sannan mud'ora a
inda muka tsaya.
Daganan aka d'aga 'karar zuwa mako biyu idan Allah yanuna
mana,amma kotun ta ba wa 'bangaran lauyoyi guda biyu damar
suyi duk binciken su akan yadda al'amarin yakasance don ba
da kariya dawadda ake zargi.
Yau ma kamar wancan karon kotun ta tashi da hayaniya kowa
na fad'in albarkacin bakinsa akan kafiyar da fati tayi a shari'ar
mamakin da take bawa yawancin mutane shi ne tayaya za ayi
mutum yace shi ya fidda rai kwata kwata da rayuwa mutuwa
yake muradi, wasu suna ganin wannan ya isa kowa ma ya
amince ba ita tayi kisan ba, yayin dawasu ke ganin dan ace ba
ita bace shi yasa tasallama tami'ka wuya, idan ba ita bace
waye? Gida su biyu kachal ba kowa d'aki a kulle su biyu in har
ance ba fati takashe Dr. khalifa ba to sai dai ace shi yakashe
kansa, hatta hajiya Maijidda mahaifiyar marigayin dayawa
daga 'yan uwansu abinda suke gani knan wannan kukan da
take abinda suka d'auke shi kukan munafinci ne kawai.
A harabar kotun kafin sutafi gaida malam musa ya tsaida
barrister Abbas yana masa godiya a bisa 'ko'karinsa nakare
'yarsa, barrister yayi murmushi yace, "Ba komai kada kadamu
baba na yi wannan ne domin Allah da tsananin tausayin da
fatima ke ba ni tun randa aka fara tsaida ita a gaban shari'a na
tabbatar ba Ita tayi wannan kisan ba, duk wanda yakashe Dr.
khalifa na gida ne wanda yasan sirrin gidan insha Allahu da
izinin Allah zamu gano ko waye,sai dai inason kataimaka min
fatima tadinga ba da amsa a kotu sannan xanje inganta
kutaima ka min tayimin cikakken bayani duka tambayoyin da
zan mata dan insan yadda zan 'bullowa al'amarin.
Malam yace "To ni na rasa me yasa fati take tsuke bakinta
komi sai tace ba za ta iya fad'a ba sbda rayuwar ta fita Daga
ranta.
Barrister yayi murmushi yace "bako mi tsananin damuwa ne
yasa take fad'in haka, matsayinku na iyayenta ku yadace
kulalla'bata tafad'i yadda akayi.
Malam yayi masa godiya mai yawa bayan tafiyarsu malam d'in
barrister na xaune a motarsa shi kad'ai yana nazarin alamuran
fatima tausayin ta har ya yi masa yawa a zuci.,daurewa kawai
yau yayi ya zo kotun tun a wancan zaman da akayi hankalinsa
yatashi sosai gameda al'amarin yarinyar, tun lkcn abinda yake
d'aga masa hnkali matsalar d'aya matsalar kowama ita ce
shirun da fati tayi tana neman mutuwa ido rufe ta 'ki ba da
had'in kai ballantana a samu mafita.
*********************************************
A hankali ummi tafito daga motar tabi bayan mama zuwa cikin
gida, kowanne zuciya ba dad'i , a falo suka zauna gaba d'aya
yayin da ita ta dawo dabaya zuwa ainihin d'akin Dr. khalifa na
gidan har yanzu mukullan d'akin yana hannunta ita kad'ai take
bud'ewa tashiga tunda ga lokacin daya mutu zuwa yanzu,
komi na nan yadda yake wani irin 'kamshi mai dad'in gaske
yana tashi a d'akin, gaba d'aya kayansa nasawa suna jere a
cikin wardrobe gwanin ban sha'awa manyan hotunansa da
akayi enlargement d'insu guda biyu na gefe da gefe na gadon
ya yi kyau ba na wasa ba.
Tazauna a gefen gadon tanasa hannu tad'auki hoton
tarungume kam kam idanunta a rufe hawaye wasu na bin wasu
zuwa chan ta ajiye tashiga bud'e durowowin jikin madubin
hotunan bikinsa da fatima ne birjik musamman ma gun
lunching da dinner dayawa yarungume fatin ne 'kam 'kam a
'kirjinsa wasu kuma tare da abokanansa maza da mata.
Kan cinyar ummi yaji'ke dahawaye kamar ruwa aka zuba mta a
cinya tun ranar da aka kashe Dr. khalifa take kuka amma bata
ta'ba kuka irin na wannan rana ba, har sai dataji numfashinta
kamar zai d'auke.
Ba za ta ta'ba mantawa da abinda yagya mata ba a yammacin
lahadin daza akai fatima gdansa wanda kuma a wannan rana
ce aka kashe shi bai sake kwana a gidan duniya ba.
Yana tsaye a harabar gdansu tare da manyan abokansa biyu
wad'ana baida aminai kamar su.
Manyan likitoci Dr. Hafiz Bala Muhammad da Dr. Mustapha
Abubakar kura, yana tsakiyarsu suna hira, sai ita ummi tafito
daga cikin gida tana ganinsu tahau yimusu hoto a wayarta, Dr
khalifa yaharareta yace "wai meyasa kike daraina mutane ne
ummi ni kikewa hoto?
Sai Dr. Mustapha yace "kaima kanada saurin hushi khalifa ko
wacce rana idan an maka abu za ka 'bata rai banda wannan
rana wadda tazamo ta auranka da matar dataza mo allura
cikin ruwa kaine kaxamo mai rabon daka zu'kota. "
Dr. khalifa yarausayar dakai yana murmushi tare da lumshe ido
yace "ka fad'i gskiya Dr. Mustapha tabbas ni ne na cafko
wannan allurar data zamo tamai rabo ce, a daidai lokacin dana
fidda rai da ita sai najita kawai a hannuna ,tabbas wannan rana
ta dace tazamo ta farin cikina, ranar dazan sadaukar da komi
na wa sbda Fatima. "
Ummi tay murmushi tace "shiyasa nima nake maka hoto
domin ka yi min kyawun daban ta'ba ganin ka yi shi ba a
duniya dukda cewa kai d'in me kyau ne kullum kyau kake da
ado. "
Dr. Hafiz Bala yace "har bayan hoto yanada kyau ma yayi miki
kyauta ta musamman ummi."
Dr. khalifa yayi murmushi yace "ko shakka babu a wannan rana
ina cikin farin cikin daban ta'ba samun kaina a cikin shi ba, sai
dai kasan tun safiya gabana ke fad'uwa bansan dalili ba
wannan yayi sanadin dayasa tun ruwan shayi danasha rabin
cup d'azun bayan d'aurin aure ban iyacin komi a bakina ba.
Ummi tayi wal da ido tace "fad'uwar gaba kuma Dr. a irin
wannan rana? ni dai na san ko kusa bakayi kama da wanda
mace za ta ba wa tsoro ba ballantana ince firgita kayi sbda
fatima.
Dr. Mustapha ya bugi kafad'arsa yace "wa wannan? ni tunda
ake ma gwargwadon bud'ewar idanuna ban ta'ba ganin
namijinda yayiwaa mata farin sani irinsa ba, farin ciki ne yayi
masa yawa sbda soyayyarshi yasa ma gabansa yake
fad'uwa....... "
Tunanin ummi yakatse a nan lokacin da mama taturo 'kofar
d'akin tatsaya tana kallon ummi kukan datake yabata tsoro
ta'karaso dasauri ta kamata takwashe hotunan dasuka ji'ke da
hawaye ta mayar, takamo hannunta tafito da ita tarufo d'akin
takar'be makullin tace "daga yau ko 'kofar d'akin nan ba na so
kisake zuwa, haka kada ki 'kara zuwa kotu ba xa muyi biyu
babu ba, mun rasa Dr.khalifa muna cikin ba'kin ciki mai tsanani
kema damuwa na neman xama ajalinki to B xai yiwu ba.
Cikin kuka ummi tace "Don Allah mama kada kiharamta mini
shiga d'akin likita, yin hakan ne kad'ai zaisa zuciyata ta
sassauta daga damuwar danake ciki, na rasa d'an uwana ga
aminiyata na cikin matsancin zargi na bi duk hanyoyin daya
kamata inbi don ganin fatima ta ba lauyoyi had'in kai ta 'ki
burinta akasheta meyasa ba zanyi kuka ba mama?
mama tayi tsaki tace "ina mamakin yadda ke Da Alhaji kuka
d'auki damuwar duniya kuka d'orawa kanku akan fatima shin
dakuke cewa batace komi ba me za tace, fatima ba ta da abin
cewal shiyasa tai shiru, ko a hankalce kun san 'karyane ace
akwai. mutumin da ake tuhuma irin hka ya'ki amsar taimako
daga lauyoyi don kawai yana burin mutuwa.
kinta'ba ganin wanda yazauna yana jiran mutuwarsa kuma yana
maraba da ita, saidai fa in ta zo a kar'beta don ba yadda za ayi
da ita.
Ummi tasaki hannun mama tazubla mlatla ido muryarta a
dashe tace "mama shin kina nufin kin amince fati za ta iya
kashe likita?
Mama tayi murmushi tace "ummi ummi kiji tsoron duk wanda
kika taimakawa.
Akoda yaushe idan za ki taimakawa mutum to kitaimake shi
kai tsaye don Allah ba wai don zai saka maki da alherin dakika
yimasa ba, shi dama mutum bbu abinda yake cika cikinsa sai
'kasa shi. mai butulcewa mahaliccinsa ne ma ballantana ace
wani gama garin mutumin don hka ba abin mamaki bane ga
mutumin daka d'auko shi daga rana kadawo dashi inuwa shi
kuma yaturaka ranar,a cikin mutane mutumin dayake salihi ko
mai shiru shiru irin fatima mutane ba sa zarginsa da mugun
abu sbda yanayinsa amma Allha (SWT)daya halicci zuciya shi
yasan abinda ke cikinsa.
Ummi tayi shiru na lokaci mai tsawo daga bisani tace "Mama
kina nufin kin amince akashe fatima akan kisan likita? "
Tace "ummi ba ni da masaniyar abinda shari'ar za tahaifar,
sbda ita shari'a macece da ciki ba wanda yasan abinda za
tahaifa sai Allah mudai mun mi'ka kukanmu ga Allah
yabayyanar da gaskiya. "
Tayi gaba tabar ummi tana binta da ido jikinta yayi sanyi
'kalau, da'kyar tad'aga 'kafa tabita cikin gida.
.
.
[5:08PM, 7/13/2017] ‪+234 706 196 7803‬: A DAREN FARKO
4
maganganu sunyi yawa a kan abubuwan dasuke faruwa a kotu,
wasu sun fara yarda tunda tace takashe Dr. khalifa yayin
dawasu har yanzu suna ganin ba'kin cikine yahanata magana
dukda cewa su d'inma suana gnin fati ba ta da hujjar da za
tasa taja bakinta tayi shiru ta 'ki cewa komi.
Kwana biyu a zauna kotu malam musa da mahaifiyarsu fatima
da da ummi da Barrister Abbas suka isketa a inda take tsare
abisa alfarmar dom mahaifin marigayi Alhaji muhammad
amma fa akwai sa idon 'yan sanda guda biyu.
Fatima tarusuna tagaida mahaifinta ciwon rai ya'kara damunta
sakamakon ramewar dataga ya dad'a yi ya fita hayyacinsa
kaida gani ka san yana cikin matsananciyar damuwa da takaici,
sannan tagaisa dasu ummi da barrister.
Malam yace "fatima.
Ta amsa 'na'am baba.
Yace "fatima wannan shi ne zuwa na 'karshe dazanyi gunki
akan in ro'ki kiyi bayani a kotu idan kinga dama kiyi magana
fati idan baki ga dama ba kicigaba dayin shiru tunda kinfi
'bukatar mucigaba dazama cikin tashin hnkali darashin sanin
abin yi.
A yau na zo ne ba dan in ro'ke ki kiba lauyoyi da al'kali amsar
duk tmbayar dsuka bu'kata agunki ba zuwa nayi in ba ki umurni
a matsayina na mahaifinki idan ya cancanta kiyi min biyayya
kiyi fatima idan kuma ban isa ba kici gabadayin shiru kamar
yadda kika saba.
Fatima tace "baba idan nayi bayanin zai sauya 'kaddara ne? ko
kuwa bayanin na wa zai dawo da rayuwar Dr. khalifa izuwa
gidan duniya, baba idan ni ce nakshe Dr. khalifa idan ma ba ni
bace Allah SWT ya san haka tunda shi yake ganinmu a lokacin
damuke kulle mu biyu acikin d'aki ni da Dr. khalifa, ni dai
abinda nakeso ayi amfani dashi shi ne tunda naji na gani na
amince ni ce nakashe shi na yi i'kirari da bakina a yi min
hukunci dai dai da laifina shiknan shari'a sai a gaban Allah
(SWT) wannan itace rana daza a tsage gskia ranar dakowa
zaiyi bayanin abinda ya aikata da ga'bo'binsa bama da bakinsa
ba kuma itace dawwamammiyar rayuwa wadda va za ta'kare
ba har abada.
Don Allah baba kayi ha'kuri kada kayi fushi dani akan hka bbu
abinda bakina zai iya furtawa a lamarin kisan nan.
Ummi tace "fati mahaifanki sun kasance suna masu alfahari
dake a bisa biyayya da kike musu, baki ta'ba yin musu dasu ba,
ba'a ta'ba samun wata rana da suka baki umurni kika sa'ba ba,
meyasa a wannan karon za kisa'ba musu?
Ba ki da hujjar dazakice rayuwarki ta zo 'karshe fati, ko kuma
dan kina jiran mutuwa shiyasa kike ganin biyayya ga
iyayankinya va ta da amfani?
To bari in tunatar dake wani abu guda d'aya ance akwai
mutumin dazai ta aikin alheri wanda yake share masa hanyar
tafiya aljannan sai 'karshen rayuwarsa tazo sai kawai ya aikata
wani abu wanda zai kaishi wuta sai ya shiga wuta.
Yayin dawani zaita aikata aikin dazai kai shi wuta gab da
mutuwarsa siya aikata abinda zai kaishi aljannan saiya shiga
janna.
Fatima ina ro'kon ki kiyi abinda iyayanki suka bu'kata ba ki da
hujjar dazaki sa'bawa umarninsu, ba ki da tabbacin kwann ki ya
'kare mutuwa zakiyi fatima.
Barrister kallon fatima kawai yake yarasa yadda xaiyi da
tausainta a zuciyarsa, yamatso daf da ita muryarsa 'kasa 'kasa
yace "fatima 'karfe nawa aka kaiki gidan Dr. khalifa?
Ta amsa 'karfe biyar da rabi Zuwa shida a wannan d'an
tsakanin ba'a wuce haka ba.
Gaba d'aya sai da fuskokinsu suka nuna jin dad'in had'in kan
data fara badawa, barrister yace a wace rana knan fatima?
Ta amsa "A ranar lahadi biyar ga watan uku"
Ya gyad'a kai yana murmushi yace "fatima suwa dawaye suke
cikin motar da aka kaiki?
Tayi d'an jim daga bisani tayi murmushi tana kallonsu tace
"ummi za ta fini snin suwaye a motar da ka kaini sbda ni
fuskata a rufe take ba wanda zan iya shaidawa a lokacin sai
dai tabbas na san ina tare da manyan aminai na guda biyu
kamar ita ummin da d'ayar aminiyar ta wa Jiddah.
Barrister yace "yawwa ko za ki iya tuna 'karfe nawa kowa
yawatse acikin gidan aka barki ke d'aya lkacin dakike jiran
ango kamar yadda al'adar amare take a ranar da aka kaisu
d'akunan mijinsu,?
Tace 'lallai kam ba zan manta ba bayan an yi sallar isha'i
wuraren 'karfe takwas nadare su ummi da maijidda dawasu
'kannan mahaifiyata biyu kad'ai suka rage a gidan inda mukai
sallar isha tare dasu sannan sukayi shirin tafiya suka tafi gaba
d'ayansu.
Barristr yace "bayan haka waye yashigo gidan kafin zuwan
ango dr. khalifa? "
Tajima tsit tana nazari tace "gaskiya ba wanda yashigo kuma
banji motsin kowa ba ni kad'ai nazauna.
Barrister yace "zaman minti nawa kikayi 'kiyasi kafin dai zuwan
ango ?
Tace "tace ba'ayi minti sha biyar ba naji tsayuwar motarsu
shida manyan abokansa guda biyu wad'anda sukayi masa
rakiya.
Barrister yace "kafin dai zuwan angon ba wanda yakiraki ko da
awaya ne?
Tagirgiza kai ba wanda yakirani in barda shi angon Dr. khalifa.
Me yace miki?
"Cewa yayi inyi ha'kuri suna hanya "
Ke kuma me kika ce masa?
Cewa nayi to Allah yakawosu lfya.
Yace "dukda haka bakiji ko da alamar motsi a gidan ba har
lokacin da dr. khalifa da abokanansa suka iso.
Tagirgiza kai gaskiya babu wani alamun motsin danaji saifa
lokacin dasuka shigo.
"Su nawa suka shigo. "
Barrister yaci gaba da tambayar har yanzu idanuwansa na
kanta.
Tace su uku wato shi da abokan na sa guda biyu.
Yace "yaya sunayensu.Ta amsa "daya sunansa Dr. Mustapha
kura d'aya Kuma Dr. Hafiz. B. Muhammad. "
Yace kafin auranku yaya ala'karku dasu abokan na sa? ina
nufin sun amshe ki a matsayin matar abokin su ko kuwa ba sa
yi dake?
Fatima tace "Nikam alhmdlh Dr. khalifa da iyayansa da
abokansa da yan uwansa ko sau d'aya babu wanda yata'ba
nuna min wata 'kyama ko wani abu wanda zai sa ince lallai
wane ba ya 'kaunata, daidai gwargwado ina samun had'in kai
daga garesu to sai shi kuma abinda yake na nasani mutum
yakeda masaniya akai abinda yazamo na bad'ini Allah kad'ai ke
da masaniya akansa sa sai dai mubarwa Allah ikonsa".
Barristr yace "to fatima za ki iya gaya mana maganar dasuka yi
lokacin da za suyi sallama daku a wannan dare?
Tace "eh gaba d'aya tunda sukazo nasihohin zaman lfya suke
mana bayan hka sun mana addu'o i na neman zaman lfya
bayan haka sukayi mana sallama suna mana barkwanci irin na
abokan ango ranar siyan baki irin wannan.
To daga nan sai me yafaru?
Tace "saiya rakasu"
Ke kuma kina ina?
Ina zaune akan gado ko motsi banyi ba kamar yadda suka
sameni, bayan ya rakasu saiya dawo yazauna kusa dani yana
d'an zolayata.
Barrister yace "dukda haka a lokacin ba wani motsi a gidan
sannan shi d'inma bai nuna miki ya ji motsin wani abu ba ko
kuma ke kin fahimci wata razana a fuskarsa? "
Tace "gaskiya banga komi ba yana cikin nishad'i sosai yadda
yakamata ango yakasance a irin wannan dare. "
Daga nan fa?
Sai yace dani kinga hayaniya tayi yawa a kaina ko sallar isha'i
banyi ba nayi 'ko'karin inyi kafin mutaho su mustapha suka
daman akan inyi sauri su garin za subari a daran.
"Garin za subari? inji barrister yafad'a yanayinsa yasauya.
Tace "haka dai yace daganan kuma bai 'kara fad'ar wata
magana wadda tashafi wad'annan abokai na S ba yatashi
yafita bansan ina yaje ba saiya dawo.
Ya yi kamar minti nawa dafita kan yadawo?
Tace zaiyi kamar minti goma saiya dawo yacire babbar rigar
jikinsa ya Ajiye kan gado yace ya kamata inyi sallar nan dashi
kuma inajin yunwa tun d'azu anti take ce min ga abinci na ka
sa zama inci sda jama'a gaba d'aya na ji abincin ya fita daga
raina ba na sha'awarsa sai yanzu nakejin yunwa,amman bari
inyiwa mama waya tasa akawo mana abincin hatta kazar
amarcinki ma tana gun mama ita tace za tagasa dakanta
akwai tanadin datayi miki a ciki.
Duk yayi wad'annan maganganun ne a tsaye yana murmushi
tare da daddana wayarsa tahannu yakira maman bayan sun
gama wayar sai ya ajiye wayar akan madubi danufin yashiga
toilet sai aka kirashi yayi magana mai tsawo dawanda
yakirashi d'in sannan yakashe yadubeni yace "idan mutum yana
harka da jama'a sai ha'kuri, tashi kema kiyi alwala idan nayi
sallar isha'i sai muyi Nafila ko bari inyi tawa a d'akina sai
intaho da littafina daganan saiya fice waje Nikuma nashiga
toilet na idar da alwala na fito ne na iske gawarsa akan gado.
Barrister yagirgiza kai cike da tausayi yace "fatima. "
Yanayin fuskarta ba d'ad'in gani sbda tamkar lamarin datake
bayarwa yana fama mata wani gyambo nazuciyarta wanda
yake mata tsananin zugi a zuci yake rabata da duk wani zaman
lfya da walwala a zuciyarta, hatta kallon datayiwa shi barristan
lokacin daya kira sunanta ya firgita shi zuciyarsa tabuga yayi
mata tsai da ido don yana son taci gaba da bashi amsar
tambayoyin dayake mata.
Yace "fatima kin kai minti nawa a toilet d'in lokacin da kika
shiga danufin yin alwala.
Tace "minti kamar goma don na d'anyi wasu abubuwan kafin in
gabatar da alwala.
To sai kika fito inda kika ga gawar mijinki Dr. khalifa shimfid'e
akan gado, haka ne?
Tace "eh ina daga band'aki naji motsin bud'e 'kofa sau biyu
dakuma motsin bud'e kwaba ko me zan kawo a rainadon na ji
wannan motsin, d'auka zanyi shi ne tunda ba kowa a gdan a
iya sanina dagani sai shi.
Yace "kuma ba motsin gudu?
Tace "Gaskiya banji wani motsi wanda yake tabbatar da rashin
gaskiya ba ko kusa.
Yace "to bakiji 'karar mijin na ki ba ko wani abu da yayi kama
da haka a lokacin da za a kashe shi?
Tace "nidai banji komi ba yadda nagaya maka naga gawarsa
haka nagan shi ba wani abu da na sani bayan wannan.
Yace "dame aka kashe shi?
Ta amsa "wu'ka ce 'karama.
kin ta'ba wu'kar?
Tace "eh lokacin danafito daga band'akin hankalina yayi
mugun tashi natafi dagudu nad'aga wu'kar daga cikinsa domin
wu'kar tana kan cikinsa ne bayan an luma masa sai aka zareta
aka d'orata akan cikin na sa nikuma danazo saina d'aga wu'kar
shi ne dai dai lokacin da 'kaninsa isma'il ya 'kwan'kwasa 'kofa
jin ina ihu innalillahi wa inna ilaihir raji'un saiya danno 'kofar
yashigo da food flask d'in abinci a hannunsa wanda mama
tabashi yakawo mana.
Barristr Abbas yace "fatima lokacin dakika iso kan mijinki dr.
khalifa yanada sauran rai ko ya mutu?
Tace "dasauran ransa don kuwa har yana d'an juya kansa yana
cewa ta kasheni ta kashe ni har lokacin dashima isma'il
yashigo d'akin yana magana ganin yanayin da ya iskemu aciki
yasa isma'il d'in yawatsar da abincin hannunsa ya isa kan d'an
uwansa a gefe ana fad'in, ya ya wa yakashe ka, yakasa
hannuwansa daidai bakin dr. khalifan yana cewa don Allag
gaya min wadda takashe ka nima yanzu inkasheta.
Ban san yaya akayi ba ko shi Dr. khalifan a lkcn bansan waye a
kansa yake masa magana ba ne ban sani ba naji Da kunnena
dai lokacin Da dr. khalifa ke cewa Fatima ta kasheni, fatima ta
kasheni.
Fatima tayi shiru zuciyarta na bugawa kamar lokacin abin
yafaru, daga barrister har malam da ummi dashi kansa d'an
sandan dake tsaye a kansu sun ji'ke sharkab da gumi sbda
tsananin tausayi da tashin hnkali.
Idanuwan fatima sun 'kafe ba zancan hawaye sai tsananin zugi
da rad'ad'i dasuke mata 'kirjinta kuwa kamar zai 'balle dan
azabar zafin da yake mata numfashi na fita da'kyar.
Tunda al'amarin yafaru yau ne ta iya bud'e baki tabada labarin
yadda abubuwan suka wakana.
Sun jima zaune shiru tuni lokacin daya dace sufita yawuce shi
kansa d'an sandan ya kasa cewa sufita hnkalinsa shima a
tashe yake..
Barrister abbas tagumi kawai yayi da tambayoyi a bakinsa,
bakin ya yi masa nauyi la'b'bansa sun bushe da'kyar yake iya
numfashi tare dacewa, shi cikakken lauya ne Kum 'kwararre
mai cin gashin kansa don tuni ya jima da 'kasaita akan aikinsa
sbda matakin daya ta ka nakaratu, irin wadannan abubuwan ba
bakin al'amura bane gareshi, aikinsu nako yaushe jin abubuwan
tashin hnkali amma bai ta'ba fuskantar alamarin dayake
tsananin d'aga hankalinsa da ba shi tausayi irin wannan ba, ya
damu da mGanar 'kwarai dagaske.
Kafin ma yayi mata tmbaya taci gaba da fad'in "Abinda
bakinsa ke furtawa knan har yabar duniya, wato ta kasheni
fatima, takasheni Fatima.
Isma'il yana ihu akansa yana cewa "yaya fatima ce takashe ka?
fatima ce takashe ka? bai 'kara motsi ba yaci gaba da jijjigashi
ko shurawa baiyi ba, tuni jini yayi faca faca akan gadon.
Wu'kar tana hannuna ina tsaye har izuwa lokacin da isma'il
yasake shi yafita baice min komi ba, ban ajiye wukar ba sai
lkcin da yan sanda suka shigo d'akin wani acikinsu yalulku'be
hannunsa da safa yakar'bu wu'kar daga hannuna.
Tayi ajiyar zuciya tace "ba wani abu dana sani bayan wannan
,bbu kowa a gidanmu lokacin da aka kashe Dr. khalifa sai mu
biyu a gidan ni da shi ni kaina na shaida banji motsin kowa